鋿晶館

近年飲食業市道艱難，很多餐廳結業，但中小型的點心舖數量卻似乎不跌反升，可能吸納了一些傳統大型酒樓的生意。點心向來是遊客來香港必試的菜式，這間點心店座落在彌敦道地面，交通方便，也可算是遊客店。不過當日所見除了內地遊客外，也有我們在內一些本地人光顧，店員都懂得以純正廣東話對答。我們叫了兩個「住家貞金鳳飯小食自主套餐」，$66一個蒸飯加兩籠點心，非常實惠。鳳爪排骨飯 ★★★★✰蒸飯份量不算大，不過都有約一碗多些白飯，幾粒有肉的排骨及兩隻鳳爪，都算茶樓標準配置。各樣材料味道不過不失。煎蛋牛肉飯 ★★★✰✰牛肉是點心牛肉球那款牛肉，雖然加了芫茜碎增加香味，但略嫌有一點鬆肉粉味。面頭的煎蛋也放得有點隨便。 剁椒班粒餃 ★★★★★香港點心中魚餃比較少見，稍有魚味的班粒(雪味不明顯)配上清新脆口的彩椒粒很夾，味道很有驚喜。黑松露北菇燒賣皇 ★★★★✰從照片可見有一大隻鮮蝦，都幾爽口，上面的黑松露醬則有點多餘。秘製叉燒包、雪山叉燒包 ★★★★✰上菜時包餡還是熱騰騰，以叉燒包來説已經成功了一半。雪山叉燒包的外皮也算脆身，而且包皮及餡料鹹甜適中，確實不錯。當天店員稱冷氣壞了只能開風扇，環境上略為扣分。不過當天我們坐在靠窗的卡位，坐得尚算舒服。食物質素不錯，而且以市區核心來説價錢頗實惠，叫了多款點心大家都食得飽，最終都不用$100/人；單憑這點，都值得推薦這間點心店。…查看更多

假日想食點心，就亂咁上OpenRice 搵食啦，咁就挖左呢間點心店出黎啦，佢位置頗接近旺角中心，地點就腳。舖面呈四方形，餐廳正向彌敦道大馬路，樓底算高，舖面光猛，裝修簡潔。而內裡枱凳擺位係茶餐廳既格局，三邊卡位，中間就放四人枱，枱同枱之間既擺位尚算闊落，坐落尚算舒適。我既用餐時間係三點幾，當時舖內只有四至五枱人，在樓面工作 連收錢侍應 加埋只有4位，見佢地都頗忙碌，收拾，上菜，入單，收錢，加水，個個都忙個不停，到我地點餐時，都發現有入錯單既情況，不過無計啦，眼見咁少人，明顯真係人手唔夠，所以出完單自己對清楚就好了。好啦，到正題，今日食左5個點心 + 1個蒸飯。生炒什菌餃 - $30一籠三粒，超級熱辣辣，睇到相係濛濛地，因為勁大蒸氣。粒餃係普通正常尺寸，晶凝皮薄，但咬落軟糯而有靭度，很有口感。內餡係菇絲，翠肉瓜粒，紅蘿蔔絲，粟米，食材有調味同先炒香，咬開就爆香及有鑊氣，餡料的確如名一樣，有生炒過至包餃，所以一咬開內餡，蔬菜菇粒粟米既香甜完全散發出晒離，而且，內餡係烹到剛剛好，咬落仲有顆粒感，唔會過熟而成一擗野同淋吱吱，好好味。蒜香蝦春卷 - $38一碟有4件，每件春卷約男士手指頭既粗幼度，個脆皮係薄薄既一層，咬落超級酥脆，脆皮真係100分，條春卷就算攤凍左先食，咬落都超級乾爽同埋酥脆！ 每件春卷都包著約三粒小蝦仁，蝦仁係原粒包，蝦肉鮮香彈牙，混盒少許蘿蔔絲同埋椰菜絲，咬落香口彈牙伴少許蔬菜既香甜，食一舊絕不夠喉。百花炸釀蟹拑 - $62一碟有3粒，尺寸同普通茶樓既牛肉球大細相約。炸蟹拑既表面被薄薄既炸麵包糠層包裹，咬落表面非常之脆口，到蟹肉層就同我預想既唔太相同，去飲食既蟹拑好多都打到起晒膠，無乜肉纖維感，但呢個蟹鉗肉食落帶少許粒感纖維感，佢既肉無打到起晒膠，但反而食到蝦肉既彈牙感，食落蝦蟹味頗香濃，蝦味就重一咬落非常多汁，好好味。呢個價位，有三大粒，真係又抵食又有質素。黑松露北菇燒賣皇 - $20一籠2粒，雖之叫燒賣皇，本來以為好大粒，但原來得5蚊銀尺寸一粒。小燒賣由冬菇，蝦仁，肥豬肉，松露醬組成。上枱時係熱辣辣，一口咬落，豐富多汁既肉味混合蝦仁既鮮香味在舌頭大爆發。軟淋既豬肉，彈牙既蝦仁，多汁香濃既冬菇，加埋超香既松露醬香味，真係好難唔好味, 只係如果大粒d就更合乎祈望啦。雪山叉燒包 - $35一碟有三個包仔，佢其實係最先上枱，上枱時熱辣辣，但因為我唔想第一口就食甜野，所以將佢放到最後先食，因此，我食呢個包時，佢係微溫既。 雖之係微溫，但完全無變味！一口咬落去，表層依然鬆化帶脆感，整個面包乾爽，面包層咬落軟熟。整個包身都好乾身不油膩，中間餡料份量適中，叉燒醬同叉燒既味道非常濃沃香甜，非常惹味，只要一開始咬第一口就停唔到口，相信熱辣辣時食 會更好食。鳳爪排骨飯 - $38鳳爪軟淋食落味道香濃，排骨係偏肥既，瘦肉部份唔多。整個飯係用一個男士手掌大既缽仔蒸既，飯粒蒸到乾身，粒粒分明，食落偏硬，因排骨偏肥，蒸後既油份肉汁都落晒d飯度，所以d飯就充滿肉香，加上甜豉油調味，所以個飯係好食既。整體講，點心水準算高，無論係蒸炸焗既點心都好食，所有點心都做到熱辣辣上枱，上枱速度都ok，一樣接一樣上，亦無乜等候時間，仔細睇下點餐單，點心款數都頗多多，此外仲有鑊氣小炒食，所以我對呢間點心店既整體評價都頗正面，所以下次都會翻轉頭試下其他野食。…查看更多

呢間點心舖原來大有來頭，師傅之前做過幾間米芝蓮酒店、酒樓，品質一定有保證，真係要過嚟試一試～飲茶緊係叫番壺桂花鐵觀音先，全部都係自家點心，咁多選擇樣樣都想試下，落完仲要現場即做，好新鮮！黑松露北菇燒賣皇燒賣大大粒，都幾彈牙～百吃不厭鹹水角鹹水角由細食到大，最中意佢層皮甜甜地又煙煙韌韌，包住咸咸地的餡料，好食😈😈🥰脆皮炸乳鴿呢款有驚喜，咬落皮夠脆肉夠嫩，而且有肉汁～蒜香蝦春卷好脆口，都幾足料😋😋…查看更多

眼前既事物，既然無一樣會係地久天長，自然要珍惜每個機會發揮你既專長。呢間「鋿晶館」正正演釋點樣默默建立一個自家製點心品牌，點樣逐步俾人睇起，佢地師傅係日本東京富麗華任職多年，回流香港亦擁有多方面經驗，值得respect。👇🏻📌風 味 小 食 - ▪️ 百花炸釀蟹箝 - $58/3隻▪️ 咱家脆皮蝦多士 - $46▫️「百花炸釀蟹箝」即叫即炸，熱辣辣新鮮上枱，一食落係外脆內彈牙，相當惹味，輕輕點少少沙律醬，減輕油膩感。▫️「咱家脆皮蝦多士」麵包炸得夠酥脆，唔會扁撻撻無空氣感果種；蝦肉新鮮爽彈，油膩感唔會好重，好食。▪️ 順德酥炸鯪魚球 - $48▪️ 雪山叉燒包 - $32/3個▫️「順德酥炸鯪魚球」大大粒，食落好彈牙又香口，鯪魚味非常突出，高質。▫️「雪山叉燒包」包身焗得夠鬆化，裡面叉燒餡料食落幾有咬口，醬汁亦唔會過多，岩岩好。📌蒸 蒸 日 上 -▪️ 月半彎晶瑩鮮蝦餃 - $39/4粒 ▪️ 黑松露北菇燒賣皇 - $34/4粒▫️「月半彎晶瑩鮮蝦餃」相當足料，外皮厚度適中，裡面蝦肉夠大隻，又爽口，誠意十足。▫️「黑松露北菇燒賣皇」咬落軟糯口感，唔會太實，帶淡淡既黑松露香，值得一試。▪️ 蒲江春鮮竹牛肉球 - $30▪️ 活拆生剝鮮蝦腸 - $39▫️「蒲江春鮮竹牛肉球」食落帶少少黏性，啖啖肉之餘仲有D馬蹄餡，口感豐富。▫️「活拆生剝鮮蝦腸」入口係果種綿滑得黎又有d米漿香，個口感好滑溜而且粉漿夠稀薄，蝦肉又夠大隻，呢個必點！📌甜 甜 蜜 蜜 - ▪️ 大良薑汁雙皮奶 - $24(熱)▪️ 法蘭西焦糖燉蛋 - $24▫️「大良薑汁雙皮奶」佢一入口係滑溜到爆，入口即溶咁制，唔會太甜，所以有濃郁奶香。▫️「法蘭西焦糖燉蛋」蛋味夠濃，面頭焦糖帶D脆口，唔錯。…查看更多

老友隔左三年終於返黎香港探我地 香港最signature既一定係帶佢食點心! 成條彌敦道咁多吉舖又少人行佢都覺得好驚訝 好彩呢間點心無令佢失望, 因為全部都係自家製即叫即整, 唔似連鎖酒樓係廠運雪貨過黎蒸, 點心師傅仲要係米芝蓮酒店過檔, 質素有保證飲茶又點少得蝦餃燒賣🦐 呢度可以兩隻四隻咁嗌, 少人黎都可以試多幾款點心, 唔駛食哂成籠👯 蝦餃皮薄餡靚, 超大隻鮮蝦好爽口🦐 外型真係做到月半彎, 摺又夠多, 係做得好有質素既手工點心燒賣包得工整到成朵花咁, 豬肉彈牙, 加左黑松露醬係面好香我仲好鍾意個腸粉包左白蘿蔔酥係入面, 口感同層次都非常豐富朋友仔就話流沙奶皇包最正, 真心每一個都軟熟又夠流心, 鹹甜拿掐得岩岩好平時我都唔係點食粉果, 但呢度既粉果外型飽滿好吸引, 有沙葛花生等好好咬金錢肚個醬好濃郁所以唔覺牛肚有內臟味, 仲好爽口添. 下面仲有白蘿蔔吸哂d汁好惹味呢香脆鹹水角好好味! 外脆中間煙韌, 餡料既五香味都岩岩好裝修都好新式光猛, 比酒樓感覺更free更岩傾計…查看更多

旺角726真係好多餐廳，今次經過樓下見到有間主打自家製嘅新開點心舖，又好耐無飲茶食點心，一於就試下！樓底高幾光猛，靠牆同窗嘅卡位幾舒服。濟寧蒜香蝦春卷（$34）炸到外皮香脆，內餡有彈牙蝦肉加上大量蔬菜，口感非常好！最特別係咬落有香濃蒜香！椒鹽豆腐（$38）一見餐牌有點可以唔點，呢個價錢一大籃，幾抵食！外層炸到夠酥夠乾身，豆腐超嫩滑！月半彎晶瑩鮮蝦餃（$39）菜式名好特別，應該係老闆係音樂迷，由裝修到menu都滲入咗音樂元素。蝦餃皮唔厚又煙韌，餡料扎實，食落鮮甜彈牙！黑松露北菇燒賣皇（$34）大大粒燒賣皇上面鋪咗黑松露醬，唔會有太多肥肉，食兩粒都唔膩。姬松茸雪耳燉雞湯（$45）足料燉湯，清甜又富姬松茸獨有嘅香氣，生津潤燥，好啱冬天飲！蒜香石班片蒸飯（$68）籠仔飯係呢度其中一個招牌菜式，石班片啖啖肉又滑，蒜油撈飯夠惹味。喜灼鮮嫩菜心（$22）青綠灼菜心，口感爽脆。傳統芝麻糕（$28）芝麻味濃郁又軟糯，凍食入口幾濕潤！同姐姐傾開話點心好正，原來師傅經驗豐富，曾經係東京富麗華就職，之後就係米芝蓮同大型連鎖集團任職，背景好勁。一路食見到隔離枱都食烤魚，造型同香味都幾吸引，下次要再嚟試下！…查看更多

有時收工想食點心，但晚市仲有點心供應既地方唔多，見呢間餐牌選擇多，有小炒、燉湯、水煮魚、烤魚 (亦可以加料打邊爐) ...所以就去試下。餐廳光明寬敞，座位多，感覺比傳統酒樓乾淨衛生。川味紅油水煮魚 $198中午12點已開始供應，店員提醒師傳放辣都幾重手，好彩簡左BB辣，但連平食得辣既朋友都食到標汗。剛開始入口，辣味仲接受到，點知去到喉嚨，麻味炸開，呢個時候就一切太遲了😂愛辣友人食得過癮。份量十足，夠3-4人食。問過樓面，當日係用生魚，魚片起碼20幾片，底下有芽菜、木耳、芹菜，仲有薯粉！點心即叫即整，要等約10-15分鐘，時間合理，每籠都蒸氣騰騰上台。上網睇簡介，師傳曾係米芝蓮酒店工作，用平民價錢試到米芝蓮手勢，都幾開心。以下排列個人點心推薦:1️⃣月半灣晶瑩鮮蝦餃 $39 一籠4件，都幾大粒。件件晶瑩飽滿，咬開見到有約2隻鮮蝦，拌入脆肉瓜增加口感。個人中意豬肉比例少既蝦餃!2️⃣濟寜蒜香蝦春卷 $34橫切面色彩繽粉，非常足料，都係用新鮮蝦去包，外皮咬落卜卜脆。3️⃣煎釀茄子 $32鯪魚肉彈牙，麵粉比例唔高。茄子厚身冇庹縮，同魚肉比例接近一比一。炸得乾脆，茄子咬落唔會成口油。4️⃣黑松露北菇燒賣皇 （2粒）$18加左黑松露🫣感覺矜貴左。肥肉比例偏多，油脂感同濃味既黑松露幾夾。5️⃣大良薑汁雙皮奶 $20薑表面結左層薄薄既奶皮，入口細滑，有奶味同淡淡既薑味，唔會過甜。6️⃣生炒什菌餃 $28晶瑩剔透，外皮煙靭，什菌炒得幾香，係健康之選。7️⃣南翔小籠包 $30湯汁夠多，肉打到好細，一咬有化開既感覺，可能放耐左，外皮有啲硬，下次要趁熱食！…查看更多

👍🏻香辣味烤活魚(小辣) $288得旺角分店先有得食烤魚！午市晚市都有供應烤魚原條爐上，2-4人量，可以揀香辣/麻辣/酸菜口味香辣小辣比想像中辣，Keep住滾會越嚟越入味(辣)😜魚味都幾突出，魚肉爽彈，新鮮嫩滑唔會一夾就散本身配料已有白蘿蔔、芽菜、雲耳、紫洋蔥、娃娃菜同少量萵筍一路滾起啲配料吸哂汁同魚味好好食，亦可以另加火鍋配料打邊爐整體偏濃味重口味，估唔到點心鋪做烤魚味道都唔錯🤪！味道：8/10性價比：8/10-👍🏻黑松露北菇燒賣皇 $34/4粒Size好大粒又足料🤩！鮮蝦爽彈Juicy，唔會混入太多肥豬肉，蝦肉比例多，真材實料味道：8/10性價比：8/10-👍🏻月半彎晶瑩鮮蝦餃 $39/4粒蝦肉大粒爽口，比例多，足料飽滿😌內餡除咗蝦肉仲有少量翠玉瓜粒蒸得幾好唔會黐埋一舊，不過餃皮再薄啲就更好味道：7/10性價比：7/10-👍🏻雪山叉燒包 $30/3個Size正常挺身脹卜卜，外皮微微脆，甜度適中，包底都煎得香脆內餡叉燒比較瘦，啱哂唔鍾意食肥膏嘅朋友🤓味道：8/10性價比：8/10-👍🏻濟寧蒜香蝦春卷 $34春卷皮薄脆，餡料飽滿爽口，食到一粒粒蒜頭，蒜味幾香蝦肉比例唔多，主要餡料都係椰菜絲同紅蘿蔔絲味道：7/10性價比：7/10-👍🏻自家脆皮蝦多士 $42非常脆口！麵包皮脆卜卜唔會硬，而且好厚身又大塊，食落好香牛油味🤪味道：7/10性價比：7/10-👍🏻椒鹽豆腐 $38即叫即整！上枱時係出哂煙熱辣辣口感做到外脆內嫩，炸粉唔會太厚，調味適中啱啱好😙味道：8/10性價比：8/10-👍🏻蟲草花螺片燉雞湯 $45足料鮮甜！湯渣多到好似食餸咁，味道濃郁又唔油膩，唔係成層油浮面個啲😌價錢以咁足料嘅燉湯嚟講唔算貴，值得一試👍🏻味道：8/10性價比：8/10-👍🏻大良薑汁雙皮奶 $20推薦！呢個熱食，入口淡淡薑味，唔會太重薑辣味口感非常滑溜，有奶香，甜度適中，好食😛！味道：8/10性價比：9/10-👍🏻法蘭西焦糖燉蛋 $20估唔到點心鋪都有西式甜品食味道就正正常常，奶味偏重少少🤏🏻兩個甜品相比個人推薦雙皮奶多啲味道：6/10性價比：8/10-全日免加一 ，茶芥$6位環境闊落乾淨企理，幾開心食烤魚都冇乜油煙味🤣-📍#鋿晶館 @sc_cuisine旺角彌敦道726號地舖荃灣沙咀道130號地舖上環德輔道中287-291號地舖…查看更多

大胃擁有一個任性嘅胃，晚餐先心血來潮想飲茶，好多點心店夜晚會轉賣中菜，旺角就有間賣點心賣到10點，嚟個點心Happy hour雖然呢間自家製品牌，都係現場即叫即整，但上菜真係唔慢，而且賣相好靚仔，完全唔似chur出嚟呢籠晶瑩透亮嘅菜苗餃，皮綿餡靚，功力渾厚原來師傅非常猛料，喺日本達官名人成日去嘅東京富麗華做過多年廚，返嚟香港曾多次擔任米芝連餐廳或者連鎖酒樓嘅要職，食呢粒燒賣，唔怪之得質素咁高，裡面唔只包含黑松露同北菇等食材，仲有多年累積嘅經驗炸鮮奶係大胃超愛嘅甜點，但要炸得乾爽，真係可遇不可求，呢度就食到，好脆又唔油腸粉餡料通常都係肉類，蘿蔔真係第一次試，仲要炸到勁脆口，一般嘅炸両根本比唔上日頭食排骨飯，夜晚就想食吓牛肉飯，肉餅好嫩口，配上火候完美嘅金鳳米飯，秒清流沙包又幾香噴噴？未搣開已經聞到一打開滿滿奶黃，麵包軟熟，熱焫焫吹唔切就忍唔住咬落去鐵觀音要啲時間浸，但只係倒少少出嚟，仲係好淺色，但茶香經已溢出，浸耐啲仲深色啲𠻹…查看更多

話說之前應承咗人會帶佢食吓點心，於是乎有次行過見到呢間新開嘅餐廳🍴，我就約咗佢嚟找數～😹·由於叫咗茶同埋點心之後，茶就嚟咗，但係點心就等咗陣都未到，咁我就問吓個店員姐姐，順便吹吓水啦～傾傾吓偈就發現原來佢哋係自家製品牌，全部點心都係即叫即做，咁所以就要等耐少少🤏🏻～跟住佢仲話⋯⋯師傅曾經喺日本東京富麗華做過，返嚟香港之後都做過啲米芝蓮嘅星級餐廳🍴～～·嗰陣我心諗⋯一切嘅等待都係值得嘅，如果之後有更好嘅事發生～✨✨過咗冇幾耐，啲嘢食就開始嚟啦～😬·半肥不瘦叉燒腸😆可以話係皮薄餡靚，見到入面啲餡好多好新鮮咁。食落叉燒又唔會話整到好乾、好甜，加埋少少🤏🏻甜豉油就好好食喇～最重要嘅係佢嘅腸粉皮同出面有啲唔同，食起嚟好Q彈，唔會溶溶爛爛，口感唔錯～·濟寧蒜香蝦春卷🦐少有春卷會用網狀鐵兜裝住，放埋一齊有幾夾喎～春卷皮薄之餘，啱啱炸起仲好脆，蝦真係鮮蝦嚟，唔係食落好霉嘅死蝦，食落係爽口彈牙。加埋少少佢自製嘅喼汁就perfect！·黑松露/鮑魚北菇燒賣皇淨係鮑魚呢樣嘢就已經夠曬吸睛，食落有鮑魚味。燒賣肉好新鮮，有黑松露嗰隻仲成功將粒燒賣變得更加惹味，增加獨特嘅香氣。·半月彎晶瑩鮮蝦餃蝦餃皮晶瑩剔透，唔會太厚又彈牙，加埋鮮蝦就冇得輸～😎·迷你珍珠雞雖然麻雀雖小，但五臟俱全。一隻珍珠雞應該有嘅餡佢都有，用料講究就更梗要！欣賞佢嘅糯米同出面有啲唔同，食落唔會太濕有返適當嘅乾度同硬度，食落粒粒分明，鍾意呢種口感。😙·傳統芝麻糕⚫️好重好重嘅芝麻味，好似飲緊一碗濃郁嘅芝麻糊，食得出有順滑嘅奶味，係唔錯嘅甜品。…查看更多