上海姥姥 (建隆樓)

香港有好多新既餐廳都重新包裝傳統中菜，好似川菜、京菜、台灣菜，上海菜都一樣，有新式、細緻優雅既裝潢，食返半傳統既中式野(仲勁多嫲嫲、婆婆、姥姥添)上海姥姥西環店裝修相當靚，坐位亦好舒服，開放式水吧，服務亦好好重新包裝十大經典名菜，睇餐牌口水已流先試下啲經典野，宋嫂魚羹，精美，賣相同香味唔錯入口魚肉滑溜，薑味勁，唔會湦，怕薑既自己留意，味道清得黎唔太淡舒服當然要食下小籠包啦，湯汁多，味道唔錯，唔算驚艷但都正正常常再加個香煎素鵝，有輕盈版半價半碟，等你可以淺嚐然後再食其他野，讚佢素鵝入面只有冬菇，味道寡左少少，面頭唔知搞咩勁油失望睇相都見仲叫左個乾煸四季豆，亦係佢既十大經典名菜之一，幾香口，味道好，炒得唔錯，送飯一流另外叫左個菜肉雲呑，完全因為佢餐牌既雲呑個樣實在太正，一上枱就知伏左，只能讚嘆佢食物攝影既技術(自己睇相對比下)，真實皮比相入面厚好多，水餃咁既款，根本都透唔到餡既成個味仲要同小籠包個餡100%一樣，唔係話唔好食，不過好失望失望過後，幸好有開洋葱油拌麵開解一下，賣相吸引，上枱已經聞到葱油香氣，連埋啲蝦米仔撈起食，味道正唔太咸而又香又易入口，加埋真係有雞同真係有杞子既杞子雞湯，唔會太濃，相當唔錯值得一試成餐飯有優點有缺點，但張單都唔係貴，而幾挾香港人既上海口味，可以返啅#隔離枱先一枱外國人再接一枱日本人#認真係好鍾意佢個開放式水吧#面向窗口個啲位好似表演食麵俾人睇咁…查看更多

今日呢個咁熱既天氣, 又想慳電, 就緊係出街啦! 搵間舒舒服服既餐廳, 享受下美食!今天選左呢間上海姥姥, 原來有好多分店! 餐廳環境舒服, 裝修都係模仿中國古代的, 感覺舒服! 不過食物一般, 無乜驚喜. 四川擔擔麵 $48湯底不錯, 好香濃既花生醬味可惜個拉麵唔得, 好林, 無彈口叫任何拉麵, 可+$23, 加追排骨顏色炸得好金黃, 不過口感欠奉水晶肴肉 $68(標準)味道不錯, 不過如果碟薑絲可以多啲就好了 特別欣賞佢可以叫"標準" 及"輕盈",  岩晒我呢啲為食鬼. 可以叫輕盈, 毎樣試少少. 滿足下不同味蕾香煎素鵝 $26(輕盈)似炸多過煎, 啲腐皮勁脆! 如果可以加多少少料, 就perfect…查看更多

第一次到西環上海姥姥品嚐他們的菜餚(2017/1/19).一間新派上海菜館.菜譜好美,亦很神秘!新派裝修, 有BAR枱和中國懷舊式的長木椅, 木枱. 一中一西的混合設計, 無想過會在此食到新派上海菜式!在BAR枱前有一塊大玻璃, 面前就是拉麵師傅在此不停表演拉麵技術!雞絲粉皮價錢 $50好味! 但略為細碟. 唔夠喉!香煎素鵝價錢 $ 52外表很脆, 內裡有先用薑汁及醬油等煮好的冬菇條.冬菇條.第2次到此用膳(2017/1/25)酸辣湯價錢 $38 一客, 一個傳統在上海菜館必食的一道菜, 比一般的酸辣湯用料有些不同, 如有蝦,金菇.豆沙鍋餅價錢 $ 40外皮很香脆, 內裡的豆沙濃郁, 味厚.姥姥家鄉粗炒價錢 $62自己個人很喜歡一到上海菜館必定會吃的粗炒, 今次用料比例一致, 醬料味道適中, 油份剛好, 適合現今講求健康飲食的香港人!生煎鍋貼價錢 $35以前不喜歡食小籠包,煎餃子. 因為個人不喜歡吃太多肉和薑味重, 但今次生煎鍋貼俾到驚喜我, 鍋貼皮薄, 肉量剛好, 底部煎得脆和熱, 一咬內裡的肉汁噴了出來!鍋貼底部.肉汁.2017/1/26 第3次到來用膳.姥姥精選冷拼價錢 $ 85 任選3款小冷盆.四喜烤麩用了很像卤水花辣八角之類的香料炆煮而成.有香葉.底部有少少花生.雞絲粉皮好味!五香薰魚外表很像咕嚕肉, 但原來是五香燻魚, 雖然外掛了醬汁, 不過咬落還脆脆的, 炸得很挺身香口, 味道剛好, 沒有傳統的肥膩和味濃.揚州炒飯價錢 $ 62飯炒得一粒粒, 夠咬口, 好好味!姥姥手製排骨拉麵價錢 $ 50排骨外面的脆槳很特別, 竟是咖哩味, 但排骨是真的煎至熟. 不似一般茶餐廳, 用梳打粉醃製過令豬扒之類的肉類, 如何煎都會令肉質軟而不硬.手製拉麵, 欣賞師傅即叫即拉, 差不多條條粗幼一致, 麵條新鮮, 清湯底.生煎包價錢 $ 35這個略為皮厚了少少, 但都有肉汁, 底部一樣煎得香口.…查看更多

秋風起，又到食大閘蟹的季節。有聞【上海姥姥】的蟹粉小籠包甚有名氣，放工相約好友三五成群到西環【上海姥姥】食個飽。在西環鐵路站B出口直望就會見到餐廳，它的外牆比想像中摩登，灰色的牆身配上大大的玻璃牆。入內見到有一曲尺形的Bar枱，餐廳周圍用上掛燈大燈飾，時尚的裝潢有別於平時見到的上海餐館。途中見到有外籍人仕在用餐。Bar枱對望玻璃窗櫥可以見到廚房內的情況。有幸的話可以一覽師傅的表演，外國人應該比較喜歡坐Bar枱吧，可以一睹中國式廚子做菜的光景。我們一行幾人坐下便開始點菜，席上有公筷提供，服務體貼。頭盤先來兩個姥姥精選冷拼，每個拼盤可任選三樣頭盤。比起點全份，精選冷盤可以點多幾款，每樣試少少，可以一次過滿足多人的願望而又不怕從頭盤起就撐飽。當中以這個醉雞最特別，酒味香濃，酒香滲入雞肉中，雞肉嫩滑且酒香醉人。這個水晶肴肉起初我是比較抗拒，因為看似肥膩，但出奇的是食落清爽，完全沒有油膩感，肉淡淡的鹹香味跟湯糕甚為相配。香煎素鵝中夾有冬菇和木耳，在食香脆的素鵝中又有冬菇軟軟的質感，十分過癮。上海菜必食海蜇。海蜇爽口彈牙，晶瑩通透，麻香味十足，也挺不錯的選擇。四喜烤麩甜甜酸酸，烤麩吸收了汁醬，入口香鬆。食完頭盤想喝點什麼，便點了杯雪梨紅棗茶，養生美顏。雪梨味清香，紅棗味濃，甜度適中。招牌小籠包一籠四件，受喜迎程度甚高，一上枱就立即給大家消滅掉，我也不客氣立即給自己夾一顆。它皮薄餡靚，包口是好標準的22摺，咬一口熱騰騰的湯汁一湧而上，肉汁鮮甜味美，沖激著我的味蕾。有別放平時食的薄身蔥油餅，這個是呈水泡狀，金黃色的外皮炸到鬆脆可口，內有香蔥，鬆化程度給它一個滿分。但要襯熱食，因為冷掉外皮會軟掉。原本一籠四件的特上蟹粉小籠包，又是一上枱就給人搶去一個，太搶手了吧！皮薄到透著淡淡的蟹粉黃色，湯汁在皮下躍躍破出，看著就已經令人垂涎慾滴。職員解說同樣是正宗的22摺包法，如此小小的麵粉皮可摺出22摺，廚子技藝高超。小心夾起包子，皮雖然薄薄的，但夾起也不穿底，韌道十足。吃下餡料肉鮮甜美，蟹粉的甘香一湧而上，必食之選。席上有人提議點個黃金蝦球，我心生暗喜，因為在上海菜中我最愛這個了。舖滿黃黃鹹蛋黃的蝦球，外表已經十分吸引，食落內涵比外表更出色。蝦肉嫩滑鮮甜，爽口彈牙，蛋黃甘香。再來一個黑醋亂。啡色有光澤的外表下是嫩滑肉質，肉感豐富，味道甜甜酸酸，甚為開胃，但因為味道較濃，如果配上白飯麵食更好。重點登場，珍貴的一品海膽蟹粉拌麵。大大個俱中國特色的瓷碗上盛著份量還蠻多的麵，上有非常多啡黃色的蟹粉，和兩舊大大舊的海膽。海膽甘香，甜度十足，它色澤鮮黃而非橙紅，所以應讓不是馬糞海膽，忘了問職員來自那裡，不過算吧，我反正會再光顧這個，到時再問。蟹粉鹹香十足，連著肥腴的海膽一併食，人間美食是也。奶油津白視上海常吃菜式，我最喜歡它那鹹鹹的金華火腿粒，伴菜食一流，如果湯汁可再更creamy一點會更吸引。之後我們又點了一個麵食，師傅即席表演拉麵，見他迅間把大大舊的粉團不停重覆拉摺做成幼幼的麵條，不得不佩服得五體投地。製成品出來了，香鬆的排骨配上麵，十分吸引。麵湯頭清澈，但出奇地味道滿滿，麵身有咬勁，放湯一段時間都沒有軟掉。排骨肉厚嫩滑，外層香脆可口，裡面有黃色的粉醬起初我以為是咖哩，原來是香茅來的，但食落都有少許似咖哩呢。姥姥家鄉粗炒十分大的一碟，夠兩人份，麵炒得入味，鹹度適中，我期望肉絲份量會多點，但味道是不錯。可惜我最近有點實火，不能吃炒的東西，吃兩口就止步了。最後來吃個甜點才完滿結束。蘆薈桂花丸子蜜，蘆薈粒清爽，桂花糖水好清甜！濃濃桂花香我最愛了。丸子又夠咬口。奶黃南瓜餅一籠三件，橙黃色的外皮晶瑩有光澤，咬下煙韌，重點是裡面的奶黃，香濃的蛋黃香令人一食上癮。餐牌上還有大量菜式，可恨自己食量有限。當晚我們一行幾人都滿足而回，要吃上海菜【上海姥姥】是不錯選擇。…查看更多