Ha Noi 越南菜

營業中

休息中

今日來到尖沙咀行街，重慶大廈地下有一個小商場，入面有好多不同的餐廳。今日行經這間越南餐廳，看見座位多，而且仲有套餐相當抵食。入座後，看到套餐的確十分抵食，而且又有粉麵，又有小食、蔬菜、飲品等等，正。如果套餐唔啱口味，就算單點食物都相當多選擇，而且價錢也非常相宜。今次點選了優惠二人餐，可以任選兩款河粉或撈檬，仲有一客小食，一個時蔬和兩杯飲品。先講一下野飲～凍檸茶～不過不失，茶味香濃，配埋檸檬，酸酸甜甜，醒胃。龍眼冰～清甜的龍眼冰，透心涼，而且入面仲有好多龍眼肉，正。我們都點選了撈檬～岩曬炎炎夏日，撈檬會加入魚露，酸酸的，非常開胃，而且撈檬的檬粉都清清涼涼，唔洗食住熱辣辣既湯粉，清爽一點。香茅豬扒撈檬，一整塊香茅豬扒放到碗上，超豐富呀，大大塊既豬扒切成了一件件，方便食用，豬扒啖啖肉，好惹味，而且份量又足。除左有豬扒外，成碗仲有超多檬份，勁夠份量，仲有青瓜絲、蘿蔔絲、菜等等可以一起撈檬。所以食起來檬粉會夾雜住蔬菜絲，非常爽口。另一碗是雞絲檬粉，雞絲份量相當多，豐盛，一整碗材料混和魚露撈起來進食，口感口味都大滿足。除外，套餐仲配上一款小食，我們點了香茅雞翼。十分惹味，啖啖肉，好滿足。時蔬都相當

尖沙咀真係多嘢食，重慶下面有個商場，表面上十室九空，但入面其實都有幾間餐廳，容易搵位，不過我今日就去咗河內越南料理 Ha Noi買外賣。越式海南雞飯都只係$68。海南雞冇指定部位，但肉質都夠嫩滑。油飯顏色都好靚。因為係外賣，所以極品牛三寶湯河粉嘅麵同湯係分開上，真係細心。牛骨湯非常香濃，入面仲浸住牛三寶。牛三寶即係生牛肉、牛𦟌同牛丸，生牛肉用熱湯浸熟，夠晒嫩滑。越式炸蝦餅大大件再一開四，可以開心share。越式豬頸肉好有炭燒嘅味道，切得薄薄口感更佳。龍眼冰入面有好多粒桂圓，清甜得嚟又解渴。青檸梳打有原罐梳打水，返嚟自己慢慢再斟，足足有兩杯。