竹面譜

營業中

休息中

最近發現太子有間小店唔使$100就可以食到A5和牛丼 價錢超貼地誇張得過分😨❣️夢王頂級A5和牛丼(溫泉蛋) $68賣相十分吸引 一塊塊油光閃令令嘅A5和牛肉質鮮嫩色澤誘人 溫泉蛋蛋漿同牛肉同飯混合 蛋味香濃 形成一種濃郁嘅醬汁 口感豐富🥹❣️鮑汁冬菇花膠鍋 $68鮑汁煮成嘅湯底味道濃郁 帶有海鮮鮮香 花膠口感滑嫩彈牙 冬菇吸盡鮑汁精華 味道更為出色 冬天食一定暖心又暖胃☺️❣️瑤柱上湯浸時菜（娃娃菜） $22瑤柱上湯湯底湯底清甜味道鮮美 娃娃菜口感脆嫩 食落清新又有層次感🥬❣️香滑牛筋 $85牛筋採用柱候醬慢煮 牛筋煮到軟爛入口即化 香氣濃厚而微甜味非常入味 每啖都感受到牛筋嘅彈性 真係好滿足😙❣️薑蔥豬雜 $68新鮮豬雜唔臊有咬口 薑蔥令味道更昇華 食落略帶薑蔥清香 推薦推薦🫶🏻❣️清心火 $22清爽可口 飲落非常消暑 除口氣去暗瘡 同安眠作用真係適合成日瞓得唔好嘅我🤨推薦埋俾壓力大嘅朋友仔❣️金銀菊花薏米 $22菊花嘅香氣同薏米結合 飲落去既清甜又排毒潤肺消水腫 保養用都絕對冇得彈🤩

終於食到呢間久仰大名嘅夢王和牛丼啦！餐廳將日式元素加入咗去經典嘅中式粉麵飯之中，用街坊嘅價錢就食到中日合璧嘅美食，真係一間性價比高嘅親民小店～✨夢王和牛丼和牛經燒過之後變到香氣四溢，入口即溶！丼飯嘅夢王蛋仲可以揀唔同嘅煮法，今次就揀咗生食蛋，將生雞蛋同和牛丼飯撈勻一齊食，味道一流～✨豪華限量版 — 和牛花膠鍋配關廟面鮑汁冬菇花膠鍋真材實料，花膠好厚身！鹿兒島頂級A5和牛帶有豐富嘅油脂，食落去肉質柔嫩，牛味濃郁！點埋夢王蛋蛋汁，口感更加嫩滑！和牛嘅肉香味最後仲滲透咗去湯底之中，湯底嘅味道變到更加鮮甜！食埋關廟面就大滿足啦～✨脆炸鮮奶卷拼炸墨魚餅墨魚餅口感彈牙，仲會食到有粒粒粟米！脆炸鮮奶卷外層酥脆，充滿奶香味之餘，仲做到有流心嘅效果～另外，餐廳嘅自家鮮制涼茶都係進店必飲～✨凍 清心火第一次飲咁清澈嘅涼茶，味道微甜剛剛好～✨凍 金銀菊花薏米金銀菊嘅清甜味好突出！有清熱解毒、去水腫等功效～

一見舖頭名, 以為係老派中式麵店. 點知門口寫住「夢王專用店」.又幾特別喎, 所以就入咗去試吓啦.好彩早嚟, 間店七點幾已經滿座.一睇餐牌, 有飯有麵, 都幾多選擇.我依啲有選擇困難症嘅人點揀好呢?我哋最後叫咗三樣嘢.夢王和牛丼 （HK$68)個蛋都有溫泉蛋、流心蛋、太陽蛋、生食蛋, 四款俾你揀.我就揀咗配流心蛋.影相睇個飯嘅size好似好細咁, 但我覺得一個人食份量啱啱好.塊牛肉係頂級A5和牛嚟, 油脂分布好平均.流心蛋嘅蛋汁啱啱好可以撈勻成個飯.連埋和牛一齊食, 真心正.我係食到一粒飯都冇剩.佢有配埋個豉油, 但我覺得唔落豉油都已經夠味.鮑汁冬菇花膠鍋 (HK$68)一上枱, 我忍唔住「嘩」咗一聲!超大鍋啊!!花膠同冬菇嘅份量都幾多, 食極都仲有.而且索晒啲鮑汁, 入晒味, 勁正!個鍋仲有配埋關廟面, 一定唔會食唔飽!下面仲要係有個火烘住, 食嘅時候暖暖哋好舒服.馳名韭菜餃 (HK$36)突然好想食韭菜餃, 依個湯韭菜餃都有啲驚喜.啲餃大大粒, 啲餡都幾多.食完真係勁滿足.整體嚟講, 呢間餐廳食物質素唔錯, 份量大, 性價比極高.食物選擇亦都多, 實有一款啱你口味.我下次去開太子都

👨🏻‍🍳竹面譜 (太子)📍太子荔枝角道68號地舖 「二訪無失望🤤」 幾個月前食完，一直都好掛住佢地個鹿兒島和牛同炸鮮奶卷🥹今日又去食😝 返早收工食，得tea呢D時間可以吾使等位🥹 👍🏻🍽️鹿兒島A5和牛 + 鮑汁冬菇花膠鍋 $168都系會跟一隻夢王蛋😋配關廟麵同時菜另外仲可以追加配料😝 鮑汁冬菇花膠鍋：呢個鍋大癲😵‍💫爆多🥢花膠，食極都有！！花膠腍得黎又有D咬口🤤湯汁嗦盡精華，開頭飲完一啖真系飲吾停🥹不過後尾越滾越濃，就有DD咸🙈🥢冬菇！！真心有驚喜🥹細個食過一間小店，專賣麻醬冬菇豬皮魚蛋，呢個冬菇，無論口感、味道都極似個間小店🥹一直都好想搵返個個味道🥹搵到了！！🥢夢王真系好睇又重蛋香🤤🥢鹿兒島A5和牛都系咁嫩，入口即融！！🥢關廟麵，台南手工麵，有D似陽春麵🤤 👍🏻🍽️炸鮮奶卷 $28/4件系暫時食過最好食既炸鮮奶卷🥹超酥脆！！外層炸粉吾厚，無油溢味😝入面鮮奶好似燉奶，剛上枱熱辣辣，有少少流心，軟綿綿🤤微甜不膩🤤 👍🏻🥤自家鮮制涼茶 （去濕茶） $10$10一大枝🥹微糖，好飲得黎又吾會好甜😋 二訪無失望😝仲要無加一🥹 #竹面譜 #太子美食 #鮑汁冬菇花膠鍋 #鹿兒島A5和牛 #炸鮮奶卷 #

最近係太子發現一間小店，性價比高到令人驚喜！😍店內裝修簡樸，充滿住街坊小店嘅親切感，老闆態度熱情，成日同客人有講有笑😆，感覺好似返咗屋企咁舒服😙 平日夜晚一樣多人幫襯，成間舖頭坐滿客人，仲見到唔少熟客同員工寒暄，真係好有人情味🫶🏻-夢王A5和牛飯🐂 ($68)一上枱已經聞到濃郁嘅牛肉香味🐂，油花分布均勻，入口即溶😋，肉質嫩滑中帶少少嚼勁，配上秘製醬汁，味道層次豐富🤤 最驚喜係份量十足，以呢個價錢食到咁高質嘅和牛，真係抵到難以置信！🤩和牛特意燒到唔係全熟，顯出師傅功架。再配上來自日本神戶兵庫縣嘅刺身級雞蛋🥚，蛋黃飽滿，蛋味香濃，淋上日本甜醬油，整體個味道層次更上一層樓，撈勻一齊食真係冇得輸！👍🏻鮑汁冬菇花膠鍋🍲 ($68)呢個鍋物🍲絕對係必試之選！鮑汁鮮甜濃郁，冬菇厚肉多汁，花膠軟滑彈牙，仲有大量蔬菜同關廟麵，份量足夠兩個人分享😋。最正係個湯底，飲落暖笠笠，好適合近日涼涼哋嘅天氣🥳。花膠數量比想像中多，冬菇吸收曬鮑汁精華，關廟麵軟稔中帶嚼勁，另外加埋魚片同花枝丸一齊食就更加滿足🥰自家制韮菜湯餃🥟 ($36)餃子🥟皮薄餡多，咬落去肉汁四溢🤤 湯底清甜，正好就去除食飽一餐嘅油膩感，作為一餐嘅

呢間餐廳菜式標價親民，幾十蚊就可以食到鹿兒島直送嘅A5和牛丼同冬菇花膠鍋，非常有驚喜🤩💗鮑汁冬菇花膠鍋($68)鮑汁湯底配上關廟麵同時菜🍜花膠份量多夠哂闊佬，花膠軟滑充滿骨膠原，冬菇就吸滿湯汁而且炆得好腍🍄‍🟫💗夢王和牛丼($68)將鹿兒島A5雪花和牛用火槍輕炙至粉嫩，和牛入口軟嫩而且油香十足🐂再加上日本刺身級「夢王蛋」製作嘅太陽蛋，將蛋黃同醬油同飯撈埋一齊食，滋味無窮🥚💗和風豬軟骨($58)豬軟骨炆得軟腍入味，軟骨部份好似啫喱咁，入口即化，充滿骨膠原🐖底下仲有清甜冇根嘅炆蘿蔔💗淨鮮蝦雲吞（$36）雲吞大大粒而且皮薄，咬開内餡至少有3隻鮮蝦，超足料！🦐

性價比高！親民小店！餐廳以簡約設計為主。特色：讓食客用最相宜嘅價錢食到有質素的食材！老闆娘好Nice，同街坊打成一片，亦會為食客介紹佢哋最有特色嘅食物，例如：蔥油孖蛋百搭飯、自家煲涼茶！小店主打：1️⃣鹿兒島直送5A和牛2️⃣夢王蛋3️⃣鮑汁冬菇花膠4️⃣自家煲涼茶我自己就係，比佢嘅花膠同夢王蛋吸引去食嘅！由於我同閨蜜都唔食牛，所以我哋叫咗⬇️1，夢王系列-蔥油孖蛋百搭飯2，鮑汁冬菇花膠鍋3，脆炸鮮奶卷拼炸鯪魚球蜆蚧4，凍檸茶、自家製涼茶 😋必食推介🥇蔥油孖蛋百搭飯我係選擇咗香煎雞扒同太陽蛋雞扒惹味，肉質又鮮又滑👍🏼太陽蛋係夢王蛋刺身級別，頂級蛋就唔使多講啦！🥇 脆炸鮮奶卷一啖就愛上😍的小食！🥇自家涼茶有多款口味 👍🏼重點少甜！

係太子搵到呢間集合傳統粉麵店同新派元素嘅小店。餐廳不但價錢親民，性價比高，服務都好貼心， 店家好用心介紹餐廳推薦食品，聽得出好多到訪都係熟客。鮑汁冬菇花膠鍋超抵食$68一大鍋，鮑汁湯底濃香鮮甜，原鍋仲有火保持熱度，好啱冬天食！冬菇雖然薄切但好大件，花膠食極都仲有，份量超足！另外仲可以加配料，我加左雲吞。預計配關廟麵，關廟麵係台灣麵，幼身，口感有彈性，好適合配搭鮮甜嘅湯底。呢個份量性價比真係勁高！夢王和牛飯識食嘅一定知道夢王蛋係刺身級雞蛋，完全唔需要怕食生蛋，用黎拌飯一流。加入夢王蛋後嘅飯粒更滑和牛用上鹿兒島A5和牛，肉質鮮嫩呢碗和牛飯充滿本土特色，飯粒並非珍珠米，同埋醬油係煲仔飯醬油味道。加埋和牛同夢王蛋，係中日fusion 嘅和牛飯，我個人就比較鍾意日式醬油配珍珠米。小食雙拼呢到有多款小食，我地揀左脆炸鮮奶卷拼炸墨魚餅，每樣3件。非常推薦脆炸鮮奶，外層酥脆而唔油膩，內裡鮮奶好滑，點埋煉奶更有助提算甜味，就算放耐左外層都仲係好脆！食完3件都仲想再食！墨魚餅爽滑彈牙，下次可以試下店長推仲嘅鯪魚球油菜當日有4款菜，揀左通菜，夠晒幼身幼嫩。怯濕茶除左一般嘅奶茶檸茶等餐飲外，仲有自家製涼茶，有

已經為了這個冬菇花膠鍋來到這裏第三次了一吃就愛上了這個餐點健康養生又好吃而且每一次都沒有偷工減料份量十足！花菇超大片，有五至六片，炆得很腍花膠同樣大大件，有六至八件，很入味連時菜都煲得很腍，滿滿鮑汁的味道這裏有比較少見的關廟麵感覺有點像手工面，不會煮得太腍，口感好額外加了滑牛肉比很多專門吃牛肉麪的地方還更好吃名副其實的滑牛肉，完全不會韌，牛味又香熱騰騰的鍋整個過程也在加熱非常適合冬天吃！豐富又飽足！

太子荔枝角道有好多美食，朋友介紹咗我黎呢間小店，吾系一般小店咁簡單，系夢王蛋使用🥚親民價錢仲可以食到花膠！吸引吾少人前來。✿ 脆炸鮮奶卷 $28順德名菜，外層十分香脆可口，內層鮮奶甜度恰好🤍係間唔中就會想食嘅小食😋✿ 夢王和牛丼 $68$68食到和牛丼？冇打錯😆來自日本神戶兵庫縣「刺身級」雞蛋，2020年起連續三年榮獲日本年度公投刺身蛋拌飯第一名🏆蛋黃飽滿🥚蛋味香濃🧡營養豐富，對身體有多種功效。和牛系鹿兒島A5和牛使用🐮油脂非常豐富，同生雞蛋 和牛丼撈勻冇得輸🤩✿ 鮑汁冬菇花膠鍋 $68 (滑牛+$15)同夢王和牛丼系一樣價錢，就食到花膠鍋😍冬菇大大件🍄吸收曬鮑汁精華😋花膠食材矜貴，數量比想像中多，黏滑口感系花膠特色。配嘅麵條亦吾系一般麵，系關廟麵，麵條軟稔中帶嚼勁🍜我同朋友都好滿意～滑牛牛肉味香濃🐮✿ 金銀菊花薏米 $20自家製鮮涼茶，使用杭州菊花🌼金銀花 薏米仁，有多重功效，可以清熱毒 潤肺 去口腫 助排毒，甜味自然，心思足夠。

今日約咗朋友嚟到太子呢間餐廳食嘢聽個名就覺得好有中式地道感覺但其實入面大熱食日式夢王和牛丼今日特登嚟試 明白點解咁多人食因為可以一個親民價錢食到高質食物- - - - - - - - - - - - - - - - - - - - - - - - 1. 夢王和牛丼比呢個夢王和牛丼吸引而嚟見佢採用鹿兒島直送頂級A5和牛同埋日本神戶兵庫縣「刺身級」雞蛋來頭好似好犀利咁 啲牛係幾軟嫩鮮美不過比起啲相 啲牛好似有啲細塊加埋飽滿濃郁生蛋 增加咗牛嘅絲滑感另外可揀溫泉蛋、流心蛋、太陽蛋隨餐都有一碟秘製醬汁 用嚟點牛唔錯2. 鮑汁冬菇花膠鍋覺得呢個好似養生鍋咁 用料實在入面係有肥厚爽脆冬菇、滑嫩鮮甜花膠兩大主角份量十足 搭配關廟麵&娃娃菜面頭仲有少少蔥絲點綴 營養豐富唔夠嘅話 可以另外自選加配其他食材上鍋嗰陣有個蠟燭熱住 啖啖都好溫暖幾鍾意佢湯汁 滾到咁上下再飲好濃郁好似呀媽煲嘅靚湯咁樣 同關廟麵好夾麵質好有咬口 滾到入晒味再食都冇咁易淋3. 小食脆炸系列雙拼(香茅炸雞翼/炸蜆蚧鯪魚球/炸花枝丸/炸墨魚餅）小食可以單拼/雙拼 單拼份量多啲我哋叫咗兩份雙拼 即係四款小食香茅炸雞翼外酥內嫩 入面好有肉汁

這間竹面譜是我的Remarks系列的其中一間，因價錢相當親民、食材優質，去開太子真是要行過來到訪一下。🛍️👫🍽️✨ 夢王和牛丼（$68），雖然這店是一間港式小店，但為迎合香港人喜愛食日本料理，餐廳特意推出和牛丼飯，價錢相對平，吸引了不少附近的街坊過來光顧。餐廳選用了鹿兒島的A5和牛和屢獲殊榮的日本神戶刺身級別的「夢王」生蛋作為食材，和牛兩邊煎至5成熟，每一片切得薄薄舖在飯上、和牛的降霜均勻，肉質嫩滑，加上生蛋的蛋香濃滑加入了和牛和飯之中，整碗飯的配搭簡單，令人有一份滿足感。🥩🥚🍚✨ 鮑汁冬菇花膠鍋（$68），來都這店的必食另一皇牌就是這個花膠鍋，價錢同樣好親民，麵底幼滑，伴隨著花膠、鮑魚片、冬菇，花膠的數量仲有成4塊，質感爽彈、膠質豐富，相當足料。因花膠和冬菇都是用鮑汁浸過，陣陣鮑汁滋味。周邊配料可自由加配，我就選了牛筋丸(+$10)，牛肉味香濃，夠哂爽口彈牙。整個鍋都是邊食由個火熱住，湯底越煮越濃，熱辣辣咁食真是回味無窮。🍲🍜🍄‍🟫🤩✨ 脆炸鮮奶卷（$28），來自順德直送的名物，外皮炸得超級鬆脆，筷子都要小心夾，太大力都會散，中間的鮮奶軟嫩甜滑、入口即化，再點上煉奶，令炸鮮奶的香甜味更勝

店名： 竹面譜 地址： 荔枝角道68號地舖（近太子站c2出口）1.夢王和牛丼配溫泉蛋 $68夢王蛋冇得輸，蛋黃鮮豔，呈橙紅色，蛋味濃郁，和牛輕微煎香，飯係珍珠米，三者混合起嚟好好食2.鮑汁冬菇花膠鍋（加配滑牛+雲吞+水餃）$68（另加$15+$10+$10）花膠炆到好腍好滑好入味，一鍋有成四至五嚿花膠🤤冬菇厚度啱啱好,炆到好滑,真心無得輸😍滑牛肉嫩滑，配埋個鮑汁湯底好好味。雲吞同水餃皮薄爆餡，極度足料3.炸花之丸炸拼墨魚餅 $42師傅拿捏火喉好好，炸物嘅鬆脆香，全部掌握到，沒有過火4.炸鮮奶卷 $42食落口有爆漿嘅感覺，非常好味5.清心火（微甜）$10清甜回甘，可以平肝火，最啱食完炸物之後去下火之用金銀菊花薏米（微甜）$10金銀花香助排毒清熱毒，都非常適合啱啱食完炸物嘅我地6.上湯浸時蔬$18冇味精瑤柱湯底好鮮甜 配埋清脆嫩綠嘅時蔬相當好味#竹面譜太子店 #香港美食指南 #太子美食 #hkfood #hkfoodlover #hkfoodblogger #hkfoodie #halook.foodie

Fd子話太子食lunch唔駛$35有蔥油孖蛋大豬扒飯, 仲要用日本刺身級夢王蛋我都唔信🥚, 放工就跟佢去試試! 原來係一間新式茶記, 本來係牛頭角新蒲崗屹立咗好多年嘅粉麵舖, 喺太子開新店就加入咗好多時下hit嘅野, 例如日本刺身級夢王蛋🥚、零碳零醣零卡蒟蒻麵, 啱哂#增肌減脂!平日夜晚都有唔少街坊熟客唔駛睇餐牌就嗌到, 仲有唔少後生仔入黎指明要食花膠飯 原來有個冬菇花膠二人餐包兩個飯、炸物小食、菜同飲品🍹(凍飲仲要唔駛加錢!), 食到做節咁都係人均$60!不過主食加配小食飲品等全部都有優惠價無上限加配, 想flexible d揀返鍾意食嘅野就散嗌都唔貴味道方面, 夢王蛋係日本公投No.1刺身蛋🎌, 蛋黃呈橙黃色, 稠結濃郁, 蛋香味仲勁過蘭王🥚 整溫泉蛋用黎拌飯勁正當然加埋輕炙過嘅A5和牛片甘香肥美🥩溏心蛋放係麵豉湯蒟蒻麵又係另一番風味, 無負擔蒟蒻麵爽口無腥味, 紫菜用咗潮式頭水紫菜更香而唔鹹, 係港日fusion拉麵🍜呢度嘅豬頸肉係先蒸後烤, 無咁油得黎仲係爽口🐷, 蘸泰式香草酸辣醬勁惹味!冬菇花膠鍋用個邊爐鍋熱住超有屋企味道, 鮑汁入味鮮而不鹹, 掛汁係Q彈嘅關廟麵度又幾好食!

值得推介下呢一間超抵食嘅街坊人情味小店❤️定價都係超親民👍🏻用平民價錢就可以享受到高級和牛美食🐮🤤仲有鮑汁冬菇花膠鍋超出色！唔係唔支持呀?😍🙌🏻-🍲鮑汁冬菇花膠鍋（配關廟麵）/ $68（另加配滑牛 /$15 *仲有其他配料可以自行選配）超級推薦這鍋鮑汁冬菇花膠關廟麵！超級足料啊勁多花膠冬菇～湯底勁入味仲要零味精㗎!!第一次食關廟麵🍜一路微火煲咗勁耐麵身都可以保持到爽滑唔會淋身! 呢一鍋麵係超級滿足!!)-🐮夢王和牛丼 / $68（呢碗和牛丼你冇睇錯只要$68平民佛心價！材料仲係用日本產鹿兒島A5和牛同埋夢王蛋!!!呢一碗真係超值啊～如果怕生食蛋，仲可以揀溫泉蛋/流心蛋/太陽蛋，超貼心呢～）-🐷烤豬頸肉 / $18 （有四小片厚切好抵食！）-🐟炸蜆蚧鯪魚球 / $28（4粒）（超級飽滿的一球很大！）-🥛炸奶卷(4條)配煉奶 / $28（超級好吃！一點都不膩!!!這個推薦哦～）-🥬郊外油菜（通菜）/ $15(正常油菜～但係份量都比出面其他店嘅份量多!）-💧祛濕茶 / $10-🌼金銀菊花薏米 / $10養生涼茶類甜度仲可以自己揀㗎！大大支超抵飲！