愛文生

營業中

休息中

深水埗有好幾間大排檔都好出名，除咗香港人，亦十分之多遊客去食，今日就去聞名已久嘅「愛文生」試吓，但估唔到都幾失望。環境原來佢有好幾個鋪位，十分之大，舖位之間係唔連住，今次就坐到去比較遠嘅位置，不過好彩唔使等位。黑椒咸豬手 $148好大份，上枱仲係「咋咋」聲，肉質都算脬，用刀好易切得開，一食落去味道比較鹹，黑椒味出，都算唔錯，但如果食得比較淡味嘅人就會覺得太重口味。椒鹽炸鮮魷 $98上網見到評論好似唔錯，食大排檔嘅話，椒鹽鮮魷係一道好分得出餐廳高下嘅菜式，所以就叫左。但一上枱已經失望，因為炸粉太薄，係薄到包唔住所有嘅魷魚，炸粉唔夠脆口又唔香口，魷魚正常冇特別，好普通。黑椒薯仔牛柳粒 $98想必食薯仔牛柳粒都係因為「萬發」，所以食大排檔都會想叫呢一味餸。薯仔份量十分之多，但牛柳粒就好少，亦唔係粒嘅形狀而係一片片牛肉。薯仔外層唔夠脆，裡面唔夠軟，做唔到「萬發」嗰種水平，牛肉片冇特別，只係覺得成碟都好鹹，唯一可取之處就係大碟，都幾失望。總括來講，名氣比實際大，食物都比較重口味，我比較食得重口味嘅人都覺得菜式偏鹹，只係得份量大取勝，比我再揀就唔會再嚟幫襯了。附：餐牌

原本係同朋友同埋女朋友一齊去食日本嘢係深水埗食個咩魚生飯但由於見佢門口多人排隊而朋友話從來未食過大排檔 我心諗 係咪香港人黎 點會未食過架所以今日帶佢食一間我覺得好好味嘅大排檔 就係愛文生門口都有啲人等緊位所以我都要去拎飛仔等去到女朋友話有啲熱 我話趁而家冇咁熱要去食有機會坐街 但好好彩 我地係坐鋪入面大排擋風味坐底睇下餐牌 洗下碗筷門口出面係有人洗碗隔離仲有兩個爐有人炒緊嘢都幾大油煙 有啲都幾嗆呀陣味原來有Facebook 而家望返張相先見到餐牌幾多嘢揀有頂金帽係招牌菜式寫住 想試晒 但得三丁友食唔到咁多同埋知呢到份量足 所以都冇叫白飯黑椒豬手一黎就重頭戲一個鐵板上嘅豬手 上到枱仲滾住架個啲汁呢獲真係jap jap聲個汁好好味 佢辣得黎 有差少豬手嘅咸味送飯一流但我地冇叫飯佢個豬手都大把 好多肉 唔算好咸 味道上好大眾化 應該人人都接受到 啖啖肉 滿足感滿分 絕對係一流之作用後變成咁差啲連骨都要輪埋架喇椒鹽炸豆腐一款佐酒小菜惹味 入口有椒鹽但唔算勁咸反而豉油可以唔駛點咁多口感一流送酒好夾 因為我地有叫到藍妹飲朋友話呢碟都好好味 送酒好夾薯仔牛柳粒牛柳入口好冧好軟一口牛咁 肉質幾嫩 易

最鐘意大排檔,, 因為要食就食有鑊氣既炒餸。有時候，一大班人要考慮食晚餐，確實不容易，去到等半粒鐘就拎到位。非常期待，一坐低就已經落到單(一早想好要食甚麼)一定要食生炒骨><酸甜開胃，這裡的外脆肉軟，醬汁酸甜度剛好。椒鹽魷魚同椒鹽炸豆腐，當然用來配啤酒。炸得香脆夠乾身，可惜椒鹽味道稍微淡了些。魚香茄子煲撈白飯一流，這裡的茄子有口感，真係唔會過份咸，當然肉碎連汁都好食到見底。最重要夠大碟！！小炒王 - 好食,, 沒有太特別。然後點了些,, 略為普通菜 - 薯仔牛柳粒同時菜炒魚鬆,, 滿足下友人想吃家的味道嘛。黑椒豬手：人人都點因為人人都想食，這裡整得夠味又不會太咸，肉軟易切，豬肥肉沾滿醬食就完美。水煮牛肉片：超級正，愛吃辣的人一定要點個超級餸><香味超濃，未食前已經流口水，每片牛肉都夠麻夠辣，越食越過癮。當然大豆芽沾滿辣汁，食到停唔到口。=w=呢餐好滿足喔,, 同一大班人說說笑笑，只有去大排檔先可以滿足到。環境算舒服唔會太焗，上菜速度快，d餸夠大碟又好食，真係食得過。

之前食過一次呢間大排檔，當時仲要坐正係大廚後面，望著火光紅紅的爐頭，睇住師傅拎住重重的鑊炒餸，四周都是嘈吵的炒野聲，感受著熱熱的火溫度，什有味道。今回正當盛夏，所以如果可以的話，當然最好可以坐入去冷氣舖內啦。為了免於排隊，我們六點多已到店內，先到櫃枱取枱。前後俾左兩張枱號我們，怎知兩張枱都俾人隨意擅自坐下，最後安排我們四人坐於內堂。時間雖然只是六時多，然而只有少數枱並沒人用餐，大致上已滿座。還記得上次我們兩人只是要了三個餸，分別是椒鹽鮮魷、什菜煲及黑椒薯仔牛柳粒。今次我們四人要了五個餸，分別是蒜蓉蒸鮮魷，微辣什菌鷄煲，椒鹽炸豆腐，黑椒咸豬手及金菇蟹柳西蘭花和四碗白飯。其實我覺得個鷄煲同鐵板豬手都幾好食。前者有少少微辣，鷄也不鞋，惹味，只是油略多；後者很林身，如黑椒味可再強些更好。至於椒鹽炸豆腐份量很多，但略嫌過火了，皮也不嫩滑，要食椒鹽炸豆腐我會推薦越華會，因為越華會炸的真嫩滑。建議想到此食肆吃飯的食客可以就早一點用饍，晚了就要等位啦。

其實吃過愛文生多次，第一次來是經當時的同事介紹，說明星足球隊都經常來光顧，所以就跟同事放工後一起來吃晚飯。自此，就愛上愛文生，夠「穫氣」的味道，雖然粗豪，但不會吃到一半就催趕你結帳的侍應。因為跟朋友吃飯，基本上都不會重覆去同一間食店，所以我都會跟不同的朋友來愛文生，幾年間，平均每年也會來吃一次晚飯。今晚有朋友生日，我又提議來愛文生，因為他們都沒吃過，所以都欣然答應。愛文生平常星期一到四都可打電話訂座，唯星期五，六，日因為食客較多，就只可以來到才取位。是晚是星期日，因為我們一行四人，怕沒有位，所以就相約19:00在愛文生先到先取位，因為時間尚早，所以我們獲安排坐進店內，雖然是大排檔形式，但店內空調也非常充足，八月天也不會覺得熱。黑椒咸豬手($118)黑椒豬手用鐵板上，送上桌時還熱騰騰，一縷縷青煙從豬手冒出，黑椒味混和著豬的香味噗鼻而來，令人食指大動。由於豬手太大隻，所以先用刀把它的肉和骨分離，刀雖然不算鋒利，但刀一切下，肉就應聲分離了，証明豬手都被烹調到非常軟稔的。看看豬手內嫩紅的肉，不是豬手還未煮熟，而是肉煮得剛熟，大廚就立刻把它撈上來放在鐵板上，讓鐵板的熱力使肉慢慢熟透，所以吃起來，