吉列牛忌廉烏冬專門店 (彌敦道)

營業中

休息中

【旺角•吉列牛忌廉烏冬專門店】—————————————————————話說本身去呢棟大廈另一餐廳 可惜休息無意中隨意㩒一層樓入咗呢間韓國過江龍餐廳🙊晏就時段陽光透過玻璃打入嚟 窗口位影相確係靚不過要承受陽光曬住咁樣食野 ✔️吉列牛定食 HKD148呢個定食有幾碟配菜 小蕃茄.麻醬凍豆腐.麵䜴湯吉列牛炸得剛剛好 再由自己用石板燒選擇熟度好欣賞佢炸粉個量 就係剛剛好食落外皮酥脆 仲有陣陣油香係口 唔會好韌 配上wasabi沙律醬超級少食吉列嘅我 食咗J先生三嚿🤪證明真心好食囉(翻到最後相片就可以聽聲🥰)✔️香辣忌廉雞肉炒麵 HKD78有驚喜 超級濃厚忌廉 配上韓式香辣軟麵雞肉入味 軟熟嫩滑 略嫌雞肉少 得三嚿 如果有一碟香辣忌廉雞肉 我會叫👍🏻個麵少少辣 令人食完一啖又一啖 (食唔到辣最好叫其他)但個忌廉超厚 所以好快食到漏 多人開心share 相對可試多啲野食✔️Kobekyu秘製蛋卷 HKD68第一見望實物見到好細碟 價錢略貴味道不過不失 配上吉列牛的wasabi沙律醬總結係叫一次就ok✔️綠茶Latte HKD45有得選擇冰量 甜度 奶量 茶濃度 仲可以加薑😵揀咗少甜少冰少奶🤣啱哂我 食完

吉列牛定食 $148: 依個定食超豐富，配有有麵豉湯、胡麻醬冷豆腐，而吉列牛亦好出色，炸衣做得幾好，放上石燒唔會同肉分離，肉質亦唔錯，入口香脆嫩滑，必試之選👍🏻👍🏻香辣忌廉雞肉炒麵 $78: 佢嘅炒麵嘅醬汁超正，有啲似大韓辣醬嘅味道，辣中帶甜，食落好開胃，搭配佢超多嘅忌廉，越食越停唔到口，真係超邪惡呀🤪😋Kobekyu 牛油蜜糖單骨雞翼 $65:佢嘅蜜糖有啲微甜又唔會太膩要加上陣陣牛油味真係好搭👍🏻 單骨雞翼亦炸得好香脆，而且份量又多，非常抵食！紫薯Latte $45: 紫薯味道香濃，甜而不膩，唔錯唔錯！Citrus Ocean $38: 飲落非常清新，一邊食個炒麵一邊飲Citrus Ocean會非常解辣，正！

今次已經係第三次光臨呢間餐廳，餐廳地理位置非常之方便，喺正旺角中心地段！記得第一次嚟食嘅時候真係好多人排隊，真係大概等咗兩個鐘！今次好好彩中午尾聲時段，唔係特別多人！吉列牛定食 （$148）每次嚟呢度必食吉列牛，佢除咗個牛之外都有啲冷盤小菜，例如芝麻醬凍豆腐…牛記肉質非常嫩身，好有肉汁！個爐嘅火都夠大，唔會要每燒兩舊都要加次火！看似唔多但食落去真係好飽好正！香辣忌廉雞肉炒麵（$78）呢個辣雞麵係韓國品牌好出名好辣嘅公仔麵，雖然平時我都好食得辣，但係唔敢睇小呢個辣醬。好彩係佢溝咗忌廉成個面好易入口，基本唔會好辣，非常之開胃，而且棉質唔會過淋，忌廉好滑身，不錯！Kobekyu 牛油蜜糖單骨雞翼（$65）雞翼炸得非常之香脆，皮薄有肉汁，可惜唔係好食得出牛油味，只有好甜嘅蜜糖味。如果你係螞蟻人嘅話，咁呢一個雞翼一定好啱你胃口啦！雖然餐廳唔算特別平但係食物質素係有保證每一次食完我都非常之滿足期望下一次會再嚟啦！

一直想試這間的忌廉烏冬 滿足下放肆既慾望。 中午時段來到 不用等位 人也不多 裝修普通沒乜特別。我地一行五人 點了兩個 set ，每個 set=燒牛肉餐加忌廉烏冬 同散吃分別多了兩杯餐飲（貴20）另加一份燒牛肉及香辣忌廉雞肉炒麵 埋單七百幾。忌廉咖哩牛肉烏冬 食既時候冇想像中咁肥膩。但味道偏淡 沒太大驚喜😢吉列牛 基本一眼望落去所有檯都會點。要用石板自己燒，味道還可以 牛肉色澤望上去沒有油花。由於是吉列 表面脆脆的 肉味略為不足 並沒描述什麼部位 ，百幾蚊都唔會 expect有咩靚牛食。最驚喜是這個香辣忌廉雞肉炒麵！夠晒味而且都幾辣，味道有D似辛辣面底 不覺得肥膩 十分惹味！平均百五個人既午餐 只能講句冇期待就冇失望。份量較少 應該不會再來 因老婆大人非常嘴刁。gimmick野多

新開無耐嘅吉列牛定食，朋友之前去過話伏，但我都想去試下。😜餐廳都幾大，不過就感覺有少少逼同埋啲位唔係太舒服。每一枱都有呢個鐵板火爐仔，準備比你食餐廳嘅主打——吉列牛。唔算好多選擇，不過對於我而言係好事。最後我地點左個set，吉列牛定食+香辣雞肉炒麵+2汽水。主打菜首先嚟到，其實我覺得份量都幾多，初初以為得好少。吉列牛每邊燒幾秒係最好味，如果有心機燒埋邊邊就會更香脆好味。燒得太耐就會好韌，燒幾秒或者見到佢有變左色再加少少透透地嘅紅色，我覺得最岩岩好，唔會太生。不過唔係好香嘅牛，但呢個價錢呢個份量我覺得都可以接受，佢有蒜香味搭夠。一見到呢個麵有啲驚，因為好似好多忌廉，但係食落係唔多忌廉的。麵嘅質感好好，好煙韌，但係真係太辣，辣得太過份，自問都算食得辣，但係我都食得好辛苦。如果將辣度調低返少少就好了。整體而言，我覺得性價比都高，唔係朋友口中嘅伏。雖然店員少客人多有啲逼同出餐較慢，但店員服務態度好好。食物質素都不錯，可以一試。不過建議大家預約定，因為都真係多人。