九份飽 (屯門時代廣場南翼)

營業中

休息中

原本的行程：機場古物園—》屯門lunch—〉屯門公園—〉青龍頭日落但機場古物園影的東西不止一個景，所以屯門公園要被迫放棄了. 由早上影到2點幾都未食野，去到屯門都差唔多4點，諗好左去敏華快食，但食評都話上菜慢（真的是聞所未聞）那第二方案就去food court 食米芝連海南雞飯，沒料朋友看到九份包就衝了入去😂😂😂本身有位再加上有人走，我們背囊腳架還好的可以坐最後霸了張4人枱，一坐下問朋友是否吃過，原來未的，應該是被店名字吸引了. 很快點了菜牛肉刀削麵是朋友吃，我試了湯頭和牛肉是不錯，聽他說都是好吃.我叫香酥排骨刀削麵，一看賣相有點不爽，因為怕熱氣，但一吃下，超好味，熱熱的炸皮鎖著豬扒的肉汁，吃下很煙韌，好濃的豬扒味，強烈推介，即使吃到後段飽了仍忍不住將它們掃光. 刀削麵煙韌彈牙，湯應該是豬骨湯，湯頭就牛肉麵比較濃些好飲些.大家都叫了仙草奶茶少甜少冰，真的是少冰，好飲.一離開門外就有人龍，但去完厠所回來又沒有，人流去得非常快，所以也不用怕要等位.

夜晚一家四人去食晚餐，等咗大約10分鐘，環境乾淨，但座位比較少。主要係用木色牆做主色，掛有舊式戲院油畫，再加上餐廳內會播放台灣經典金曲，10首有9首大家都會識唱，入到去就知道自己食台灣菜。食物選擇唔算好多，但係大部份都係大家去台灣會食嘅嘢。上菜速度快，落單之後幾分鐘就送到，雖然係快，但係冇影響到食物質素，食物夠熱，食物質素中上，再加埋喱個價錢，係一間性價比極高嘅台式餐廳。返食機會率極高👍🏻👍🏻

暫時食過性價比最高嘅台式餐廳。無論主食、小食或飲品都十分出色。價錢大眾化！主食叫左「香酥排骨刀削麵」同埋「紅燒牛肉刀削麵」，排骨香酥真係又香又酥，薄薄地易咬唔會硬，即叫即整，好味！紅燒牛肉都好淋好入味，好欣賞個牛骨湯底，好香濃，又唔會死鹹👍麵底推薦刀削麵，煙煙韌韌，口感幾好。小食叫咗「滷味拼盤」，滷得入味！當然要叫埋台式飲品😋可以選擇甜度既肥仔水❤️甜品叫左「芋圓仙草豆奶」，抵食多料，超多芋圓❤️唔會太甜裝修都好有feel❤️真係好似去咗九份🤣

沒有堂食晚市，如何度過漫漫一週，好彩仲有外賣，去回味從前昔日嘅味道。再次嚟到九份飽，為嘅係紅燒牛肉刀削麵。外賣水準依舊，讚。湯底依然好濃郁，好重牛味。喺屋企食嘅好處係可以額外焯好多生菜，跟住浸落湯底度，吸曬啲牛脂精華。牛腩都係三大件，肥瘦適中。香酥排骨刀削麵用嘅湯底係豬骨湯，飲落較清，好似媽咪食得清淡嘅人比較鍾意。香酥排骨重五香粉，十分香口。香酥雞扒魯肉飯亦值得再食。個人鍾意炸雞扒多個炸排骨，因為雞扒比較厚身，容易保留肉汁。魯肉三分一脂肪，三份二肉質，魯肉當然要邪惡先好味。小食方面叫咗玉米起司蛋餅。比起上次肉鬆起司，更鍾意玉米呢個組合。玉米帶天然微甜，比起肉鬆芝士全鹹食，味道更適合我。蛋餅少少煙煙靭靭，加埋玉米口感更佳。加$10就有飲品，點左荔枝綠茶同埋荔枝鳳梨。希望快啲有返晚市，可以再去堂食，食埋一邊懷舊台灣裝修。

最近看到之前吃過的一間台式餐廳在屯門新開張，而且又有新張優惠，更是我喜歡的芋圓，那就馬上找媽媽一起去吃個晚飯！香酥雞扒魯肉飯（４８元）這個雞扒挺大的一塊，炸得非常酥脆，內裡還保留了不少的肉汁，雞肉嫩滑，而且也撤上了椒鹽粉，吃起來特別惹味！而魯肉飯也是另一主角，魯肉半肥瘦，吃起來入口即化，滿口都是油香，魯味十足，非常下飯！香酥排骨刀削麵（５５元）這個排骨也炸得挺好，肉質較嫩，外面非常酥，但我個人喜歡雞扒多點！而刀削麵也是挺特別的，麵質滑嫩帶點嚼勁，湯底有點像豬骨湯，是比較清淡的那一種。海苔培根蛋餅（３２元）蛋餅煎得外面焦香，吃起來又有點煙韌，中間加了很多海苔和雞蛋，吃起來既又蛋香又有海苔的香味！滷味拼盤（３５元）這個拼盤價錢還可以，有挺多款不同的滷味，而且都滷得入味，但吃起來又不會覺得很鹹，味道剛好！ＱＱ地瓜球（３５元）這個我非常喜歡，外面被炸得香脆，內裡Ｑ彈軟糯，而且中間還加了地瓜蓉進去，吃起來每口都滿滿地瓜的香味，一口咬下去更會爆醬的感覺，非常驚喜！九份芋圓（３５元，新張優惠１０元）這個新張優惠真的是超值！這個內裡有紅豆，珍珠，芋圓，仙草和豆腐花，吃起來滿滿的料，特別是芋圓很香而且非