嚐囍煲仔小菜

營業中

休息中

今日去咗西環最尾個站堅尼地城， 一間 24小時營業嘅茶居， 去到首先開咗壼香片茶， 跟住洗一洗啲茶杯同筷子碗仔先(小心d滾茶)， 因為去到都差唔多夜晚九點， 唔想食飯，所以全部叫點心， 叫咗山竹牛肉球， 鮮蝦腐皮卷， 蜜味叉燒腸， 潮州粉果 同埋黃金糕 首先重點推介山竹牛球，夠大粒， 裏面冇筋反而有汁，肉質唔會太黑， 裏面配料充足， 係本人食過最好的山竹牛球， 之後鮮蝦腐皮卷，每一嚿裏面都有蝦， 腐皮炸得夠脆， 叉燒腸蒸得夠熱， 個腸粉皮好滑， 叉燒配料又夠多， 三條都好大條，正呀， 潮州粉果 皮薄，裏面餡料超多， 有花生，馬蹄，蝦米， 蔥花……而且每粒個份量都好多， 唔會偷工減料最後甜點環節黃金糕， 好香，咬落好煙韌， 質感有少少似白糖糕， 食埋呢個甜品畫上一個完美嘅句號。 我比五

難得堂食人數上限放寬左，今次就約多啲朋友嚟一齊食嘢，多啲人可以嗌多啲嘢食咁就可以試多啲款啦！今次total嗌咗七樣嘢，食完後我就比較鍾意呢度啲點心多啲煲仔飯有飯焦係佢嘅精髓白鱔同雞肉都算係幾嫩滑，但整體就無咩特別蝦餃都算皮薄餡靚，熱辣辣，外皮煙韌蝦肉彈牙炸鮮奶就唔推薦大家叫，外皮食落有啲油膩，麻麻地黃金糕口感唔錯，但我自己就覺得偏甜咗少少燒賣肉質彈牙，外皮夠薄，唔錯茄子我本身唔係好好，所以冇食到椒鹽九肚魚椒鹽味香，不過不失

農曆新年氣溫急降，真係超想食返煲熱到岀晒煙嘅煲仔飯。今次一嚐獲米芝蓮必比登推介嘅嚐囍。晏就黎到，除左傳統煲仔飯、創意日式鰻魚煲仔飯，仲有多款點心供選擇！▪️臘味滑雞飯 加蛋 $98 +$9煲仔飯粒粒分明唔會過硬，滲透住淡淡臘味嘅油香。底部一整塊嘅飯焦超正呀！好脆身，唔會太燶，略嫌有少少唔夠焦香。臘腸一咬，油脂大爆發，唔會過鹹。臘肉肥膏位軟腍，不過人地大讚嘅潤腸就得一舊，仲要比對面個個食左。滑雞唔柴唔乾，但只有一兩塊比較滑，可以唔嗌~ 豉油偏甜，有少少奇怪嘅香味，個人就麻麻啦。整體黎講，好鍾意佢飯嘅口感，不過調味就偏清淡，重口味人士有少少唔滿足。▪️咖哩金錢肚 $25/大點金錢肚超入味！軟韌有彈性，又唔會咬唔爛。咖哩汁微辣惹味，底下仲有軟腍多汁嘅蘿蔔。▪️黃金糕 $23/中點蜂窩組織幾靚喎！煙韌控超鍾意佢個質地！好Q彈！對面嗰嗰就嫌佢太過煙韌，不過椰香味就唔算好突岀。▪️小籠包 $30/特點小籠包嘅皮唔會太厚，肉汁都算多，但味道上硬係差咁啲，唔太推薦。

經過西環凍凍地想食煲仔飯上網搵吓睇到呢間評論幾好去到排咗個半鐘左右先有位炸鮮奶比出邊食嘅大嚿好多炸皮有某啲位會厚少少整體OK黃金糕椰味，食落重質感好連唔係好鍾意食椰子味嘅都食得到，兼鍾意食黑椒金錢肚有少少辣，味道偏濃（個人認為比較重口味，若果追求健康嘅朋友唔好搞喇）薑蔥牛柏葉薑蔥味濃郁，牛柏葉入晒味椒鹽九肚魚揸得幾好，好脆份量都好多吓接住落嚟就係重頭戲今次嗌咗個臘味滑雞煲加咗蛋臘腸兩片、潤腸兩片、臘肉唔記得幾多、雞件幾舊呢間煲仔飯嘅飯焦冇燶味，好正成個煲底有八九成都係飯焦以飯焦來講，出邊其他嘅都冇做得咁好個蛋係流心，撈飯一流如果鍾意食有飯焦煲仔飯嘅朋友值得一試兩個人加埋食左$27x，都叫幾抵食