荳子 (新城市中央廣場)

營業中

休息中

BEANS的食物水準一向不錯，所以這晚相約親戚晚飯都選在BEANS。原來沙田的BEANS還有戶外座位，不過是日落大雨就沒有開放了。店內顧客不算多，獲安排坐卡座梳化位，座位寬敞舒適。我們點了兩份主食及兩份甜品來share，額外加配了沙律及任飲橙汁 ($28/位)。羽衣甘藍藜麥新鮮沙律，醬汁酸酸甜甜幾開胃，如藜麥和沙律菜份量可以增加多一點點就更好。見到餐牌新推出忌廉白酒菠菜廣島蠔意大利粉，因老公喜愛吃蠔，就點了這款來嚐嚐。賣相不算好吸引，意粉的軟硬度適中，忌廉白酒菠菜醬汁香而不膩，廣島蠔不算大隻但好飽滿，而且充滿蠔味！！這款意粉很好吃黃金蟹肉意大利粉，鹹蛋黃醬的份量足夠，意粉充滿鹹蛋黃香氣，惟蟹肉的味道及口感一般，而且對比起另一款意粉，這款較為膩滯。甜品是Green Tea Waffles及Mixed Berry Waffles。蜂蜜窩夫固然是焦點，軟熟之中帶點彈性，好香蛋味之中夾雜蜂蜜的微微香甜，可因應個人口味而配上不同的醬料拌窩夫，一隻碟上已有齊香蒂忌廉 (甜味淡忌廉)﹑純乳酪和抹茶醬！配上抹茶醬是最突出的！！伴有綠茶雪糕﹑紅豆﹑抹茶脆及紅豆麻糬。綠茶雪糕的綠茶味都算甘濃～紅豆煮得綿密

早兩星期周未約左朋友出沙田食lunch, 未食過沙田間beans所以決定一試。到步1點半左右，約有十幾人在排隊，等了約30分鐘就入到。點了好多人推介既黃金蟹肉意大利粉及開心果芝士pizza。黃金蟹肉意粉有驚喜，食到有蟹肉同有蟹味，個汁都好味。朋友見pizza 有開心果味幾得意就叫左黎試下，開心果味唔算重，配蜜糖食會更好食，滿意。我地仲加錢食甜品，叫左一個朱古力味既，一個乳酪味。甜品細細件，外形好得意，乳酪味既入口幾清新。下次會想試埋另一款味既pizza

🦀黃金蟹肉意大利粉💰$102🍔手撕豬仔骨漢堡💰$88☕️立體拉花焦糖燉蛋拿鐵💰（忘記了）⚡️為了美美的立體拉花咖啡而來的荳子cafe🥰果然冇令小女子失望，環境又大又舒服，不過冇得booking所以都排咗半小時左右，如果大家有興趣試可以平日嚟，或者再早小小🥲⚡️ 🦀黃金蟹肉意大利粉🍝非常足料，真係有滿滿嘅蟹肉，食落好香口，加埋咁完美嘅賣相真係冇得輸🥰⚡️ 🍔手撕豬仔骨漢堡就唔多講，配料有中粗薯條🍟、酸青瓜🥒、沙律菜🥗食完個人超滿足~而立體拉花咖啡真係超、可、愛🤩店員有特別提需時30分鐘，不過最後15分鐘都已經上咗枱🤣至於上面嘅熊仔就好random，有啲係三隻，有啲係一隻大嘅🐻抽中邊款要睇彩數🤣

呢間餐廳成日都排長龍，終於有一次的起心肝黎排隊🤭呢間出名嘅舖頭就係一間簡約嘅Cafe☺️好啱扮文青不過嘢食方面都真係好有質素呢個黃金蟹肉意粉勁多人推薦，睇個賣相已經覺得好食，食落又唔係好溜感覺好正蟹肉配鹹蛋黃真係勁香豪華英式早餐就比較特別，除咗平時你會見到嘅食材之外，仲有兩塊甜甜地嘅pancake呢兩塊野簡直啱晒我胃口黑松露炒蛋亦都好香好滑飲品方面叫咗一杯美式咖啡，一杯凍朱古力咖啡係香嘅，唔會太苦朱古力就好友驚喜，真係勁濃郁，仲要用晒朱古力粉圍邊，成個感覺好厚實不過飲嗰陣要好小心，好容易會整到衫袖柚子伯爵茶芝士蛋糕就係送嘅，食落去唔係好硬嗰種，係有啲軟慕絲再包住硬硬地嘅伯爵茶芝士有兩重口感之餘甜甜地又有少少鹹咁個感覺都幾特別最後想講返呢間餐廳嘅店員真係好有禮貌，叫佢哋拎杯水同拎張凳俾我放野都反應好快中途仲要不停咁幫我加水

冇黎一排，坐低先發現原來而家可以自己scan QR code落order😲差唔多次次都係食all day breakfast，今次決定試下意粉😆～黃金蟹肉意大利粉（$116）個display加分，見到大大個蟹殻🦀，未食都已經洗晒口水🤤食到咸蛋味幾濃，但蟹肉就唔多覺，反而見到唔少蟹柳絲，估唔到酥餅同意粉都幾夾，整體來講味道不錯～Green World (跟餐加$25）蛋糕外型幾吸睛，蜜蜂朱古力都好好食，但個green tea mousse抹茶味唔夠濃🍵，有啲失望，反而中間有驚喜，雲呢拿海綿蛋糕好鬆軟，同紅豆醬好夾，蕨餅都係唔夠抹茶味下次再試其他蛋糕😋

最近幾次到訪沙田分店都大排長龍，開業多年就算多左分店依然人氣不減反增🙈今日3點3嚟到目測前面都排左十個，最後4點左右先坐低🙉因為晚餐排左期鋸扒呢個時間只好食少啲留番quota🍽-🍝黃金蟹肉意大利粉 $108蟹肉份量有啲少，更多嘅係蟹柳，整體都唔錯不過如果多醬啲會更好。特別鍾意佢意粉個口感，彈牙唔會淋bat bat。-🍟黑松露薯條 跟餐+$25黑松露醬冇得輸，薯條唔係重點🤣-🍫70%黑朱古力流心蛋糕 $62上次嚟食過一次覺得有驚喜，其實就係心太軟🤎睇落細細份食落都好飽，兩個人share啱啱好。上次跟雲呢拿雪糕perfect match，今次轉左tiramisu味好好食不過就無咁夾，但係單食雪糕都好滿足😋-總結：有質素西餐cafe，外表內涵兼備，長期encore之選😋💕

❀每次到沙田𝐼𝑘𝑒𝑎逛街都會見到它門口誇張的人龍。這次終於的起心肝晚上六點左右襯它沒太多人成功𝑤𝑎𝑙𝑘 𝑖𝑛。環境不算大，但座位闊落，空間感足夠；燈光柔和，氣氛不錯。.◇法式藍帶芝士雞肉卷◇$148這份雞肉卷惹味可口，風味十足中間是𝑀𝑜𝑧𝑧𝑎𝑟𝑒𝑙𝑙𝑎 𝑐ℎ𝑒𝑒𝑠𝑒🧀和𝑃𝑎𝑟𝑚𝑎 ℎ𝑎𝑚鹹鹹香香的，完美地勾起人食欲炸雞卷其實挺大塊的，口感酥脆，很有飽足感旁邊還有剛炸起的薯條和沙律菜伴碟🥗.◇黃金蟹肉意大利粉◇$102光看它優雅漂亮的賣相已經令人食指大動～鹹蛋黃和蟹肉這個配搭很新奇，味道相當好☺️醬汁濃滑郁香而且掛麵，意粉的質感彈牙🍝每一口都可食到一絲絲的蟹肉🦀，非常滋味.◇紅桑子醬雲呢拿吉士拿破崙◇+$25點了個拿破崙蛋糕為這餐飯畫上個完美的句號酸酸甜甜的紅桑子醬不算突出但加得恰到好處柔和了蛋糕的甜膩感，吉士醬香滑偏甜酥皮鬆脆，一咬即碎，口感很棒❣️.◇黑糖薑母茶◇◇檸檬蜂蜜(凍)◇❀聽聞它某些分店的食物資素比較一般，但這間我覺得是不錯的，值得一試。店員的應對也很友善和機靈。就是如果坐在近門口附近的位置，隔籬便是等位的人龍，用餐時會感受到來自外面的壓力🙈但整體來說是個令人滿意的晚餐，推介給

餐廳離沙田地鐵站都好近，行5分鐘路程就到啦，搭𨋢上去5樓，出𨋢右轉丼丼飯前少少就到啦。平日星期五12：15到，有10幾個人排隊，排咗15-20分鐘到。食物冇令人失望，環境都好靚（中間嗰玻璃植物好靚），冬天來仲有戶外位可以座。座位寬敞，坐得幾舒服。店員服務態度不過不失。lunch set包埋嘅黑糖薑母茶好大陣薑味，凍Americano正常味道偏苦。原本想試埋handmade cake，可惜嗰餐份量太多食完都好飽，惟有取消咗嗰紅桑子拿破崙。

每次去沙田都會想食beans，原因在於性價比高 價錢唔貴之餘又好食，但可惜次次都好多人排隊。今次難得平日中午黎到，一早叫有人去排隊先。雖然要齊人先至可以入坐，但等一等就入得。望到menu心大心細，因為有幾款意粉都想試中午可以揀lunch set，包一個主菜同一杯飲品。最後揀咗黃金蟹肉意大利粉同黑松露軟殼蟹意大利粉首推黃金蟹肉意大利粉打卡一流之餘味道相當好！鍾意食鹹蛋黃同蟹肉嘅朋友岩哂另一款揀咗黑松露軟殼蟹意大利粉，黑松露同菇都好味，略嫌軟殼蟹有啲油除咗餐包兩杯嘢飲外，加$25就可以食到個蛋糕食埋個朱古力慕絲蛋糕埋尾滿足嘅一日最重要係買單都係二百幾蚊喺沙田區來講性價比相當高

為了慰勞自己辛苦工作，就算要排隊午餐都要去這裡😂 這間cafe不單環境舒適，午餐選擇也有很多，還可以加錢要小食，真是很容易有選擇困難🤣黃金蟹肉意大利粉 $68本身對鹹蛋真的沒有太大喜好，不過太想吃蟹肉，所以忘記了黃金這回事直接點了😆上桌的時候鹹蛋香氣非常強烈，和蟹肉互相配合，加上有彈性的意粉，味道比想像更好！不過的確很邪惡，一個人吃很快會覺得膩。是拉差香辣煙燻三文魚意大利粉 $64很少見到這個配搭，香辣風味確實有趣，醬汁帶起了三文魚的鮮味，意大利粉夠彈牙，而且三文魚肉原來有很多，但我自己比較喜歡蟹肉意粉🙈千島醬蟹棒蟹籽帆立貝薄餅 $68當食物都上齊我們才發現所有食物都很重口味😂這款pizza鹹香味爆發，加上即叫即整，所以拉芝效果很明顯，帆立貝夠新鮮，餅底很酥脆，千島醬降低了肥膩度，海鮮味濃郁。黑松露醬薯條黑松露的味道很濃，不過口感欠奉，不夠新鮮脆口，加錢來說份量足夠～

今日行街睇傢俬行到沙田的Home Square，個肚突然咕咕聲，嚇親身邊位朋友。🤣即刻睇睇附近有無餐廳，準備去醫下肚！上到五樓見到有間BEANS，排隊等位的人不算多，等了十分鐘左右就有位。其實BEANS我都食過好多間，甜品和pizza都成日叫，今次叫個黃金蟹肉意大利粉都幾好。原個蟹蓋上碟令到賣相很吸引，金黃色的鹹蛋黃醬味道濃郁，配上蟹肉蟹棒令到蟹肉咸咸地，再加上菇和意粉一齊食就無咁咸，味道亦都好match! 值得一試!

之前試過食覺得好好味，適逢今日星期日就帶屋企人一齊去沙田分店試吓佢哋其他嘅菜式。下午兩點幾去到仲係有好多人喺舖頭出面排緊隊，我哋兩位等咗大約40分鐘就可以入座啦。沙田分店環境優美，中間仲有一個綠化地帶令人感到舒適。我哋總共叫咗兩個主食、一個甜品、兩杯飲品。黃金蟹肉意大利粉有很多蟹膏，濃郁嘅香味令人秒殺、菠菜帆立貝意大利飯很有驚喜，不會太油膩、飯粒軟硬適中。抹茶流心吐司賣相唔錯，味道不太甜，抹茶雪糕配搭很好，唯獨流心部份較位遜色，如果狀態凝固一點會較好。免費跟餐的蜜糖檸檬很好；而另一杯阿法奇朵咖啡帶有飄霧效果、視覺一大享受。整體而言係10分推薦嘅一間餐廳！會搵時間再去食多次！

上次一個人去荳子食午餐，就已經念念不忘食物同環境氣氛。今次帶好朋友一齊，再去荳子，仲可以點多幾道菜式，嘗試其他美食。我地叫咗芝士薯條，黃金蟹肉意大利粉，千島醬蟹棒蟹子帆立貝薄餅。所有食物賣相都好吸引，相當精緻。當然又係打卡影相既時候啦。至於味道方面，芝士薯條係濃濃既車打芝士鋪面，薯條岩岩炸好，又熱又香脆，令到芝士半溶拉絲狀態，食到停唔到口。黃金蟹肉意大利粉，顧名思義黃金即係鹹蛋黃，濃濃既咸香再加埋蟹肉香菇配料，蟹肉味濃郁，最緊要意粉汁量夠，所有配搭都好match，好好味，賣相更加贏哂，原隻蟹蓋上碟，值得推介。最後千島醬蟹棒蟹子帆立貝薄餅，千島醬配海鮮絕對一流，用料果然十足豐富，大量海鮮配料，有明太子，蘑菇，洋蔥，蟹柳同帶子，加埋千島醬同芝士，好味道。薄餅即叫即製，餅邊微脆，餅底又唔會太厚。荳子果然無令人失望。

太掛住佢個黃金蟹肉意大利粉一於去另一分店食多次但有啲失望呢🥙黃金蟹肉意大利粉同另一分店一樣會有蟹蓋係面做裝飾滿足一吓視覺但煮法就不太相同黃金(咸蛋黃醬)唔夠香變相似白汁海鮮意大利粉多啲Level即刻跌左🥙牛油果蟹肉意大利飯新產品！就試吓啦🥑好大陣草青味呀🤢不可一。不可再🥙黑松露軟殼蟹意大利粉唔太夠黑松露味呢整體偏淡🥙黑松露醬薯條..............+$25黑松露醬永遠冇得輸👍🏻粗薯條夠熱夠脆！必加！🥙忌廉蕃茄汁手切牛柳絲意大利粉...$64咦～咪住！說好的手切牛柳絲呢？點解變左牛肉丸架🤔是但啦麻煩侍應check單好似要跪佢咁好彩味道唔錯.🥙小倉紅豆抹茶沙冰........+$37採用原粒紅豆甜度適中👍🏻但質感唔係沙冰只係普通凍抹茶.🥙檸檬蜂蜜................跟餐free話說所有餐飲已飲左半杯唯獨檸檬蜂蜜未到希望侍應check單啦但被侍應說教到好似我錯🤷🏻‍♀️我都明好忙咁咪乖乖等到食晒都未送杯野黎.小編偏好大埔分店多啲故事教訓 每間分店水準可以有好大落差服務態度皆是

凱撒沙律配軟殼蟹炸軟殼蟹子碟大約2隻油左少少 一咬落口d油咇哂出來 沙律菜新鮮 調味唔錯配 3大塊搽左牛油既法包係一個main course 係份量海鮮湯入面有蝦 蜆 帶子賣點係濃 但飲落唔算濃少少失望香辣單骨雞翼炸耐左少少 所以有d乾唔太辣 黃金蟹肉意大利粉有d似加左蛋黃既carbonara好味道 值得試 GAT （推介）上枱既時候有乾冰既霧飄出來 賣相好靚 要影相就要快手甜品既主角係桔仔賣相既炸物橙色個皮煙煙韌韌多 有d似煎堆既口感入面包住奶黃 點少少柚子醬食 好match 唔會好膩 另外配有乳酪雪糕味道似益力多 而且有d冰如果有真 乳酪雪糕更好