Grill ขนทอง (駱克駅)

營業中

休息中

【豬牛雞串燒配菠蘿炒飯】是一道極具異國風情的主菜。重點的沙爹醬香濃郁，完美地與豬肉、牛肉和雞肉結合，搭配的菠蘿炒飯甜中帶酸，為整體增添了清爽的對比。【雞肉】鮮嫩多汁，簡單的泰式海鮮醬調味突顯了肉的鮮美。【豬頸肉】脂香四溢，烤得恰到好處，外脆內嫩，微微的焦香讓人垂涎欲滴。【有機露荀】則帶來了清新的蔬菜香氣，烤制後仍保持爽脆。【魷魚鬚】彈牙有勁，海鮮的鮮味在燒烤中得到了極大的提升。【雞皮】酥脆可口，香氣十足，脂香濃郁，是不容錯過的一道。【雞中翼】外皮香脆，內裡多汁，一款是沙嗲醬一款是泰式海鮮醬，味道濃郁而不失細膩。【凍檸檬茶】清爽解膩，完美中和了燒烤的油膩感。

行開銅鑼灣想食串燒諗起之前喺中環食過一間串燒幾出色嘅餐廳搵一搵原來銅鑼灣都有分店就拉咗個朋友去試吓餐廳採用先落單付款後送餐既模式咁啱遇着係午飯時間有幾個飯餐有有杯檸茶送既泰式串燒配炒飯及雜菜 串燒有雞牛豬各一串都好入味 個雜菜炒飯好出色 特別惹味 炒得好香跟餐附送既一杯凍檸茶都好大杯1/4 隻泰式去骨海南雞 海南雞好滑 都好入味配埋個酸辣醋加埋特製醬油好正柚子海鮮沙律 好健康 有好多柚子肉加埋青木瓜紅蘿蔔絲仲有啲好爽既蝦球同蜆肉用料十足串燒係即叫即燒可以選擇辣度有機露筍 好鮮嫰魷魚鬚好有咬口朋友加$25叫左杯龍眼冰龍眼份量都幾多 甜度適中啲野食制作認真有水準唔錯😋

成日經過銅羅灣駱克道呢間Grill都聞到好香既烤肉味，今日不如食返餐，位置好就脚。Grill主打泰式串燒，串燒有肉類海鮮同蔬菜單點。除左串燒，餐牌亦有海南雞，幾款泰式飯，沙律，仲有飲品。今日黎呢個時間都有午市套餐，一共有4款套餐。冬陰功湯 $40先黎一客冬陰功湯。第一次試呢度既冬陰功湯，原來係用紙杯裝，熱辣辣。個湯味道少辣，調得幾好。入面有兩隻去殼蝦同兩粒草菇。上面加d荽茜。泰式串燒配炒飯及雜菜 $69個人非常鍾意泰式串燒同泰式炒飯。呢個餐就兩樣都有。泰式串燒有齊豬牛雞，都燒得好香口。全部燒得燶燶地，味道都好夠，本身都微辣。最鍾意雞肉已走皮，可減低邪惡感。另上沙爹醬。雜菜即係串燒下面墊底既椰菜。泰式炒飯夠濕潤，味道少辣，加左青豆粒一起炒，更可增添口感。跟餐配有檸茶，檸水，或者奶茶。凍檸水用個保溫杯裝住，入面有3片檸檬，唔過甜。泰式青咖哩大魚蛋 $28呢個泰式青咖哩大魚蛋非常似港式小食，直頭用杯裝上，一客有兩大粒，魚蛋質感食落非常彈牙，而個青咖哩汁好惹味，面頭見到少少辣油。散叫串燒用紙袋上，熱辣辣。白鱔 $65白鱔個人真係覺得必點，雖然少貴。叫左唔辣。塊皮超脆口，肉質彈牙，質感好似鰻魚。

對著銅鑼灣C出口的大馬路，新開一間新店，這間是由中環蘭桂坊一間人氣旺盛的泰式串燒店的首間分店，之前也吃過一次。透過玻璃窗可看到密密麻麻的串燒製作過程，好壯觀～超長供應時間的午市套餐由11:30am至6pm，比起單點便宜外，還附送飲品，更免加一服務費。泰式串燒雞、豬、牛配炒飯(午餐) - $69有齊豬牛雞三款招牌串燒，每一串也插滿厚厚的肉，串燒可以要求辛辣口味，另配惹味的沙嗲醬好濃花生香。泰式炒飯粒粒分明均勻包著醬汁，有微酸微辣感。去骨泰國海南雞飯(午餐) - $69油亮的雞皮有少少雞汁不油膩，雪白的雞肉好嫩滑順口，配酸辣汁和黑豉油。魷魚鬚 - $25/1整串也是嫩脆有勁道的魷魚鬚，邊位帶點焦脆，塗滿惹味的酸辣醬汁。雞中翼 - $22/1兩隻燒雞翼帶點輕微焦燶，更惹味。牛肉 - $20/1有著濃郁牛肉味，更有少少黑椒香，好軟腍。豬頸肉 - $25/1有豐富的脂肪，入口特別爽口，有少少香甜的醬汁。泰式魚餅 - $25/1魚餅的魚肉混合檸檬葉、豆角和魚香，味道偏向辛辣。凍奶茶 & 凍檸茶(跟餐)泰式奶茶味道偏向奶味重及甜。

之前經過cwb呢間專門食串燒的店鋪，以為只有外賣一直無入去，最近先發現原來他們是有堂食的！堂食以高抬為主，都幾多位，又發現一個cwb食嘢好去處！😝食lunch set只需ard $70，價錢都合理，而且水準都不錯！🍢來到這裡當然要食串燒，食過泰式串燒雞、豬、牛配炒飯後，發現呢到嘅串燒真係好得！每款都grill得好香，esp雞肉grill過後仍然keep到軟嫩texture😋另外飯加上唔同配料，格外惹味香口去骨泰國海南雞飯的飯才是重點，飯內薑味好重，有點像在某些酒店吃到的香味薑飯，而且難得的是不油膩。旁邊的雞肉都嫩滑+香。🍢點了幾款小食，泰式青咖哩大魚蛋係最最impressive的！底下的青咖哩好香，是少有地會吃過不停的。味道甜甜地，好香椰香味，配上少少辣，一吃難忘🥘冬陰功湯酸甜味道做得好balance，唔會係死落辣果d、入面仲好足料，有鮮蝦+菇！點了幾款串燒同樣出色，好香烤香味，特別喜歡菠蘿，外皮是脆香的，入面香甜。另外魷魚鬚香得來配了酸+惹味辣，幾特別。下次再來食grill嘢！