Espuma (M88)

難得星期四晚上同男朋友一起在中環附近上班, 約好晚上食西餐, Espuma我一早已經想試了一早訂好位, 六點多便去到~我最喜歡是它在17樓, 坐窗邊沒有太多大廈阻擋, 可以看到一些特色建築物, 入黑看到四周變暗, 遠處都亮起燈光, 感覺舒服!六點多去到, 暫時只有幾枱客人, 七點多便坐滿, 最好訂定位~同男朋友2人點了2主菜2飲品1甜品, 想不到食物來時發現是超大份量!!!!!!!!!!酥皮香辣橄欖蒜片意大利麵酥皮配意大利麵, 第一次食, 還不錯!酥皮很鬆遠, 裡面的意粉少辣,充滿蒜片香, 很得乾身, 口感剛好, 咬落絕不會淋滋滋或太硬馬來喇沙湯海鮮米線湯汁足料, 喇沙好正, 不會太辣又夠香濃!! 最愛是豆卜, 吸收了湯汁招牌水果茶-熱又美又養身一壺其實夠2人share, 但是男朋友想飲冰野><招牌雜果沙冰很大杯沙冰!!!真材實料, 可以食到沙冰中有打碎的水果, 微甜, 我個人喜歡不太甜的每款都是很多份量!其他這些加起來一定夠飽, 但女孩子總有另一個胃放甜品~招牌鮮雜果麻糬窩夫配雪糕我加了$15要多一球雪糕, 是movenpick 窩夫是即製, 要等好一會兒, 建議大家早一點order~即製窩夫當然又鬆又脆好滿足~絕對可以再encore!!!最後一定要讚下服務很好~…查看更多

受到邀請再度去Espuma試食佢新既tea set同menu三層tea set黎到已經心心眼😍😍e-House Tea Set一個tea set有好多鹹同甜點其實外表真心幾靚拎黎影相一流❤️食既時候要逐層拎出黎食每樣都一式兩份胃口細既朋友直頭當佢lunch咁食都無問題✨甜點💜薰衣草鬆餅：幾重薰衣草味，但只適合喜愛薰衣草既人士🌽甜粟米吉士撻：吉士撻幾好食，不過同粟米唔算好夾🍰紅莓芝士蛋糕：無芝士味，而且偏乾🍊原粒西柚啫喱：食落有少少澀味🍯松露拿破崙：幾好食，係鬆脆既拿破崙，不過無松露味☕️五花茶凍配爆珠：堅係五花茶味都幾特別✨鹹點🍤烤蝦薄脆配牛油果莎莎醬：好食！個蝦好爽配牛油果醬好夾🐟煙三文魚米紙卷：三文魚鹹鹹地配煙韌既米紙卷，好食🌽粟米白汁焗青口：芝士焗後幾香，但青口較細隻🥖葡式蜆肉迷你法包：個汁幾好食，法包較硬🍅蟹籽蕃茄螺絲粉（冷）：蕃茄幾開胃，味道較淡整體黎講tea set食物味道還好不過造型加哂分影相打卡一流另外仲試左佢既Green Monday素食menu反而幾有驚喜瑪格麗特薄餅芝士薄餅好好食幾種芝士mix埋一齊配上茄醬同脆脆既pizza好正芝士菠菜焗大菇黑松露燴飯Creamy既risotto🤤比較重忌廉味每粒飯都好飽滿煙韌可惜黑松露味唔算太濃紅糙米吉列菇漢堡米漢堡正呀😍中間吉列菇炸得通透如果再多醬啲同炸粉薄啲就好嚕馬來喇沙湯海鮮米線幾濃味既一個喇沙！唔會太辣又有淡淡椰香海鮮夠多同足料今次試左好多樣食物實在滿載而歸！Espuma既主菜不嬲都出名好食🤤大家不妨一試…查看更多

今日同朋友去左espuma試下個素食餐先來個瑪格麗特薄餅~這個很好味呢水牛芝士份量足夠 而且成個pizza芝味香而吾會過膩或過咸 批底如餅乾般薄脆 好好食 但不要吃上面的薄荷葉？苦的！紅糙米吉列菇漢堡紅糙米做包皮 健康又特別 味道吾錯但飯較為鬆散 一整就散 難以觸摸入面有牛油果同生菜 滿滿蘑菇做成的吉列餅 用料都豐富全日健康早餐真係幾health 牛油果好新鮮喔 熟成度剛好 蛋也炒得幾滑 仲有薯仔炒洋蔥芝士菠菜焗大菇黑松露燴飯除左pizza正 呢個都好好食！超香濃既芝士香氣 黑松露吾太食到 飯既口感煙韌有咬口 似意大利飯！粒粒都撈到creamy既忌廉汁 啖啖滿足~馬來喇沙湯海鮮米線對我來說過辣了 但味道真係好正宗 而且入面既海鮮都好新鮮唯獨米線有幾條未煮熟 口感硬的 其他的雖不像譚仔般煙韌 但都算有嚼勁棉棉夏日之前係灣仔食過一次 都係要食既時候麻煩少少今次用左雲呢嗱雪糕 味道無咁正 士多啤梨味好食d 而且啫喱竟然食到藥水味 感覺比上次差左食下食下已經去到下午茶時段 肚子還有位置就食埋佢地個E-House Tea Set入面每款兩件 for two people 賣相好精緻 好似溫室中的小花~烤蝦薄脆配牛油果莎莎醬、粟米白汁焗青口、葡式蜆肉迷你法包、蟹子番茄螺絲粉、煙三文魚米紙卷、甜粟米吉士撻、五花茶凍配爆珠、紅苺芝士蛋糕、原粒西柚啫喱、松露拿破崙，仲有薰衣草鬆餅只能說整體味道很一般 好睇吾好食 尤其個薰衣草鬆餅 味道好怪 食食下味都無 要搽果醬同忌廉先食得落盒仔內的比較好食既係迷你法包 好鬆軟！講啲較為深刻印象既 其他都普普通通呢個係紅苺芝士蛋糕嗎？口感同賣相都似蛋糕仔~造型好搞鬼 泳裝出巡粟米撻甜甜地 都幾香脆蝦好食 但青口吾新鮮五花茶啫喱似菊花茶味飲品方面飲左金錢與浮雲 $45太多冰！上面爆爆珠好食 但下面芒果汁濃稠 好難吸上黎你是女神 $45士多啤梨乳酪同香芋沙冰 兩者味道都突出 我幾鍾意~等一個真豬・咖啡 $45咖啡加珍珠 有珍珠奶茶既風範 幾特別的今次最like係佢地既pizza同燴飯 環境闊洛 同朋友都坐得舒服…查看更多

之前已去過尖沙咀的分店, 覺得食物挺不錯, 而且款式選擇眾多, 一直很想帶好友試試, 得知餐廳在中環開了分店, 岩晒在中環返工的好友, 那便成為我倆今次晚局的好地方。中環分店與尖沙咀店的裝潢很不同, 沒有色彩繽紛的大壁畫, 亦沒有用上馬賽克, 換上歐陸古典的裝修, 採用木製傢俱及木地板, 亦有古雅的沙發椅。餐廳掛了多盞不同款式的吊燈, 燈光柔和, 亦設一個木貨架, 擺放了咖啡杯、咖啡粉、繪畫餐碟、精緻可愛的小擺設等, 整個環境讓人感到舒適寫意。******************************安坐下, 店員隨便送上清水、餐牌, 我馬上推介一壺熱招牌水果茶 Signature Fresh Fruit Tea ($42)給友人, 與她一起共享。其以蠟燭一直保持着温度, 每一小杯都是暖暖的, 最適合我, 加上茶越煲越香濃, 水果越煲越出味, 挺不錯! 內有青紅蘋果、橙 和蘭香籽, 再加入少許糖醬提味, 既喝出茶味亦有鮮果的酸甜味, 此甜度剛好適合我倆。******************************友人與我口味相同, 故較容易選擇, 一致看中了海鮮拼盤 Seafood Platter ($288)。以一個放滿碎冰的大湯碗盛載, 擺放得挺吸引。其份量不少, 內有四隻大蝦、四隻細小加拿大藍青口、兩隻帶子、四隻細小蟹鉗及四隻翡翠螺, 都算抵吃。當中較吸引是鮮橙色的大蝦 和大大隻的翡翠螺, 兩者肉質同樣稍稍爽彈, 至於潔白的帶子 雖肉厚, 但可惜不爽身, 而眾海鮮均不算鮮甜, 故我倆都有點失望……******************************凍食過後需吃點熱食暖暖胃子, 看見餐廳新推出四款東南亞菜式, 都是由印尼廚師主理, 包括有馬來喇沙湯海鮮米線、馬來喇沙湯龍蝦米線、巴東牛肉配黃薑飯或薄餅及咖喱雞配飯或薄餅。其實四款都很吸引, 但仍要留肚吃甜品, 那只可四選其一。不用久等, 一碗熱辣辣的馬來喇沙湯海鮮米線 Seafood Laksa Rice Noodle ($98)隨即上枱, 大大碗, 份量不少, 兩人共享就最適合。趁熱先呷一口鮮橙的喇沙湯, 看其色澤已知辣度不輕, 估不到第一口已被嗆口, 但卻偏偏很吸引我, 皆因沒有加入太多的椰奶, 不會吃得漏滯, 而且辣度逐漸提升, 越喝越刺激, 正是令我停不了口的原因。數數看, 共有四款麵料, 當中有索盡喇沙湯的豆卜, 每咬一口都爆出火辣的湯汁, 夠刺激; 有開半的蝦肉, 爽口彈牙, 亦很入味; 有細小的青口, 味道一般; 還有最美味的泰式煎魚餅, 香口爽身, 香料和魚味都濃郁, 正!米線中加入爽脆的芽菜, 米線雖腍滑, 完全吸收了喇沙湯, 但因弄得有點過時, 故較易散爛, 需有待改善。******************************最後便是期待已久的酥點拼盤 Pastry Platter($160)出場, 只看其賣相, 已令人心花露怒放, 極之豐富吸引。拼盤包含七款食物, 兩鹹五甜。鹹點有西班牙黑毛豬火腿和牛油果醬煙三文魚; 而甜點則有玖瑰巴巴露絲、黑松露榛子拿破崙千層酥、蜜餞羗粒朱古力英式鬆餅、無花果窩夫及鮮士多啤梨。先鹹後甜, 薄片的西班牙黑毛豬火腿, 色澤紅潤, 油脂分佈平均, 鹹香油潤, 捲着一朿清新的火箭菜, 有助中和鹹度, 配搭剛好, 挺美味!接着就是牛油果醬煙三文魚, 將煙三文魚捲成花朵形狀, 頂上放了牛油果醬。一口咬下重疊多層的煙三文魚, 肥美而油潤, 還能嚐出淡淡的煙燻香味, 滋味萬分! 所配的牛油果醬 雖幼滑, 但由於本身味道清淡, 故完全被香濃的煙三文魚味蓋過, 未顯突出。鹹點過後, 馬上一試甜點, 先被那心形的無花果窩夫吸引。窩夫 不單止外表吸引, 口感亦不錯, 外層相當香脆, 放上新鮮的無花果, 清新而甜美, 只是略嫌中間幼滑的吉士醬 份量過多, 感覺甜膩。黑松露榛子拿破崙千層酥以三層酥皮夾着兩層厚厚的黑松露忌廉, 頂層放了數粒榛子, 還有一些金箔作點綴, 賣相高貴得很! 黑松露味香濃, 酥皮 雖脆口, 但不夠鬆化, 反而最吸引是烤至脆口的榛子, 外面蘸上一層薄薄的糖醬, 香甜美味!蜜餞羗粒朱古力英式鬆餅配幼滑clotted cream, 鬆餅混入不少薑粒, 味道微辣帶甜; 鬆餅 則鬆軟而帶牛油香, 不錯!最後便是玖瑰巴巴露絲, 一支盛載玖瑰糖醬 的唧筒插在蛋糕上, 吃時可把其唧在蛋糕面, 或注入內裏亦可。糖醬帶有淡淡的玖瑰清香, 慕絲 感質幼滑, 朱古力蛋糕底 亦挺鬆軟, 整體甜度剛好。------------------------------看見隔離枱點了黑白芝麻吞拿卷、傳統西班牙奄列, 還有非常吸引的黑松露南瓜意大利飯, 其實通通都想點來一試, 但吃過那麼豐富的酥點拼盤後, 我倆肚子都已很飽足, 只好留待下次, 今次最愛是喇沙與甜品, 不知下次再到訪又有什麼驚喜呢?…查看更多

唔知幾時開始興起All Day Breakfast依樣嘢，其實，All Day High Tea又唔知實際上有無呢 ？晌尖沙咀做出成績嘅Espuma，年初晌中環再下一城，開其第一間分店，直至近日先到訪，喺因為見到佢哋推出一個Sweet Deluxe套餐，猶如兩人份嘅高茶，只限星期六、日供應，不過，由朝到晚都可以食到，變相成為一個All Day High Tea Set。跟尖沙咀店比較，中環店裝修帶點復古典雅，並以原木木枱為主，部份牆身依舊有唔少馬賽克及手繪壁畫作裝飾，一邊落地大玻璃可以睇到中環夜景，不過，雖然景致唔叫得好正，但感覺開揚，相信日頭嚟享受吓春日陽光，心情都會開朗啲 。而餐廳尾有兩張馬蹄形大梳化，亦成為餐廳焦點之一，此外，一列貨架有自家產品出售，如Novell咖啡粉、咖啡杯、小擺設，不妨睇睇有咩啱心水可以即時買走。 Sweet Deluxe $358個套餐基本上喺兩個組合：包括鹹甜點嘅「酥點拼盤」及主打甜品嘅「甜之夢想曲」，仲跟兩款特色果茶或咖啡，單以份量而言，豈止二人份量，三至四個女生都夠食，尤其點果茶嘅話，一壺足夠兩個人享用啦 ！ 酥點拼盤 酥點拼盤嘅組合有鹹有甜，但以鹹點居多，7款食物包括：玫瑰巴巴露絲、黑松露榛子拿破崙千層酥、蜜餞薑粒朱古力英式鬆餅、無花果窩夫、牛油果醬煙三文魚、西班牙黑毛豬火腿及鮮士多啤梨，賣相精緻雅麗，作為下午茶喺幾唔錯之選。由於喺二人份嘅關係，如果千層酥及鬆餅安排為各兩件份量，咁就最理想不過嘞 。賣相攞足分，味道又如何？- 玫瑰巴巴露絲，究竟喺乜？查實喺玫瑰慕絲蛋糕，餅面亦以兩片糖玫瑰花瓣作裝飾，插晌蛋糕上嘅唧筒裝有玫瑰糖漿，味道幾幽香，慕絲亦都做得幼滑；- 黑松露榛子拿破崙千層酥，黑松露味道好強勁，嚟得有少少霸道，千層酥未夠酥脆，個人覺得雖然放上原粒榛子的確夠晒好睇，不過，夾唔到一齊食，如果以榛子碎加入黑松露忌廉中，唔知效果又如何；- 蜜餞薑粒朱古力英式鬆餅（配鮮忌廉），個鬆餅倒有啲驚喜，因為薑味突出，又滲出半點清甜，而鬆餅又唔太乾 ；- 無花果窩夫，新鮮無花果夠香甜，窩夫亦都鬆脆，只喺略嫌兩者間嘅吉士太多；- 牛油果醬煙三文魚，牛油果醬打得太稀，牛油果味好薄，夾煙三文魚唔喺好得我歡心啫 ；- 西班牙黑毛豬火腿，雖然已經捲住啲九芽菜，但仍覺得頗鹹，唔介意老套啲，捲番條哈蜜瓜條應該平衡啲；- 鮮士多啤梨，其實唔止鮮士多啤梨，仲有啲藍莓。 甜之夢想曲 跟酥點拼盤一樣，賣相先行，以香檳杯形盛載6款唔同口味嘅甜品，擺成一束鮮花形態，可以講得喺瑰麗登場，吸引唔少女生注視。6款甜品包括：石榴白朱古力慕絲、蘋果金寶、抹茶慕絲伴朱古力布朗尼、咖啡慕絲伴奧利朱古力、酒香白桃果凍及檸檬菠蘿粒粒。除咗靚，配搭更喺見心思 。- 石榴白朱古力慕絲，石榴慕絲嘅石榴味非常突出而清香，不過，就唔知白朱古力部份晌邊，面層都只喺鮮忌廉嚟；- 蘋果金寶，喺法式紅酒梨嘅蘋果金寶版，蘋果沾上酒香，又混上唔少金寶碎，真喺有驚喜 ；- 抹茶慕絲伴朱古力布朗尼，跟預期差不多，就即喺抹茶慕絲夾朱古力布朗尼，平穩而已；- 咖啡慕絲伴奧利朱古力，咖啡慕絲既香且滑，放入原粒迷你奧利朱古力餅，底下亦有幾粒朱古力布朗尼，變得口感豐富咗；- 酒香白桃果凍，雖然唔喺白桃，只喺用上蜜桃，但配合白酒做嘅果凍，冰涼好食；- 檸檬菠蘿粒粒，其實喺菠蘿粒浸在香茅糖漿中，有淡淡香茅味，幾得意，不過，中文名稱有必要改一改，相反，英文名（lemon grass）又用啱喎 。 招牌水果茶 $42（單點參考價） Sweet Deluxe套餐包兩款飲品，招牌水果茶以透明玻璃壺上枱，最欣賞佢壺咀有個「隔」，可隔住啲水果唔會倒出嚟。向朋友討一小杯試試，茶底喺茉莉花茶，茶香幽幽，不過水果只有紅蘋果、青蘋果及火龍果，果味較淡。 鮮奶咖啡 $36（單點參考價） 多組心形拉花，圖案細膩，斟到滿滿而一滴都無瀉，拉花嘅「收尾」對準杯身餐廳嘅標誌，足見專業。咖啡入口醇香細滑，平衡且帶有微甘餘韻，好睇又好飲。 伯爵茶瑪奇朵 $38 其中一位友人好奇之下試了一杯伯爵茶瑪奇朵，佢話冰凍嘅伯爵茶溝勻奶泡之後，感覺幾特別，口感好幼滑，又唔喺港式奶茶嗰種，而茶味較為芳香，唔太濃。作為晚餐嘅正餐，只食個Sweet Deluxe當然無可能夠啦，我哋本身仲食咗幾樣嘢，不過，既然第一次到中環店，睇落印象上又好似跟尖沙咀店唔同，所以，都略略介紹吓個餐牌。湖水藍嘅餐牌，大嘅喺主餐牌，細嘅喺飲品餐牌。打開主餐牌一眼睇晒，唔使揭嚟揭去，分為Tapas、Mains、Asian Delight、Sweet Talkin’、Waffle及Moffles。據知Asian Delight及Moffles都喺新加入嘅款式，而Moffles都好似幾特別，喺麻糬（Mochi）加窩夫（Waffle）嘅配對，雖然今次因為個「甜之夢想曲」香檳杯甜品而無試，有機會都想試試喺點。飲品餐牌方面，對照番之前個食評，跟尖沙咀店應該無分別，都喺分為Tea Time!、Fruity Tea、Espuccino、Café Everyday及Macchiato Macizo。 黑白芝麻吞拿魚卷 $98 吞拿魚仍然保持刺身狀態，只喺外層輕輕煎封過，再沾滿黑白芝麻，所以，食落既有魚鮮味，口感嫩滑無渣，又有芝麻香氣，互相融和，作為餐前冷盤喺一個開胃前奏 。 傳統西班牙奄列 $68 上次試過佢哋嘅西班牙火腿菠菜奄列，今次試個清減版，一切開蛋漿湧流，煎蛋餅皮薄薄一層清晰可見，內裡填滿不少洋葱，豐富好味一口蛋香，簡單都可以做得好好味。 麻辣香腸薄餅 $108 既然Asian Delight喺新款式，一口氣連試兩款「亞洲風味」。見唔少人點依款麻辣香腸薄餅，小弟都想好奇一試，以薄批為餅底，口感有半點似餅乾，配以香濃鮮活嘅蕃茄醬及軟綿絲絲嘅莫沙里拉芝士，而主角喺帶有麻辣嘅香腸，咪講笑，個辣度真喺有番咁上下，而食落就覺得連個醬汁底都加入咗辛辣嘅元素，都算幾特別，喺有種越食越鹹嘅感覺 。 馬來喇沙湯海鮮米線 $98 而另一款「亞洲風味」喺馬來喇沙湯海鮮米線，嘩，碗喇沙米線非常大碗，3-4個人分享都絕無問題，而且，好足料，有青口、魚餅、鮮蝦，都幾新鮮，特別鍾意啲魚餅，爽口魚味濃 ；橙黃色嘅喇沙湯睇嚟幾對辦，但個人嚟講辣得嚟卻喺未夠香 ，整體而言，仍有進步空間。題外話講講，雖然個「Sweet Deluxe」要星期六、日供應，不過，後尾發現當中嘅「甜之夢想曲」晌平日2:30pm後已經有供應，每份賣$198，但每日限量供應，預訂就最穩陣。所以，計落要晒成個套餐就最抵，俾多$160，就多一份「酥點拼盤」及兩款飲品。到酒樓飲夜茶都唔喺咩特別之事，但晌晚間嚟食高茶，就真喺第一次 。…查看更多

難得約了跟我一樣喜歡西班牙的朋友，選吃當然要吃西班牙菜。還記得12月與D小姐吃尖沙咀Espuma的時候，店家告訴我們中環的新店會多一點新元素，於是這晚便來新店試試到底有甚麼板斧。 有別於本店，門口並沒有等位的地方，深木色門面反而更有格調。走進店內，暖色的燈光與門面構成強烈對比。由於廳面窄窄長長，感覺沒有本店的開揚，但保留了菱形鏡面及馬賽克圖案的牆身裝飾。店內的一角展示了Espuma自家的西班牙咖啡，還有各色的咖啡杯及小擺設，感覺尤如走進了一個小型的藝術館。拿起餐牌瞧了瞧，終於發現了所謂的新元素 - 亞洲風味。加添新菜色從來不是容易，除了對風味的講究外，特色也是相當重要一環。一向主打西班牙菜的Espuma，能夠作出這樣的嘗試，想必是信心十足的了，所以決定一試西班牙式亞洲風味！招牌水果茶雖是凍飲，但呷一口仍散發陣陣茶香，味道清澈。水果有波蘿、青蘋果等酸味水果，餐前餐後，開胃又消膩。 黑白芝麻吞拿魚卷吞拿魚雖是軟腍，但鮮味卻被番茄酸味蓋過，最突出的倒是黑白芝麻的獨特香氣，整體一般。炸魚柳配厚切薯條上回試了尖沙咀店的炸魚柳，香脆多汁，但炸漿偏厚。這次的龍脷柳同樣鮮嫩多汁，炸漿則較薄身，吃起來更為酥脆。 傳統西班牙奄列由於自己是個蛋痴，所以這次也點了一客Tortilla。這客西班牙奄列，簡單的薯仔及洋蔥更能突出奄列的蛋香，味道更臻傳統。不過個人來說，西班牙火腿菠菜奄列的豐富味道較為我所喜愛~麻辣香腸薄餅選用四川辣肉腸，薄餅立時變成亞洲風味。辣肉腸並沒有平時吃川菜的辛辣，挺易入口，細味一口既感受微麻之餘，Mozzarella的濃厚芝味也瞬間爆發 。嗜薄餅的不能錯過~馬來喇沙湯海鮮米線小小的一碗米線，配料有青口、蝦、魚餅、豆卜等，派頭十足。蝦及魚餅口感爽彈，青口不算飽滿。先呷一口喇沙湯，味道香甜，再呷多幾口，辣味漸現，層次有驚喜。惟米線偏腍且碎，美中不足。黑松露榛子拿破崙千層酥慕絲細滑之富濃厚的黑松露香氣，一啖一件，黑松露及榛子味在口腔歷久不散 。千層酥口感偏硬，若然酥脆一點就無得頂了~一間餐廳的成功，不代表分店也會取得同樣成績。新店的食物不但保持本店的味道，新增的亞洲風味也有不錯吃的水準，是不錯的選擇。…查看更多

之前介紹過一間位於尖沙咀的特色西班牙菜餐廳 espuma最近他們於中環開設了新分店''*當然要再度棒場啦~~~地點位於蘭桂芳附近的 M88廣場 17樓''*十分容易找到, 方便於中環返工的人士來到晚飯或聚會!!這裡的裝潢更有格調感, 每一個角落都有不同的主題!!!地方十分寬敞, 無論係一班朋友來聚會或跟情侶來共進晚餐都非常適合''*當然不能缺少的就是那馬賽克的圖案~~~先來的當然是飲品吧~~這裡的咖啡豆同樣是用上 Cafe Novell 出品的!!! 之前品嚐過凍水果茶, 今次就試試這杯凍貴妃荔枝茉莉茶''*荔枝味很突出, 配上清清地的茉莉茶便不會太過甜；而且杯內亦有一兩粒原粒荔枝肉呢~~先來這款馬來喇沙湯海鮮米線味道不太酸亦不太辣, 配料十分豐富, 包括蝦, 魚餅, 豆卜, 青口, 芽菜等~~~份量亦十足, 而且我是第一次食以米線來作喇沙的喔''*個人感覺口味都適合我們, 但可以再辣多一點就更好了!!! 主理這東南亞菜式的印尼廚師是他們特地請來的喔~~所以保証絕對正宗及地道的風味!!!還有西餐必點的炸魚柳配厚切薯條熱辣辣炸好厚切薯條, 脆卜卜的外層又不油膩, 唔點茄汁都很棒!!!!而炸魚柳係用上龍脷柳, 外層炸得像油炸鬼般~~香脆的外層, 配上又厚又滑的白雪雪魚柳, 真係食唔停口~~喜歡吃香口食物的我, 它完全不油不膩的口感, 是必點的菜式的喔!!!西班牙黑毛豬火腿配西班牙蕃茄醬及多士 很長的菜名, 顧名思義就用上 24個月的黑毛豬火腿包上沙律菜；再以香脆多士伴蕃茄醬, 作為前菜都幾開胃''*略嫌黑毛豬火的味道較淡, 吃不出鹹香味!!!那西班牙蕃茄醬就跟多士配合的很好, 很有口感~~這款是很特別的 fusion 菜式：四川麻辣香腸薄餅用上四川麻辣香腸作配料來製成的 pizza, 十分新穎!!!說是麻辣但不夠麻又不夠辣, 但餅底同樣薄脆, 算不錯~~可惜的是芝士怪覺得不夠多芝士, 沒有了吃 pizza 的那種拉絲興奮感覺''*話咁快就到高潮的甜品位啦~~~令人期待已久的 Sweet Fantasia 甜之夢想曲''*由 6隻香檳杯組成的甜點, 均有不同的味道, 放在一起就像花束一樣!!!分別有：❤ 咖啡慕絲伴奧地利朱古力❤ 酒香白桃果凍❤ 抹茶慕絲伴朱古力布朗尼❤ 蘋果金寶❤ 石榴白朱古力慕絲❤ 檸檬菠荏蘿粒粒六款口味我都有品嚐少少, 最喜歡的都是石榴白朱古力慕絲''*充滿清甜的石榴味道, 而朱古力又不太甜, 配合得很好!!!最特別就是它們的賣相, 未食已經吸引到客人不停拍照啦~ 如果大家想吃的話,就需要預早預訂, 而且仲係限量供應的喔!!之後就有這款較特別的甜品：黑松露榛子拿破崙千層酥以千層酥夾著香濃的黑松露打成的 Cream, 而面層就放著原粒榛子!!!味道出奇的夾, 一口又脆又軟的感覺, 已經融合於一起了~~之前介紹過這款甜品的綠茶口味~~今次就試試新口味：日式香芋麻糬窩夫配雪糕麻糬窩夫充滿香芋的味道, 窩夫中間同樣係煙煙韌韌的麻糬；令整個窩夫好有口感, 而心型的窩夫十分令人歡心呢!!!就連伴上的都是香芋醬及以香芋味忌廉!!!!雪糕上的熊仔係杏仁脆脆, 好可愛喔~~ 如果配埋香芋雪糕就更加完美啦''*最後仲有玫瑰櫻桃酒香草莓窩夫配雪糕這個窩夫內脆內軟, 但草莓比玫瑰櫻桃酒浸得太耐變得軟腍, 怪怪的''*而且食唔到有酒的味道, 有點失望~~…查看更多

與朋友平日的相聚, 之前試過尖沙咀的店蠻不錯, 知道這間分店新開業不久就跟朋友來試一試, 不知是否跟尖沙走一樣的路線呢??? 在M88的商場中雖然位置不算太近正路, 但大大招牌遠遠就看到, 而且中環是香港的中心地帶, 如果說尖沙咀是比較年輕的目標, 這裡就是比較成熟及繁華的目標, 品味更高級一些……預先訂了位置, 一入門口又能看到大大光亮的名字!! 入內感覺很舒服, 沿用返馬賽克及木地板, 而設計也很光猛, 也有大大的落地玻璃, 如果是日間的話應該可以透到很多陽光入來, 冬天會很和暖~~~門口一入內可看到兩邊不同的空間, 左邊是比較光猛的, 而且對著BAR TABLE; 右邊側時氣氛比較私人一點, 而且有卡座的皮梳化, 皮梳化及不同COLOR的椅子也能顯出特色及WARM的感覺, 梳化位也是一個CURVE型, 能有私人空間。 感覺如果多人來的話可以REQUEST這地方作一個小PARTY空間, 而且感覺自我空間感較強!! 側邊的擺設也很有趣及精美, 原來如果客人有興趣的話也可以向侍應查詢, 會告知價錢合適的話可以購買, 食店+藝術+購物一起！感受完環境便看看餐牌, 大致上食物款式跟尖沙咀的差不多, 但多了一些特別或CROSSOVER的款式, 當然因為地區問題, 價錢也會比尖沙咀的貴一點點而已……先來飲品~~我叫了 “PUNCHY PEACH JUICE WITH JASMINE GREEN TEA鮮蜜桃汁茉莉綠茶($38)~~~不錯, 蜜桃的香味加上有少少澀味但又很清新的茉莉花香, 再加上REFRESH的綠茶, 清涼的感覺!!!LYCHEE JASMIN TEA貴妃荔枝茉莉茶($38)~~~朋友自從上次喝過後十分喜歡, 所以今次又叫了, 不過一上桌感覺有點不太同, 顏色深了, 不過像上次那麼白, 我們疑惑的問侍應, 原來因為尖沙咀那款是跟茶格分開, 所以會白一點, 這個是跟茶混合一起, 所以就有茶色一點, 但荔枝的香味絕對不會被蓋過, 反而多了一番的濃味茶香, 也不太甜……黑白芝麻吞拿魚卷($98)~~~上次吃過後十分吸引及鮮甜, 所以今次又叫來吃, 也是很鮮味, 當然加了黑白芝麻十分香, 而芥末醬繼續能帶出吞拿魚的鮮味……西班牙黑毛豬火腿配西班牙蕃茄醬及多士($188)~~~初嚐試, 見到有黑毛豬火腿於是叫來試下, 原來有分用24或36個月的火腿來做, 這款是24個月, 當然咸味沒有36的那麼重, 蠻適中得來又保留風乾的風味, 而配了濃的蕃茄醬更添美味, 還有那塊多士真的很鬆脆及鬆化, 入口有即溶的感覺, 都不需要怎麼咬, 好好味!!四川麻辣香腸薄餅($108)~~~名字已經十分特別, 沒想到西班牙餐廳與中國菜的CROSSOVER, 所以叫來試下~~上桌已有很香的味道, 不過相對沒有太多的芝士味, 可能怕搶了麻辣味??? 辣味也能聞到, 但相反吃著感覺不算太厲害, 麻辣味可以再強一點……炸魚柳配厚切薯條($98)~~~又一好味之作, 平時到傳統西餐廳都會試這一款, 因為簡單的款式得來就要看廚師整得美味與否, 這個用上級的魚柳, 外表炸魚粉很薄很脆, 魚肉很嫩滑, 再配以新鮮炸起的薯條, 加上自家沙律醬調味醬, 真是又香脆又美味, 一定要試啊!!! (魚款也可以選擇, 價錢不同!! 我覺得平那款已經很好味!!)馬來喇沙湯海鮮米線($98)~~~又一FUSION的菜式, 聽侍應說是一位印尼的廚師煮理, 一上桌很香的味道, 而且顏色及配料也很吸引, 可能不同地方的喇沙都有點不同, 尤其是麵, 這個印尼廚師就是用米線, 之前吃過新加坡的就是粗米粉, 也吃過一間的是油麵米粉雙麵, 雖然麵底不同, 但配料大致一樣, 有大蝦, 芽菜, 吸晒湯汁的豆卜, 辣味魚餅, 還加了青口等~(有些會有白蘿蔔的……), 湯及整個材料都配搭得不錯……日式香芋麻糬窩夫配雪糕($88)~~~主打甜品來了!! 上次試過原味及抹茶的, 喜歡PURPLE的我又怎能錯過這個香芋味呢??? 一上桌已好紫啦~~~十分喜歡MY STYLE!! 無論是窩夫還、CREAM還是醬汁也是統一的紫色系, 見到都很開心!!! 吃著很鬆脆又煙韌的感覺, 因為有麻糬在內, 而且不會太膩, 配埋香芋調出來的汁, 香味遠遠也聞到, 還有滑滑的CREAM再加上紅豆蓉, YUMMY!!! 呀~~掛住紫色系, 忘了說雪糕及熊仔餅, 前者我覺得有點像焦糖及拖肥味的雪糕~~唔算太甜, 幾實在的感覺; 後者是杏仁脆片的熊仔餅, 可愛又香脆!!! Sweet Fantasia 甜之夢想曲~~~名字已很FANTASTIC, 用長型的香檳形棒的上桌, 六款不同的甜品, 六款口味, 就好似一朵色彩繽紛的鮮花一樣!!! 有六款不同口味, 但我不記得太多, 說說我記得得的吧~~~咖啡曲奇朱古力(如果大家平時喜歡濃味甜品的朋友一定很喜歡, 因為上一層有大大粒夾心曲奇, 中層有咖啡慕思, 底層有濃濃朱古力, 加埋女士一定吃得很滿足)木槺蘋果批布朗尼~~~很得意的口感!! 表面的一層是一些木槺碎粉, 中間就是蘋果批感覺甜甜的醬蓉加很入味的奄蘋果, 而最底層是很實在很FULL的BROWNIE, 三款很不同由淺入深的味覺，竟然都幾MATCH!!石榴蓉CREAM慕思~~~石榴味其實是一種幾清新的感覺, 所以用來做甜品其實唔錯, 不過唔太多地方會試, 這個幾特別……柚子啫喱果凍~~~如果大家唔想食太膩的話, 可以吃這個, 凍啫喱清清地加上柚子滋潤喉嚨, 還有一些可以咀嚼的柚子肉, 即時REFRESH!!!又是滿滿的一餐, 每次來相聚都覺得很舒服的環境, 侍應服務也很好而且會跟你講解不明的款式或作介紹, 覺得很適合在繁忙中的中環上班族來嘆一嘆咖啡及品嚐一下食物!! (雖然我沒有喝咖啡, 但這分店當然也沿用合作品牌NOVELL的咖啡豆, 所以即使我們沒叫, 也能嗅到其他人咖啡的香味!!) 很想下次可以在日間來, 體會一下落地玻璃帶給的溫暖及舒服悠閒感………查看更多

這麼有格調的餐廳, 到底位於那區呢?這裏是Espuma, 但不是尖沙咀厚福街那間, 而是她在中環新開的店鋪. 裝潢是帶點high-end、帶點歐陸的, 餐廳每個區域都有特別設計/感覺就像這張8人長枱, 用的是西式設計的大椅, 牆上掛有結他和色士風. 昏暗的燈光, 很有情調.而另一邊廂是小圓桌和梳化座位, 適合三五知己舉杯聚首.我特別喜歡放有各式各樣擺設的角落, 有小鳥、孔雀的card holder, 闊口瓷杯和瓷碟、紙鎮、小熊等, 每件擺設都沒有明碼實價, 喜歡的話可問問店員.說回食物, 在厚福街那間吃過兩次, 但味道及水準不甚穩定, 未知中環M88這間又能否挽回聲勢呢?我較喜歡這裏的甜品, 所以先跟大家分享一下.黑松露榛子拿破崙千層酥(Black Truffle Nuts Mille Feuille), 一道幾有創意的甜品. 以往吃黑松露都是撒在熱葷上又或者混入飯粒中, 意想不到這道甜品能令我留下深刻印象.千層酥很鬆脆, 黑松露忌廉夠幼滑, 第一口或許有些難接受, 但越吃越想吃, 還有榛子作點綴, 吃完一件後會令你想多吃一件. 我會選擇把它分開一半來吃, 以免出現一咬下去, 忌廉向兩側唧出來.中環店特有的日式香芋麻糬窩夫配雪糕 (In Love with Taro Moffle), 我十分推介此甜品, 因香芋味十足, 香濃的芋頭忌廉、芋頭汁及紅豆蓉放到麻糬窩夫上一吃放進口, Q彈的麻糬煙煙韌韌, 好幸福~雪糕是棷子味的, 清清的味道能平衡香芋的甜, 若果換上一球香芋雪糕, 整份甜品就是滿滿的浪漫紫, 紫色迷大愛啊~有麻糬窩夫坐陣下, 玫瑰櫻桃酒香草莓窩夫配雪糕(Rose & Berry)頓時給比下去...窩夫的脆度剛剛好, 惟士多啤梨被酒浸得太軟, 口感很怪, 而且...沒有吃到玫瑰櫻桃酒味...縱然杏仁脆塊下的雪糕球味道不錯, 但作為配料之一的雜果已令我大所失望....談到另一道我喜歡的甜品, 不少得甜之夢想曲, 上次吃過apple crumble brownie, 今次選了白桃香濱味, 清清的沒有太濃烈的酒味, 是 '6支花' 之中較為輕一點的甜品.翻閱主菜餐牌, 發覺菜式和價格都跟尖沙咀的稍有不同. 例如中環店多了Asian Corner, 而馬來喇沙湯海鮮米線(Seafood Laksa Rice Noodle)就是其中一款. 個人很喜歡吃咖喱喇沙, 尤記得第一次在沙巴吃的那碗, 加上桔仔冰, perfect match!! Espuma的喇沙味道很好, 不會太辣, 很有馬來西亞風味. 配料方面亦很豐富, 包括蝦、青口、魚餅、豆卜及芽菜. 不過米線煮得太稔, 雖未至於以筷子一夾即斷, 但太軟身就影響口感, 絕對會被扣分!另一款值得推介的是西班牙黑毛豬火腿配西班牙蕃茄醬及多士(Jamon Jamon), 幾乎每次吃西餐, 我都要點有風乾火腿的菜式, 今次這款也挺合心意. 多士是烤得金黃鬆軟的, 即是我們用了較多時間來拍攝, 多士依然是脆口. 可把蕃茄醬加入, 作一道清新小吃.24個月的黑毛豬火腿偏乾身、脂肪小, 即使慢慢咀嚼, 也未能嚐到油香, 而咸香味亦偏淡. 若是要味道突出一點, 應該要選用36個月那種較好.四川麻辣香腸薄餅算是Espuma較新穎的菜式. 以我不好辣亦不能吃太辣的人來說, 薄餅的麻辣味不重, 但臘腸味很突出, 芝士沒有做到拉絲效果, 有點失望, 可能是不想蓋過四川風味. 餅底做到夠薄夠脆, 是好味的!  但....不是我喜歡的那類~最後喝一杯cappuccino mocha作結, 朱古力味不濃, 與咖啡的比例好像是half and half, mocha上的泡沫算是豐盈幼滑, 在唇邊溜過的感覺很不錯~ 即使晚上喝過, 也沒有感到心跳加速及失眠. 不過我認為味道可稍微濃一點啊~整體來說, 中環店給我的感覺很好, 食物方面是有驚喜的, 尤其是以上獲得好評的甜品, 看到甜品menu上有雪之葡萄柚子, 是要點火那種, 幾過癮, 可惜今次吃得太飽, 未有order. 主菜方面看來還有改善空間. 地理位置上很有優勢, 與中環地鐵站相距5分鐘路程, 方便易找. 另外, 中環店的價錢比尖沙咀店的貴, 相信是地段關係吧,不過價格尚算合理.…查看更多

上次在尖沙咀的Espuma吃過後，說深深吸引就有點誇張，但確實是值得再次光顧的，知道中環店的食物比尖沙咀店來得要多，也就去試一下吧。中環店的位置和蘭桂坊很接近，假如你有本事的話，可以選擇找西班牙妹陪你吃西班牙菜，或者食完西班牙菜食西班牙妹，個人希望是後者（請自重）。這裡可能因應中環地段關係，感覺上比較高級，同樣的食物價錢也會高一點。聽說這個櫃的擺設是能夠出售的，詳細就要問店員了。中環店和尖沙咀的菜式會有點不同，最大分別是加了亞洲菜系，據知咖喱和喇沙都是由印尼廚師主理的，夠地道吧。西班牙菜當然少不了吃火腿，就來一道西班牙黑毛豬火腿配西班牙蓄茄醬及多士（名字超長），火腿是用廿四個月的，個人對廿四個月的火腿最有好感，鹹味最適中。多士不能算厚但也不薄，外表略金黃帶微脆，伴著清新的蕃茄醬和鹹香的火腿味道很平衡。四川麻辣香腸薄餅聽名字很特別，畢竟薄餅是西式的卻配上四川麻辣。看樣子和一般的薄餅沒甚麼分別，就是平常的辣肉腸變成像臘腸的東西。這款薄餅不像上次那樣可以拉絲，不過芝士並不少而且鋪得很靚仔。第一口咬下很清脆，不覺怎麼辣，慢慢地麻辣的感覺就會出來了，可是辣度不高不用太擔心，而看起來很像臘腸的東西，味道還真的很像臘腸，但就多了些辣味，整個薄餅也挺醒胃的。 馬來喇沙湯海鮮米線的湯底一般來說是濃郁的，不過這裡的出品比起預期中來得清香，香茅味道最為突出，個人是挺喜歡的。海鮮的份量也不少，青口鮮蝦蝦餅等也佔了半壁江山，另一邊就全是芽菜，賣相不壞。米線可能因拍照的時間略久，變得有點軟軟的，自己也有責任就是了。 看到身後有咖啡機就想喝喝咖啡，反正我已經透過人體鍊成成功將自己改良到喝完咖啡可以快速入睡…假的。從幾款咖啡中挑了最特別的手搖咖啡來喝，手搖咖啡的泡沫很幼細，黑咖啡味道亦很甘香，清新中餘韻帶點微酸，相當滿意。 甜品當然是不可取締的一環，上次吃過了兩款窩夫後被深深吸引，今次則是吃香芋麻糬窩夫伴香芋忌廉配雪糕，個人可是對香芋有大愛的。因為是麻糬窩夫關係，老樣子還是要盡快起筷，否則會變得煙韌欲斷難斷，窩夫有一部份呈紫色似乎是芋蓉來的，煙韌的麻糬中有一些顆粒，似乎沒猜錯了。香芋雪糕和糖漿顏色雖然有點假，但其香芋味很實在不化學，不像鳥巢牌香芋雪糕超級假。 上次看到的甜之夢想曲在中環店也出場了，六枝長腳版香檳杯放在玻璃瓶中，模仿鮮花與花瓶，正宗冧死女之作。自己分得了綠茶慕絲布朗尼，面頭加上了紅豆蓉和金箔，慕絲夠細滑而綠茶味可再加強一點，布朗尼的朱古力味濃郁，而且焗至乾身做到脆口的感覺，做得不錯。 用黑松露作為甜品的材料偶有所聞，但吃這類的甜品還是第一次，這個黑松露榛子拿破崙千層酥體積小巧，可以一口一件夠方便。這千層酥做得很好，外表金黃，酥皮又薄又脆仿如薯片，入口除了有著蛋黃的鹹香外，黑松露味亦會隨之襲來，最後則是幼滑榛子醬的香甜，層次相當分明。吉士醬拿破崙吃膩了？換成這版本肯定能給你新鮮感。 情人節快到，相關套餐剛好能先賭為快，為了配合情人節的浪漫氣氛，造型也有特別處理，其中的頭盤是心形黑松露三文魚薄餅。主菜則是肉眼扒，雖然不是很像心形但配菜也切成心形，不過把心切開不是Heart broken嗎？（笑） 甜品雖然還是麻糬窩夫，但用上了真正的玫瑰花瓣做材料，花瓣和糖一起煮過後再冷藏，就做成這個玫瑰脆片了（我改的），偷偷的拿了一些來吃，味道有點像糖冬瓜頗甜，因為夠薄身所以入口即溶，但就沒有吃到玫瑰的香氣，不過只要賺得女伴一句好漂亮好浪漫便已足夠。雖然是主打西班牙菜，但亞洲菜系意外地不錯，更難得是甜品亦比一般的出色，能夠不用轉場就吃到高質素甜品，你的女神就不會跟你詐型了，前提是你有這個勇氣去約她，哈。…查看更多