士林台灣麵

營業中

休息中

依度嘅紅燒牛肉麵好出名，但係我唔食牛嘅，所以嚟親通常麵係嗌香酥雞排麵飲食記錄：❶ 香酥雞排麵雞皮炸得香脆🤤雞肉juicy唔鞋🤤🤤雞皮炸得香脆🤤雞肉juicy唔鞋🤤🤤雞扒無預先灑定大量准鹽，唔會咸到令人勁口渴，而每枱都有准鹽俾客人自助使用👍🏻而且雞扒有醃過所以雞肉本身都帶點咸香🤤🤤🤤（以前會嗌佢俾碟酸酸甜甜嘅雞汁點，但依家雞汁調味愈嚟愈似茄汁🙈）想重點一讚👍🏻雞扒下面啲椰菜好好味😋煮得夠腍又有調味😋😋依度啲台灣麵煙煙韌韌幾好味🍜❷ 紅燒牛肉麵供圖作參考❸ 胚芽珍珠奶茶

每次見士林台灣麵都好多人，今日唔洗點排隊就要試試。攞飛後大概等10分鐘就有位。入到去安排咗單邊2人枱，都唔算迫。店員可能比較忙，所以等佢哋俾個Menu都等咗一陣。今日就決定試試個紅燒牛肉麵同香酥雞扒麵加杯熱薑母奶茶。薑母奶茶先到，聞落都幾重薑母味，飲落仲濃郁，甜度適中及奶茶都滑。之後兩個麵相繼嚟到，先試紅燒牛肉，食落口都幾淋但湯就比較重味咗啲啲。而香酥雞扒冇乜味，炸得唔脆而且鬆鬆散散，湯底如清湯咁，淡而無味。有對比下紅燒牛肉麵好食好多。個人覺得士林台灣麵唔係話差，但食物同當地士林比就真係比下去，加上亦未至於要咁排隊喎~

星期日到下白泥走走，入下白泥前先醫肚！見到評價不錯，而且店家由台灣酒店學師，就試試正宗既台灣麵！紅燒牛肉面，湯底濃而不咸，浸住清甜既小棠菜，感覺清爽。牛肉林身且帶筋，麵質帶點煙韌，好味香酥雞扒配清湯麵清湯店家以豬骨，老雞及金華火腿烹煮多個小時，湯底清，帶微咸，麵質一樣煙韌。香酥雞扒麵既雞扒另上，份量十足既雞扒夠2個人食！雞扒做得十分出色皮酥脆而不油膩，雞扒厚肉大大件，十分滿足！珍珠奶茶少甜，依然好甜，味道正常。食物質素高，難怪下午茶時段都門庭若市！

店名:士林台灣麵地址：元朗西菁街9號富盛大廈地下好味指數:7.5/10價錢：$14珍珠奶茶凡惠顧任何食品，都可以優惠價配飲品一款（凍飲+$2）。 珍珠奶茶奶味濃郁，珍珠甜甜的，而且煙韌。店名:士林台灣麵地址：元朗西菁街9號富盛大廈地下好味指數:7.8/10價錢：$44紅燒牛肉麵湯底是用牛骨和牛肉明火熬足16小時，並要焗至第三天才可使用，因此湯底濃郁。紅燒牛肉入味，而且肉質超級捧，一層肉一層筋，嫩滑之餘賣相也非常吸引。麵條尚算嫩滑，但可再煙靭點。店名:士林台灣麵地址：元朗西菁街9號富盛大廈地下好味指數:7.5/10價錢：$38香酥雞扒麵香酥雞扒大大塊，外皮鬆脆可口，肉質鮮嫩，味道惹味。湯底是用牛骨和牛肉明火熬足16小時，並要焗至第三天才可使用，因此湯底濃郁。麵的湯底有點咸，麵條尚算嫩滑，但可再煙靭點。店名:士林台灣麵地址：元朗西菁街9號富盛大廈地下好味指數:7.5/10價錢：$42鹽酥魷魚鬚魷魚鬚粗大肥美，鮮嫩可口。炸得脆脆的，味道是咸咸的，配上喼汁一流。店名:士林台灣麵地址：元朗西菁街9號富盛大廈地下好味指數:7.5/10價錢：$40台式豬腳飯台式豬腳飯份量很大，有3件大大的豬腳，配試

聽講元朗好多街行, 又多好嘢食, 今日同朋友山長水又遠咁入咗元朗!見到元朗呢間士林台灣麵贏到開巷, 冇理由唔試啦~去到好多人等緊位, 但事關我地唔介意坐出面所以三個字左右就有位~  香酥雞扒麵朋友唔食牛, 所以叫咗雞扒, 香脆可口, 又唔會太乾, 味道濃啖亦剛好!麵都好有質感, 幾好咬, 唔會太焾~ 不錯~ 酥炸魷魚絲都好大碟吓喎! 新鮮炸出嚟, 真係要小心辣口呀!個炸皮好脆, 好香, 魷魚又稔又易咬開!好好味呀!! 幾熱氣都抵! 紅燒牛肉麵等咗都成十分鐘先嚟, 真係頸到長埋~先嚟一啖湯~ OMG! 個湯既味好香濃呀!但濃得嚟又唔係好似日本拉麵嗰啲好"傑"嗰隻濃, 係好清, 真係可以飲好多嗰種!啲牛肉燜到啱啱好, 啲筋位煙韌, 啲肉位勁焾!略嫌啲牛肉酥咗少少.. 但整體都好好味! 苿香奶茶連杯苿香奶茶都咁好飲, 完美!下次嚟元朗, 一定Encore!

來到元朗，除了品嚐B仔涼粉或大件壽司，有一間台式麵店不可不試，它就是「士林台灣麵」。這餐廳有什麼過人之處呢？就三個字－「平靚正」。我到訪過「士林」幾次，食物質素依然。大約晚上7時到餐廳，餐廳內外都坐滿客人，幸好等了5分鐘就進餐廳。餐廳不大，桌子之間很接近，我們坐得頗為擁擠。今趟點了必吃之選－鎮店之寶－紅燒牛肉麵和香酥雞扒麵。紅燒牛肉麵－單看它深棕色的湯底，肉香撲鼻，就知道不普通。湯底味濃，帶牛肉味，微辣惹味，顯然花了不少心機和時間熬製。碗內份量十足的牛肉都帶筋，質感軟腍，牛肉醃得入味。香酥炸雞扒麵是配清湯湯底，清湯帶鮮肉味而不鹹，不似平時添加味精的湯。比手掌還要大的雞扒是新鮮油炸的，呈上時熱騰騰，一咬之下十分脆口，肉質像手絲雞， 層次分明。雖然是油炸，但咬開雞扒時不會「成口油」，脆口而不油膩，也沒有油益味。吃之前記得加一點椒鹽。雞扒跟湯麵是分開呈上的，以確保表皮的香脆質感。介紹湯底和配料後，到主角麵條「出場」－外表跟陽春麵很相似，但比陽春麵粗身；麵身完全吸收了湯底味道，同時不失爽滑彈牙。餐牌上印有「麵」及「湯」的資料介紹（請參考文章下的相片）。原來湯底是用鮮肉熬製十多小時而成，難怪這麼

等位只系等左一陣,雞扒好脆, D雞好嫩唔算太油份量都吾算小架。都算好食反而麵就麻麻地,個人覺得乾拌麵好食D呢個以呢個價錢就不過不失佢肉質都爽口既~份量都吾差,2個人食就可能會太多了

今日經過元朗見士林台灣麵咁多人讚就去試下,平日大約下午1點幾到達,等左2分中倒就有位,立即叫左個香酥雞扒麵,雞扒好大件好脆唔係好油,碗麵麵身"煙煙unun"唔錯,值得再去.

去完下白泥影相, 幾經辛苦先出返元朗!! 朋友介紹去呢間食! 都幾多人, 有d人要坐門口tim~~ 我地一行6人, 等左10~15分鐘左右就有位喇!!!等位時在門口見到有人食魷魚酥! 好似炸得好靚! 又好香, 所以叫左一碟試下!仲叫左 出名的 過橋水餃!一人叫左一碗麵 我只係試左 ::: 香酥雞扒麵 同 紅燒牛肉麵 過橋水餃 我個人覺得冇乜特別 香酥雞扒麵 雞扒好好食! 紅燒牛肉麵 個湯好夠濃, d肉好入味香酥魷魚 個人覺得呢碟最正!!! 炸得好脆, 又唔會太咸! 可以俾個good 佢!! 下次一定會再去!!!!!!

好早之前，都睇到呢間舖頭有好多既好評。最令我深刻既都係大大塊既雞扒，個份量以我既標準算好多。呢日黎到，真係好細間。算啦，有得食就係咁架啦。香酥雞扒麵個雞扒仲早過個麵黎，點都好。個雞扒好大份，有7-8塊到啦。雞肉算幾嫩滑，不過覺得個雞皮鹹左小小。調味都算適中，呢個份量我真係覺得幾多。好彩，我都覺得個雞扒幾好食。而個麵可能係自家製既，煙韌可口。可能製作需要時間，所以炸完雞扒都未有麵食。整體上，個雞扒好食過個麵既。都可能有下次，不過個餐有野飲就更加好啦。