上海姥姥 (建隆樓)

多過4人唔好去啦，第一次去，店舖冇大枱，佢只會叫你不停咁等，但又唔會幫你安排，即你要幸運地同時有一排共兩張4人枱一張2人枱同時間結帳，你才有機會入座， 等了45分鐘，問了3次，比我感覺佢唔做，你生意都冇所謂，只能夠講祝佢生意興隆…查看更多

琴日放假遲左起身，撞正下午茶時間，見好耐有食上海野，心思思去咗上海姥姥食嘢🤗叫左個下午茶套餐，擔擔麵、炸雲吞、豆漿，擔擔麵味道香辣惹味，湯底以花生醬同芝麻醬作醬底，可口美味，唔算太辣，味道恰恰好👍…查看更多

見已經好久沒有到上海姥姥，剛巧經過附近，於是同朋友一齊入去。午市套餐）姥姥厚切排骨手製拉麵 $79配-雞絲粉皮「輕盈」 -甜豆奬 「凍」炸至金黃脆口、熱騰騰的豬肉，加上爽滑彈牙的上海拉麵，份量剛剛好！雞絲粉皮可惜略為偏咸了一點。而當家花雕醉雞「標準」$78不知原因亦是偏咸？希望下次去會有驚喜…查看更多

水煮牛肉配菜飯午飯 $89牛肉有啲太淋，水煮牛肉嘅水煮汁唔係太油膩都唔ok嘅，菜飯啲飯太淋太濕很一般。滬式蔥油雞午餐 $89雞一般滑還可以，個醬汁幾好味😋午餐除主食，仲有酸辣湯同豆漿；酸辣湯好有舊式上海飯店風味，不錯。特別要提係侍應同傳菜姐姐服務態度超級好，勁有禮貌。…查看更多

今日係6月5日，大約6:20左右，我到呢間餐廳想食飯。我打開門，問有冇位。有個看似部長的男人以很粗魯的語氣說，在門外等。我再打開門，看見有一張枱正在清理，我問他，這張枱清理完是否可以給我們。他沒有回答，只是用更粗魯的語氣說：在出面等啊！我不明白，無論那張枱執拾好之後能否給我，為什麼不能回答我的問題？反而用粗魯的語氣去趕客。我跟他說，我想知道這張枱能不能給我，如果不能，因為趕時間，我要去另外一間餐廳。結果他說：你咪去第二間囉！為什麼今日仍然有這樣惡劣態度的員工？為什麼這間餐廳能夠容忍趕客的員工？…查看更多

第一次來到上海姥姥午餐，一岀地鐵站就見到，地理位置非常方便！午市套餐優惠價$89主要係飯類，$79 主要係拉麵類，今日就點左拉麵套餐係包一個手製拉麵，一碟涼粉，再配一杯飲品！👉🏻手製拉麵選了四川擔擔麵，少許辣，花生醬湯底非常濃郁，多肉碎，但拉麵不算岀色！👉🏻涼菜選了雞絲粉皮，份量比想像中多，配合麻醬真係十分惹味！👉🏻飲品選了熱豆漿，大大杯，好香豆味！所有服務員態度都好友善，落單仔細，值得一讚！…查看更多

今日叫外賣 佢個menu都非常多選擇 望落去好吸引▶️五香牛肉湯麵🍜原先$69 七折之後$48.3送到過嚟賣相都唔錯 湯同麵分開上好在冇倒瀉任何湯幾吸引係佢啲牛肉超級多 塊塊都好薄 然後好大片麵份量唔少 浸入湯發大咗就好多原本湯底應該係清湯 不過同朋友調咗 變咗鱻魚湯唔怪之得有魚肉味 同埋遍鹹😆五香牛肉有牛肉味 間中幾片都幾好食 不過普遍比較硬同乾身 唔係好似食緊肉 但係似牛肉乾 透明嗰啲位唔係好似啫喱咁 而係好韌…但係都仲可以嘅比較有問題係個麵 以為同湯分開上會冇咁淋 點知原來佢個麵質本身就淋一夾就斷晒 完全唔彈牙冇咬口🤭佢隻麵唔係上海麵 而係比較似杯麵 但係杯麵好食啲真係唔好食-我記得之前有食過佢嘅嫰雞煨麵都係有同一個問題出現 如果換咗隻麵會好好多同埋感覺個麵好齋 好似一啲配菜都冇咁雖然可以話折咗之後幾平嘅 但係唔可以叫抵食應該唔會再食呢間…查看更多

嚮foodpanda上邊點咗外賣，45分鐘之後單方面取消訂單我都冇地方投訴，屋企人只能捱餓再去訂下一單從來冇遇到咁不負責任嘅餐廳，必須曝光I want to complain about this restaurant as they cancel my order 45mins after they took my it, with no negotiation. This is very irresponsible and I would like everyone to know.…查看更多

打完波落到樓下就落雨，唯有搵地方食野避雨，街角的上海姥姥就腳。兩個人的下午茶，排骨面，擔擔面加2個小食，一罐汽水一杯酸梅湯，$177都算有些貴。比起食個午餐個性價比有點不太值。點了兩個面的面條一般沒特別及賣相一流，湯底就要讚一讚，點了擔擔面個朋友就好鍾意佢的花生碎，夠味又口感好，至於排骨面排骨夠份量，而且賣相一流，不過口感就沒什麼味，莫非是要浸湯？同埋有些小食就普通，個拍青瓜就真係唔係好得，有些怪怪，唔知是否個人口味問題酸梅湯就有驚喜。餐廳環境夠寬闊舒服，服務就認真幾好，夠主動同及時，清潔就一般，但個門口就唔明顯，整體OK. …查看更多

今天買左外賣晚餐，$88/半隻葱油雞送四喜烤夫，加配一份本幫燻魚。蔥油雞用一個圓形盒裝住，以為份量不多，但原來低部沒有伴菜，整盒也是雞，所以都抵食，雞皮爽彈，蔥油也不少，好惹味，但略鹹，其實d汁可以分開裝，就更佳。四喜烤夫，雖然是送的，但都幾大盒，有d雲耳、冬菇、筍同花生，烤夫就吸了豐富嘅汁，而d汁味道甜甜地，吾錯。燻魚就因為d魚肉比較乾身，普普通通，個汁就略為甜左d。三個餸，總共 $123，其實都抵食嘅。…查看更多

屋企嘅姥姥見到「上海姥姥」外賣優惠嘅海報，特意委派我放工去買，老人家叫到，即管試一試。呢個外賣自取嘅優惠：購買半隻雞，送一款涼菜，售價為＄88。雞嘅選擇有蔥油雞、麻辣口水雞及花雕醉雞；而涼菜方面，有六款指定選擇，葷類得雞絲粉皮一款；素菜類有青瓜、雲耳等。外賣的話，每個外賣盒須收取＄1，即係呢 set 總共＄90。=========================當家花雕醉雞（半隻）$88肉質嫩滑，頭幾件食落冇花雕酒味 😯 再夾多一兩件，發現浸住花雕酒，放喺底層嘅雞肉就有酒味，相信花雕酒係後加，而唔係製作過程中已加，上層嘅雞件因為浸唔到酒，所以頭幾件就冇酒味 🤔「上海姥姥」係「大家樂」其下品牌，雖然轉咗做上海菜，但都以製作快餐手法處理 🤔香辣貢菜口感爽脆，入口辣；但麻油味好重，較嗆喉，似乎重手麻油嘅時侯，唔記得落鹽 🤭當然，呢個價錢，唔應該苛求精緻上海菜嘅品質。如果以食快餐嘅心態去看待「上海姥姥」的話，品質尚可接受。疫情底下，家家戶戶嘅媽媽為「今晚食乜餸」絞盡腦汁，外賣的確能夠令佢哋抖一抖、輕鬆一晚，等我發掘下好食嘅外賣慰勞吓老人家先 🙏🏻=========================上海姥姥 (西環)📍 西環堅尼地城北街16-30號建隆樓地下F及G號舖…查看更多

又係 秋天 食蟹粉嘅時候喇 去堅尼地城上海姥姥一直都係有質素嘅餐廳呢嘅見佢價錢唔貴就想食嚇 蟹粉小籠包啦 地方坐得好舒服服務都唔錯冇乜人 地方乾淨係食上海嘢嘅好地方 略嫌個小籠包蟹粉唔係好夠 不過都係好熱好味嘅 佢而家仲做緊外賣呀八折車唔下次週末嚟試下先…查看更多

今日特登過去西環食上海姥姥,鋪頭對住地鐵站出口非常之方便🚈🚈，當日去到都係12點30分左右，唔洗等位就已經可以入座啦😙😙午市套餐只係$78，分別有前菜，主食同埋飲品😋😋前菜係素鵝,新鮮炸起腐皮包住冬菇絲好入味,而且份量都算多有五件👍👍主食我叫左擔擔麵,湯底麻醬味重，麵質爽口彈牙,肉碎都好多🍜🍜 之前送左張coupon入邊有好多款小食可以揀,我今次揀左小籠包,佢係即叫即蒸,一籠有四粒皮薄餡靚，肉汁豐富🥟🥟🤗🤗🤗…查看更多

一家大小2：30去屋企附近的上海姥姥食個late lunch。呢個時間成間店只有3、4枱人，唔明點解一入店見個男的服務生黑面兼服務差。叫左碟雞絲粉皮、鍋貼、小籠包、揚州炒飯。雞絲粉皮、鍋貼，一般般；小籠包，多汁但肉質太鬆散；揚州炒飯，米飯太乾，配料似餸頭餸尾炒埋一堆。大仔見悶，起身企係自己位後面的樓梯望下外面的行人，突然被男服務生鬧。隔離附近都無人，唔明點解要駡個小朋友。。。好少比個差評比一間食店。埋單送優惠券比我下次用。But sorry, 我唔會再去了。…查看更多

擔擔麵午餐，粗麵一堆，看得出是求其將麵拉兩野，還剩下一大半麵頭、粗麵就比客食，同一間以前食唔係咁粗獷，湯底只是甜味，沒有了以往有的肉味、點點辣。即時向職員反映，不斷向我說對不起，「請你吃甜品好嗎？」其他人在落力清潔打掃，唉，而家生意咁難做，做廚的卻咁求其，如何對得起隊友？…查看更多