Chilli Lime (MONTEREY Place)

營業中

休息中

𝙏𝙨𝙚𝙪𝙣𝙜 𝙆𝙬𝙖𝙣 𝙊 / 𝘾𝙝𝙞𝙡𝙡𝙞 𝙇𝙞𝙢𝙚Chilli Lime 係間主打東南亞菜嘅餐廳 仲提供室內同室外座位👍🏻 如果天氣冇咁熱 喺室外位置邊食嘢邊吹住海風都係一個唔錯嘅選擇☺️ .$78 泰式柚子鮮蝦沙律鮮蝦爽脆鮮甜 而柚子酸甜亦帶有少少苦澀味 加埋魚露 炸蒜 洋蔥 花生碎 同香蔥一齊 有好多種味道 (有齊曬甜 酸 苦 鹹😂) 小編唔係好食得慣😂 但朋友就覺得好開胃 幾特別😋.$228 燒大蝦配泰式酸辣汁 兩隻大蝦係即叫即燒嘅 所以我哋都等咗半個鐘😂 大蝦多肉偏鹹 燒完之後 炭燒味好重而且有啲乾 我哋建議大家點埋酸辣汁一齊食🌶.$108 香炸蟹肉粟米餅粟米好甜又多 雖然蟹肉比較少 但有嗰陣淡淡嘅香味 另外粟米餅炸得好脆👍🏻 仲可以點甜酸醬 小編同朋友都覺得好食🤤.$58 高塔脆餅圓筒形嘅高塔脆餅裡面有煉奶同椰絲 甜甜地 加埋花生碎 成個口感即刻豐富咗👍🏻 不過大家記得要趁熱食 因為擺耐咗會變淋😣!

沿將軍澳海濱長廊有唔少特色美食當中呢間主打東南亞菜式嘅小店要行到近末端先會見到，人流較少，環境相對舒適有室內雅座同露天茶座室外啱日光時間，幾chill，可暫時止吓旅行癮，有幾分渡假風室內裝潢都巧花心思，燈光柔和，天花有浪漫月球造型吊燈有個匙羹造嘅燈架，配合牆上掛畫同木枱櫈，好簡單，有東南亞feel菜式就東南亞菜式為主，有泰國菜、越南菜、甚至印度菜都有冬蔭功湯、越南咖哩、印度薄餅等為主，價錢合理仲有Cocktails同Mocktails，喺海旁飲吓酒幾Chill前菜食咗越式炸春卷 $88炸春卷配生菜同微酸醬汁，內有蟹肉、雞肉表皮輕脆，但留意凍咗會淋晒，最好趁熱食內裏有啖啖蟹肉味，略帶幾分鮮甜炸春卷本身偏鹹、偏油膩以生菜包裹春卷，既增加爽脆感，亦可減低油膩感春卷蘸上微酸醬汁，整體開胃醒神青咖哩雞炒飯 $138 亦係特色之一炒飯有鑊氣，令飯粒較乾身，炒飯份量幾多，兩個人都夠食咖哩味好香口，有啖啖椰香味配菜有唔少辣椒，入口偏辣，好香口不過辛辣程度較重，有種暗辣感覺，會愈食愈辣嗜辣者必食，非嗜辣者要留意另有兩串雞肉串燒，雞肉唔會燒得太乾，肉質軟嫩對比炒飯唔太辣，反而有少許甜味，醬汁唔錯海鮮叻沙

最近疫情開始 所以我們就出外走走享用一下美食，今日我們就去了將軍澳澳南海岸試試這間東南亞餐廳。我們點了冬蔭功大蝦湯、原隻炭燒魷魚、印度烤雞肉、高塔脆餅、菠蘿海鮮炒飯，飯後甜品就叫了芒果糯米飯。冬蔭功大蝦湯：來到標榜東南亞美食的餐廳豈可不試冬蔭功 熱氣騰騰的冬蔭功未至已聞到香茅帶辣的香氣 橙紅的湯面下藏著好多配料，包括兩隻超大的蝦！食材是吃得出來的新鮮，口感是恰到好處的酸辣。原隻炭燒魷魚：烤至香氣四溢的魷魚，彈牙鮮香的口感令人想一口接一口地吃個不停。印度烤雞肉：鐵板上熱辣辣、香噴噴，看起來紅通通的烤雞肉並不很辣，雞肉非常多汁。高塔脆餅：造型很吸睛打卡一流，非常薄脆的餅內層滿佈蜂蜜和椰絲。菠蘿海鮮炒飯：酸甜的菠蘿與海鮮本是絕配，加上黃澄澄的炒飯香氣撲鼻。芒果糯米飯：糯米飯糰淋上椰漿 很經典的東南亞口味甜點 ，配一口芒果一齊吃可解飽膩感。