黑門水產すいさん (Fashion Walk)

營業中

休息中

日本居酒屋開到周圍都係，要稍為特色的確要花唔少心思，而「黑門水產」用最傳統地道例如以日系裝潢，帶出更突出既日式浜燒既風味，反而覺得有種置身於當地一樣，呢種體驗就係最地道最正式。👇🏻📌廚 師 推 介 -▪️ 鱈 魚 白 子 - $168▪️ 北 海 道 蜜 柑 鯛 薄 切 刺 身 - $238▫️ 黎呢到一定要試佢地招牌，第一道「鱈魚白子」亦姐係鱈魚精巢，極高營養價值，日本當地極受歡迎，咬落入口極化，口感極度creamy，配搭酸酸甜甜既醬汁，入口清新；第二道「北海道蜜柑鯛薄切刺身」食落完全無魚腥味，而且帶住淡淡既定蜜柑香氣，配搭店家自家製酸汁，我好鍾意。▪️ 海 膽 蟹 味 噌 甲 羅 燒 - $128▪️ 黑 門 大 阪 燒 - $98 ▫️ 呢個「海膽蟹味噌甲羅燒」又係不得不嗌，面頭滿滿蟹膏，連同蟹肉、蟹籽、海膽、鵪鶉蛋、青蔥，店家會將所有野攪勻再一次過燒，一上枱成個鮮味突出，配上梳打餅一齊食，完全帶出鹹鮮味，好滿足；另外「黑門大阪燒」面頭蓋滿木魚絲，配搭沙律醬，鹹鹹甜甜，用黎送酒真係一流。📌食 事 -▪️ 明 太 子 大 魚 炒 飯 - $188▪️ 豚 肉 湯 牛 肉 稻 庭 烏 冬 - $10

銅鑼灣加寧街係Food Street 食街，有唔少好靚好正嘅餐廳，之前同親戚朋友都響度食過幾次，今日我同朋友嚟到加寧街5-7號嘅地下黑門水產食日本野。餐廳唔細間，裡面佈置日系風格我們分別用手機QR code 落單叫了以下食物：鐵板宮崎柚子胡椒香蔥牛舌心 $178唔知點解食日本嘢就好鍾意食牛舌，呢度嘅牛舌切得唔會太厚亦都唔會太薄，啱啱好，鐵板燒牛舌係唔錯的配搭黑門大阪燒 $98大阪燒就份量唔少，入邊有椰菜、蛋，上面鋪滿咗紫菜、木魚絲，熱氣令到木魚絲郁吓郁吓，好動感，入面仲有豚肉片。明太子赤鬼大漁炒飯 $188赤鬼嘅意思係辣既，飯炒得粒粒分明，幾鐘意，而我們都係想食熱飯，所以就叫了這個炒飯。朋友鍾情於卷物，我們又叫了兩個赤鬼海老天反卷 $188炸天婦羅蝦，旁邊仲鋪咗好多醬汁同三文魚魚子蟹籽黑門三文魚加州反卷 $138呢個係主要係朋友話想食三文魚，又係卷物今晚同朋友食了兩個鐘，食飽飽傾好計，開心😃

今日嚟到銅鑼灣呢間黑門水產🤩 係因為我又好掛住日本啦～～ 之前喺尖沙咀嗰間食過好食 知道佢銅鑼灣都開咗間新再決定嚟試吓啦😬 餐牌圖文並茂 見到磯燒我就好開心啦😬 赤鬼蟹味噌甲羅燒 $128甲羅燒係我至愛😍 蟹膏蟹籽三文魚子微辣啱晒我😋燒之前店員仲會拎嚟俾我影張相先 好貼心🤣燒完加埋餅乾一齊食 好好味呀🥹 磯燒鮑魚 $98超新鮮 燒之前仲係識郁 仲要郁得好勁😂 食落爽口鮮味 唔錯👍🏻 磯燒烏賊 $98呢個店員攞埋個烤爐喺我面前燒😍 一邊燒一邊覺得好香😋 最後加埋個醬汁 燒得啱啱好又唔會好乾 好好食😋 黑門鰻魚玉子燒 $98玉子燒啲蛋整得啱啱好 上枱嘅時候仲係出緊煙🫢 甜甜地 加埋鰻魚汁好食 赤鬼海老天反卷 $188天婦羅蝦加埋蟹籽三文魚子同埋醬汁好夾 個蝦食落仲係脆㗎🤩 黑門令關東煮 $98食日本嘢都想飲返少少暖野 關東煮好入味 湯甜甜地 唔錯～ 黑門三文魚加州反卷 $168正常發揮～ 三文魚新鮮 飯卷嘅醬汁調味啱啱好 燒小章魚丸 $78超掛住日本嘅章魚燒🤩 熱辣辣上枱 粉唔會太多 好食😋 黑門大阪燒 $98要食埋大阪燒😬 上面有幾塊五花肉 燒得啱啱好 大阪燒又唔會散晒 味道唔錯

繼尖沙咀分店之後，「黑門水產」進駐埋銅鑼灣fashion walk附近，收工過黎想飲返杯，夠哂方便。而居酒屋設計氣氛十足，食材出哂名以新鮮，簡單調味配搭甲羅燒、活貝盛、浜燒已經帶出成個鮮味。平時做野又辛苦，飲返兩杯在所難免啦。👇🏻📌先 付 -▪️ 蜜糖芥末火炙·安格斯牛肉沙律 - $138▫️ 先黎個前菜「蜜糖芥末·火炙安格斯牛肉沙律」開開胃先，牛肉燒到岩岩好，唔會過熟，食落肉質鬆軟，牛味濃郁，加埋底部沙律菜，夠哂清新。📌黑 門 推 介 - ▪️ 黑門令·極黑鮑海鮮太卷 - $198▪️ 黑 門 大 阪 燒 - $98▫️ 跟住就試埋招牌推介「黑門令·極黑鮑海鮮太卷」，用紫菜包住魷魚、三文魚、吞拿魚、赤蝦、玉子，再連埋赤醋飯一齊食，面頭滲上三文魚籽，成個口感非常豐富，好好食；另外呢個「黑門大阪燒」用左日式醬汁同埋海鮮醬完美融合，面頭既木魚碎好有動感，而裡面餡料用左高麗菜、月非常爽彈，正！📌食 事 - ▪️ 蒲 燒 鰻 魚 飯 - $168▪️ 豚肉湯牛肉·稻庭烏冬 - $98▫️ 食事方面我點左個「蒲燒鰻魚飯」，鰻魚食落厚肉嫩滑，加上濃厚醬汁，唔會太鹹岩岩好，加上大量蛋花，唔錯；「豚肉湯牛肉稻庭烏冬」