但馬屋 (新都會廣場)

呢晚同老公放工去食但馬屋，已經幾年無食啦，因為地點唔太方便我地。平日晚上7點前去到可直入。揀左389黑毛和牛+北海道夢之大地豚。菜，得生菜、娃娃菜、羽衣甘藍、日本芽菜。另外都係一般果啲冬瓜、冬菇、蕃茄、南瓜、本菇、金菇、洋蔥之類。order左一個鰹魚昆布湯。一個蕃茄壽喜燒湯底。昆布好淡 無乜味。蕃茄壽喜燒果個係一pat未溶曬既茄汁⋯⋯好甜，甜到有d假，又食唔到壽喜燒醬油味。佢入面仲有羽衣甘藍，超級苦又硬，全部要夾走。頭果兩盤牛肉睇樣都覺得一般般，可能平時食開牛一果種😩 所以同預期有落差。食落都係一般般，無和牛味、又比較鞋。🫠反而豚肉可以，幾鮮甜，唔算滑，又唔算太鞋。之後追加左牛肉（第一次追加）第二次追加：呢碟比較好，有和牛香味第三次追加：肥到傻😡 點放入口😓 白色多過紅色。最後仲追加左一次，無影相，質素同第一二碟差唔多。截單之後，隔離入左兩個客人，佢地都係389個餐，但佢地頭2碟已經好靚⋯⋯見到真係有唔開心。總評： 加埋一每人都要428hkd，本身係會員都優惠，要儲好多好多分先有。以後寧願俾貴d食返牛一好過🫠 一來菜好少選擇，二來呢間d牛，一係無和牛味，一係好肥，一係好瘦+成條白邊，真心唔好食。我已經點好少豉油，但都成晚好口渴。無下次。…查看更多

無論lunch time同dinner都長期排隊嘅但馬屋 相信對大家都唔陌生 今次佢哋推出期間限定嘅夏祭活動🎏 有得食玩同抽獎梗係要去試吓😆▫️ 入坐前 - Be Happy夏日祭典遊戲🥳呢部釣魚機 相信都係唔少人嘅童年回憶😚 獎品人人有份 永不落空😝🔹🔸遊戲規則🔸🔹於限時20秒內鬥快釣起小魚：釣中6條以上： 大吉- 全單29%off😍釣中4-5條：中吉 - 立減$29加送日本直送夏涼扇凡參與遊戲：小吉 - 夏祭糖果🍬▪️特選黑毛和牛·北海道豚放題套及豪華海鮮盛盒($439)🍲湯底-千夜鍋以堅魚精華長時間熬製而成嘅湯底 清清地更能突顯出和牛豚肉同海鮮嘅鮮味🤤-甘露鍋甜豉油嘅湯底 有啲似食緊壽喜燒咁 令食物嘅味道更濃😋🐮黑毛和牛油脂分布平均嘅黑毛和牛 牛味香濃 一層肉一層脂肪 好有口感 做到入口即融 淥十幾秒食口感最佳😜🐷北海道豚切成薄薄一片嘅北海道豚肉 肉質鮮嫩鬆化😍🦐豪華海鮮盛盒海鮮盛盒有蠔🦪鮑魚 帶子 同埋大蝦🦐 係啲蠔細隻左少少🤏🏻 鮑魚同帶子都唔會韌 鮮味十足😋 大蝦就成隻筷子咁長🤪 肉質爽脆彈牙🥤日本直送懷舊波子汽水波子汽水唔只係小朋友嘅至愛 亦係大人嘅童年回憶🙊 仲有得無限refill 可以飲番夠本🤗🍢夏祭特色小食係個火鍋未滾之前可以攞住熟食嚟食住先🤣 小食有台式香腸 粟米🌽 日式炒麵 同橡皮糖🍬 略嫌小食唔係咁夠熱 種類唔算多所以冇咩吸引力 如果可以一路加熱 同埋種類可以加多少少🤏🏻例如章魚小丸子🐙日式餃子🥟效果可能會更加好🥗自助bar自助bar款式應有盡有 有唔同嘅菇類🍄 蔬菜類🥬 除左普通嘅魚蛋牛丸 仲有包心丸😍 特別推介魚柳🐟魚肉嫩滑 仲冇骨同冇雪味👍🏻🍨甜品甜品有4款Haagen dazs雪糕🍦選擇 包括哈密瓜🍈 夏威夷果仁 芒果紅桑子 同埋黑朱古力杏仁🍫 4款味道都好特別🥰▫️結帳前 - 抽取御神籤⛩每支御神籤到內附下次惠顧優惠 我地就抽到下次惠顧9折嘅優惠卷😉…查看更多

葵芳新都會廣場越開越多食肆，放題反而選擇較小！今次選了日本放題作午餐，假日這家但馬屋都大排長龍，唯有食午餐避開人潮！今次選了午餐一人60分鐘放題，午餐放題由109-189不等，本人選了日本產黑毛和牛189元，他們的放題除了任食主食肉類外還有疏菜及Haagen Dazs 雪糕🍦任食！這次點的黑毛和牛很不錯鮮味而家肉質淋身，所以也追加點了豬肉來吃，和牛當然較美味但個人認為豬也是很不錯的！追加了二碟牛二碟豬要留一下肚子吃雪糕呢！十分滿足…查看更多

每次經過新都會嘅但馬屋，總係被條超長人龍嚇怕，今日至知原來有得訂位㗎！ 但訂位就只可以訂18:00 / 18:30 / 20:00 三個時間，咁放工後慢慢搭車慢慢行嘅話 20:00 其實差唔多啦！ 訂咗位等2~3分鐘就入得 但馬屋提供日式火鍋放題，形式同牛涮鍋相同。相差只係湯底，食品質素同埋服務！先講湯底，有5款選擇 - 鰹魚清湯，甜醬油（Sukiyaki ），藥膳麻辣鍋，膠原蛋白鍋，蕃茄濃湯鍋。 隨個人喜好揀咗藥膳麻辣鍋底，湯底藥膳味道幾濃，但麻辣味就欠奉，咁以一間日式火鍋嚟講，麻辣湯應該唔係咁拿手啦！明嘅！肉類方面有唔同等級嘅牛肉，豚肉（豬肉），今次就揀咗最貴嘅黑毛和牛，黑毛豚肉套餐！湯底以9秒9速度上枱，趁啲湯未滾、肉未到就去自助醬料bar、配菜小食區、飲品櫃攞齊所有“裝備”準備。配菜區有雞件，牛肉粒，粉麵烏冬，各式丸類，菇菌類，蔬菜，樣樣蔬菜都幾新鮮 。醬料區有基本嘅辣椒，生熟蒜蓉，蔥花，醬油，日本酸醋汁，燒肉汁，款式唔多，但款款啱用！飲品櫃有各式汽水，綠茶，烏龍茶，亦有一碴碴嘅橙汁，雜果賓治，滿足各食客口味！一切準備就緒，主角黑毛和牛，豚肉就上枱喇！和牛肉質嫰滑味濃，一碟有十幾塊，豚肉切到紙咁薄，同樣嫰到不得了，入口即溶！encore 再叫黑和牛同樣靚到不得了！唔會好似牛X鍋咁 - 第一碟就好靚，再叫就俾啲肥肉，全瘦肉俾你！但馬屋保證肉質碟碟一樣 甜品區 - Dreyer's.雪糕，一共4款，今日就有芒果雪芭，芝士草莓，Tiramisu ，朱古力，要食就要提早排隊同埋出啲力喇！服務方面，店員勤快醒目，encore 牛肉好快上枱，唔會漏單，食完就收碟，枱面永遠乾淨企理！讚！…查看更多

但馬屋位於葵芳新都會廣場，早前經過見到好多人等位，放棄了今天見到唔喺太多人，於是試下等左 大約15 分鐘，就已經有位了有多款晚市套餐放題，價格由179-329不等，用餐時間為90 分鐘湯底亦有6 款之多，一人一鍋，自己可以揀選喜愛湯底千夜鍋用左鰹魚精華煮成日式清湯，味道鮮美美肌鍋含骨膠原，遭遇合女士既我黑毛和牛，薄薄一片，油脂分佈平均，賣相唔錯食落牛味香濃，幼嫰多汁，配上柚子醬油，味道更鮮黑豚肉，入口爽脆，冇豬燥味，肉質鮮美魚蛋彈牙，鮮味，唔粉，好好味，忍不住要encore 貢丸，菇味濃郁蔬菜、什菇新鮮多汁食埋Häagen-Dazs™ 雪糕，呢餐十分滿足…查看更多

食火鍋放題我一向會肉類質素高既店去幫襯，原因係肥柑子一向眼闊肚窄，食慣好野，唔想將浪費時間同肚皮位置係唔好既食物度。今次幫襯但馬屋，因為知道呢間係日本遠道而來既過江龍，食物質素有保證，所以就算要等位，都一於等到有位入座，好好品嚐一流和牛。首先去到店外已經有人排隊，幸好人數不多，而早一輪食客都已經接近埋單時間，所以只係稍等一會已經有位。入到去發覺裝潢新淨，光猛通透，長長既凍櫃放滿不同種類食物，而且仲有Haagen-dazs雪糕櫃，真係想食和牛前先食過雪糕。我同柑太點左個$298既黑毛和牛放題，我就點了個美肌鍋，她就點了千夜鍋。即是雞湯鍋及鰹魚湯。千夜鍋有清香的鰹魚湯，入口帶點昆布的清香，清甜不膩。美肌鍋有雞肉的骨膠原，絕對是美肌首選。第一輪黑毛和牛上檯，發現和牛油脂滿佈，入湯焯一焯後入口即溶，和牛的牛肉味及油脂即時充滿口腔內，味道令人一試難忘。豚梅肉亦非常嫩滑，即使煮得稍耐，肉質仍然鮮嫩多汁，絕不老韌。這裡最大的好處是可以有大量的羽衣甘藍供食客食用，這種近年非常流行的蔬菜已經成為坊間的健康食物的首選，幾乎任何與健康有關的食物都會和它拉上關係。在這裡卻有一大盤一大盤供你拿回去焯熟，對降低食太多肉的罪惡感作出偉大貢獻。另一方面但馬屋也有比較地道的響鈴，響鈴雖然不算大件，但內裡卻另有乾坤，它的厚度和層數卻非一般可比，入湯滾兩三秒後，仍然可以品嚐到半腍半脆的狀態，可見用料非一般便宜貨可比。而其他丸類中，猶以墨魚丸及蝦丸用料最足，食落的膠質最豐富。雪糕方面，Haagen-dazs的櫃前一直有大班食客排隊輪候，四種口味各具特色，調上朱古力或士多啤梨醬更添風味。而黑毛和牛絕對是可以源源不絕供應，而且質素絕無下降，我整整吃了四次，四次的質量都是一樣的好，實在是非常難得。豚梅肉亦當然不會再添食時落格。用餐時間已盡，仍有點意猶未盡，只好計劃下次再次光顧幫襯這裡的和牛。…查看更多

今日係老公的生日🎂🎊🎊應老公的要求試下呢間成日行過都覺得好吸引的但馬屋日式火鍋🍲😋我地六點半已經到達，門口都堆左六七人，我地兩個人唔駛等位已可立即安排入座。餐廳都幾貼心，雖然坐四人座位，但中間會有塊Petition間開，食得安心又自在。一坐低侍應已經講明入座時間起計90分鐘食用時間，所以我哋要快啲決定食什麼了！老公好利害挑戰藥膳麻辣鍋，而我就選擇甘露鍋因為配黑無和牛最好味👍🏻我哋點了日本產黑毛和牛放題套餐（$289/人），有黑毛和牛/嚴選牛肉/豚肉。選配菜的盤是小木盤，走日本風格。鍋來了。以下是甘露鍋，即係甜豉油。藥膳麻辣鍋👇🏻👇🏻👇🏻睇見都覺得好辣🤢不過老公話唔係好辣，紅棗花椒味比較重。美味的肉來了🤗🤗🤗豚肉👇🏻老公comment十分好食🤤嚴選牛肉👇🏻望到d肉未放入口已經流哂口水🤤最期待的黑毛和牛👇🏻👇🏻🤤🤤🤤🤤望到佢的脂肪分佈均勻，好令👍🏻而且入口即溶....真係好好食！起動了😋一人一鍋可以試到不同味道🥘幾過癮出面有自助bar可以夾蔬菜、菇類、蕃茄、南瓜、冬瓜、海帶、丸類等等...個人口味覺得海帶好好食，而且又健康👍🏻仲有果汁汽水任飲，四款Haggen Dazs雪糕🍦任食。雪糕有新口味，薰衣草藍莓味雪糕，好古怪😕好似食緊薰衣草落肚😅個人建議唔好食咁多丸類因爲都係麵粉好快飽...食多d肉同菜比較好😬90分鐘的時限好快就到，侍應會好貼心咁提早10分鐘提醒你☺️因為餐廳門口已經有接近20人等緊位🤣🤣🤣🤣好大壓力喔🙃星期五的晚上總是人山人海🌊🌊🌊🌊所以我地都好配合地埋單走人！和牛真係好好味啊........誠意推介俾朋友❤️…查看更多

葵芳新開但馬屋，每次經過都想試吓。今日星期日超多人等位（本早上打電話📲去book位，話full咗。要walkin等位）因一心想試等就等吓，要一老一嫩一等就等咗112分鐘。本身滿懷希望去試新嘢，咁多人等位一定有返少少水準。一坐低急不及待嗌咗3款湯底（因在門口等112分鐘時已睇定）。等到上主角「黑毛和牛」時滿懷希望即變滿懷失望，超薄加上濕透（放耐解凍雪水）似濕水紙巾，一夾起以蓉蓉爛爛不成一片。滾3～5秒可食，但薄到冇口感及有少少‘鞋’。完全食唔到所謂黑毛和牛價值所在及配菜款式勁少。唯一滿意就是haagen-dazs 雪糕🍦，有4個味俾人揀。店員服務很好見到鍋少水，就主動加湯。及Order黑毛和牛上得快。環境舒適乾淨座位夠寬敞。食品上超今人失望，不建議去試。如果是牛魔王者就試吓囉！以上純屬個人意見，如有意者不合者敬請原諒。…查看更多

今日去吃牛肉涮涮鍋來由日本的店總是品質保證日本黑毛和牛二九八元是今天之選加上黑豚肉就是大滿足先來一人一鍋選擇湯底我喜歡淡口就要昆布湯千夜鍋你喜歡濃口就要雞肉湯美肌鍋黑毛和牛雪花紋理相當漂亮肥瘦相間肉味突出豚肉呈誘人的粉紅色豬肉味濃質感軟滑去到配料區選擇甚多有各式蔬菜丸類烏冬拉麵等還有雞脾肉魚柳腸仔蔬菜中竟有我的最愛羽衣甘藍飲品區有蘋果汁甘筍汁等另有罐裝的飲品和無糖茶吃罷牛肉豚肉各三盤已經超飽最後去到人山人海的雪糕區有四款哈根大師選擇雪糕質感異常的堅硬要挖到還真的需要點力氣…查看更多