影片
更多
2022-11-18
132 瀏覽
旺角726真係好多餐廳，今次經過樓下見到有間主打自家製嘅新開點心舖，又好耐無飲茶食點心，一於就試下！樓底高幾光猛，靠牆同窗嘅卡位幾舒服。濟寧蒜香蝦春卷（$34）炸到外皮香脆，內餡有彈牙蝦肉加上大量蔬菜，口感非常好！最特別係咬落有香濃蒜香！椒鹽豆腐（$38）一見餐牌有點可以唔點，呢個價錢一大籃，幾抵食！外層炸到夠酥夠乾身，豆腐超嫩滑！月半彎晶瑩鮮蝦餃（$39）菜式名好特別，應該係老闆係音樂迷，由裝修到menu都滲入咗音樂元素。蝦餃皮唔厚又煙韌，餡料扎實，食落鮮甜彈牙！黑松露北菇燒賣皇（$34）大大粒燒賣皇上面鋪咗黑松露醬，唔會有太多肥肉，食兩粒都唔膩。姬松茸雪耳燉雞湯（$45）足料燉湯，清甜又富姬松茸獨有嘅香氣，生津潤燥，好啱冬天飲！蒜香石班片蒸飯（$68）籠仔飯係呢度其中一個招牌菜式，石班片啖啖肉又滑，蒜油撈飯夠惹味。喜灼鮮嫩菜心（$22）青綠灼菜心，口感爽脆。傳統芝麻糕（$28）芝麻味濃郁又軟糯，凍食入口幾濕潤！同姐姐傾開話點心好正，原來師傅經驗豐富，曾經係東京富麗華就職，之後就係米芝蓮同大型連鎖集團任職，背景好勁。一路食見到隔離枱都食烤魚，造型同香味都幾吸引，下次要再嚟試下！
濟寧蒜香蝦春卷（$34）炸到外皮香脆，內餡有彈牙蝦肉加上大量蔬菜，口感非常好！最特別係咬落有香濃蒜香！
濟寧蒜香蝦春卷
$34
16 瀏覽
0 讚好
0 留言
椒鹽豆腐（$38）一見餐牌有點可以唔點，呢個價錢一大籃，幾抵食！外層炸到夠酥夠乾身，豆腐超嫩滑！
椒鹽豆腐
$38
6 瀏覽
0 讚好
0 留言
月半彎晶瑩鮮蝦餃（$39）菜式名好特別，應該係老闆係音樂迷，由裝修到menu都滲入咗音樂元素。蝦餃皮唔厚又煙韌，餡料扎實，食落鮮甜彈牙！
月半彎晶瑩鮮蝦餃
$39
3 瀏覽
0 讚好
0 留言
黑松露北菇燒賣皇（$34）大大粒燒賣皇上面鋪咗黑松露醬，唔會有太多肥肉，食兩粒都唔膩。
黑松露北菇燒賣皇
$34
3 瀏覽
0 讚好
0 留言
姬松茸雪耳燉雞湯（$45）足料燉湯，清甜又富姬松茸獨有嘅香氣，生津潤燥，好啱冬天飲！
姬松茸雪耳燉雞湯
$45
15 瀏覽
0 讚好
0 留言
蒜香石班片蒸飯（$68）籠仔飯係呢度其中一個招牌菜式，石班片啖啖肉又滑，蒜油撈飯夠惹味。
喜灼鮮嫩菜心（$22）青綠灼菜心，口感爽脆。
傳統芝麻糕（$28）芝麻味濃郁又軟糯，凍食入口幾濕潤！
傳統芝麻糕
$28
4 瀏覽
0 讚好
0 留言
同姐姐傾開話點心好正，原來師傅經驗豐富，曾經係東京富麗華就職，之後就係米芝蓮同大型連鎖集團任職，背景好勁。一路食見到隔離枱都食烤魚，造型同香味都幾吸引，下次要再嚟試下！
張貼
