萬發海鮮菜館

營業中

休息中

好耐冇食過大排檔，一直都好想食到呢到最出名嘅黑椒薯仔牛柳粒，今次終於有機會同朋友一嘗呢到嘅地道大排檔風味～風沙雞(半隻)💰HK$138雞皮炸到好脆好薄，肉質好鮮嫩，上面充滿椒鹽～薑蔥撈鮮魚皮💰HK$78第一次食鮮魚皮，本身以為個口感會滑潺潺，點知食落去個魚皮係出乎意料嘅爽脆，幾特，點埋辣椒豉油啲魚皮就更惹味～黑椒薯仔牛柳粒💰HK$138呢到必叫嘅名菜之一，牛柳粒煮到好淋，薯仔比牛柳粒更好食，外層炸到好脆之餘，又比啲滿滿嘅蜜糖包圍住，美中不足嘅係略嫌薯仔嘅中間煮到唔夠淋，不過整體嚟講，成碟餸好夠鑊氣嘅～

大隻仔今次覓食嘅店舖就係💥 萬發海鮮菜館（九江街）💥 好耐冇食過大排檔，大隻仔今晚到深水埗萬發同朋友食晚飯。小菜味道不錯，幾好食，尤其是「黑椒薯仔牛柳粒」真係超級好食，不過當晚食完晚飯後，全晚都非常口乾。另外，大隻仔覺得蒜蓉蒸海蝦唔足秤，詳情如下。🥲🥲 大隻仔比較推薦明碼實價嘅小菜。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️服務 ⭐️⭐️環境 ⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 豉汁蒸白鱔 $148第一碟嚟到就係蒸白鱔，都幾大碟，有12-13件，白鱔肉夠厚，唔會切得太薄，而且肉滑夠新鮮，不過豉汁味道就比較淡。🔥 蒜蓉蒸海蝦 $280$28一両，最少10両起，驟眼睇好似好多隻蒸海蝦，一共16邊，即係其實得八隻海蝦，而且海蝦唔大隻，大隻仔覺得唔足秤，10両應該唔會得8隻中細蝦卦，可能計埋蒜蓉重量先夠秤。😂😂講返味道，海蝦只係一般貨色，普通白蝦，唔算彈牙，但又冇霉既，至於蒜蓉蒸蝦，蒜蓉夠多，但粉絲底味道比較淡，豉油不夠味。🔥 黑椒薯仔牛柳粒 $138超級有驚喜嘅一碟餸，必食，只比較「黑椒薯仔牛柳粒」，應該係深

話說男朋友同屋企成日去呢度食飯搞到我次次都想食 黑椒薯仔牛柳粒😩😩今晚提早慶祝父親節👨🏻終於俾我恨到啦 就係食萬發🤩🤩呢間萬發都算做得成功兩條街 左右馬路都有兩間👍🏻係威水嘅😹😹言歸正傳食萬發 我當然唔會錯過呢個機會第一個菜就點左黑椒薯仔牛柳粒 🥔要嚟配酒食🤣上菜速度都算快 一上到嚟 仲係熱辣辣架 熱到食唔到🥔啲薯仔係外脆內軟 應該係炸過 啲牛仔粒 淋而入味 而佢又唔似係用發粉醃到咁淋 之後我哋點左風沙雞 🍗隻雞就算炸過都唔會好乾好鞋 啲肉仲好滑⋯不過就原本以為熱辣辣嘅 但發覺 啲皮係熱 但啲雞肉仲有啲凍⋯下次應該要整熱啲會更好⋯仲有點左燒鵝半隻 肥美 男朋友屋企人次次都點🤣椒鹽黃金蝦 佢地新嘗試⋯味道唔錯 香脆 肉爽兼且大隻⋯金銀蛋莧菜 但冇影相 都唔錯😃😃

唔好以為只係男仔先會係大排檔把酒暢談其實女仔間唔中都會去大排檔食下小炒-我呢 閒時相約幾位姊妹去大排檔飲下啤酒食下小炒甘 都係一大樂事-今次介紹...黑椒薯仔牛柳粒-開頭都以為好重口味食落又覺得ok喎 黑椒味又唔太重好夠獲氣 仲好大碟添但薯仔多過牛柳粒而且牛有小小韌😅不過最正既都係d薯仔薯仔皮好脆👍🏻呢個菜式必叫 因為我見枱枱都總會有一碟🤣

不少年輕人群聚的餐廳, 平時要排很久, 今天卻不用等.但是被安排的坐位是較遠的地方, 而且沿路周邊環境很污糟我們一家人叫了招牌的黑椒薯仔牛柳粒, 西檸雞, 金銀蛋莧菜 等等..每碟的味道都很突出, 但是有一點偏咸. 5人叫了4碟菜, 最後都吃不完, 要打包拿走.雖然食物質素不差, 但是侍應的態度有待改善, 她表現得很不耐煩.

黎到呢度到就知一定要叫黑椒薯仔牛仔粒。薯仔有層蜜糖係面，甜得黎舊薯仔又炸過，好香脆，外脆內軟，牛柳粒相比之下就失色左，雖然都煮得幾腍又入哂黑椒味。呢碟野絕對唔係浪得虛名 隻雞唔係肥仔，唔會好肥好溜。雞皮薄得黎又炸到脆脆地，咬落啲雞汁咇哂出黎，高質。 因為之前已經食過薯仔，所以唔會覺得好特別，當然係好好食喇。但令我驚喜既反而係碟通菜，無諗過佢咁爽口，我係咁夾呢碟菜，仲要勁大碟大驚喜！ 作為鮮魷愛好者，呢個鮮魷係尊貴級既level。鮮魷夠新鮮，爽口彈牙，又唔會炸過頭，炸到岩岩好，勁香口，又係會係咁食既一碟餸。 相較之下碟拼盤就有啲失色，但水準仍比一般好，亮點係啲腎，超！級！爽！口！ 真心覺得比起肥姐啲腎仲爽。 一個字，鮮。 一望都知呢個係炸得好勁，好食但太熱氣，第二日喉嚨痛。粒粒蠔都有返咁上下大，又夠鮮，但下次會轉試桶蠔。 講明先，呢間絕對唔係食環境/服務，好岩一班佬黎邊食邊飲啤酒🍻但食物的話，可以話整體都好高水準，絕對值得食

4個女仔黎到左呢間已經打通左3-4個舖位既大排檔都仲有人等位咁就證明一定要試下啦因為食得唔多既關係 叫左3個餸-  黑椒薯仔牛柳粒 (必點!)-   蠔餅-   雞絲粉皮-   人頭飯黑椒薯仔牛柳粒超級鍾意，亦真係真心推介! 佢雖然微辣，但係當配一杯冰可樂加上薯仔有少少脆，非常適合配飯!大排檔點蠔餅係我必定要做的事，粉少、多蠔對我黎講就係好既蠔餅。而我係呢到絕對食到一個好既蠔餅，好多蠔因為!同埋粉亦都少，而每碟餸都算大碟，基本上4個人3碟係岩岩好~ 因為太好食既關係，我仲放棄左1/3飯而不斷食餸XDD

無敵薯仔牛柳粒加芝士澳龍伊麵❣️夜晚7點幾好好彩去到就有位，之後就full左了黑椒薯仔牛柳粒❣️薯仔是主角，有少少硬，不過夠脆，加埋面頭的蜜糖，停唔到口！牛柳好瘦冇肥膏岩晒小妹HKD108芝士龍蝦伊麵❣️可以揀波士頓or澳洲龍蝦 （前者HKD298/隻，後者HKD45/兩) ，揀左一斤十兩的澳洲龍蝦！多肉！多汁！鮮甜！彈牙！芝士又多又濃！加埋伊麵底，超大碟，4個人都食唔晒。龍蝦控！係時侯！HKD1170蒜蓉粉絲蒸蟶子皇蒜蓉粉絲正，不過聖子有點overcookedHKD48/隻海味什菜煲3，4款菜加粉絲加蝦米魷魚，份量大，味道正正常常HKD88p. s. 唔收切餅費，好多枱都帶蛋糕呢唔洗加一，所以冇服務都可以接受萬發海鮮菜館深水埗

如果想一大班人聚會吃餐飯，來萬發都係唔錯的選擇，食物都幾好吃，尤其是係個黑椒薯仔牛柳粒，個薯仔係炸左再調汁，好入味😋😋! 八人一起吃，每人除返開只係大概120元。.P.S. 熱鬧、待應很忙、好大煙味，可能因為我們咁岩係坐樓上二樓。好多人排隊等位，最好早點訂枱！.我們叫左七大菜式：🍴蒜蓉炒西蘭花🍴風沙雞🍴沙拉骨🍴金銀蛋莧菜🍴椒鹽鮮魷🌟🍴魚香茄子煲🍴黑椒薯仔牛柳粒🌟🍴可樂🍴白飯🍴Ashaki

嗰日上網見到有人介紹呢間嘅黑椒薯仔牛柳粒， 我本人非常之鍾意食薯仔所以好有興趣。 嗰日同女朋友一齊去食， 叫咗三個餸分別係， 椒鹽九肚魚， 魚香茄子煲， 同埋主菜嘅黑椒薯仔牛柳粒， 仲有兩碗飯。 上菜都幾快，但係一上菜就知道出事啦， 因為三個餸嘅份量都好多 兩個人一定食唔曬。 但係點都要試曬三個餸， 先講個椒鹽九肚魚，正常水平，唔算好特別，但係都好食。再講個魚香茄子煲， 用煲仔上令到d茄子有煲仔嘅香味，都幾好食。 最後係黑椒薯仔牛柳粒， 薯仔有稍微炸過，外脆內軟，牛柳粒非常嫩滑多汁， 之後再用蜜糖炒過，成個餸非常好食。 最後我同我女朋友 就食曬椒鹽九肚魚同埋啲黑椒薯仔牛柳粒， 將啲魚香茄子打包拎走。 非常滿足嘅一餐。

今次來到深水埗受歡迎的大牌檔檔大到橫跨對面街幾間舖位都係佢的 算好多位星期五晚都可以walk-in黑椒薯仔牛柳粒 | $108招牌貨之一牛柳粒的確非常嫩 一點都唔鞋亦冇根薯仔粒微炸過 好食不過醬汁有點偏甜 黑椒味欠奉椒鹽九肚魚 | $108九肚魚好嫩滑 但炸粉偏散薄夾起就已經散哂失去脆感椒鹽味不足 味道偏淡·啫啫通菜煲 | $88熱辣辣好惹味 通菜夠爽口豉椒炒蜆 | $88辣味搶了豉椒味 而且蜆有沙 有點失望海蜇手撕雞 | $98海蜇粗大勁爽口 雞肉嫩滑味道幾好但偏油·整體來說食物較為一般 有少少失望

紅頭葱撈起雞雞肉煮得太熱過老，好韌，紅頭葱分量不足夠，不太能食出葱的香味，整體以言味道偏淡，只能用另上的薑蓉吊味，而且隻雞一D都唔熱的，最後我地都剩低幾件。 椒鹽鮮魷雖然只係微暖，但仍然保持到脆口感，鮮魷外層粉張好薄，剛剛好包裹住魷魚，香脆又爽口！ 拍蒜豬油渣炒菜心豬油味香，豬油渣配上菜心食落一D都唔肥腻，菜心爽甜又香味十足 黑椒薯仔牛柳粒全晚最受歡迎我地嘅小菜，薯仔外層脆卜卜，應該係用油炸過，仲有層薄薄的蜜汁，令人食完一粒又一粒，欲罷不能，可惜牛柳粒過火左，比較韌，較為遜色 蒜香骨蒜味十足，但溫度只係微溫，所以口感偏硬，溫度影響了口感 整體餸菜溫度只係微暖，甚至係凍的，應該都係預先煮好，等有客落單再上菜，所以大大影響左餸菜的味道，大致餸菜好惹味，配白飯一流!

想地方乾淨啲，又想食到大排檔嘅風味，嚟呢到就啱哂啦~我次次嚟呢到，都必點呢個薯仔牛柳粒，真係好好味架~佢個薯仔係炸過黎既，加左蜜糖黎炒，所以keep到口感脆得嚟又好香口!黑椒牛柳粒又厚又冧 又juicy， 撈埋啲蜜糖薯仔，甜甜地超惹味~其他小菜都唔錯既，酥炸小棠菜幾得意，中間夾住左啲魚肉入餡，口感非常鬆脆!炸魷魚好香口，而且好夠脆，完全滿足到食炸野既欲望!個風沙雞既肉質都夠滑既，配埋啲香料，覺得好似黑白配咁夾😂 

配角比主角更出色搶埋風頭嘅事成日都有，例如《頭文字D》嘅杜汶澤，又例如萬發嘅黑椒薯仔牛柳粒入面嘅薯仔。成班人想食大排檔，有朋友提議不如食萬發；嚟到一坐低餐牌都未睇佢就話一定要食薯仔牛柳粒，仲話薯仔好食過牛柳粒𠻹。我嗰陣心諗：你想食多啲牛柳粒咪直接啲囉，唔使出口術喎師兄。結果碟餸一嚟到，佢又真係第一啖就食薯仔，咁我呢啲唔執輸嘅梗係跟住食薯仔啦。佢冇呃人，真係幾好食。點好食法？老套啲講外脆內軟囉，但煮到外脆內軟又唔係咁易啊是葉師傅，但萬發做到；唯一美中不足嘅就係個汁/芡略嫌太過黏嘴痴牙。咁牛柳粒呢？你覺得周杰倫演《頭文字D》演成點？唔會嘩一聲，一般大排檔水準啦。

大家好耐也未試過大排檔風味，所以就安排在大排檔集中地深水埗食，其中有屋企人吃過萬發海鮮飯店內的黑椒薯仔牛柳粒念念不忙，於是就選擇萬發海鮮飯店。店內充滿舊店的歲月痕跡，座位都是背貼背，但大家也早已預計，所以並無損雅致。這裏招牌菜式黑椒薯仔牛柳粒，牛柳粒軟淋，薯仔粒外面脆卜卜，蜜糖味恰到好處。即燒乳豬例牌，片脆內嫩，但略嫌有少許豬騷味。椒鹽鮮魷，鮮魷不會過火，蒜香味十足。本打算叫啫啫通菜煲，但剛巧當天沒有通菜，就初嘗油麥菜，啫啫配上油麥菜，都好配合。魚香茄子煲，略嫌油膩及無鹹魚味。薑怱生蠔煲，生蠔肥美。風沙雞半隻，蒜香味十足，片脆肉嫩。生炆頭腩，賣相不太好，魚有太多骨，反而配菜豆腐，腩肉非常入味。