尚鮮海鮮料理

聽講油麻地同佐敦中間有一間唔起眼但好好食嘅邊爐就上嚟試下的確要花啲功夫先搵到個入口細心向上望就會搵到佢招牌香茅花甲野菌鍋 $194我覺得好似大版嘅卜卜梘望落以為會好淡味點知原來好鮮甜！我同朋友都覺得好好飲！香茅味唔會好重但好香～建議飲咗個湯先唔好曬除咗花甲之外有2種新鮮嘅菇可以食見我哋食完花甲好多殼係個碟度店員好貼心主動幫我哋換碟仲會幫我哋拔走湯面啲油值得一讚！二人海鮮盛$339廣島蠔：新鮮好食，唔腥聖子皇：爽口彈牙，好新鮮～海蝦：好大隻，個頭有膏白鱔片：爽口，但有骨要小心黑豚肉片 $55本身嚟到嘅時候望到好似好厚，驚佢好韌點知好有驚喜！！食落去超好食，完全唔韌煮得耐少少，等佢熟啲都唔怕而且肥瘦分布岩岩好食落去好好味唔會太油！百花釀油條 $67即係蝦滑配油炸鬼食落去嘅時候口感特別我自己本身好鍾意食油炸鬼油炸鬼唔係空心果隻店員話可以就咁食或者放鍋入面拖拖水先食我兩隻都試咗我覺得一定要試吓就咁食好香口啊～趁熱食～放耐左凍左就可以放入去淥一陣熱返佢先食～鮮打四寶丸 $86望落去細細粒食落好彈牙我同朋友2個人食可以試曬4款，岩岩好炸魚皮 $39勁掋食，好大碟，成座山咁高好脆，鐘意食香口野要試吓鮮腐竹 $38推薦！好新鮮啊～好有咬口，有驚喜我本身唔係太鍾意食腐竹每次去譚仔都會走腐皮但呢個我都覺得幾好食唐生菜 $39望落個兜好似唔係好大但係入邊都有好多棵自家製洛神花蜂蜜茶 $68/1L通常打邊爐都會口渴就叫咗1L嘅洛神花茶解渴之餘無咁熱氣啊味道 🩷🩷🩷🩷🤍環境 🩷🩷🩷🩷🤍服務 🩷🩷🩷🩷🩷衛生 🩷🩷🩷🤍🤍抵食 🩷🩷🩷🤍🤍…查看更多

🤭為咗捉緊冬天嘅尾巴，吃貨嘉嘉同朋友去打邊爐🍲🍺沖繩生啤星期一買一送一，唔苦易入口小麥味比較重～ 🍲姬松茸冬瓜湯打邊爐除咗個爐，最重要梗係個湯！呢個湯又平又好飲、真材實料😋😋 打邊爐之前飲返碗暖下身一流！二人海鮮盛（標準）有大蝦、蠔、鯇魚片、墨魚片、沙白、蟶子各2，特別喜歡蟶子，爽口鮮甜特尚手切牛（中）肉味白濃、口感好滑🥹手切牛係唔同啲！ 唔會好油又好鞋！！！讚👍🏻鮮打四寶丸用料新鮮，唔錯👍🏻脆肉鯇片🐟特別鐘意脆脆嘅口感😚有機田園盛+烏冬食完真係飽到棒住個肚走🤣🤣…查看更多

醬油 $15/人蟲草花花膠燉雞湯 $186原來花膠燉雞湯因為工序繁複，所以每日限量得幾個。湯飲落很鮮甜冇味精，亦很足料，入面有蟲草花、瘦肉、蜜棗、蟲草、花膠、雞件等。由於隔水蒸的關係，所以唔會有好多油喺面。我同個朋友等佢一滾即刻一人一碗湯，入口又香又清甜。脆鯇魚片 $72鯇魚片切得很薄，選材肉質係比較結實彈牙。本身個選材都係新鮮，所以唔太洗點調味料而且魚味鮮甜。五味豚 ‘盛’ $149上層是越式扎肉，中層是豚肉片，下層是黃沙豬膶、豬皮和豬頸肉。豚盛入邊最出位的是豬頸肉，可能我比較少用豬頸肉去打邊爐。就算個豬頸肉over cook都好，都可以保持住佢的彈牙同肉味。鮮打四寶丸 $86四寶丸分別是：鮮打牛丸、鮮打豬丸、鮮打墨丸和鮮打蝦丸。四種丸都係手打，而入邊最好食的是豬肉丸，一咬洛去d汁爆曬出黎，仲比佢辣親條利。特尚手切牛 (中) $180牛肉切成條狀，望上去已經很新鮮，似安格斯既牛肉質地咁結實，肉味十分濃郁。娃娃菜$39可以落先過肉，因為個菜索了上湯會清甜同埋無之後落咁多油。總括而言，性價比都算高，見到OpenRice訂枱的話9:30後有八折，如果9:30後來都幾抵食。P.S. 侍應講返先知原來除咗火鍋外，尚鮮還有私房菜，仲要係有獨立包廂，六位起，早兩日預訂就可以。下次同朋友gathering可以考慮考慮。…查看更多

身為食肉獸嘅我打邊爐一定會揀任食放題（可以任食肉回本🤭呢日比朋友拉左我黎尚鮮食散叫嘅火鍋😅第一感覺：咦 咁乾淨嘅？本身諗住可能會好似酒樓咁坐得唔舒服😅嚟到地方唔大 不過坐得幾舒服又靜😳少有Menu有串燒 刺身甚至乎私房菜😳我地今日淨係打邊爐 湯底嘅選擇都好多 搞到我地好難決定😂呢排天氣又熱又焗 叫左個冬瓜湯消下暑～另外揀左個血池麻辣湯🌶️湯入面有好多黑木耳😋呢度啲湯都係一盅盅自家熬製嘅～超有誠意湯底好足料👍🏻滿滿冬瓜粒 瘦肉 姬松茸 好清甜上枱時試左一啖 深深咁愛上左 好有呀媽煲嘅靚湯feel😍極不是味精湯！成餐飯我諗我飲左4碗😂店員都好好服務不斷幫我地加湯同隔油 相當貼心手切牛份量都唔少 油脂均勻豐富平時食牛都要就住落淡口味嘅湯因為怕湯底太濃會蓋過咗牛味 今次呢隻牛不論落冬瓜湯定麻辣湯都一啖就食到好重嘅牛味 而且仲好滑 好出色👍🏻共有4款丸 墨魚 蝦 豬 牛 漸變嘅顏色砌得好靚 全部自家手打誠意滿分好有驚喜嘅係每一款入面都有唔同餡料🤭其中有咸蛋黃 黑松露等 豬肉好厚身 形狀好特別 食落唔會有雪藏味 質素很好👍🏻田園盛入面有白蘿蔔 粟米 蕃茄 同幾款菜蔬菜新鮮唔會有變黃或爛嘅👍🏻我地亦叫左日本蟹柳 越式扎肉 稻庭烏冬😋加落麻辣湯底好似食麻辣燙咁好爽！.未試過散叫嘅邊爐可以食得咁爽😋一定會再黎過🤤…查看更多

好耐未打過邊爐，搵左呢間好評如潮既餐廳同朋友試下，就係佐敦附近，交通方便～餐廳環境：餐牌入面既食物都好吸引，揀左湯底先：個皇牌之選- 龍皇海鮮鍋好似好正咁！ 於是我地揀左黎試下。先上湯底：龍皇海鮮鍋睇落去好足料，龍蝦好多肉，湯呈金黃色，入面仲有其他海鮮材料，飲落好鮮甜，係濃濃海鮮既鮮甜！海蝦都好正～牛柏葉：好大碟，size都好厚好大片鮮味好爽口！牛三拼： 雪花牛柳粒、特尚手切牛、本地手切牛好有牛味！有脂肪分佈、唔怕靭、都唔油膩！鮮打四寶丸：（牛、豬、墨魚、蝦丸），漸變顏色咁樣排列，賣相都好靚，亦都好有光澤！食落都起晒膠、好彈牙！新鮮！白鱔片：切得夠薄、一拾就好快熟，而且好爽口、亦都冇泥味清潔得好好好鮮甜！木耳鮮蝦雲吞：都好唔錯，蝦好甜西洋菜香菇餃：都好香菇味～田園盛： 娃娃菜、蕃茄、雞髀菇、粟米蔬菜料吸收湯嘅精華一齊食總結：呢間係一間有心機嘅火鍋料理，個湯底十分正！d配料都唔錯、新鮮！…查看更多

今次係佐敦揾到間尚鮮，等我睇下係咪咁新鮮先。呢間尚鮮好多元化~有好多唔同種類野食俾你揀，佢有串燒類，海鮮/刺身類，火鍋類，岩晒又想食下刺身，又打下邊爐既大眾。今次我一於試佢個火煱。呢度有好多醬油醬料俾你去選擇。姬松茸冬瓜湯 $94 [好鮮甜呀!]佢餐單有好多既湯底俾你揀，出面好少有呢d款既湯底!我決定要試佢呢個姬松茸冬瓜湯。 一黎到就飲左一碗啦~ 有好多冬瓜粒，姬松茸，瘦肉粒，令到個湯好清，好鮮甜，一d 都唔油，好好飲呀!雙併餃子 $96有餃子同木耳鮮蝦雲吞2款~入面好足料!不得不讚佢個木耳鮮蝦雲吞，裹面有一整隻蝦喺入面 非常爽口彈牙! 好新鮮! [必食之選!] 鮮打四寶丸 $86  [極力推介 🌟]鮮打四寶丸有牛肉、豬肉、墨魚同蝦丸四款~ 亦係佢地新鮮手打出來黎，好彈牙爽口，唔駛點醬料都食到佢既鮮味。手切安格斯牛 $209牛肉好鮮味，入口嫩滑，唔駛點調味料都已經好夠味，係好濃既牛肉鮮味呀!而且放入火煱到好快就食得，一d都唔 “un”脆鲩魚片 $72 [必試 🌟]脆鯇魚片好厚好大塊，好爽口，同食到魚既鮮甜味，又唔多骨~必試!唐生菜 $39份量好多, 每一條都好青綠，同呢個湯底好夾呀!，清甜呀。環境 & 服務呢到坐得好舒服! 唔會好迫狹! 店員見到你就黎無湯會自動幫你加d湯俾你，絶對係好好服務，照顧得好周到。…查看更多

是日於佐敦附近下班，便跟同事找到一間樓上火鍋一起用餐，可以慢慢促膝長談。餐廳醬油每位收取$30及加一服務費。值得一讚，侍應會主動換碟及加湯，服務也很禮貌。鍋底雙拼 - $165左邊是三高茶什菌湯，屬於素湯底。裡面果真有包茶包，愈泡愈濃郁不澀，茶湯清澈，入喉回甘，什菌更顯鮮味。右邊是血池麻辣湯，選擇少辣，辣椒愈泡愈辣，有點麻辣感，口感較為惹味。特尚手切牛 - $180牛肉片非常軟滑又夠肉汁，入口不黏牙有嚼勁。鮮打四寶丸 - $86分別是牛肉、豬肉、墨魚和蝦四款各兩粒，形狀不是特別大粒，但滾起來變得更大，而且入口鮮美彈牙，好爽口。大花甲 - $119花甲果真特別大粒，新鮮得開口吐舌，清洗得好乾淨，完全不帶沙，入口鮮甜可口。芝心獅子狗卷 - $44獅子狗卷薄薄的魚肉包裹著流質的芝士，好香口。芝士腸 - $44火鍋必點的脆皮芝士腸，咬開肉汁和油脂湧出。稻庭烏冬 - $27吸收湯汁精華，質感光滑而有彈性。有機田園盛 - $86健康的蔬果類正好平衡火鍋的油膩感及膳食健康，鮮甜的蕃茄、粟米和蘿蔔好入味，還有不少的生菜和娃娃菜。…查看更多

繼續用消費卷食好野今日去番旺區嘅佐敦，地鐵站行2~3分鐘就到餐廳係商廈入面，門面正常餐廳內里簡潔，員工服務質素十分次高，拍得住高級日本餐廳，係差句日文廢話小講，立即睇相同講野食試左個好出名嘅姬松茸冬瓜湯，個湯十分之清甜，打邊爐唔會搶過食材嘅味道。個湯我都飲左好幾碗，冇味精，真係好足料。新鮮手打丸，食開凍肉嘅丸都知，味精十分之重。手打丸可能冇凍肉丸咁大粒但肉質十分之真實，依得出原材料嘅味道。又係新鮮炸嘅響鈴，好熱，索哂d 湯主角，牛尚盛，可以睇番menu 有d 咩肉，太肚餓嘅我，都唔太分到係咩肉。不過牛舌係好出色，可能因為我係牛舌嘅fans. 其他牛肉，食得出係高質嘅牛肉，肉質口感可以話係打邊爐嘅最高層次。唔un,好咬口。必叫最後送張大合照，仲有菜的。其實成間餐廳氣氛好好，燈光好適合傾計。幾適合約會嘅餐廳，如果唔想成日食貴西餐嘅話。…查看更多

ᶠʳᵉˢʰⁿᵉˢˢ ᵒvᵉʳˡᵒᵃᵈᵉᵈ 👃如果唔係fd話我知佐敦有一間叫尚鮮既火鍋店，我應該成世都唔會知有一個咁既地方😂因為間野實在太隔涉。but anyway 我又再次抱住獵奇既心態去嘗鮮，發現間野雖然略嫌有少貴，居然驚人地好味！首先我想講下個湯底姬松茸冬瓜湯（$94)，好好飲，消暑不在話下，重點係啲冬瓜粒同小菇菇☺️真係多到一個點，我同友人食足全晚都仲有 xd 配料首推手切安格斯牛（$209) 同鮮打四寶丸（$86) 。前者肉味濃，而且好鮮（唔係腥），雖然你睇幅圖都知佢唔夠油脂感，但佢食落嗰下咬口真係啱啱好同會令人上癮，可謂一吃難忘；後者四寶丸分別係指牛、豬、墨魚同蝦丸，四者都食得出真係手打唔係機製，因為我第一次食咁有口感既丸ssss，食落唔會太硬又唔好一咬就散，而係恰到好處。雙併餃子（$96) 都值得推介，餃子既內餡係西洋菜同香菇instead of平日經常食到既菜肉，雲吞所用既鮮蝦來自本地，大大粒配合雲耳同肉碎爽口又入味。不過成晚重點真係湯底同侍應們勁殷勤嘅服務，全晚不斷幫我同朋友不走浮喺煲面嘅泡泡💛🥺愛！…查看更多

最近疫情稍為好轉，決定放工同朋友出去食飯。而今晚就揀左佐敦既一間私房菜火鍋店。地點唔難搵，地鐵站A出口行5分鐘就到。去到大廈地下，巳經有大大既廣告牌宣傳店舖環境非常清潔，而且坐位之間有一定的距離，坐得非常舒服佈置都好有特色，牆邊上有個架，架上放滿了不同既酒瓶，喜歡飲酒嘅朋友見到一定會發狂。另外，店舖做緊沖繩生啤優惠，鍾意飲酒嘅朋友一定要試吓，好抵同朋友坐低左再一齊睇吓餐牌，食物款式非常多，有火鍋，刺身，海鮮，串燒等等。真係睇到我哋花多眼亂，好多都想食!!!最後我哋叫咗火鍋同一個串燒拼盤。火鍋調味料款式繁多湯底我哋選擇咗尚鮮血池麻辣湯，姫松茸冬瓜湯。麻辣湯湯底係自家製，好麻好辣，好刺激至於冬瓜湯，菇味超香濃，味道非常鮮甜，我朋友係咁飲個湯底!!!好足料火鍋配料我哋叫左田園盛，黑豚肉片，鮮打四寶丸。先黎黑豚肉片，脂肪比例非常完美，上碟佈置都放得非常精美，而且厚薄均勻鮮打四寶丸，分別有牛丸，豬肉丸，蝦丸，墨魚丸。四款丸都好好食，非常爽口彈牙! 極度推介食完咁多肉緊係要食返啲蔬菜啦。田園盛包羅萬有，有幾款菜，蘿蔔，蕃茄，菇，粟米。所有蔬菜都非常清新，鮮甜輪到串燒拼盤，有蒜香燒蠔，鹽燒海蝦，安格斯牛柳粒，厚切牛舌，芝子獅子狗同燒粟米。拼盤入邊我最鍾意食蒜香燒蠔同芝心獅子狗。燒蠔落咗好多蒜蓉，好好味!而芝心獅子狗一咬開就流出大量芝士好有滿足感!至於店員服務態度方面，我非常滿意。店員會拿一道食物上枱，都會用心介紹，非常貼心。價錢方面都非常合理，雖然會比任食貴少少，但係睇得出店舖嘅食材係好高級，所以我覺得性價比方面好高，絕對係物超所值!有機會都會再同朋友嚟食或者介紹朋友嚟。絕對係值得一試!…查看更多

正式打邊爐前，叫咗鱆紅魚做前菜因為盤內有大量冰冰凍住，所以時刻保持新鮮刺身嘅味道鮮甜，而且肉質偏向爽口，口感不錯👍作為前菜真係好開胃，好合適.湯底一共有十四種選擇今次因為想試下食材嘅鮮味，所以就清清地揀咗什菌鍋同埋鮮茄蔬菜湯底值得一讚係湯底味道清甜，食得出沒有落到味精🙈就算打完邊爐後亦聞唔到身上好大「邊爐味」.安格斯牛嘅牛味濃郁，而且肉質鮮嫩經放落湯底滾熟後，可以食到豐富嘅肉汁而佢嘅口感偏向爽口彈牙，質素唔錯.鮮打四寶丸係最令我地驚喜嘅菜式👍四寶丸即係牛丸、蝦丸、豬肉丸、墨魚丸每款都鮮甜美味，而且材料好足，咬落去啖啖肉之餘又十分爽口🤣.百花釀油條即係將蝦膠釀落去油條內✨佢既可以即食又可以放落火鍋我就覺得即食最好味，因為廚師一早將油條炸得好脆，配合埋彈牙嘅蝦膠，真係外脆內軟而響鈴嘅味道表現正常.有機田園盛嘅份量好多，而且好新鮮入面有冬菇、蘿蔔、粟米同埋娃娃菜等…查看更多