Le Viet

當日約咗朋友出the one行街 晚餐時間經過哩間屹立多年 但一直都未試過嘅越式餐廳😎 決定試一試😆越式咖喱牛腩鍋 $108咖喱瓦煲上枱 牛筋、牛腩、薯仔🥔炆得入味夠淋 不過牛腩稍為偏瘦 咖喱味道偏甜帶微辣 配上鬆軟嘅法包🥖 完美咁吸晒啲醬汁 大滿足😌沙嗲串燒$68豬、牛、雞 各一串 三款都好juicy 肉質軟腍 非常惹味 甜甜嘅沙嗲醬帶花生粒🥜香芒糯米飯 $66紫、白兩種糯米 面淋上椰漿🍚 🥭芒果份量都唔少 而且每件都好淋甜越式湯粉x小黃吊龍牛肉 $78限定小黃牛肉粉系列 可以選擇匙炳 /吊龍 /雪花牛 當日匙炳售罄 所以試咗吊龍 牛味濃郁脂肪比例少 不過湯底稍為有啲鹹豬頸肉米子卷 $56米紙卷大件到嚇親 中間嘅檬粉加埋可能真係有半碗檬粉🤣 不過味道相對比較普通 豬頸肉肉質稍為有啲乾整體食物份量十足 個人覺得串燒同咖喱牛腩煲都唔錯～去開The One又想食越南菜嘅話 可以考慮吓…Read More

餐廳：Le Viet地點：尖沙咀The ONE 菜式：越南菜餐牌：午市套餐十款主食選一，價錢由$69至$96不等，可選撈檬，炒檬，湯粉同飯。跟餐有檸茶/奶茶/咖啡，凍咖啡加$5，特飲加$8。主餐牌有招牌菜，沙律，米紙卷，越式湯鍋，海鮮，燒烤串燒，小食，咖喱，蔬菜，河粉撈檬，粉麵飯，甜品，飲品。另加一。香茅燒豬頸肉撈檬 $76 另加一香茅燒豬頸肉撈檬有七片燒豬頸肉，燒得燶邊，食落爽脆，不過唔會太肥，味道質感都唔錯。下底係檬粉加雜菜沙律。檬粉幼身滑溜。生菜，芽菜，蘿蔔絲同青瓜絲都爽脆。灑上脆脆同蔥花。魚露另上，酸酸甜甜，蒜蓉好多，非常醒胃。梛汁紅豆冰 跟餐+$8 另加一梛汁紅豆冰下底有好多紅豆，梛奶好香滑不過唔過甜，係一個好好既甜品。蝦餅 $83 另加一蝦餅一客4件圓咕碌，炸得外脆內彈牙，味道唔錯，伴有甜酸汁可解膩。墊有梛菜絲。香芒糯米飯 $66 另加一糯米飯一紫一白各一，暖暖地上枱，食落煙煙韌韌，我特別鍾意紫米，因爲真係特別有咬口。糯米飯面頭淋上豐富既香滑椰漿，食落又香又有咬口！外圍新鮮芒果兩排，酸酸地可以中和甜味。芒果+糯米飯+椰漿一齊食，有多重味覺享受，有酸甜清爽+滑溜煙韌，正！…Read More

餐廳：Le Viet地點：尖沙咀The ONE 菜式：越南菜餐牌：主餐牌有招牌菜，越式湯鍋，海鮮，燒烤串燒，小食，咖喱，沙律，米紙卷，蔬菜，河粉撈檬，粉麵飯，甜品，飲品。午市套餐十款主食選一，價錢由$72至$96不等，可選撈檬，炒檬，湯粉同飯。跟餐有檸茶/奶茶/咖啡，凍咖啡加$5，特飲加$8。另加一。越式牛柳沙律 $88 另加一越式牛柳沙律有好多塊薄切肥牛，撈埋好多洋葱，香茜同葱花，味道酸酸地，炎炎夏日令人開胃。沙律主體係大量青木瓜絲，最下底墊有一大塊生菜。沙律汁非常酸，應該係青檸汁加魚露。另配三塊香脆蝦片，令人胃口大開。生牛肉湯粉 $72 另加一生牛肉湯粉超級熱辣辣上枱，湯好飲，唔覺有味精。另上辣椒粒同青檸，一定要加埋落個湯，唔會太辣。大概有5塊生牛肉，有肥有瘦，算嫩口唔韌，好快就熟。河粉幼細滑溜，好食。面頭灑滿葱花同香茜，仲有生洋葱圈。碗粉已經加左芽菜。另上芽菜同薄荷葉，可以再加，豐富口感味道。呢個湯粉都唔錯。香茅燒豬頸肉撈檬 $76 另加一呢排最愛豬頸肉，又食燒豬頸肉先。七塊燒豬頸肉排得整齊，燒得燶邊，食落爽脆，仲係暖暖地，味道質感都好好。下底係檬粉撈雜菜，一齊食更有口感，檬粉幼身滑溜，芽菜，蘿蔔絲同青瓜絲都爽脆。下底仲有生菜，面頭灑上碎脆。魚露另上，酸酸甜甜，蒜蓉好多，非常醒胃。炎夏食呢個撈檬最好。梛汁紅豆冰 跟餐加$8 另加一 椰汁紅豆冰梛奶香滑唔膩不過甜，底下紅豆粒粒分明，好解渴。香芒糯米飯 $66 另加一估唔到越南餐廳都有香芒糯米飯食。糯米飯一紫一白各一，暖暖地上枱，食落煙煙韌韌，我特別鍾意紫米，因爲真係超有咬口。糯米飯面頭淋上豐富既香滑椰漿，食落又香又有咬口！外圍新鮮芒果兩排，凍而唔酸。芒果+糯米飯+椰漿一齊食，有多重味覺享受，有酸甜清爽+滑溜煙韌，正！食物質素保持一貫水準。食完真係大滿足！…Read More

依家通返關同朋友都想plan去越南旅行，時機未到都可以食住越南菜止癮嘅。我哋去The One行街喺4樓見到呢間搶眼嘅越南餐廳，望餐牌幾吸引大家都餓就入去開餐啦，最後點晒泰國嘢食！Com Xao Khom Tom▪︎Baked Rice in Pineapple 大蝦菠蘿飯 (Lunch Set)> 份量足夠2人食有餘，3隻蝦燒到香口蝦膏甘香唔錯，菠蘿唔係罐頭貨甜得嚟帶啲酸幾開胃，其餘配料有火腿、腰果雜菜和肉鬆等還算豐富Che Ba Mau▪︎Iced Jelly and Green Beans三色冰 Lunch Set +$8 配特飲> 我叫咗少甜少冰啱啱好，最鍾意食爽甜嘅三色馬蹄，椰奶亦不錯Ga Hai Nam▪︎Boneless Hainan Chicken (Half)去骨海南雞 半隻 > 推薦度高！一上枱初初望覺得有啲肥，夾起層皮睇脂肪又唔算太厚，一食落去見真章 - 啲雞肉滑、腍、嫩，雞味適中唔騷啲皮滑捋捋，全部起晒骨真心正，我哋猛攻呢碟雞食唔停口！點三色醬食幾鮮味，唔點醬啲雞一樣咁好味Cai Trang Xao Toi▪︎Fried Cabbage Shoots with Garlic 蒜蓉炒椰菜苗 > 椰菜苗夠鑊氣只係油份高咗啲，啲菜軟身少少更佳；覺得啲蒜頭炒得好味，又香又腍Xoi Xoai▪︎Mango Sticky Rice香芒糯米飯 > 就算食到幾飽都叫肚仔預留位置比甜品，尤其我至愛芒果糯米飯。我同朋友都異口同聲讚呢間餐廳整嘅mango sticky rice，佢有一球糯米一球紫米，係暖暖哋食落份外煙韌好𡁻，配椰奶一絕！啲芒果並非最甜、帶啲果酸好有南洋風味…Read More

最近天氣涷唔想煮飯，捉埋朋友行街順便食晚飯，來到尖沙咀The One，一碗熱辣辣簡單的越南河粉，正是我們今晚嘅選擇！餐廳位處商場電梯旁邊，位置顯眼開揚，餐牌上的食物非常吸引眼球，尤其是快要滿瀉的椰青焗飯，亦有特價菜式，重點係竟然有海南雞飯，正好為平凡的晚上添加儀式感！先來2 杯飲品！🔹特別火車頭 $82越南火車頭其實是牛肉河粉，最好味就喺湯底，上菜先飲一啖湯，湯底清甜重牛骨，蘿蔔味，生牛肉略帶粉紅色，熟度剛剛好，仲有牛腩，牛丸，蘿蔔等餸菜，河粉夠滑，整碗湯飲完成身暖晒！🔹香茅豬頸肉炒金邊粉 $86金邊粉份量都幾多，配菜有雞蛋，芽菜，韭菜！仲有烤香嘅豬頸肉，清清地，無泰式炒河甘濃味，啱晒配海南雞一齊食！🔹泰式去骨海南雞 $123 (半隻) 海南雞去骨，啖啖肉，食得過隱！雞皮色澤夠黃又夠肥，連雞皮入口，口感更滑嫩，沾上甜醬油一齊食更好味！🔹辣椒膏炒大虎蝦 $183朋友推介呢度既辣椒膏炒大虎蝦！辣椒膏無想中甘辣，加入開邊大虎蝦一齊炒，蝦膏，蝦汁融入辣椒膏上，醬汁超濃味，虎蝦夠大隻，鮮甜彈牙，送飯食一流！🔹香芒糯米飯 $63整隻芒果，加埋倒滿椰漿嘅雙色糯米飯，睇見都知好味！芒果酸酸甜甜，配合微暖嘅糯米飯食，口感香甜順滑，係一款唔錯既甜品！📍Le Viet📍尖沙咀彌敦道100號The ONE 4樓L402舖🌙月光太太…Read More

當日在尖沙咀想食越南菜，在Open rice找到排名第一的這間Le Viet，到店時才發現原來她和Cambo是同一集團，晚上8時半去到還是滿座，人氣旺盛✏️位置: 9/10✏️環境: 8/10✏️衛生: 9/10✏️服務: 8/10✏️食物: 8/10餐廳位於The One 4樓，交通便利，連接商場，環境相當開揚，侍應雖然很忙但仍然很有禮貌，食物質素亦普遍不錯🌟特別火車頭 - $82越南菜我就想到火車頭湯河，於是便點了一份。湯底香濃味美，配菜有生牛肉、牛腩、牛丸、蘿蔔，食材夠鮮味及豐富，河粉夠香滑，整體份量亦夠多🌟香茅豬頸肉炒金邊粉 - $86煎過的豬頸肉很香，口感亦軟滑，配合雞蛋、芽菜及香蔥去炒，金邊炒一點也不散，味道亦香中帶鮮，惹味吸引🌟泰式去骨海南雞(半隻) - $123去骨的海南雞十分香滑及啖啖肉，肉質鮮嫩，配搭的醬汁亦香濃惹味，絕對推薦一試🌟辣椒膏炒大虎蝦 - $183採用辣椒膏，配合大虎蝦、燈籠椒、洋蔥及香蔥去炒，香氣撲鼻，味道超香濃，虎蝦夠大隻及鮮味，很出色的一道東南亞菜🌟香芒糯米飯 - $63蒸熱紫白雙色的糯米飯，淋上香甜的椰漿，香滑味濃，熱食時真的很吸引，而芒果肉香甜而新鮮，雖然未到季節不算甜，但口感亦都不錯🌟三色冰 - $29有紅、黃及綠三色配料的三色冰，口感不錯，而椰汁香濃，很甜美的一杯特飲🌟咸檸梳打 - $29咸檸味夠香及咸，而梳打水爽口，相當解渴解膩🏠Le Viet📬地址：尖沙咀彌敦道100號The ONE 4樓L402舖…Read More

食晏時間今日黎到The One呢間越式餐廳。中午一點零鐘左右餐廳差不多已全滿。🍚🍍大蝦菠蘿焗飯 $78配有消暑冬瓜餐湯、有三隻大蝦🍤、菠蘿粒、腸仔、多肉鬆鋪面，大蝦鮮味，整個焗飯都沖滿住菠蘿香，酸酸甜甜好開胃。🍜生牛肉湯粉 $62今次特別要求全熟牛肉，廚師控制得時間非常好，湯粉放上枱面時，生牛肉還有少許粉紅色，但浸泡在熱湯幾秒就變成全熟，呢個時候口感真係啱啱好，一啲都唔鞋口。仲有索晒湯低嘅白蘿蔔，清甜得黎又入味。🧈🐔牛油雞翼 $72好好食嘅牛油雞翼😋，係必點之選。勁重牛油和蒜蓉醬料，香脆外層肉質鮮嫩多汁，加少少青檸汁感覺無咁滯。🥭🍚香芒糯米飯$55有紫糯米和白糯米飯，喺上面淋上椰汁🥥，甜而不膩，側邊就鋪滿芒果肉，自己就比較喜歡紫糯米。飲品點了☕️熱檸水（跟餐）和🥤咸檸梳打（跟餐+$8）…Read More

好耐好耐冇食過越南粉又好掛住滴滴咖啡，行過 the one搵到間價錢一d都唔貴就去食個 lunch。越式生牛肉粉就必叫的，湯底好濃牛肉好嫩好滑冇得輸👍🏻👍🏻👍🏻大蝦菠蘿焗飯大大隻大蝦有成三大隻，仲有新鮮菠蘿加埋一齊炒味道好好。青木瓜大蝦🍤雞絲沙律，木瓜絲好爽口，雞絲一d都唔鞋口加埋個汁好開胃好好味，我個人覺得必試。香芒糯米飯，芒果🥭好甜，糯米飯上枱仲係熱辣辣加椰汁🥥正正正。越南滴滴咖啡☕️賣相已經好特別，有濃濃咖啡香，杯咖啡真心唔錯。…Read More

帶位迅速，職員有禮貌，又沒急追落單。佢哋亦好細心，不時加水後。上菜速度都夠快，只係等咗十分鐘到就有得食。食物都大大碟，兩個人叫三個餸就好夠食。越式拼盆： 蝦餅一上好夠熱 絕對唔係事先炸口感好脆加彈牙 但炸粉適中 唔太油春卷 夠曬脆 同樣唔太油豬頸肉 煎得夠香 加上甜酸醬一流扎肉蒸粉包 好大個 食完已經飽飽地串燒沙爹: 肥瘦啱啱好 不油膩 啖啖肉 配上沙爹醬更野味 超好食海鮮炒檬粉：炒得夠乾身 但海鮮又唔會太乾 海鮮夠多 有好多蝦 魷魚 蜆肉香芒糯米飯：芒果夠甜 白糯米比較軟身 紫糯米 比較硬身 加埋一齊食又得 好味…Read More

是日下午放假,很久沒有和媽媽二人撐枱腳。帶媽媽出街食飯首選一定要方便+舒服,於是便選擇了位於The One商場的Le Viet。以尖沙咀大型商場來算可說是價錢非常相宜。天氣太熱,來一個撈檬解暑。香茅豬頸肉撈檬,撈檬份量雖然不多,但卻有7大片豬頸肉。每一片豬頸肉口感彈牙入味。媽媽則叫了咖哩牛腩撈檬。用咖哩來撈檬都係第一次聽。而且呢個份量完完全全超出普通人食量。普通一個女生想信早已對碗上3大塊炸薯仔投降。麵內還有大量牛腩,絕對是抵食之選。唯牛腩本身不是和咖哩汁一起煮,不是太入味。叫多了一個必食的沙嗲串燒6串。又是我們太睇小了,每一串肉塊均大大粒而且非常入味,即使不沾醬汁亦非常可口。不像外面餐廳般份量又小又乾最後以香芒糯米飯來做一個總結。糯米飯有紫米及普通糯米兩種,配上熱哄哄的椰子汁,果然甜品真係有兩個胃始終是平日關係,商場店比較清靜完全不像處身於尖沙咀區。和媽媽整個進餐過程都很開心。…Read More

越南菜很啱我哋香港人口味，調味豐富帶些香草芬芳，而且選材新鮮，口味講求嫩滑，而我就最喜歡吃扎肉粉卷、越式咖喱及芒果糯米，正正擁有這些特色。今日我就帶著台灣來港的舅父舅母到尖沙咀一間坐得舒適開揚的餐廳品嚐。Le Viet 只有英文店名，時尚的簡約風格，餐牌圖文並茂，睇住個樣揀一定唔會錯。今日食咗七款食物，大家一致最喜歡扎肉蒸粉包，粉包紮實半透，皮滑餡靚，味道豐富，配合炸蒜、青蔥及魚露吃，非常越南口味！排行第二咖喱鮮雞鍋配法包，椰奶滑咖喱香，雞肉入味，新鮮香脆的法包好好味！海鮮酸辣鍋比想像中好，酸辣味道唔錯，冰鮮海鮮亦食得過。香茅烤豬頸肉香惹鬆軟，鹹魚炒芥蘭都幾好。大家對甜品十分滿意，尤其喜歡香芒糯米飯用黑白糯米兩種口味，芒果香甜完全不會酸；拉椰糕暖暖地，煙煙韌韌口感好，又唔會太甜。…Read More

​一直以來都覺得尖沙嘴是為食鬼的福地，美食種類尤其多，中法日越英美印等等應有盡有，全因其佔據極優地理位置，是港島九龍新界人的聚集中心點，能聚集人流絕對是吸引不同餐廳進駐的最佳誘因。對我來說，在港島放工於尖沙嘴轉乘地鐵，假日約會約在尖沙嘴是指定動作，因此自然而然對尖沙嘴哪裡有好食的，性價比高的有了一個清單，而最近的新寵就是位於The One 的fusion越南餐廳Le Viet。吸引到我興趣的倒不是慣常點的越南粉或米卷，反而是餐廳的越式火鍋。近年火鍋熱潮不斷四季不息，以致各種中港日韓的火鍋快速冒起，難怪越式火鍋也出來分一杯羹。在各種火鍋湯中，憑直覺選了越泰Fusion的火車頭酸辣鍋。端上來的時候，紅艷的湯底噗嚕噗嚕的沸騰著，隔著個安全距離也能嗅到那股濃烈的酸辣味，聞著就已經口水分泌增加，垂涎欲滴了。酸辣湯用了很多菠蘿調味的關係，湯底不止酸辣，尾勁更帶菠蘿甜和芳香，實在回味。湯料主要是幾片薄牛肉片、兩三粒牛丸、還有少量牛柏葉。建議加一份法包，點著酸辣湯底來吃，飽肚之餘也不會浪費湯底。火鍋魔力果然非同凡響，換成越式也可以令人吃的津津有味。忽發奇想，將來會不會有西式餐廳弄出個周打魚湯、忌廉湯、或是龍蝦湯湯底的西式火鍋呢？除了火鍋，餐廳小食價錢相宜而且質素理想也值得推介。曾經試過串燒（雞牛豬），燒得香口而且肉質腍身，回想起來也覺回味。香芒糯米飯也在餐牌上，芒果癡的我按耐不住還是點了，以自己喜歡的甜品作一餐的總結是最幸福的。…Read More

近排工作都唔係太如意，所以要食返D好嘢鼓勵下自己上次係The one食過Combo泰國菜好好味，今次又想食吓隔離個間越南菜Le VietLe Viet裝修簡約得黎又美觀，俾人好舒服嘅感覺睇真D，原來呢間餐廳係同Combo係同一個集團，廚房都係同一個！煙三文魚米紙卷 ($38)我地先點了煙三文魚米紙卷，米卷入面有米粉、蔬菜同三文魚等，沾上酸汁來吃味道好清新，係絕佳的頭盤！沙嗲串燒(三串) ($52)分別有豬、牛、雞串燒，燒得啱啱好，唔會太燶，加埋佢特製嘅沙嗲醬，真係色香味俱全，如果唔係肚仔容量有限，我哋會再加碟！越式生牛肉粉 ($64)食越南餐廳當然唔少得生牛肉河！呢碗生牛肉河賣面吸引，加埋青檸汁、指天椒、生芽菜，金不換葉，就更加香，好好味呀！(記住要加埋配料先食!)蒜蓉炒椰菜苗 ($62)椰菜苗就細細碟，食落有口感、用埋蒜蓉炒味道更清香，推薦！椰青 ($40)雖然話女仔唔好飲咁多涼既飲品，但有時真係忍唔住，最多我飲少少，男友飲多多啦！我講緊既係椰青，原隻開，夠晒新鮮！香芒糯米飯 ($52)本身男友想叫甜品拼盤，話可以一次過試晒咁多款，但比我制止左！都唔諗下我要keep住個體形有幾辛苦！況且都已經食到咁飽！最後我地選左香芒糯米飯黎食佢選用既芒果好香甜，而兩種糯米飯都好煙韌，加埋椰汁令成個甜品更香更滑！我唔爭氣咁食左大半碟!比較上次食Combo嘅經驗，兩者的食物質素都很高，而越南菜比較清新，泰國菜就比較濃烈，各有千秋！不過呢兩間都已經入咗我嘅指定飯堂！…Read More

今日同屋企人去尖沙咀食飯，由於屋企人好想食越南菜，於是就去尖沙咀 The One 呢一間越南菜Le Viet度食飯，貪嗰度交通又方便，大家都就腳，去到餐廳嘅時候雖然等位嘅人比較多，但係我哋等一陣就可以入去，都算方便。入到去嘅時候睇完餐牌，就點咗以下嘅餸：1）串燒沙嗲2） 大蝦菠蘿飯2）咖哩牛腩煲3）粉絲大虎蝦煲4）豬頸肉炒河5）香芒糯米飯 我哋四個人食叫以上的餸，非常之飽，每個餸嘅份量都好多。1）串燒沙嗲，我哋四個人叫咗六串沙爹，包括豬，雞及牛 。沙嗲串燒啲肉大大件，大大舊，有口感又唔乾身，配埋秘製金黃色嘅香濃沙嗲醬入口香濃及惹味。2）大蝦菠蘿飯,呢個菠蘿炒飯角底係用新鮮嘅菠蘿 去做墊底,然後將黃薑炒飯配合獨特嘅醬料放喺個新鮮菠蘿上，飯入面仲撈埋一啲新鮮嘅菠蘿，非常之惹味，而且個面仲有幾隻蝦喺度，見到個樣都即刻想食。 3）咖哩牛腩鍋,呢個咖哩牛腩鍋入面有牛腩,大大舊,又香又辣再配埋一個法式嘅麵包,（一個麵包焗咗嘅麵包）,簡直係絕配。4）粉絲大虎蝦煲,呢個粉絲大虎蝦煲,有五至六隻大虎蝦，再加埋惹味嘅粉絲，非常惹味。如果你哋鍾意食粉絲鍾意食惹味嘅粉絲同鐘意食虎蝦，一定要叫呢個粉絲大虎蝦煲啦。呢個煲你食到底時，你會發覺佢呢個煲用了好多調味料去整，包括胡椒粒，八角，桂皮等等嘅五香配料， 仲有蒜頭，唐芹，芫茜同薑，用料十足仲有幾舊肥豬肉墊底勁有心思。5）豬頸肉炒河,呢個豬頸肉炒河上枱時非常之有鑊氣，可見廚師功架十足，而且豬頸肉分量又多 ，食到停唔到口，抵食！6）香芒糯米飯,食到最後當然要試下啲甜品啦 ，一邊黑糯米，一邊白糯米，再配合香甜嘅嘢 椰漿，配埋新鮮嘅芒果，簡直食到停唔到口。…Read More

無懼世事變改，還是越南越愛。每次經過THE ONE都覺得呢間個招牌好搶眼，但又吾知系食咩，友人一講起想食越南菜，一系openrice search就搵到呢間。個樣真心正，啲椰汁漏曬出黎真系不得了，果然冇改錯名，系確確實實咁超載，入面有好多椰汁同埋海鮮如蝦、墨魚仔等等，最特別既系有提仔乾就咁聽落可能覺得好怪，但實際上配埋椰汁飯其實唔會好難食。食完啲飯仲可以刮啲椰肉黎食，不過想講番食到最尾會幾漏。不價$108既精選拼盤呢家做緊推廣價，只售$98，不過都系貴左少少。拼盤有扎肉、春卷、豬頸肉、蝦餅，蝦餅系最好食的，隻味好鮮又脆脆地，春卷也是。其實我唔知左上角嗰隻粉包係咩名堂，不過食落口又幾好食，有碎豬肉、菜等材料。講到越菜，串燒都系吾錯既選擇，豬肉最好食系無庸置疑，濃味但吾會太鹹，口感適中，牛就吾知系咪因爲擺耐左所以比較硬，雞肉都系比較硬，幾款入面只有豬肉系比較值得食。飲品方面，吾想飲平時戈啲飲品既我決定飲三色冰，椰汁味都幾重，不過吾會太甜，like底層仲有勁多椰果同埋綠色粉條，整體黎講都幾好飲。最後黎個越式甜品，我其實幾中意越式既糯米飯芒果好清甜，系最尾戈兩三舊有少少酸，糯米飯系一白一紫，味道其實冇乜分別，只系顏色既分別，入面真系幾黏，食落真系好有平時鹹食既糯米飯feel幾好味。P.s. 服務真心幾好，幾位職員都好有禮貌，食完一款菜後好快就黎收碟，吾會等啲碟阻住張枱。食左咁多款菜式先200幾蚊一位，幾抵食。…Read More