鹽燒紅衫魚

荃灣嘅朋友仔有福啦！當知道呢間燒烤店開到去百悅坊，滿心歡喜啦唔洗過海一放工可以即飛過嚟食串串。呢晚“串”下個friend先！其實幫佢慶祝生日book位食串燒新餐廳燈光唔會太掁眼坐落幾舒服，門口有個玻璃房放滿酒類幾吸引咁，啲staffs幾友善服務唔錯。新開張啤酒做緊買一送一，今次反而想嘆杯Highball威士忌梳打醒一醒神！※滑捋捋韓式牛骨髓・第一次食口感幾得意、白色嘅骨髓滑嘟嘟軟綿綿！配搭kimchi味道酸辣惹味※豚肉日本蘋果卷・無諗過配埋蘋果嘅豚肉多咗份清甜，果肉爽脆多汁，同燒得軟腍嘅豬肉好夾※雞皮墨魚滑・呢款新登場、墨魚滑咬落彈彈下又幾軟滑，調味不俗，亮點係面頭包咗層薄薄酥脆嘅雞皮，香口增加層次感※焦糖青蘋果鵝肝多士・多士個size幾巨型，估佢唔到味道幾好。鵝肝烤到有股膶香入口即化、口感細膩味道濃郁，配咗焦糖青蘋果減低肥膩感比較清甜，多士幾脆口中間仲釀咗啲芝士，成件事即刻豐富咗※日式燒白鱔・食親串串我一定嗌燒白鱔，肥美甘香好啱我呢個海鮮控※鹽燒紅衫魚・前世應該係貓嘅我係好鍾意食魚，再點多個燒紅衫魚，啲皮燒得幾香脆，魚肉唔多味道還好，食時小心啲有細骨※唐揚池魚仔・剛炸起時酥香到一個點！魚仔size肥嘟嘟幾飽滿咬落juicy，無得傾要送酒。必須趁熱食、凍咗無咁正※鹽燒豚肉無花果卷・新店多咗新花臣、貪新鮮食下呢個先。燒過嘅無花果肉比較軟腍，鹽燒豚肉幾香脆※鹽燒赤雞頸肉・呢個佐酒聖品、肉味甘香不過不失※柑桔鹹蛋黃卷・甜品嚟㗎幾特別，清新柑桔配鹹蛋黃嘅鹹香，我最鍾意食甜嘢如果再多啲餡仲好！個皮幾脆，呢個組合毫無違和感…查看更多

荃灣都開咗燒烤堂喇，既然嚟開荃灣，身為串燒迷嘅我哋，當然要第一時間試下喇😋餐牌上每款串燒都註明咗食物嘅風格有日、泰、港、川、西、疆、台、韓以及自家產物“堂”👍每檯都有個熱爐，可以將凍咗嘅串燒㷫番熱，檯面上亦有辣粉及椒鹽以供調味🍻札幌生啤(買一送一)$48買一送一咁抵🤑， 當然要叫嚟啤啤佢喇🥢鹽燒原塊雞皮(堂)$22脆卜卜熱辣辣，雞皮超乾爽完全無油膩感，必點之選👍🥢麻辣雞軟骨(川)$16麻辣味超濃郁，軟骨爽脆，又係必推之選👍🥢鹽燒赤雞頸肉(日)$22雞味郁，軟滑細緻，輕盈鹽味食到雞嘅原味道🥢香辣雞腳筋(疆)$22爽煙韌好嚼勁，啱哂喜歡咬嘢嘅朋友，包括我哋😂🥢厚切鹽燒牛舌拖羅(日)$48厚切爽彈又軟嫩，超甘香juicy，少少鹽味已經吊到牛舌嘅味道👍🥢椒鹽燒鴨舌(堂)$28軟滑得嚟又爽脆，仲好juicy添🥢麻辣手釣墨魚鬚(川)$22爽脆彈牙好嚼勁，配埋勁惹味麻辣汁，好味👍🥢鹽燒白鱔(日)$48表皮香脆煙韌，肉質Q彈juicy，魚味濃郁香甜🥢鹽燒紅衫魚 (鹹香)(日)$32原條上超驚喜，紅衫魚非常新鮮，燒得剛好，肉質嫩滑鮮甜並帶微微鹹香，唔怕噒骨嘅我食到舐舐脷😋🥢鹽燒日本銀杏(日)$24燒到微微收乾水嘅銀杏，煙韌Q彈，口感一流🥢麻辣秋葵(川)$16嫩腍juicy，串燒菜都可以好惹味🥢鹽燒萵筍(港)$18萵筍爽脆多汁，輕盈鹽味吊出清新口味🥢黑糖燒菠蘿(港)$18嫩腍甜香又juicy，食咗咁多惹味嘅串燒，用嚟清清口，一流👍餐廳有舒服卡位及大圓檯，三五知己以及一大班朋友嚟都無問題，嘆住啤酒食串燒，成晚都坐得好舒服…查看更多