士林台灣麵

營業中

休息中

今日元朗剪完頭髮💇‍♀️緊係係附近食埋野啦甘就去了士林台灣麵其實d間都食過好多次我都係覺得值得推薦店舖細小 有時都要坐出面或同其他人搭枱餐牌就係一張紙的我選既係紅燒牛肉麵佢既湯係勁濃 可能係牛肉煮所以好濃 有種回甘的味道 會想不斷飲 而且佢既牛腩係好霖 霖到筷子夾一夾就會爛甘不過真係入口溶牛味都keep住係到雖然牛腩好霖但係都有咬口 有肉質個麵都煙煙韌韌甘 好彈口一啖湯一啖麵 之後再食埋牛肉 今次個雞扒炸得好脆卜卜好金黃色加d鹽更鮮 咬落去係乾身既粉漿係簿 所以好有口感 雞肉好突出配上滷肉同飯 好味道😋😋😋我比較鍾意飲熱飲食完歎翻杯飲品係最爽不過佢既熱珍奶有d甜 珍珠係煙韌 唔係個d霖之之個種凍香芋都有香芋既味但都係甜

近排興起想食台灣牛肉麵，咁岩果日入開元朗就搵到呢間咁多好評既台式店。行行走走都搵左一陣，事關唔太熟元朗啲路。門外有幾張大台，當日天氣都少少清涼，所以夜晚6點左右已經有人坐係外面啲台，而我就揀返坐店內。店內約有十張台，裝潢就同一般茶餐廳、車仔麵果類店相似，坐落唔係話好舒適。墊台紙就係menu，簡單易明。叫左個牛肉麵同雞扒飯，小食叫左個魷魚鬚。紅燒牛肉麵呢個最出名，台台都有叫。聞落個湯底好香濃，飲落一樣好入味同香，牛有成三大舊，全部都十分林身入味牛肉麵面質好煙un，好掛湯，份量剛剛好，而且整碗都好夠熱。果然係招牌菜香酥雞扒飯呢個飯雞扒唔算多，但都算新鮮炸起，雞都滑既，而且外皮都幾香。啲飯就附送肉燥，肉燥幾林幾入味，送飯食唔錯。香酥魷魚鬚呢個正呀，即叫即炸，都等左一陣間。食入口超熱辣辣，而且外皮炸得好酥脆，魷魚口感好新鮮，外面爽脆，中間又帶點林。大推呢杯珍珠奶茶就中規中矩啦，不過食住野再飲兩啖都係正既！

紅燒牛肉麵($58)+蜂蜜紅茶($14)有三件相同部位既牛肉，口感夠哂腍，食落口散發啖啖牛肉味，好食。湯底有牛肉味，帶有少少微辣，幾惹味。麵質煙un，同平時食既台灣麵麵質有d唔同，友人都幾鐘意尼隻麵質，但我就麻麻。蜂蜜紅茶就正常，偏甜。(個人口味: 4/5)香酥雞扒飯($50)雞扒大塊，但炸得唔夠惹味(可能同調味粉有關?)，就算灑埋胡椒粉都分別唔大。飯既份量多，但肉燥偏瘦，油份較少，撈埋飯食都唔夠惹味(但可能相對其他肉燥會健康d?)。整體而言，份量足夠，但味道一般，唔太適合重口味既我。(個人口味: 3/5)

每日熬制20小時嘅牛骨湯牛肉麵前兩日已經想黎試，跟住無啦啦拉左閘，掛左張紙系門口寫住「是日休息一天」，真令人無奈😑 好彩今日去到終於開番，之前系openrice睇過啲相已經知有機會要坐店舖出面，今日去到已經見到好多人，但原來全部人都係等室內嘅位，室外既位就唔使等，由於太肚餓😫室外都照殺，以今日都有啲風嘅天氣都可以接受嘅。萬分期待嘅紅燒牛肉麵終於嚟到我面前！食舊牛肉先，果然係好軟稔吸埋啲湯完全系冇得輸既境界，真心冇誇張，湯底一啲都唔油，有少少藥材味係本身佢自己造出黎，麵條既軟硬度十分適中，一啖入面撈埋湯同埋麵真係好好食媽媽就叫咗個香酥雞扒飯，雞扒炸得好乾身，唔會比成舊炸粉包住，唔油膩而且好大舊肉，十分吸睛，台灣菜來講，能夠炸雞扒炸到咁嘅程度，我食過真係冇乜邊幾間，個人甚至認為雞扒飯比紅燒牛肉麵更加出色珍珠奶茶大大杯都幾正嘅，不過就冇乜甜味，雖然話呢家啲嘢飲冇乜甜味就夠晒天然，不過始終覺得略淡，啲珍珠起晒底都幾煙韌，好好咬。

曾經, 放工叫外賣就立即想起你。 曾經, 迷上你的紅燒牛肉麵和炸雞扒加肉燥飯, 曾經,有人問我元朗有什麼必食好食, 我會二話不說的推介你。 曾經......這些都是曾經。近年與你見面的次數減少, 身邊亦出現不少對你負面評價的聲音, 令我有點難以置信。這夜, 我突然又想起你, 跟老公走了15分鐘的路程到達你門口, 驚訝昨日的人龍不見了, 可能是時間尚早吧, 不用排也不用等, 直接走到裡頭。 裝修過了, 也光亮了, 沒變的依然是站在收銀台前打點一切的老闆娘, 和台灣歌曲的播放。 餐牌也不用看, 直接把我們耳熟能詳的例牌落單。 紅燒牛肉麵 $53招牌紅燒牛肉麵是必叫的項目。 深紅色的湯底, 較為多油脂浮於面, 形成一層薄膜, 但味道不及之前的濃烈, 牛香味亦顯得一般, 比記憶中的味道稍稍變得遜色。 雖然這碗水準算是不錯, 但當你吃過之前的超濃味, 就知道什麼是最好, 什麼是貼近台灣的味道。 多條如2隻手指粗度的牛腱佔據碗內, 份量多得叫人滿足。 牛腱悶得軟嫩入味又富嚼口, 肥瘦均勻, 筋位更是腍軟得骨膠原澎湃, 不用怎咀嚼, 質素仍能保持到水準之作。 麵條是自家製, 較為幼身,

星期一晚七點幾入左去，唔太多人。叫左個紅燒牛肉麵，香酥雞扒飯同珍珠奶茶。全部都唔錯，好味道。雞扒鬆脆美味，飯仲有少許肉躁。牛肉麵個湯底濃，麵好彈牙，有咬囗。飲品睇住佢用量杯沖，睇黎有formula.味道真係幾好，又唔會太多冰。珍珠仲預先煮到有甜味。正呀！

呢間餐廳星期六，日，過左6：30等位等好耐，今日好好彩唔洗等，之前都光顧過真係好食，所以絕對值得光顧，今日叫左紅燒牛肉麵，酥炸花枝丸，海蜇燻蹄，香酥雞扒魯肉飯，滷水拼盤飯！下次一定再光顧

到訪大棠冰雪節前在元朗市中心尋找美食，特意選取了在 OpenRice 屢獲好評的士林台灣麵享用午膳。或許是平日時間，輪候人數不算太多，露天位置可立刻入座，而室內座位則需等待十至十五分鐘。因店面小，座位略迫，舒適度一般。吃了一碗招牌紅燒牛肉麵，牛肉湯用上新鮮牛肉及牛骨花了十多小時熬製，味道固然甜美濃郁。牛肉膠質重，質感腍，又入味，富水準。麵質富口感，食味本身不算太特別。另一名物香酥雞扒飯，雞扒香酥皮夠香脆，但略為乾身硬口了少許。小食鹽酥魷魚鬚，魷魚鬚粗而不韌，酥皮同樣夠脆夠香，可作推介。台式燙清菜亮點在於菜面面上的肉臊，為清菜添上一份鹹香。過橋餃子無乜特別，食味普通。珍珠奶茶甜度合適，茶奶香氣比例平均。用上的珍珠比平日吃的小一點。

上個月廿八號同好友 Sal 去食 Lunch。記得上次既《毓民牛肉麵》唔係好岩我口味，於是想搵返一間好味既台灣食肆試下。所以就黎佐呢間《士林台灣麵》。今次食神開眼，比我地搵到間好野。第一碟到既係滷水併盤，好好味既豆腐、雞中翼、豬耳、雞腎、蛋、鴨舌。全部都好入味，好好食。只係鴨舌如果再稔少少就真係一個字兩個音：Perfect 喇。跟住黎既香酥雞扒飯，嘩… D 雞扒多到不得了，而且好好食。食時又唔會成口油。仲有，超多肉燥，都只係 $27，好抵呀！最後黎既香酥排骨飯就差佐少少喇。雖然排骨都好多，唔算鞋口亦唔會食到成口油，但係唔夠味。唔知係因為食完雞扒同滷水野之後先至食佢，所以覺得唔夠味，定係佢就係唔記得落味呢？加埋兩杯飲野，一共 $117。好抵食！更多圖片及有關網誌：http://hk.myblog.yahoo.com/stewart-too/article?mid=3427