Y Pasta

烤菜蟹肉沙律配麻香菠蘿汁 ($118)紅黃椒同茄子經過烤焗處理，口感變得香腍，沙律菜除咗有蟹肉嘅咸香味，仲帶有丁點麻香嘅衝擊，好特別。香煎虎蝦冬蔭公扁意粉 ($168, 轉手製戒指粉+$25)戒指粉口感好彈牙、有咬口，吸收咗冬蔭公獨特嘅香辣味，惹味之餘濕度啱啱好，虎蝦亦都交足貨，新鮮而且大大隻。香辣水牛城雞塊 ($88)口感偏向紥實，有啲似印度燒雞，辣度惹味、有層次，作為配菜一流。黑松露野菌醬薄餅 ($138)餅底好香脆、厚薄程度啱啱好，上面嘅芝士同黑松露醬味道突出，舖咗好多松子，令口感變得更加豐富。薄荷朱古力牛奶 (熱, $48)兩款味道都好平均同清新，唔會偏重其中一邊。口感順滑厚度適中。總括係一間好用心製作嘅小店，食物同服務質素都好好。

今晚和朋友來了這間吃西餐的餐廳，聽過朋友說意粉味道煮得幾出色！🔸明太子北海道帆立貝意粉：明太子醬汁好豐富，每條意粉都掛上濃濃的醬汁，好creamy, 上面擺放滿滿的明太子，意粉質地軟硬適中，帶子都幾大隻厚身！🔸香辣水牛城雞塊：雞塊肉質嫩，上面舖滿香辣水牛城醬汁，吃起來像韓式炸雞！但又有水牛城味道👍🏻🔸一口西多士配雪糕：點了榛子醬，是一杯滿滿的榛子醬，好開心！西多士好香脆，沾上榛子醬和塗一點雪糕一起吃，味道好豐富，又香又甜又冷又暖，好好味！