愛文生

朋友一家在澳洲回港探親，我們幾個朋友一定要見一見，聊聊天。外國回來，當然很想吃地道的菜式，所以我們就來到「愛文生飯店」大排檔吃晚飯。🕊️ 椒鹽九肚魚 外脆內熱，一點也不油膩。九肚魚肉質嫩白又新鮮。🕊️ 咕嚕雞球 我最喜歡吃，一點也不會有死酸的感覺，亦都不會太多面粉。🕊️ 黑椒薯仔牛柳粒 由於我不吃牛，我只吃他的薯仔，薯仔很入味。🕊️ 椒絲腐乳炒時菜 今日時菜是通菜，腐乳炒通菜一向都是絕配。腐乳分量剛剛好，菜好新鮮。🕊️ 家鄉小炒王韭菜芯、魷魚、腰果，火喉十足。🕊️ 招牌黃金虎蝦蝦肉又彈牙又新鮮。🕊️ 豉椒炒聖子皇 份量超大，新鮮！蟶子沒有沙，啖啖肉。🕊️ 黑松露瑤柱蛋白炒飯主要點給小朋友吃，炒得好有鑊氣，我們前後點了兩碟 🤣🕊️ 山渣檸檬 吃得太多當然要消消滯，山楂檸檬一定是不二之選。整頓飯都超好吃，也十分超值。大排檔絕對是香港的文化遺產。…查看更多

本人好少寫食評，但係呢個真係好離譜，平時都唔會專登去食大排檔，今次為咗朋友嚟香港，想先試試再決定帶唔帶佢去。後悔冇叫到咕嚕肉，見到其時食評說還可接受⋯⋯呢4味只有牛柳同蝦過得去，未食過咁鹹嘅小炒，避風塘竟然唔香，最差就係個椒鹽炒鮮魷，竟然極多粉極少魷魚，仲有嗰個小炒王，非常之鹹非常之油。真係唔係好明白點解都仲要排隊。我好希望睇緊OpenRice嘅朋友真係相信呢個留言，呢個係一個比外國人嚟消費嘅地方，竟然仲見到nvidia Jensen既相，睇嚟佢都應該係俾人昆咗。亦都唔明白點解OpenRice有咁多正評，如果真係有心想睇吓係咪值得嚟嘅話，我推薦大家都去睇吓有幾多個負評先再做決定。…查看更多

個仔喺外國返嚟，話好懷念以前嘅大排檔食物。見到愛民生好多推薦，就嚟試吓。叫咗八個餸，好壞參半。最差避風塘炒蟹，炸到乾爭爭，幾乎食唔到肉。椒鹽鮮魷，油同粉多過魷魚。豆腐斑腩煲冇味，炒飯冇鑊氣。豉椒蟶子，鹹蛋黃肉碎炒苦瓜，咕嚕肉同薑蔥桶蠔還可以。最好嘅係氣氛。 …查看更多

突然好想食大牌檔，太耐冇嚟，特登揸車去到已經見到門口企左好多人！泊好車，見到而家好先進，有電子版攞飛😀大約等十張細枱，拎本餐牌睇定有乜食，等咗半個鐘左右就有位。坐低後，係用QR code 點餐，點咗黃金尤魚，咕嚕肉，蝦醬炒通菜，可惜乳鴿已經賣晒。見到隔離枱食剩好多嘢😳全場好多內地遊客同外國人，可能係社交平台嘅威力！啲餸菜都好快上枱，叫支啤酒🍻啤啤去，咕嚕肉一般，皮唔脆肉有un,黃金尤魚先誇張，勁多粉，舊尤魚咬唔開架🥶🥶🥶唔怪之得隔離枱食剩咁多嘢，遊客多過本地人🫣…查看更多

今日屋企人生日去咗食愛文生，因為我哋都好鍾意食小炒同中式小菜，所以就揀咗呢間喇🙌🏻我哋四個人叫咗蒜蓉粉絲蒸蟶子王($78/1)，小炒王($108)，椒鹽豆腐($78)同埋薑蔥蠔煲($208)蟶子皇嚟講，我覺得偏細隻，味道正常小炒王好食🤤，有鑊氣，亦都好大碟好足料薑蔥蠔煲味道都唔錯，可以再濃味啲🙈同埋啲蠔都好大隻🙌🏻🙌🏻椒鹽豆腐都好食，唔會好油，外脆內軟嘢飲，我叫咗龍眼冰，屋企人飲啤酒，我覺得個龍眼冰唔太甜，價錢都算合理，下次應該會想再試埋其他小菜☺️整體我會比80分💙…查看更多

哩間食左唔知幾多年啦，全部都係正宗香港大排檔菜式，不過基於近十年多左世界各地遊客幫襯，都多左好多新派菜式！與時並進都唔錯嘅，現在香港嘅大排檔真係買小見小，用明火生鐵鑊炒菜，菜式好有鑊氣！愛文生1956年至今，真係見證香港時代的變遷。而它留住了好多代人的胃同回憶，被譽為深水埗的美食地標，真的一點也不過分。我們要繼續支持香港小店！…查看更多

今晚和家人來吃晚飯，吃了豉椒炒蜆，有些偏鹹，黑椒豬手，沒什麼特別，薯仔牛肉粒，幾樣菜中最差的一個，沒味加上薯仔有些硬，最好吃算是雜菜煲了，正常發揮，4個菜加2碗白飯加1枝啤酒，5百多元，不過不失，至於服務，最入內堂姐姐服務態度不錯，香港其實有很多店比這家煮得好吃，只是不是大排檔模式，不能給遊客看到廚師炒菜情況，未能讓遊客感受到很有鑊氣吧了！元朗我也吃過比這店好的食店，這店被網紅誇大了，沒吃過可以一試…查看更多

Sorry 因為全部賣相都唔得，所以無影相星期六嘅晚上，我哋一行4人大約6點幾去到，等咗大約5-10分鐘就有位，都算幾快我哋叫咗5樣野1. 豉椒炒蜆 $13x(好似係）唔係生炒的，係烚熟咗啲蜆先炒，個汁偏甜，但比起其他餸，呢個算無乜問題。2. 蒜蓉粉絲蒸蟶子皇 $78/1隻 最少要叫2隻唔知佢對皇呢個字係咪有咩誤會，賣$78/1隻，你都比返合理size 人哋丫，上到嚟個size 同平時唔太大隻拎去豉椒炒嗰啲差唔多，個蒜蓉好喊，蟶子好韌，完成對唔住個價錢。3. 什菌菇扒西蘭花 （最好食）成晚最好食呢個餸，無過鹹，菜夠爽4.椒鹽鮮魷粉厚同埋又係好韌，咬唔開5.招牌菜黑椒薯仔牛柳粒呢個餸精彩啦，我哋明明見到佢拎去其他枱嗰啲都好大碟，但係我哋嗰碟好細碟，佢一放低，我都嘩咗一聲，差咁遠嘅？然後我哋4個人一人夾咗一舊，我夾嘅係薯仔，非常鹹，鹹到我即時吐出，然後其他人都係同一反應，但反應無咁大，咁我諗住可能兜唔勻啦，再夾多一舊咬少少，都係一樣，咁我就叫人埋嚟，然後佢話，你食咗咁多先講？我話，我哋4個人一人試咗一舊，我呢度仲有2舊係吐返出嚟架，然後不斷話我哋食咗好多，咁我話，咁你放返低啦，我唔駛你處理喇，佢又唔放，仲不斷講我哋食咗好多，然後又拎走，好晦氣咁話「唉，換比你喇」，但最後，我哋起身埋單走，亦都冇叫佢退返個碟錢！但係呢間真係冇下次！身為香港人，我自己都好鍾意食大排檔，由細到大食唔少大排檔，但呢間做到出咗名，個質素每次嚟都係下降，仲點保存香港特有嘅特色。…查看更多

見社交平台多人推薦的大排檔，剛好路過決定試一試。掃碼點菜當然要揀菜單上有「屋仔」推薦的餸，三個人點咗四個菜：豉椒炒聖子，家鄉小炒王，黑椒牛肉薯仔粒，紅燒乳鴿。大排檔出名上菜快，效率高，份量睇落都大碟。豉椒炒聖子：聖子都算大隻，無沙，不過好重泥味，就算豉椒炒都未能遮蓋。家鄉小炒王：好大碟，不過食到最尾發覺有一半係菜脯，味道都可以。黑椒牛肉薯仔粒：薯仔過油入口軟熟，幾香。牛肉粒炸過火，好似食牛肉乾肉質太干，好彩唔算硬。紅燒乳鴿：大失望，又干又柴。好彩只叫一隻試水。…查看更多

香港地大排檔已經少，還在街邊鐵皮檔炒的小菜更加少之又少。要去大排檔我第一時間會想起「愛文生」。鑊氣夠火喉足上菜快。黃金鮮魷魚鹹蛋黃香口魷魚略嫌細隻，所以欠彈牙口感。豬膶田雞啫啫煲豬膶熟度剛好爽口彈牙，有鑊氣。豉椒炒蜆蜆不夠肥一般般麵豉魚雲煲薑蔥惹味夠香口，魚雲沒有腥味新鮮。薑蔥蠔煲炸大腸比較韌好有嚼勁小炒王多芡汁欠乾身海鮮雜菜煲湯底夠清，海鮮尚算頗多。…查看更多

有朋友到香港，決定帶他品嚐本地滋味大排檔。愛文生已經聽咗好耐，有好多報章雜誌報道，也有許多KOL推薦過。也見到有一些香港知名廚師都介紹過。當天星期六，9:30左右到，但最後都不需要等太耐，五個人坐了一張大枱。即時點了自己鍾意食的海鮮如豉椒炒蟶子、椒鹽鮮魷和避風塘炒虎蝦，另外仲有點了這裏比較出名的黑椒薯仔牛柳，仲加了咕嚕肉同埋蒜蓉炒菜心。每樣菜都煮得炒得非常好有鑊氣。我哋再點了好多支啤酒及一支白餐酒。朋友從泰國過來，大贊這個大排檔有特色餸菜煮得好！大贊整個體驗！…查看更多

食咗黃金鮮魷 鮮魷好韌， 鹹蛋黃好少 ，而且仲油淋淋 叫咗蝦醬通菜 ，通菜油淋淋 蝦醬另外 兩枱完全係 冇炒過 揚州炒飯 飯好硬 三隻蝦 完全 好差 腰果肉丁仲離譜 咁簡單嘅菜式都可以炒到人混混 腰果肉丁 就畀咗雞肉 嗰啲雞肉仲好大陣雪味 完全冇鑊氣 佢好出名嘅小炒王我哋都有叫 都係完全冇鑊氣 求其兜兩兜就畀你 避風塘茄子 係冇 炸蒜 淡茂茂 可以話一間完全唔合格大排檔嘅食肆…查看更多

💙深水埗街邊大排檔💙💙即叫即炒，勁有鑊氣！💙(文末附免排時段)🤰🏻Melo大推指數 (5分滿分)✅✅✅✅☑️- 油鹽水瀨尿蝦: 第一次咁樣食，勁鮮甜！又大隻- 姜蔥炒蟹: 肉蟹好甜，蔥都炒得好好食- 豉椒炒蟶子: 雖然細隻啲，但好肥美，又鮮如果想嚟食，又唔想排咁長，記住早啲嚟食6-7pm嘅星期日較好！華明大排檔，對環境上就唔可以要求咁多㗎啦，但係又有得吹住冷氣，又有得食大排檔嘢食，呢間都真係算係咁！…查看更多

🍽️ 愛文生 (深水埗)旅客必打卡大排檔 小炒全部勁有鑊氣 環境勁有氣氛 熱熱鬧鬧飲酒食嘢吹水🫶🏻🍽️豉椒炒蟶子 $198蟶子好新鮮 沒有吃到沙 而且份量算多招牌黃金虎蝦 $208唔算太濃的咸蛋黃味 但蝦又大隻 炸得又脆黑椒薯仔牛柳粒 $138薯仔同牛柳粒應該炸過表面 有層焦香的脆皮但個人比較鍾意有埋蜜糖家鄉小炒王 $118正常味道 但比起出面餐廳的較有鑊氣 滿滿的料乾炒牛河 $78是日最推薦 油得來剛剛好 而且真係有食到鑊氣翻炒的味道 牛肉很嫩滑多汁 河粉濕度剛剛好味道 : 🤎🤎🤎🤎🤍環境 : 🤎🤎🤎🤎🤍服務 : 🤎🤎🤎🤎🤍CP值: 🤎🤎🤎🤎🤍🍽️ 愛文生 (深水埗)📍 深水埗石硤尾街1號地下B-C號舖…查看更多

做左深水埗街坊半年，終於食到男女老幼、陀地旅客都排隊嘅愛民生，好有鑊氣～基本上快、靚、正、價錢相宜都做到哂了嗰晚大家收工去到都好晏了，約10:20pm,雖然有啲菜式都sold out但仲有好多選擇的～當晚sold out有炒蜆、西檸雞，最後我地叫左啫啫豬潤雞好食 豬潤熟度剛剛好椒鹽豆腐佢會另外附上一碟喼汁，冇諗過原來都幾夾肉片炒河會另外附上一碟辣椒醬，撈咗落個面入面，唔太啱朋友口味，不過我由細到大都好鍾意食辣椒醬，所以覺得都幾好食…查看更多