Cafe Paradise (砵蘭街)

今次俾我覓食到一間貼地價錢高質cafe!沙律同餐湯 - 蜆肉薯仔湯、沙律沙律菜份量好大，又新鮮，加埋醋~直頭開胃。蜆肉薯仔湯好濃! 最緊要係夠熱呀!水牛城雞翼雞翼炸到好脆，上面有層好厚既醬汁。味道好濃旭，岩晒重口味既我。龍蝦汁海鮮意大利飯一黎個賣相好靚，又可以相機食先！ 意大利飯唔會煮到好林好硬，岩岩好! 有咬口，每粒飯都有濃郁既龍蝦汁。仲有大大隻帶子, 蝦同青口。隻蝦仲要勁爽口彈牙。香脆豬手配燒汁  [推介]豬手外層既皮炸到好脆又香~ 內層既肉質好嫩, 有肉汁!!! 配上燒汁 好入味呀~ 嘩!!!!! 幸福感覺又黎! 份量大大件，而且伴菜有薯條、瓜。煙三文魚蜆肉天使麵天使麵唔淋身~軟硬度岩岩好~ 汁好creamy唔傑身又會太稀 ，而且有好多蜆肉同煙三文魚!蟹籽蟹棒忌廉意大利闊條麵  [必食]佢蟹籽勁多，完全唔孤寒! 意大利闊條麵夠晒煙韌，每一條闊條麵都有蟹籽。好幸福呀!白汁配埋蟹籽蟹柳，呢個組合無得輸呀!!! 必食洛神花茶同蜜桃果茶好靚呀個茶壺，好似high tea咁呀，下面仲放左個細細地蠟燭，好有心思呀! 可以令到d茶保持住熱，2款都唔甜架~食完d咁邪惡既野可以消消濟。口腔即刻fresh 咗~甜品 - 朱古力雪糕好滑，濃郁既朱古力味，有埋呢個甜品，成餐飯畫上完满句號。…查看更多

這間只有男服務員嘅餐廳，服務水準冇減少，小編甚至覺得係超水準，當晚有兩枱客人係慶祝生日，男服務員會幫客人影相，亦會對客人講生日快樂，店舖亦會播生日歌，小編自己亦都感受到服務員嘅親切，抵讚。🌹蜆肉薯仔湯、沙律前菜係蜆肉薯仔湯同沙律，蜆肉薯仔湯唔錯，沙律就普通咗啲，但可以啦。-🌹石燒法式羊架小編極喜歡羊架，今次仲要石燒上，見到兩件羊架在燒熱的石板上受熱發出吱吱聲，好激動。店舖好細心怕我們被啲汁彈到，畀我哋大大紙巾圍住，仲提醒我哋唔好將啲醬汁放喺塊石板上免得彈汁。兩件羊架雖然唔大，但味道確是一流，羊羶味好重，羊架非常新鮮，醬汁仲配有燒汁同蒜蓉汁兩種選擇，小編覺得兩款都正，兩款都要試，整體讚。-🌹香脆豬手配燒汁餐牌見到個豬手大大件，嚟到果然同圖一樣大大份量，利害。表面已經見到嗰塊豬皮應該脆，食落真係又香又脆，肉質嫩滑唔靭並且入味，配上燒汁更吸引，配菜三色瓜唔好以為小角色可以忽略，它們一樣燒得好香，要食呀！最後件薯蓉，放喺嗰青瓜度好有趣，薯蓉本身都係香滑，整體係讚。-🌹朱古力心太軟小編係套餐上加$25將甜品轉成心太軟，這個心太軟仲搭配一球香草雪糕，冰凍嘅雪糕加上溫熱嘅朱古力，入口令人振奮感覺，不過嗰心太軟熱啲更好。擺碟係漸變藍色，灑上糖粉，打卡好靚，讚。-🌹士多啤梨沙冰 士多啤梨沙冰味道香濃，隻杯打卡亦靚，讚。🌹玫瑰朱古力另一熱飲係玫瑰朱古力，這個係有玫瑰香嘅熱朱古力，味道一流，拉花亦不錯，冇揀錯。…查看更多

之前見過朋友嚟依間有旋轉木馬嘅餐廳打卡食飯，心思思就Happy Friday 去食差唔多7:00去到，坐埋最後一張檯，見之後d人已經要得位門外真係放咗旋轉木馬嘅大模型，雖然唔識轉，但打卡一流坐喺門邊張檯，隔離放滿公仔，仲有個迷你木馬朋友去西餐廳必叫豬手，就例牌叫咗份豬手同all day breakfast，再加份小食。其實唔叫小食都好夠飽蒜香牛酒白酒煮蜆一上檯已經聞到好勁香蒜味，入口牛油味都好重，唔怕係白水煮蜆咁。而且份量唔少，食極都有咁，幾乎粒粒都有肉跟餐湯係蘑菇湯，好多蘑菇粒喺湯入面，蘑菇味香濃另外沙律就正常爽脆，有唔少芝麻醬嗌咗JUMBO all day breakfast，真係好大份未食都超滿足，賣相非常吸晴牛扒係薄切，易咬有牛味👍🏻薯餅香脆，食多幾件都仲得！其餘炒蛋，腸仔，煙三文魚等味道都唔錯。另加$8轉waffle，入面有甜甜地嘅奶黃醬夾喺waffle入面，味道有d似西式奶黃包，外層都鬆軟。食完依份，我哋兩個都飽咗7成豬手份量都好大，第一次食燒豬手表面會灑味粉，入口惹味，上面嘅味粉帶微辣。底層嘅肉有d粉嫩，唔會乾身嚡口。整體味道唔錯燒汁可以唔沾點都得，本身已經好夠味跟餐最後有埋雪糕甜品，是日甜品係綠茶雪糕，雖然細細球，但都好濃味，食完真係好full 埋單每人$200，環境同食物都好啱打卡，味道…查看更多

Happy Friday 緊係要食好嘢啦，係太子地鐵站一出，行唔洗一分鐘就到，極方便🤘🏼今次叫咗一個 白酒煮蜆，paradise jumbo 同香脆豬手（+廿蚊轉set好似幾抵，多個湯，沙律同嘢飲）沙律正正常常，蘑菇湯好香蘑菇味，正😋蜆肉數目比想像中多，唔係好食到白酒味，但蒜同牛油味好濃好香👍🏼👍🏼呢個all day breakfast啱曬貪心嘅我，乜都有d，可以試曬唔同嘅嘢食😋牛扒比較少喺all day breakfast見到，重有三文魚，好豐富😋😋豬手皮脆肉嫩，半肥瘦嘅豬手加埋微辣嘅辣粉，十分惹味😋😋…查看更多

又係Cafe Paradise喇～ 佢嘅杏花村分店同界限街分店都試過，今次就揀咗嚟砵蘭街嘅分店過咗咁耐，餐廳仍然係座無虛席，好多客人都要訂咗位先入到去坐，證明真係好多人鍾意呢間餐廳呀！依然係好有小朋友眼中嘅天堂嘅氣氛，門口擺咗個旋轉木馬音樂盒，餐廳入面又有好多公仔，所以都有好多爸爸媽媽帶埋仔女嚟食，小朋友一定好鐘意！又係有3d menu！好靚 不過好多都爛咗😂上次去杏花村分店有二人餐，呢到就冇。我哋三個人叫咗兩個晚餐同散嗌左一個意粉～是日餐湯（跟餐）呢日餐湯係野菌忌廉湯～田園沙律（跟餐）沙律菜好新鮮，同個醬汁好夾～香脆豬手配燒汁（$178）仲記得第一次嚟Cafe Paradise都係叫咗豬手，果次勁有驚喜！今次都叫咗嚟試下～個皮都係咁香脆。不過應該係呢舊豬手問題，好多筋，無咩肉，唔係好咬到上次跟嘅係薯角，好好味。今次嘅係薯蓉，都好好味！另外仲有燒菠蘿同紫薯片，正！香煎慢煮三文魚扒配菠蘿橙酒汁（$208）呢個嘅配菜都係有燒菠蘿、紫薯片、薯蓉。三文魚扒煮得啱啱好，肉質嫩滑。醬汁有菠蘿同橙酒嘅味道，都幾開胃～卡邦尼意大利粉（$63）最普通嘅carbonara，但有驚喜！好creamy，芝士味又濃是日甜品（跟餐）是日甜品係抹茶雪糕，亦都可以加錢轉做蛋糕。雪糕雪得冰凍，抹茶味好濃，好鍾意！咖啡或茶（跟餐）整體嚟講，我覺得第一次食Cafe Paradise嘅時候最有驚喜，但當然之後都唔係難食啦！但每一次嚟嘅時候都見到好多人嚟食，證明有返咁上下質素！另外，餐廳真係好多人，啲客人走完又入下一批，餐廳職員又唔算多，做到踢晒腳。所以本身我都等到有少少燥，不過入到去坐低咗、餐廳客人又安定咗之後，侍應們都可以喘一口氣，先至發現其實佢哋位位都好有禮貌！menu：…查看更多

.平日經過Cafe門口，🧒🏻總係會被旋轉木馬擺設吸引到。今次終於唔趕時間有機會入去Cafe Paradise初嘗置身天堂嘅感覺，係咪好好奇天堂有咩野食呢！點知🧒🏻一去到天堂就遇到「鹹豬手」！.香脆豬手配燒汁 • 哩隻「鹹豬手」整體質素都唔錯，外脆內軟！外圍灑上嘅調味料，令成隻豬手味道再提升咗！而且貪靚嘅女生們唔可以錯講哩隻「鹹豬手」，因為佢由內到外都充滿骨膠原，威力分分鐘勁過還原靚靚拳！.280克美國頂級肉眼牛扒配燒汁 • 👦🏻最偏愛三成熟嘅牛扒，因為牛扒喺熟與生之間游走，最可以透徹咁品嚐嘅味道。切開牛扒，會有少少血水隨即滲出，牛扒嘅顏色呈淡粉紅。食落肉質都幾鮮嫩多汁，不過有少少筋。.不得不提嘅係，兩道主菜嘅伴碟都有別於一般嘅薯菜，保留傳統嘅薯蓉外，有酸酸甜甜嘅菠蘿解膩，仲有平日少見嘅紫薯片，真係落足心機！.餐名: 肉眼扒加豬手價錢: $396評分: 8/10餐廳: Cafe Paradise (太子)地址: 太子砵蘭街412號地舖…查看更多

朋友最近喜歡用手工肥皂，話手工皂原料係天然素材，環保d喎，知道太子站附近有一間賣手工皂的店舖，於是要我今日陪佢去買佢嘅心頭好，滿足完佢嘅要求，當然就要滿足我啦，一於捉住佢陪我食完dinner至畀佢返歸。平日少嚟呢度搵食，不太熟地頭，惟有頭岳岳四圍望，睇吓邊度有好嘢食，果然見到不遠處有間白色小店，裝修好似幾特別，於是就行前望清楚，一望之下，我地都異口同聲：「入去囉」，因為餐廳門外不但放了一個旋轉木馬和摩天輪的擺設，店內近門邊還有超大隻熊bear bear，佈置不但吸睛，仲令人充滿童心添。好彩時候尚早，不用等位，而且裏面亦未算太full，座位亦舒適闊落，裝修簡潔，以淺藍和白色為主，還有兩面牆貼上很多客人留念的照片呢！看看Menu，食物種類都有好多選擇，單是晚餐就有八選一，但假如set dinner唔合口味，還有其他主菜、意粉、飯，小食和All day breakfast⋯⋯等散叫，部分仲可以加錢升級做套餐，客人可以有更多選擇。而餐飲Menu仲好精緻，打開中間有一個立體小模型，設計頗有心思。餐湯是我喜愛的粟米雞粒忌廉湯，湯的口感濃郁又幼滑，味道鮮甜，濃稠適中，creamy得嚟不會太糊口，加上粟米粒和雞粒就更加豐富了。前菜是田園沙律，有新鮮的沙律菜，還有粟米粒和車厘茄，再配以帶少許酸味的胡麻醬，味道清新開胃。主菜我點了「香脆豬手配燒汁」，豬手份量頗大，炸成金黃色，賣相不錯，豬手皮仲炸得非常香脆，吃落口感有點像薯片，肥膏亦唔多，脂肪分佈平均，滿滿骨膠原，肉質嫩滑，唔會乾及嚡口，且帶少許鹹香味，即使不點燒汁都好好味。伴碟的薯蓉吃落唔覺有牛油味，感覺健康d，再加上罕見的紫薯片，加分！至於燒菠蘿和翠玉瓜就更加能夠平衡今餐肉類和蔬菜的比例，菠蘿鮮甜多汁，味道酸中帶甜，能幫助消化，最適合緩解豬手的油膩感。餐飲當然就是我至愛的凍檸檬茶，一大杯，內有三大片檸檬，最貼心是糖漿另上，啱晒愛飲少甜的我，可以自己調較甜度，抵讚！最後，侍應小姐遞上豆乳雪糕作為今餐的甜品，雪糕質感有點似雪葩，味道偏淡，沒有一般雪糕的甜味和奶味，但豆味非常濃郁，感覺幾清新，把這一餐作了一個完美的終結。總括來講，晚餐吃得很滿足，連一向怕吃肥膏的我都能KO整碟豬手，就知豬手是幾咁惹味，今日誤打誤撞搵到間好店，下次絕對可以安哥，再試其他美食。…查看更多

上年已經知道喺太子有一間超人氣嘅Cafe Paradise餐廳,我同阿肥分別唔同時間嚟過兩次都食唔到,因為佢哋實在太full booking啦,如果想walk in嘅話可能都要等一段唔小時間,最近知道佢哋開多一間分店分散人流,今次終於都俾我哋有機會試到啦喺門口已經見到呢啲好得意嘅小擺設,有摩天輪又有旋轉木馬仲見到裡面有聖誕雪人公仔添,好可愛㗎晚飯時段真係好多人客,好彩咁啱有兩個位俾我哋入。裡面嘅裝修簡潔,都係以天藍色同埋白色為主,走童話路線。Set dinner主要有七款選擇,套餐已經有餐湯+田園沙律+一個主菜,另外有嘢飲同埋甜品送,好多嘢食。羅宋湯好夠熱,味道鮮甜因為有好多蔬菜喺裡面,冇辣味嘅,蕃茄味好濃。田園沙律都好開胃因為沙律菜配粟米加上胡麻醬,仲有兩粒車厘茄。阿肥叫咗呢個香脆豬手配燒汁($168蚊),份量都幾大所以都唔算貴呀。見到隻豬手皮炸到脆卜卜,豬肉同肥膏分佈平均所以口感夠腍,唔會乾爭爭,豬手上面灑咗少少香草粉之餘,再點埋啲燒汁一齊食就更加好味。原來配菜仲有啲沙律菜,炸番薯片,薯蓉+燒菠蘿同埋翠玉瓜,營養均衡好重要。阿肥超鍾意食燒菠蘿所以我將我嗰塊都俾埋佢食物嘅賣相仲好精美添而我就揀咗呢個石斑魚柳配牛油檸檬汁($198蚊),雖然比豬手貴左少少但係都好值得㗎。呢塊魚柳好新鮮一啲腥味都冇,魚肉好厚實所以好彈牙。層魚皮俾佢炸到脆卜卜又好香,記住一定要點個牛油檸檬汁超好味,魚柳有兩小塊,我食一塊已經差唔多點晒佢啲汁,厚住面皮問店員可唔可以比多個汁我,之後店員話原來個汁係廚房即煮㗎~唔怪得知個味道溝得咁特別啦香得嚟又酸酸地好開胃。而我都一樣有配菜沙律菜+燒菠蘿+翠玉瓜+薯蓉同埋炸番薯片。我超級欣賞佢個番薯片因為本身已經切到好薄炸起好好食,插咗喺個薯蓉波上面簡直就好似一幅藝術品咁。個薯蓉好creamy好味道,成個餐食晒已經好飽因為塊魚柳真係好足秤阿肥唔好飲甜嘢所以佢就普普通通叫杯凍檸茶,糖水份量自己落。我呢杯瑪奇多咖啡好精緻,上面有泡沫之餘仲灑咗啲可可粉,入口先甜後苦再嚐到咖啡香,正呀估唔到晚餐送嘅餐後甜品咁有驚喜~本身以為佢係雲呢拿雪糕嚟,點知原來係益力多味㗎真係好特別益力多口味似乎做咩甜品都受人喜愛…查看更多

朋友O係附近返工, 佢話每次經過呢度都想試下, 所以今次就唔洗諗, 就試呢間!餐廳門口呢個小擺設好童真好夢幻呀~餐廳幾有情調, 環境唔算大, 但都坐得好舒服~野食好多選擇!個menu打開好別緻!好似細個時會收O個D立體卡咁, 好可愛!餐廳仲有set dinner, 都幾抵食! 有齊餐湯, 沙律, 主食, 甜品同餐飲!餐湯都有好多款蔬菜, 而且好夠味.沙律份量比想像中多, 沙律菜清新爽口!而且芝麻醬份量落得岩岩好, 不多不少. 主菜揀左香脆豬手配燒汁! 隻豬手 好 大 隻!!個皮真係好脆!! 而D肉就好juicy~口感一流!而且個汁同豬手好夾~D伴菜都不得了, 都係有用心準備~個薯蓉好滑口~烤菠蘿好甜! O係門口見到個甜品menu已經好吸引~所以甜品我地upgrade左, 叫左個朱古力心太軟~朱古力心太軟暖笠笠,  配埋凍冰冰既雪糕, 正!!chocolate lover唔可以錯過呀, 朱古力味濃郁但唔會好膩口.同埋雪糕入面有D雲呢拿籽, 更加香同好食!!果然係推介之選~再加錢叫左杯凍朱古力~full of chocolate~~!好豐富既一餐呀!!十分推介~…查看更多