九份飽 (淘大商場1期)

營業中

休息中

同屋企人黎淘大食飯，見好耐無食台灣野所以試試呢間。一入餐廳，覺得裝修好有心思，滿滿既台灣懷舊味道👍🏻Menu就係一張紙，自己填選食物及野飲。• 紅燒牛腩刀削麵 HK$65牛腩非常大舊👍🏻但口感一般，唔算好淋又唔係鞋口，都有4-5舊。但刀削麵就爭少少，可能同平時食開既刀削麵有啲唔同，佢似係比較煙韌但唔算好彈牙而闊身嘅麵條，但湯口係幾夠味道，唔係死咸。• 香酥雞扒魯肉飯 HK$53雞扒都夠多及大舊（我影得醜🥲），而且炸起熱辣辣👍🏻不過魯肉唔夠肥同埋唔夠多！唔夠拌飯🥲而且醃蘿蔔只係得一片⋯希望餐廳之後可以改善，起碼最少都有三塊😂• 滷味拼盤 HK$37佢又唔係大碟，但係啲份量又唔係話好少🫠我自己本人就唔特別大興趣食滷味，屋企人就話無咩特別。• 玉米起司蛋餅 HK$32成餐飯覺得最好食嘅一樣嘢食🥹有非常多嘅粟米，咬入口之後有卜卜既口感～而且都有足夠嘅芝士！粟米同芝士味道都好夾，加埋辣醬食好惹味🩷叫左杯芋頭奶茶，熱，0糖。一飲落口，勁甜😵我即刻望一望張單，又真係落左0糖架喎，我就估可能餐廳本身係用糖水浸住啲芋頭肉，不過芋頭肉有好多👍🏻但甜度需要改善🫠價錢合理，再次經過既話都可以再試下其他野食👍🏻

好耐未認真逛淘大商場、難得另一伴假期就去淘大睇吓有咩食！見到九份嗰名就會聯想起臺灣九份旅遊景點！決定食依間、入去好有臺灣晚上燈飾氣氛！之後叫咗2個主食、一份小食！想叫多啲嘢但又怕食唔晒！為由下次再試其他嘢！主食紅燒牛腩刀削麵- 牛腩好入味、刀削麵好滑好軟！如果你唔喜歡軟質感嘅麵、可能覺得唔啱口感！但我喜歡軟嘅質感！ 雞扒魯肉飯- 雞扒唔厚炸粉、雞都好滑身！魯肉肥肉較多、但配埋飯食啱啱好、唔算好油！飯係熱嘅、唔同其他台灣餐廳啲飯可能係暖！ 如果細食女仔可能要同朋友share 食！但我唔想浪費都食得落！😁😁滷水拼盤滷水汁好入味、偏甜少少🤏唔同放香港滷水咁會重八角食材！豆腐好滑又唔乾！真係要試試！

今日九龍灣出席完講座,之後便往淘大商場九份飽食晚餐,我點了香酥雞扒魯肉飯,雙層起司蛋餅和凍黑糖珍珠奶茶,香酥雞扒魯肉飯份量足料,雞扒炸得金黃香脆,雞肉肉質鮮嫩,魯肉肉味香濃,肉汁拌飯一流,配菜鹵水蛋蛋味香滑,而黃羅白食落香甜爽脆,飯食落香滑軟綿,整碗香酥雞扒魯肉飯材料豐富,口感十足,雙層起司蛋餅食落芝士味香濃,蛋味香甜,帶有啖啖蛋香,食落口感滿足,最後黑糖珍珠奶茶黑糖甜度適中,茶味香滑,餐廳座位闊落,有很多五六十年代台灣的電影海報和擺設,餐廳食物美味,價錢合理,食了一頓美味台式晚餐

在淘大的這家台灣菜餐廳，在外面看起來可能有點暗，但大量紅色燈籠十分突出。甫進內，就如置身在台灣九份一樣。紅燈籠、五顏六色的懷舊商店招牌及廣告、裝作兩層樓高的建築，十分有代入感。吃台灣菜，會點牛肉麵及魯肉飯是理所當然的吧～ 也試試新的小食和飲品。紅燒牛腩刀削麵 $62啡紅色的湯底看起來特濃，喝下去帶點香的藥材類味道，甘甜濃稠卻不會覺得膩。牛腩還是大大條的舖在頂上，還有蘿蔔等蔬菜，頗為豐富。說是牛腩，但感覺更像牛柳條，肉煮得軟身，脂肪部分也不多，真的啖啖肉，好足料。刀削麵條十分粗厚，充滿著煙靭的口感很有咬口，吸收到一點湯汁，邊啜湯邊吃麵是最棒的。香酥雞扒魯肉飯 $52是一整碗上的現炸肥厚雞扒配上多汁魯肉飯及鹵水蛋和爽口蘿蔔。炸粉不厚，弄得雞皮部分相當酥脆邪惡，忍不住要放入口。雞扒肉近一厘米厚，肉質卻鬆軟，一點也不鞋口，只有酥香的味道。魯肉飯的醬汁鹹香，有切碎的豬肉及一點點油脂所以十分香口；鹵水蛋的顏色滲至近蛋黃，夠入味。月亮蝦餅 $34本以為賣相會是圓形的，但它已經切開了。跟泰式炸蝦餅不同的是，它是把蝦肉漿打平後裹上春卷皮來炸的。炸得金黃，咬下去卜卜脆！中心部分則相對爽口，口感豐富又有鮮甜

陶大花園九份飽分店嘅裝修好有台灣老街風味，彷彿去一趟台灣旅行🇹🇼 週末好彩早一步到達，下午一點用膳時，外面已經排長龍🐉🐷香酥排骨刀削麪($55) 排骨同麵係分開上，令排骨保持酥脆，排骨味道亦帶點甜，不錯👍🏽朋友點🐥香酥雞扒魯肉飯($48)，試咗雞扒都酥脆，味道同酥脆排骨接近，都好味😋🫔海苔肉鬆起司蛋餅($37)略為遜色，同其他台式餐廳嘅蛋餅比較，九份飽嘅蛋餅皮較乾，口感不夠滑，不推介

因為疫情已經好耐無飛過✈️特別掛住台灣美食上網碌到九分飽呢間台灣風既餐廳，淨係環境都好自身於台灣咁🥰🥰呢到既感覺同阿元來了有小小相似，假日下午時分去到唔需要等位就可以直入呢到既餐牌好精簡，寫低想要既數量就OKAY啦❤️一共叫左5款食物❤️🐓香酥雞扒魯肉飯$52台灣米真係特別香，賣相好似差左小小🤣，好似比人食左幾啖咁，雖然魯肉唔算但都足夠分配到每啖都有小小，雞扒份量都幾多，味道都岩岩好唔會太咸🍜香酥排骨刀削麵$58刀削麵既份量再多少少就更滿足～我幾鍾意個刀削麵好彈牙，煮得岩岩好，碗麵有半隻蛋兩三片生菜同小小芫茜芽菜做配料，個湯底比較清，排骨都有4-5塊，相比起雞扒炸得比較乾身🤫🌛月亮蝦餅$34呢款係台灣常見到的台灣小吃，我同朋友都係第一次食，配埋個甜酸醬我地都覺得幾好食，外層係類似春卷皮，包住蝦肉🦐🦑酥炸花枝丸$36花枝外皮炸得好酥脆，入面食得出有花枝肉，唔會食到成口麵粉，比一般既花枝丸大粒，一啖食曬都有難度🙊，所有炸物都係超級熱，食個陣小小辣親！！🌽玉米起司蛋餅$32蛋餅個皮煎得岩岩好，餡料都好飽滿，好濃芝士味配埋粟米甜甜地，食完真係超級飽

是掛念外出覓食，尤其是宅在家怎煮還是煮不出外面的神髓，手累又心累，於是又是選個非繁忙時間去吃個鹽酥雞之類。舖裝修走懷舊老式台風，燈光昏黃，舊客棧feel，趨向提供打卡位、微量飲飲食食，多過供人閒聊數小時坐得舒適吹水之類。餓的是外出吃的心情大於自己饑餓感，所以簡單點兩個午餐沒外加小食。點了台灣擔仔麵，挺適合選擇困難或當兒童餐用，勝在「乜都有啲」，配油麵，鹵水蛋、大蝦、魚皮餃、雪菜、豬肉丸各一份，份量不大，細食女生或兒童是足夠。另點的香酥雞扒魯肉飯，飯底都不少，估計有1碗半，多多少少鹽酥雞之類煮法，夠酥夠熱，就算魯肉如再濃味一些會更好。臨走找數時忘了手機留在枱面，侍應姐姐即火速通知，謹此謝🙏🏻。果腹剛好，飽的是心情。

放工喺淘大做完運動 同朋友喺附近揾野食朋友黎開九龍灣 咁就當然問佢有咩推介啦佢就帶左我黎呢間 九份飽 嘅台式餐廳室內環境紅噹噹 掛晒燈籠係唔錯嘅打卡點大家可以喺飯圈內揾到大把呢間餐廳嘅相所以喺呢度就唔多敍述呢度同一般台式餐廳一樣都係用點心紙落單剔好就遞畀店員就完成落單我剩係講下自己果份野食1. 香酥雞扒魯肉飯四舊香酥雞扒炸得算香脆但係食落口覺得乾半碗魯肉飯同半隻滷水蛋都一般般我覺得份量真係太少 同埋味道都好普通2. 鳳梨紅茶見隔離禁左鳳梨入口所以見到"鳳梨"兩隻字就想試下真心幾好飲 鳳梨味同紅茶好夾甜甜地又唔澀 成晚最滿意就係個飲品另外我同朋友再叫左個起司蛋一齊share但冇影到相就唔多敍述最後埋單每人69蚊免加一整體而言 香港嘅價錢 台灣嘅份量味道亦唔見比同類餐廳好所以我覺得唔算抵食而好唔好食就見仁見智喇

今日行完九龍灣，順便就睇下附近有咩嘢食先，行經淘大，發現有一間裝修幾靚，門口擺咗個台式巴士站牌嘅地方。見到間舖頭嘅名寫住「九份飽」，即刻就聯想起台灣嘅九份！係疫情冇得去旅行嘅情況底下，即時好想去E間台式餐廳食飯回味下！😭一入到間餐廳，頓時俾店內嘅裝修吸引咗。店主好用心將老台灣嘅果種風味融入咗係店鋪入邊，令人仿似去咗台灣旅行一樣。坐底之後點咗一份香酥雞扒魯肉飯同埋一份芝士蛋餅。佢嘅香酥雞扒係即整，非常鬆脆可口，魯肉飯嘅份量都好多！至於個蛋餅亦都整得好好味，芝士同雞蛋十分夾。🤗

之前都有聽過下阿元來了同九分飽既恩怨就話係阿元來了既支那夥計偷左秘方出黎開舖九分飽唔只係北角有舖仲係九龍東開埋分店而家見到屯門準備開第三間淘大黎講就無乜邊間好食我覺得呢間九分飽算係比較高質不過堂食都係第一次有一晚八點幾去到門口仲有人等位不過都係等左陣就入得阿元來了我就無去過不過睇相既話呢間九分飽真係幾似阿元來了裝修餐牌就得一頁九分飽就有接受過訪問話阿元來了都無牛肉麵咁樣點會係抄呢仲記得飲食男女有個叫做食店恩仇錄既系列唔知而家米紙會唔會去拍呢揀左A既主食可以以優惠價十蚊叫B1既野飲百里香紅茶size一般味道正常B2飲品就無得平黑糖珍珠牛奶一樣都係正正常常雞扒滷肉飯諗住叫多d小食淨係叫左一個飯份量都夠share兩個人食仲有樣半隻滷蛋而呢個飯只係45蚊對比起好多台式餐廳都算係好抵食所以我就成日係度買外賣減埋openrice果d廿蚊優惠平均都係四十蚊左右有主食有野飲on狗狗咁揀多左份鹽酥雞同個飯一樣呢度都炸得幾脆既係炸衣有少少厚酥炸魷魚全部都炸野係香口既蛋餅呢份我麻麻應該係唔太鍾意肉鬆果種感覺叫番芝士應該會正常番夜晚先有既蚵仔煎之前試過叫外賣拎番屋企好大份堂食反而無呢種視覺效果而蚵仔份量都多四

今日和朋友往九龍灣九份飽食晚餐, 我們點了香酥雞扒魯肉飯, 香酥排骨刀削面、海苔培根煎餅、滷味拼盤、黑糖珍珠奶茶和芋頭奶茶。香酥雞扒魯肉飯份量足料, 雞扒炸得金黃香脆, 肉質鮮嫩, 魯肉肉味香濃, 食落有油花, 白飯食落軟綿, 黃羅白食落鮮甜, 整份香酥雞扒魯肉飯食落惹味, 份量十足；海苔培根煎餅蛋味香濃, 海苔食落爽脆, 培根鹹度適中, 整份海苔培根煎餅食落美味滿足, 配上辣度辣椒汁口感一流；滷味拼盤材料有豆腐, 雞蛋、朱耳朵、雞翼和牛肚。豆腐豆味香濃, 鎖上滷水汁口感一流, 而牛肚食落爽口；最後黑糖珍珠奶茶黑糖甜度適中, 奶茶茶味香濃, 配上珍珠口感十足。餐廳座位適中, 環境怖置猶如置身廿十世紀的台灣, 餐廳食物美物美味, 份量十足, 價錢合理, 食了一頓美味台式晚餐。

今日同女朋友去咗九龍灣德福商場shopping咁我哋一早起身已經去咗九龍灣㗎喇咁我哋就去搵餐廳食個lunch咁我同女朋友係去咗淘大商場嗰邊搵食嘅而家又見到呢間九份飽好似幾多人排隊所以我哋就去排隊跟住佢地喇佢哋嘅價錢係淘大商場算係幾平嘅咁我同女朋友一人叫咗一個飯返嚟食同埋每人叫左一杯嘢飲香酥排骨飯$45佢個碗就唔係話特別大但係放到啲材料好高所以視覺上睇落呢碗飯都好豐富排骨炸得外面幾脆入口有少少排骨嘅汁味香酥雞扒魯肉飯$48佢啲雞炸得幾脆口幾好味咬落仲有啲雞油魯肉飯都係水準之作以$48黎講我覺得比其他都係淘大花園嘅店鋪好抵飯最後叫咗兩杯嘢飲一杯係仙草奶茶令一杯係珍珠奶茶味道不過不失總結：性價比高 價錢便宜 味道好味

好久沒吃過台灣食物了，這次就找了朋友一起去吃，選了在他公司附近的一間比較有名的來試試。香酥雞扒魯肉飯（４８元）這個真的是食肉獸必點的一款，炸得非常香脆多汁的大大塊雞扒，調味應該是用上鹽酥雞的口味的，所以吃起來就像跟吃鹽酥雞一樣，但又比較大塊，吃起來比較多汁，又脆又多汁！而魯肉飯也煮得非常入味，魯肉入口即化，醬汁香濃，拌飯一流！起司蛋餅（２８元）蛋餅吃起來外皮是ＱＱ的，又有蛋香，內裡還包裹住芝士，雖然只是普通的，但芝士量還不錯，芝香十足，還可以拉絲！流沙芋丸（３５元）之前計劃去台灣的時候就一直想試，怎知道原來這裡也有，就點來試試！芋丸比想像中的要大個，外面炸得非常香脆，內裡的是香芋，比普通的芋頭多了點香味，軟綿綿的，然後中間的流心是奶黃，奶香比較足，整體感覺不錯！刈包（３０元）刈包裡的五花肉如果弄得不好的話就會很難吃的，但這裡弄得挺好的，五花肉肥瘦相間，入口即化，滷味十足，吃的時候再配上酸菜就很好地中和到五花肉的油膩感，然後是鬆軟的包皮，整個配合得很不錯，愛吃五花肉的人可以試試！九份芋圓（３５元）這個芋圓的份量真的挺足的，比很多糖水店的還要好！這裡加了大量的仙草，芋圓，珍珠，豆花和紅豆，

今日係九龍灣考完筆試之後，夜晚係九龍灣覓食，因為無堂食，只能外賣。無得堂食既情侶只能係公園開餐。海苔培根蛋餅十分足料，啖啖都食到培根，唔會好鹹。酥炸花枝丸有五粒大大粒既花枝丸，口感彈牙，十分惹味。大腸包小腸自從N年前係台北食過幾啖大腸包小腸之後就再無食過，今日終於可以再次食到。第一次食既男朋友表示好食，話糯米同台灣腸好夾。香酥雞扒魯肉飯食完幾飽肚，雞扒唔算油膩，魯肉汁撈飯食好味，仲有半隻蛋。台灣擔仔麵有一隻蝦，半隻蛋同一粒貢丸，油麵同肉躁加芽菜一齊食唔錯。冬瓜檸檬少甜男朋友鍾意飲，所以叫左杯俾佢。

今日去咗九龍灣shopping，行經見到呢間新開嘅台式餐廳，望落去Menu幾唔錯，所以決定買外賣返去食😋香酥排骨飯 ($45)- 排骨好大舊，望到香脆嘅表皮已經好吸引，鹹鹹香香，食到舔舔脷香酥雞扒魯肉飯 ($48)- 雞扒炸到金黃金黃，望到已經流晒口水，雞扒外皮酥脆香口，食落脆卜卜，雞肉滑嫩多汁，食得好滋味- 魯肉飯都好好味，醬汁地道，夾埋香酥雞扒一齊食一絕紅燒牛肉米粉 ($49)- 紅燒牛肉大大嚿，而且牛肉一啲都唔乾身，紅燒汁都好香濃惹味，連埋米粉索晒啲汁，好好味滷味拼盤 ($35)- 滷味嘅款式都幾多樣化，例如有豬耳、雞翼、滷蛋、牛腱同豆腐，款式好豐富，而且滷得好好，醬汁香濃，非常入味，食落好惹味珍珠奶茶 ($23)- 茶底都幾突出，而且珍珠Q彈，幾有嚼勁，甜度都適中，配台式菜一流整體來講呢間台式菜好好食，而且價錢都好親民，望到餐廳嘅內部設計都幾靚，幾有特色，遲啲睇吓有冇機會堂食，食埋其他菜式😄