唐述

今晚同朋友去左IFC食飯, 食完呢餐真係好滿足，環境好靚，食飯時又可以望住個海。然後每道菜無論賣相同味道都係一流。我同朋友叫左個set叫世味人生，話明世味人生，入面一定係好多味道。第一個菜係慢煮雲南辣泡椒皇帝帶子, 粒帶子又厚又大粒，好鮮~ 個泡椒唔係好辣，加埋一齊好好味我好鍾意個象拔蚌夜香花乾貝燉夏瓜湯, 呢個時間飲呢個湯真係好啱, 而且裡面好多海鮮，成個湯勁鮮甜~私房吉品溏心乾鮑魚扣鵝掌都好好味，鮑魚同鵝掌都好入味呢個古越龍山20年花雕蛋蒸海蝦好得意，上菜既時候侍應會問你飲唔飲酒，然後佢喺個蒸蛋上面噴左幾下花雕，個蛋好滑好香~食左一輪野，佢就上左個珍寶珠去清一清個口~ 佢其實係一個sorbet, 我唔知呢個味既英文, 但佢食落似山渣，酸酸甜甜好開胃~呢個鹹酸菜奶油濃魚湯生煎麒麟魚係我另一個favourite, 佢個湯底係酸菜魚既味，加埋個魚真係好出色。個麒麟魚煎得好香好脆，浸下個湯一齊食, 有2個口感~ 之後到砂鍋菌香雞, 呢個雞上之前侍應會喺側邊用砂鍋炒香啲雞再上碟，佢全部都係雞脾肉，個雞好滑好入味~黎到最後一個鹹點，就係呢個石頭魚蝦米節瓜湯浸鴛鴦米，比起頭先既菜，呢個係比較清淡，但其實個魚湯好濃魚味，為鹹點劃上句號好適合~終於真係黎到最後一味20年陳皮鐵觀音雪糕~ 呢個真係好好食, 除左面頭既雪糕，下面仲有一層鐵觀音味既啫喱，2個mix埋一齊食好正! 今晚完全係極大享受，呢度樣樣野都好好食! 所有野都perfect!…查看更多

我發覺人生永遠不外乎，形、念、事、物四種面向，形可以解做形影不離，念亦僅乎於一念之間，事係代表事過境遷，物可以解做係人物風景，如果呢一刻我有少少酒意，靈感一到，好似唐伯虎咁即席揮毫，化身藝術大師，咁就真係留名青史啦。👇🏻📌世 味 人 生 - $1,388/位▪️ 2012 Quintay Q Grand Reserve Pinot Noir -▫️ 有佳餚欠缺左美酒就差少少，所以揀左呢隻來自智利酒莊Casablanca Valley既桃紅酒「2012 Quintay Q Grand Reserve Pinot Noir」，配返魚肉、帶子、海蝦就一絕啦。▪️ 慢煮雲南辣泡椒 · 皇帝帶子 -▫️ 第一道前菜由仙氣陪伴出場既「慢煮雲南辣泡椒皇帝帶子」打頭陣，帶子果然係King size，賣相吸晴，經慢煮過變得更加鮮滑彈牙，面頭用上既泡椒令整體份外惹味。▪️ 西班牙黑毛豬又燒酥 · 苔菜豆腐 · 黃袍金衣 -▫️ 第二道「西班牙黑毛豬又燒酥·苔菜豆腐·黃袍金衣」包括三款精緻小食，叉燒酥外層做到相當酥脆，裡面黑毛豬濃而不膩；而豆腐亦炸得夠香脆，滑不溜口；黃袍金衣姐係沾滿鹹蛋黃既大蝦，炸皮超薄身，蝦肉爽彈，好食！▪️ 象拔蚌夜香花 · 乾貝燉夏瓜湯 -▫️ 第三道「象拔蚌夜香花·乾貝燉夏瓜湯」首先湯裡底非常足料，有大蝦、蟹肉、乾貝、瑤柱、翠玉瓜、冬瓜、蓮子，鮮甜到不得了，呢D悶熱天氣零簡直令人梅胃二胃。▪️ 私房吉品溏心乾鮑魚 · 扣鵝掌 -▫️ 第四道「私房吉品溏心乾鮑魚·扣鵝掌」鮑魚用上來自南非名物乾鮑，做到溏心質地，軟腍入味，而鵝掌吸收哂鮑汁精華，特別腍滑，食完整體都唔會太漏，好滿足！▪️ 珍 寳 珠 -▫️ 打開menu見到呢個「珍寶珠」又覺得幾盞鬼，其實佢係自家製既士多啤梨味雪芭，底部用冰鎮住，賣相真係珍寶珠咁慢慢啜，做間場清清味蕾，幾清新。▪️ 古越龍山20年花雕蛋 · 蒸海蝦 -▫️ 第五道「古越龍山20年花雕蛋·蒸海蝦」開始入主菜環節，staff會係上枱之後再噴少少花雕酒，海蝦食落彈牙之餘，酒香仍做到揮之不去效果，加上蒸蛋相當嫩滑，完全唔乾身，認真出色。▪️ 鹹酸菜 · 奶油濃魚湯生煎麒麟魚-▫️ 第六道「鹹酸菜·奶油濃魚湯生煎麒麟魚」絕對係強化版既酸菜魚，首先魚肉唔係普通鱸魚，而係將魚鱗煎到豎起果種，而且好似薯片咁脆口，而底部sauce做左個酸酸辣辣既濃湯，口感creamy，配埋鹹酸菜、腐竹，係好惹味開胃。▪️ 砂 窩 菌 香 雞 -▫️ 第七道「砂窩菌香雞」由staff再係上枱時即刻炒熱，確保入口時保持到煲仔菜應有既溫度，面頭有炸過既乾蔥，配搭野菌、芫茜、蒜頭，每一樣都令個香味push到最高點，而雞肉一d都唔老，入口係夠哂腍滑，我超鍾意！▪️ 石頭魚蝦米 · 節瓜湯浸鴛鴦米 -▫️ 第八道「石頭魚蝦米·節瓜湯浸鴛鴦米」係最令我印象深刻，事關我係極鍾意飲魚湯，佢呢個湯底完完全全係鮮魚湯既色香味俱全，奶白色既湯底，加埋D蝦米、節瓜真係令我好想好想添多碗！▪️ 20年陳皮 · 鐵觀音雪糕 -▫️ 雪糕我真係食得多，最後呢個甜品「20年陳皮鐵觀音雪糕」令我梅開三胃，估唔到茶香既雪糕配埋舊陳皮係咁有效果，成個set我完全搵唔到位挑剔，今晚呢個人生太完美……查看更多

這是一間中菜廳，食法新類。脫離舊有中菜的枷鎖。這是第二次再來食，味道不變，依然有驚喜。由於餐廳新開，是酒店職員介紹，第一次吃完後馬上搜索該餐廳資訊，原來是一位年青人執掌的。最後副經還送上紅豆沙，非常滑，下次必叫！…查看更多