小曼谷泰國美食 (已搬遷) 新店位置

係12月30日晚，天氣超級寒冷底下，與家人專誠去九龍城食泰國菜。book定晚上18:00，入到餐廳，當時未算太多人，所以位置都暫時可以隨便選擇，跟住就叫菜。首先叫左泰式生蝦，配上醬汁，嘩，可能是我唔食得辣啦，辣到我叫救命🆘所以立即叫杯波蘿冰降火😂之後就叫左牛仔骨，肉質又幾滑wo，我都好滿意。然後叫了兩串雞串，及兩串牛串。這個肉質一般般啦，不過不失。食得肉多，當然要食菜啦，errr，有點失望，因為有點硬。另外，人多當然要叫烏頭食啦，當時烏頭一邊未夠熱，店員一知道唔夠熱，立即好熱心幫手反轉條魚。謝謝啊。食到甘上下，唔少得小食拼盤，同咖啡牛腩配蒜蓉包啦個蒜蓉包好好食叫左泰式千層糕做最後一道菜，食左一口之後，味道尚好，但唔夠熱有點失望。

老婆今日收早，所以一齊約埋朋友去食泰國菜，食得泰國菜就緊係落九龍城。由於我地未試過小曼谷，所以就去一試。鹽燒烏頭，好難食，唔夠鹽去燒，香味不足，魚身肉質鞋及梅，只用香茅放入魚肚內燒，所以欠缺香料的香味。其他店鹽燒魚會用香茅，香葉/檸檬葉，南薑，金不煥等香料。芝士蝦丸，好大粒，蝦丸好彈牙但無蝦味，應該唔係用全蝦膠，可能溝左墨魚膠。用一般車打芝士片去做，車打芝士在炸蝦丸內未能突出到芝士香味及拉絲的效果，應該改用mozzarella cheese,味道及效果才可達標。泰式炒粉絲味道平平，像廈門炒米的味道一樣，不試也罷。沙爹串燒味道ok ,但沙爹汁無沙爹香味蝦醬炒飯，蝦醬味唔突出。馬拉盞通菜味道ok,如果多點辣味會好些。生菜包味道淡生蝦好新鮮

九龍城可以說是半個美食天堂，火鍋，泰菜，甜品等等一應齊全。今次經友人介紹下，選擇了後生仔最愛的小曼谷，到底是否好吃到震，哈哈哈！那天吃飯時候大概七八點左右，正值食飯高峰時段，我們在遠處已經看到門口有一大群人在等候中。 大概等了半小時，終於可以進去了。 我們只有兩人，店員就叫我們坐在水吧旁邊，所以整頓飯我們在嘈雜的環境下度過.....我們叫了：因為我本身麻麻通菜，加上又唔中意馬拉盞味，但友人就讚不絕口，好用鑊氣，味道剛好，不會太鹹。豬頸肉燒得好香，肉質好淋（我食過有的好dry好硬），配上他們的甜酸辣汁，真系冇得頂最後因為見到太多人叫咖喱，我們又唔執輸，叫左個咖喱蝦和蒜蓉包試下大蝦真系隻隻都勁大條，同埋有蝦膏架！可惜咖喱偏甜，食芡汁多過食咖喱的感覺，有點失望蒜蓉包就普普通通，沒什麽特別，自己在家也可以整到的，甚至比它好的貨色，點上咖喱汁食，一定食到你飽我們也叫了：一點也不好飲，一點也不甜 整體而言，這頓飯正正常常，沒什麽特別和驚喜，環境比較嘈雜和不整潔，除非友人堅持再要去，我未必想再吃第二次......