好湯好麵

營業中

休息中

米芝蓮必比登推介🍜.去大圍探朋友，諗起有呢間米芝蓮推介小店，就走去試吓，好彩咁啱仲有位俾我地入去唔駛排隊🤣.對於食碗麵嚟講，佢個定價其實都真係幾貴，不過睇返啲報道話原來其中一個老闆係前四季酒店法國餐廳Caprice嘅Chef Gary, 就睇吓佢地點製作呢碗貴麵🍜🔺海龍皇湯 $135藍蟹肉/海蝦尾 /花膠/ 聖魚滑 /蝦頭油/ 皇湯/陽春麵真係好足料！湯底飲得出係用新鮮食材淆製，唔會太濃味，可以當湯飲晒佢🙈 陽春麵質地適中，口感有少少彈牙，唔錯。🔺黑口黑麵🌚 $90 北海道魷魚/墨魚滑/墨魚濃湯/扁陽春面🔺迷你佛跳牆 $142鮑魚/海參/素翅/魚肚/日本地雞肉/ 日本刺身帶子/ 北菇/ 雲腿絲/高湯/扁陽春麵全部都好足料，真係一分錢一分貨🤑🤑

🇭🇰好湯好麵·呢間我地想黎食好耐架啦 但係次次都超級多人 今次下奏黎等左大概20分鐘終於食到啦😍😍·黑口黑麵$86 l 迷你佛跳牆$138 l 雙冬羊肉$102 l 好頭好尾$104今次我地總共嗌左4碗 大家一齊分 開心🥳佢個黑口黑麵係墨魚湯底既 飲落去個湯好鮮 而且超級掛麵 之後佢個墨魚滑超大舊 好彈牙 我自己幾中意🦑之後佢個佛跳牆超級足料 入面好多鮑魚 海參 魚肚咁 全部都炆到好淋 加埋佢啲素翅口感好好 而且佢個湯係好似燉湯咁 飲落好舒服 超足料🥰🥰之後佢個雙冬羊肉係真係好似食緊羊腩煲咁 真係好多羊肉 不過我自己就覺得佢啲羊肉有少少騷🤭最後個好頭好尾係牛骨湯底既 呢個都唔錯既 牛面頰口感唔錯 不過就好似無其他幾碗咁有特色🤣🤣·📍大圍積存街20號地舖

大圍尼間好湯好麵聞名已久，但每次嚟都大排長龍，令人卻步。難得今晚清閒，加上經過時人唔多，於是就決定排隊食麵喇。阿仔今次係第二次嚟，佢介紹我食好頭好尾，可惜輪到我時已經賣晒，所以我就要咗碗海龍皇湯，阿仔嗌咗黑口黑麵。老實講，我碗海龍皇湯的湯底喺濃郁嘅，亦都好好飲，但係並唔係我在香港飲到最好嘅蝦湯底，加上啲麵碌得有少少唔夠熟（真係有啲生硬，碌多20秒會好啲），所以整體上有少少失望。當然，食到後來啲麵喺好咗，因為巳經熟透，但係第一印象巳經喺ruin 咗。碗海龍皇有隻飽滿生蠔、墨魚滑、兩隻非常新鮮彈牙嘅大蝦，餐廳仲俾埋手套方便剝蝦殼, 非常為客人著想。阿仔碗黑口黑麵因為有墨魚汁，所以餐廰俾咗件「口水巾」，算係貼心。黑口黑麵主要有魷魚及墨魚，我試咗一羹湯, 味道好，但係唔係我杯茶，下次嚟都應該唔會嗌佢。因為係米芝蓮餐廳，所以預咗係貴。雖然今日嘅經驗唔係話太好，但係都會回頭，繼續試佢哋其他的湯麵。

呢間好湯好麵係我既其中一個to eat list 之一，因為身邊太多朋友都介紹過，又見佢經常要排隊，搞到我都心癢癢想試一試，再加上拎左米芝蓮後，我更想試一試。原本想食佢個海龍皇或好頭好尾（即係海鮮湯麵同牛肉麵）但因為買晒，唯有退而求其次，食呢個黑口黑面，希望食完唔會黑面呢。可能真係太多人，同我懷疑佢係集齊幾張單一次過整，所以等得有d耐，不過唔緊要，好食既野，等係冇問題架！終於黎度喇，湯底係烏卒卒既墨汁湯底，墨魚同墨魚滑。好食既係，兩粒墨魚滑煲好大粒，彈牙。麵條係扁身，唔林同有咬口。不過湯頭方面，其實唔太特別，味道又唔太特別，冇咩突出位，隨左係黑色同冇墨汁外，完！結論係呢碗麵要84蚊，雖然食個日本拉面都係呢個價錢，但食日本拉麵會開心d~

當日一月宣佈好湯好麵拎左2021年既米芝蓮必比登推薦咁蘋果就緊係不斷係度番loop佢地既報導啦原來餐廳係由幾個酒店人成立大廚更係前四季酒店三星法國菜caprice既副廚聲稱食物係真材實料整成十二款湯底食物成本超過四成同佢以前做caprice既時間有得揮比出面坊間餐廳就高好多果日去完東平洲坐幾個黨鐵站黎左大圍呢邊咁之前果次就試左海龍皇今次想試佢另一個招牌好頭好尾點知夜晚黎到已經賣晒唯有揀其他今次夜晚食條龍感覺短少少不過都排左差唔多半個鐘今日行左多路所以一次就叫左三個麵佢都有比碗我地自己分問佢最後果碗可唔可以遲d上但就話因為都一直整緊所以做唔到都明白既第一個係佛跳牆算係咁多個麵第二貴既感覺就同上次果個棉花雞差唔多係再多左鮑參翅同帶子第二個係上次都掙扎緊叫唔叫既黑口黑麵跟餐有件比堅尼圍裙跟幾特意飲落個湯好似都係差唔多係個色唔同左有對比就有傷害亦都唔算好特別第三個見廚師推介都試過晒就亂咁叫既叉燒飽睇落最普通反而有驚喜十足日式拉麵咁樣但塊叉燒我覺得好食過拉麵店仲要大大塊個湯再濃d不過後兩碗麵就差唔多時間上食完叉燒飽再食番黑口黑麵就已經涼左下次真係唔應該再咁叫法咁之前黎果次就睇完個報導係餐廳拎左米

今日朋友帶我去威威，地點就係大圍，佢帶咗我去一間食麵的小店，入到去睇到個Menu真係嚇咗一跳，因為一碗麵最貴竟然係$12X。我地兩個人，我朋友叫棉花雞，至於我就叫咗黑口黑麵，呢兩碗都只係$100以下。碗麵一黎到，江湖規矩，梗係要試人地嗰碗先啦，個湯底真係好，感覺係用咗好多材料去熬出黎，棉花雞個湯D金華火腿好香，而黑口黑麵個墨魚汁湯底就好鮮甜，不過兩碗之中我自己比較鍾意黑口黑麵，一來造型幾過癮幾正，二來D配料都真係好新鮮，墨魚圈唔係出面雪咗好耐嗰D焗海鮮飯或意粉必備配料，至於個墨魚滑彈牙得黎仲唔係一舊粉，有墨魚香味，似係廚師自己打，真係食得出同其他地方有好大分別。我食晒之後連湯都飲晒，終於明白價錢雖然高，但真係物超所值。

今日與幾位拍檔在大圍收工，順便一齊食午餐，拍檔提意來食麵，呢間開咗咁耐，我一次都未試過，只因先入為主的關係，又不是高級餐廳，又沒甚麼裝修，在外看入去，檯與檯之間又要坐得咁迫，點解一碗麵賣得咁貴?? 為了探求真相，就答應拍檔去試試，我們叫了蠔豉豬豬，濃蝦餃，棉花雞，黑口黑麵，好頭好尾，小食叫了手工豆腐(口感似百福豆腐)及雞絲粉皮(這個唔得，麻醬很少，而且唔夠香)，另叫了他們自家煲的紅蘿蔔水(淡而無味)，我們叫的麵一起share來試，每款湯頭都很濃味，經常煲湯燉湯的我，飲得出這些湯都花了很多食材及長時間去煲個湯膽，不太喜歡吃陽春麵的我，能吃到這款滑溜的麵，都另眼相看。 總結: 家中少湯水，人少少嚟食，順便飲啖湯，係值這個價錢的，因為，出面一小碗燉湯，都賣數十元。但以我這個湯水充足、又怕同人迫既人嚟講，很難做到這兒常客。

初初開業時經常去食 因個人十分鐘意湯麵所以都樂見大圍有如此質素的好湯麵雖然唔少人見佢的價錢十分進取而有些卻步但諗諗平時出去食碗拉麵(而且唔包好食)都咁上下價錢啦後來有傳媒介紹後大排長龍 自己都去少左 最近閒日又係附近工作 可以在下午時間黎食都坐到滿哂人的 都總算試過大部分的湯麵款式就分享下以前食過咩 蕃茄蛋牛個人first choice 棉花雞Second favorite 之前個Menu有呢個田園蕃茄如果唔想咁重味道 呢個都好正可惜而家已經無左了 黑口黑麵 蠔豉豬豬 同埋今次食的迷你彿跳牆 $138湯飲落係濃濃的雞湯 因有海鮮的關係個湯的味道係再昇華多少少 成個麵同湯都清哂呀真係久別再食 仍然保持到質素

在大圍油站附近的麵館，以陽春麵為主打，加入不同湯底以及食材，併製出不同主題的各款湯麵。店內裝潢以木材為主，簡潔整齊有理。今次用餐選擇時常售罄的麵款—黑口黑麵，是一款以北海道魷魚、墨魚滑、墨魚濃湯及扁陽春麵為材料的湯麵。湯底沒有很突出的鮮味，比原本期望的鮮味多出來一陣普通而無特色的鹹湯味，未能特出湯麵材料之味道。

早前經媒體報導，知道屋企附近有間超好食嘅麵店，一直擺咗喺我嘅food bucket list入面，今晚終於試咗喇！這碗叫黑口黑麵係以墨魚汁湯底拌陽春麵，真材實料湯底無味精，不油不膩，墨魚滑爽口彈牙，陽春麵幼滑煙韌，絕對可以encore再試埋其他野！

要表揚一下男朋友先喔🙆‍♀️ 佢知我中意蝦湯 就特圍搵間有蝦湯底既麵館帶我去食☺️好啦 抵錫喔💋💋麵館係大圍 係新開幾個月咋😯不過都幾多人黎食 晏少少已經要等下位😯我地叫左個涼拌手工豆腐 麵我地就傾左好耐🙉🙉🙉 因爲我覺得個海龍皇湯$128唔係好抵食🙉🤔 到最後聽左男朋友講要海龍皇湯之後又要傾要黑口黑麵定好頭好尾好好d🙉😂 所以揀左勁耐🙈🙈 個涼拌手工豆腐其實都係冷豆腐配d麻辣醬🤔不過就d豆腐滑d 但豆香味唔夠喔海龍皇海就蝦頭味超重 但唔係我好中意既蝦膏味🙈 餸就有兩粒帶子同🦐 帶子都幾滑唔un 不過🦐就唔彈牙 可能因為煮得太耐啦😪😪男朋友最後聽左我講要左黑口黑麵🙈好彩佢無食到黑口黑麵🙈🙉因爲佢話普通d 湯底無咩味道 好頭好尾好似好食d😂😂😂 但真心個墨魚滑係好食既😛扁陽春麵好食過陽春麵（海龍皇係配陽春麵架）同埋係男朋友重口味囉💁我覺得黑口黑麵幾好食喔🤗 不過下次就唔會再特登入大圍食啦😬

係大圍返工，其實食食下都唔知有咩好食，因為好多都試過哂，但今日上openrice發現大圍開左間新既拉麵鋪頭，而且好評都唔少，所以就決定黎會一會佢！未夠7點，門口已經好多人等緊，雖然已經幾肚餓下，但又即管等下！等左差唔多半個鐘最後，不過食完之後又覺得係值得架播！店內空間不大，但枱與格之間都能夠保持可接受既距離！食物方面，叫左佢應該最出名既黑口黑麵！睇個名真係唔知佢講乜，不過好在餐牌都寫明有咩材料，其實就係墨魚魷魚🦑，都幾特別，啲料好夠咬口又彈牙，但略為咸左少少！仲叫左個棉花雞，都唔錯，有水準！食到大概8點零，店員已經同想拎位既客講唔派飛了！真係西利！希望呢間新店可以一直保持水準！

好湯好麵，店如其名，主打冇味精心機湯麵。由火車站行過黎大概十分鐘，喺窩心粥底火鍋隔離。新開張關係，平日晚上只有兩枱客，服務非常好呢。涼拌手工豆腐 $28 - 滑豆腐切成大概只有5mm既薄片，淋上微辣醬油，灑上芝麻。切薄片好處係滲入豆腐之間既醬油份量剛好，不過比較難夾，一定要以匙羹輔助。黑口黑麵 $76 - 日本魷魚 / 墨魚滑 / 墨魚濃湯 / 扁陽春麵 - 湯底鮮美，墨魚滑好彈牙，係我食過最好食既墨魚滑之一。海龍皇湯 $128 - 藍蟹肉 / 海蝦 / 北海道帶子 / 蝦頭油 / 皇湯(蝦湯) / 陽春麵 - 又一極鮮湯底，冇味精飲得好放心。藍蟹肉較少唔係好食得出，不過海蝦大隻、新鮮、有咬口，店員仲好貼心附上濕紙巾比食客剝蝦後抹手。蝦頭油係畫龍點睛之作，成碗麵係食得出既誠意！除頭兩啖麵質剛好之外，麵條喺熱湯中愈浸愈淋，係唯一美中不足既地方，建議餐廳可以稍為undercook啲麵。除此之外，回頭指數爆表，一定會再黎試其他麵！

一碗好麵，最重要當然系要有好湯配搭啦！『好湯好麵』就完全可以講羅足100分！完全無味精，店內有14款湯麵，每一個都可以吾同湯底，各有特色！真心值得推薦👍👍👍本人真心好小食麵，因為食野比較慢，吾鍾意麵好快會漲既感覺！但『好湯好麵』選用既陽春麵，比我影完靚相再慢慢食都無個種漲漲既感覺！真好！今日我選左一個『黑口黑麵』好特別😍由名字到麵色！店員貼心服務真系好sweet！😍俾左一條好sexy既小圍裙我！怕我食麵既時候會吾小心整污糟！飲品方面試左個冷凍烏龍茶！茶味清，吾錯！甜品試左個蘋果雪葩！真系好味到暈！大愛💓 今日幾個朋友食，點既食品吾算多！下次要再黎試其他！新張優惠仲有9折添！吾錯！值得推薦！