桂花小幸 (將軍澳廣場)

住喺將軍澳嘅朋友好鍾意食台灣菜，所以幫襯了位於將軍澳廣場嘅「桂花小幸」星期日下午2點，以為避開正午繁忙時間無咁多人，黎到都要坐5分鐘先可以入座。有優雅的卡位坐好舒服。餐廳內設有自助水吧。餐牌有好多選擇，有飯、麵、小食同飲品1. 紫菜魚丸湯($10)、涼伴黑醋茄子($10)、滷水蛋($8)。三款小食價錢優惠，亦有一定水準，特別係涼伴黑醋茄子，味道酸酸地，食咗令人好開胃嘅前菜2. 椒鹽花枝丸(3粒)($26)，炸得外脆內熱，內有粒粒花枝肉，配上椒鹽，十分可口3. 三盛紅燒牛肉麵($75)，內有腱心牛肉、牛腩、牛筋。紅燒湯底濃郁，牛筋好腍，牛肉同牛腩好入味，而且份糧好足，入口好有台灣味道，一碗已令人好滿足4. 秘罈酸菜魚湯飯($73)，湯底酸度適中，有好多芫荽，好適合鍾意食芫茜嘅我。另外，魚片肉份糧多，一碗飯食完仲有好多湯同餸，抵食之選5. 蜂蜜檸檬蘆薈($21)、夏日水漾鮮果茶($29)。兩杯飲品好足料，特別係鮮果茶有好多鮮果肉，可以一邊飲一邊食，兩種享受整體來講，餐廳環境舒適，食物水準高尚，充滿台灣味道，價錢優惠，可以一試再試。…查看更多

周三吉日有特價, 特地到這邊來入貨. 入貨前, 要先食飽. 來到熟悉的台式餐館就座, 點菜付款, 就要和小米商量TAKE THAT目標.           秘罈酸菜魚米線     看到新品上市, 小米就想試試.  大大碗米線上層有彎彎的魚肉和大量酸菜. 其實湯底以薑的辣和酸菜的酸為主調, 没有花椒=没有麻辣. 不過看到小米把魚肉掃光後就狂吮米線, 很快手就把整碗都消滅了.           煲仔塔香三杯雞定食    一早知道三杯雞是醬油米酒&麻油三種調味料烹調而成, 可是自己不會煮. 而多次光顧, 也未曾嚐過三杯雞. 最後在牛和雞定食之中, 選擇三杯雞. 先夾出雞胸! 雞胸肉肉質滑滑, 這個雞合格了! 而帶著九層塔香的雞件很惹味, 好下飯.          滷水蛋  有雞肉, 又想要雞蛋.  而滷水蛋的小碟子, 用來做骨碟吧!          鹽酥花枝丸  花枝丸有粒粒花枝肉     日式紅豆抺茶 小米對奶類敏感, 而剛好小米又喜抺茶, 所以點了這款.     黑糖珍珠鮮奶   台灣名物, 就想要來一杯. 無奈自己了告訴職員要熱飲, 現在就變成凍飲了! 反正間中會來廣, 下次一定會講明<熱>黑糖珍珠鮮奶.  大家食飽飽, 要向吉之島出發了! …查看更多

同朋友短聚，刻意揀兩點後先食，諗住會少啲人，點知嚟到門口已經有唔少人等緊位，算係商場內受歡迎之選。午市套餐(主食 + 小食 + 飲品)由$55至$79，主食共有十款可揀，仲可自由加配小食，相當彈性。酥炸排骨滷肉飯 $69厚切豬扒外層酥脆，滷肉屬半肥瘦，碎豬肉軟腍，入味滷水牛肚金錢肚滷得入味，好夠腍丶易咀嚼紅燒腱心牛肉麵 $69自選湯底有紅燒牛肉湯丶養生清燉牛肉湯丶清雞湯，可選台灣麵或米線，我哋揀咗養生清燉牛肉湯配台灣麵。一送上枱，已聞到湯底嘅香味，似藥膳湯味，忍唔住飲咗半碗，台灣麵底相當足量，牛展嘅筋膜同肉嘅比例平均，軟腍惹味。涼拌貓耳朵 (跟餐 +$8）貓耳朵沾滿陳醋味，蒜蓉丶辣味亦啱啱好，開胃小食鹽酥花枝丸 (3粒）$26必食推介！大大粒，食到有花枝粒，好味！桂花雞翼 (3隻）$26外層炸得酥脆，配有桂花糖漿，但雞翼肉味較淡，如果醃料多少少，可能會更惹味鐵觀音珍珠鮮奶茶 $28 (跟餐-$5）茶味好香，原來入面有成個茶包，珍珠煙韌，鮮奶厚滑夏日水漾水果茶 $30 (跟餐-$5）朋友話茶底有微微桂花味，鮮果有西柚丶士多啤梨丶藍莓丶青檸丶紅肉火龍果…查看更多

同朋友去西貢行完出返黎將軍澳，夜晚無堂食就唯有早啲食晚餐啦，我地去左桂花小幸食台式晚餐。下午茶有拉絲芝士火腿蛋餅配地瓜薯條。蛋餅入面有芝士同火腿，芝士味最出，跟住有蛋味，外皮香口，口感豐富。地瓜薯條新鮮炸起，夠熱夠清甜。鹽酥雞排雞肉飯個飯伴有滷水汁，食落變左唔會好乾，雞肉份量唔少。雞排外皮都脆口，好邪惡。三盛紅燒牛肉麵有腱心牛肉、牛腩、牛丸，牛丸最好食，大大粒。台灣麵彈牙爽滑，好食。鹽酥花枝丸(3粒) 好香口，肉質彈牙，夠惹味。我飲仙氣火龍果茶，少糖少冰，可惜唔可以無糖，茶味多過火龍果味。朋友要白桃烏龍茶，無糖少冰，即使無糖都飲得出桃味。…查看更多

今日行開將軍澳，就諗住搵埋野食先番去，係將軍澳廣場中銀禁完錢一岀黎，就見到左邊依間「桂花小幸」排哂隊，就諗住係番openrice睇下佢啲食評再決定等唔等位，一睇就見到好評佔大半數，就即刻拎飛，拎飛其間睇完食咩好就手痕係Openrice search埋將軍澳，先發現依間原來排第二名，佢啲價錢又好平，唔怪得咁多人食喇！😯😯.我8點鐘拎飛，要等7個號，見佢叫一個號都成8分鐘先一個，就去行下先，點知8點20分番到黎就過左3個號😂，飛到有寫「如超過五個號碼，需要重新拎票」，好彩未過5個號，同番普通職員講，佢下個就比我地入喇。.服務方面，普通侍應全部都好好態度同禮貌👍🏻，而職位同年齡較高個啲就不是太好態度👎🏿，有一人説話和行為有點沒有禮貌，但當時是繁忙時間，所以能理解，但繁忙時間過後，另一人甚至沒有眼神接觸(就算冇其他事要忙，她也只看前面)，打發了我後，她把身邊轉向另一邊（另一邊廚房都是沒有發生仼何事），表示得不想理會人。😢...我就叫咗個 「番茄鹽酥雞排麵」($61)，不得不讚既就係佢個番茄湯底無敵濃味🍅，淡淡都係蕃茄味，一啲都唔似係溝左好多水，蕃茄迷必叫！而個麵係台灣麵，唔會偏軟同硬身，口感適中，有咬口！😋😋😋雞排好夠鹽味，又唔會好鹹，炸粉唔會過厚，就算係怕肥嘅，都會接受到會連皮照食埋🤣入面都唔會乾身，好juicy!💦.我朋友就叫左個「蕃茄酥炸排骨麵」($61)，酥炸排骨麵原本係$58，但加左$3轉番茄湯，相比起我嗰個雞排，呢個排骨就冇咁出色，比較乾身，咬入去有啲硬又冇味，個沙律醬就救番佢小小，但係食到一半都會有種感覺唔想再食落去🌚.我哋小食分別叫咗「桂花雞翼」$23、「台灣烤香腸」$28、「鹽酥花枝丸」$23.「桂花雞翼」，雞翼係用炸粉炸過，但係佢入邊都會有啲汁一咬就岀黎，再點個桂花汁，好特別，估唔到都幾好食，唔係將個汁夾硬配埋一齊，又襯番個名「桂花小幸」以桂花做主題。🌸🌸.「台灣烤香腸」，我開頭以為係岀面買十蚊條個啲台灣腸黎，但食得岀係用蒜烤過，好多陣蒜香味，比岀面個啲更重味道👍🏻.「鹽酥花枝丸」，就只係普通炸過既墨魚丸，一食就覺得冇台灣咁好食，但都可以接受.飲品我地就叫左「黑糖珍珠鮮奶」$29、「芝士奶蓋白桃烏龍茶」$28「黑糖珍珠鮮奶」🥛，我係岀面排隊個陣都見到有人唔入去食野，只係買依杯黎飲，一睇落就深深吸引左我，好似同xx堂個啲有得揮咁，就叫左！但係一飲落去好小黑糖味，我連個杯有黑糖既地方都搞到冇，都只係飲得岀係鮮奶，珍珠就幾有咬口既，唔會爛哂「芝士奶蓋白桃烏龍茶」🍑，我一向鍾情於白桃，一有白桃既野我就會試，加上我又好中意奶蓋，飲落依杯又係搞極都冇味，奶蓋又唔係飲開個種重芝士味既奶蓋，似係飲緊cream同綠茶好味指數:8/10回頭率:7/10服務:6/10…查看更多

次次去經過將軍澳見到呢間文青cafe都想入黎試下，小妹見閒日無咩野做又去開將軍澳睇戲，梗系要順手試下呢間文青cafe look 的桂花小幸喇!!!!!餐廳走文青路線，入面D擺設好靚，貼左好多相片系牆做裝飾，感覺好relaxxxxxx~~其實呢，小妹本身幾鐘意食台式料理咖， 所以出街見到台式餐廳都會試下，對台式食物質素都幾有要求~~呢間桂花小幸又無令我失望WOR 打開餐牌 好多選擇， 麵類、 飯類、 小食，夾夾埋埋都有成三十款，連飲品都有成兩頁，岩曬花心的小妹 WOHOO  經過一輪內心爭霸戰，終於同友人兩個麵食兩個小食加兩杯飲品!!先介紹下兩款小食!!<鹽酥花枝丸 $38>$38 可以試到五粒漲卜卜的花枝丸，真心幾抵食 唔好睇少呢碟花枝丸，粒粒真材實料，食食下會食到魷魚粒粒，配上椒鹽調味，成碟野真系無得彈<香脆墨魚香腸 $28>另一抵食推介，成碟大大話話唔少過十片香腸！同平時的香腸唔同，呢碟香腸因為用墨魚汁攪嘅，所以隻色就黑猛猛，中間的日色粒粒其實系墨魚仔！ 雖然碟香腸就真系唔系好脆，不過勝在大份夾抵食，如果個胃夠大，都可以點黎試試！<三盛紅燒牛肉麵 $68> 食台灣野，一定要叫碗牛肉麵啦! 呢間cafe的三盛紅燒牛肉麵有腱心牛肉、牛腩同牛丸，就咁睇，就知係誠意之作~ 腱心牛肉同牛腩都係煮到十分鬆軟，而牛丸則爽口陣牙! 個湯底亦十分不錯，加埋紅蘿蔔同白蘿蔔，係必食之選!<（左）黑糖珍珠鮮奶$29      ( 右）芝士奶蓋桂花烏龍茶 $ 28>雖然桂花小幸唔烏台式飲品專賣店，但系佢的飲品又出奇地幾具水準！ 小妹同友仔order 左兩杯menu 上推介的飲品，左邊個杯系黑糖珍珠鮮奶，黑糖同鮮奶的比例控制得品錯，唔會太甜，黑糖鮮奶層次分明又唔會搶過對方的味道，唔錯唔錯！最抵讚的是佢的珍珠做得一d都唔hea，非常淋之餘好有咬口，食到出每一粒都有黑糖包裹住，oishi!!!!!! 右邊的芝士奶蓋桂花烏龍茶都好出色～飲落去第一啖，係清新的桂花味，茶味相對較輕；再飲埋芝士奶蓋，就發現兩者係出奇地夾 呢杯野飲無叫到少糖，但味道沒有好似平常的台式飲品店的飲品般過甜，啱晒好似小妹我呢啲想叫芝士奶蓋，又驚過甜，糖份太多的人~<特濃蕃茄雞排麵 $61>最後黎到的是呢個特濃蕃茄雞排麵~ 個酥炸雞排外皮好酥脆，很有味道，雞肉肉質也夠嫩，怎麼吃都不會膩。最喜出望外的，是個湯底，飲下去是十分濃郁的蕃茄味，不像一般麵店的湯底會淡而無味。而家閒閒地食碗台灣牛肉麵成百蚊，呢個價錢食到咁高質的台灣野食真系好好好難得，推!!!!!!!!!…查看更多

地獄三盛牛肉麵($71)，有三餸分別係牛腱、牛腩、牛丸，地獄湯果然非浪得虛名，實在好刺激，建議唔食得辣既朋友千萬別試。鹽酥雞排滷肉飯($58)，不得不讚塊雞排，真係香酥脆，雞肉唔乾身有肉汁。香脆墨魚腸片($28)，外層煙韌，墨魚彈牙，值得推介小食。鹽酥花枝丸($38)，有5粒，粉漿炸得好酥脆，花枝丸size都幾大粒，而且好彈牙。煎餃子($28)，有4隻，煎得個皮好脆，好香口，餡料幾好多汁，配埋個醋汁好夾好好味。柚子冰沙($28)，面層有一層噴忌廉和柚子醬，可以攪勻黎飲，味道唔會太甜。百香果冰沙($28)，好重百香果味道，清新冰涼。…查看更多

以前係附近返工臨急臨都冇發現, 原來將軍澳廣場同popcorn好大好靚好grand。聽住舊同事呻佢返工既麻煩事,不知不覺係時候要食晚餐喇, 有選擇困難既我地, 我就用openrice apps揀左熱門既餐廳, 順手用埋apps拎位。桂花小幸b+bc 位於將軍澳廣場既一角, 旺中帶靜, 已經8點幾了仲好多人等位, 餐廳另設飲品吧做飲品外賣, 見唔少人買飲品, 一邊等入座一邊有杯野飲下, 而我朋友繼續滔滔不絕, 冇買飲品既意慾。用左apps取籌就方便好多, 我地等左5分鐘就有位喇, 全場滿座。餐廳走文青風, 希望都市人放下壓力, 體會生活的美. 我們兩個都好飢餓了, 馬上點菜, 首先出去收銀點菜同俾錢, 之後侍應好快就送上餐飲。三盛牛肉麵($68)湯頭夠濃郁, 牛好入味, 咬一口食到牛肉味又夠林, 功力十分到家, 咬一口麵, 有彈性有嚼口, 餐廳堅持自製新鮮既麵條, 一碗麵測試出餐廳的誠意。酥炸豬扒麵($58)聽講餐廳為左做到一塊靚既炸豬扒, 用左幾個月研究同升級豬扒, 食落夠脆夠實, 配上軟綿綿既沙律醬, 要係香港搵到如此質素既炸豬扒5隻手指數得哂 。鹽酥花枝丸($23)3大粒花枝丸有性格地攤在碟上, 我實在忍唔住手,唔等朋友開動, 決定自己先試味. 咬開外脆內彈牙, 有一粒粒花枝肉混在入面, 是我最喜愛既花枝丸類型。麻辣豬肚($38)豬肚主食賣哂, 所以叫個豬肚小食過口癮, 豬肚係厚切, 同出面食既爽口唔同, 係林林地有嚼頭, 配上惹味麻辣醬, 呢個小食配麵一流。紅豆荳漿($12)食一口牛肉麵, 呷一口荳漿, 人生何求? 荳漿微凍小甜可中和牛肉麵既油份, 我推介呢個飲品。凍檸茶($6)臨近收鋪珍珠已賣哂, 叫左杯凍檸茶, 果然係賣飲品既餐廳, 連凍檸茶都有驚喜, 澀甜酸 三種味道剛好到位。有時會聽到隔離枱傾計, 9點後食客散去, 聽到店舖的樂曲和見到店舖內的鼓勵字句, 我呢位朋友都 變得豁然開朗, 果然, 食物係有治療能力。秒殺所有食物, 好滿足:)埋單每人100蚊, 我地覺得物超所值, 下次會繼續幫襯, 一定要先用apps拎籌。總結: 餐廳的食物飲品十分有水準. 店舖的佈置很有格調, 我一定會再黎試其他食物同飲品, 亦都十分推介呢間餐廳, 希望長做長有。 …查看更多

這星期太忙碌了，終於到開心星期五❤️努力一星期係時候又放鬆下啦～～想去旅行放鬆但無咁多假，就去食台灣野當去咗一轉台灣😎桂花小幸位置於將軍澳廣場既轉角位 當日8點幾左右去到，可能係星期五既關係排隊等候的人都不少喔，但不用等很久 很快都入得去。坐底後店員會俾個餐牌！好啦~睇下食咩先🤤點餐是需要到外面櫃員機先付錢，說出自己坐的枱號，就可以回坐位等待店員遞上食物。😆選擇困難又出現，唔知叫咩麵好最後見到滷水豬肚麵係新出，就試下新產品🤓👉🏼台灣滷水豬肚麵 $48豬肚既份量有好多😚煮得岩岩好，咬落去唔會好硬！麵方面我就選擇左平時小食既台灣麵，質感好好咬。大大碗，食到很飽飽喔！👉🏼腱心牛肉米線 $58這個也是紅燒湯底，沒有很多的油。貌相好似有點凌亂了，𣎴過呢腱心牛肉既份量正常。😉紅蘿蔔好甜😆夾起牛肉來看看先，腱心牛肉厚身有點筋。👍🏼👉🏼鹽酥花枝丸 $23有5粒同3粒可以選擇，小胖子簡左3粒！金黃色既外皮，炸到夠矖脆，仲唔會太過咸👉🏼魔力水晶可可 $24朋友讚口不絕，話平時入面既係珍珠，今次係啫喱很特別，好好味！👉🏼桂花烏龍茶 $20清香既桂花🌸配上我最愛的鳥龍茶 💕好夾呀！味道好ғʀesʜ 👯‍♀️有2包茶包係入面🤩茶包入面有好多桂花乾，望住好有治癒😌將我呢個星期嘅不快帶走了😌而且茶味都好濃～店內既設計好有文青ғᴇᴇʟ💕食飽飽後人流散了點，可以影到呢個位💛…查看更多

食過幾次，都係覺得麵好食啲，麵質同湯底都吾錯，滷肉飯就較為普通。今次揀左紅燒湯滷水雞翼麵，雞翼同麵係分開既，麵條幾特別吾係到到食到，湯底好濃味但又吾算係味精湯，吾錯！但個雞翼就有啲普通同埋無咩滷水味。酥炸排骨滷肉飯，都係分開兩碟既。個酥炸排骨同平時見到既炸皮有啲吾一樣，比較似煎排骨，但肉質吾韌既，個滷肉飯就好一般，滷肉無味又無蛋⋯⋯另外加左個小食：鹽酥花枝丸，呢個就幾好食，無出面食到既甘咸，而且炸得幾脆又吾油，個丸都好食叫左杯珍珠伯爵拿鐵，叫左就冰，但黎到既時候無走冰，比反佢，佢最後只係倒走左啲冰⋯⋯⋯:(:(…查看更多