桂花小幸 (將軍澳廣場)

營業中

休息中

同朋友去西貢行完出返黎將軍澳，夜晚無堂食就唯有早啲食晚餐啦，我地去左桂花小幸食台式晚餐。下午茶有拉絲芝士火腿蛋餅配地瓜薯條。蛋餅入面有芝士同火腿，芝士味最出，跟住有蛋味，外皮香口，口感豐富。地瓜薯條新鮮炸起，夠熱夠清甜。鹽酥雞排雞肉飯個飯伴有滷水汁，食落變左唔會好乾，雞肉份量唔少。雞排外皮都脆口，好邪惡。三盛紅燒牛肉麵有腱心牛肉、牛腩、牛丸，牛丸最好食，大大粒。台灣麵彈牙爽滑，好食。鹽酥花枝丸(3粒) 好香口，肉質彈牙，夠惹味。我飲仙氣火龍果茶，少糖少冰，可惜唔可以無糖，茶味多過火龍果味。朋友要白桃烏龍茶，無糖少冰，即使無糖都飲得出桃味。