Briketenia

新一年要有個好開始 帶咗友人嚟北角嘅呢間西餐廳食返個晚餐☺️ 我哋一人叫咗一份set dinner 有頭盤 主菜同飲品⭐️忌廉蘑菇湯呢個餐湯好特別 店員會喺你面頭將湯倒入裝住蘑菇粒同麵包粒嘅碗入面 湯飲落幾creamy 飲到有蘑菇蓉嘅口感🤪法式鵝肝焦糖燉蛋配田園沙律呢個係比較有特色嘅 所以叫咗嚟試💛 將法式鵝肝焦糖燉蛋配埋旁邊嘅麵包薄脆口感好特別 食到少少鵝肝嘅香味 又有焦糖燉蛋嘅奶油口感🤣 仲有埋田園沙律 咁就唔怕太膩啦香煎鱸魚伴蜆肉忌廉汁呢份鱸魚煎得外脆內軟 魚肉偏紮實 唔會好鬆散🐟 魚肉上面有蟹籽增強口感 旁邊有兩粒蜆 蜆肉鮮甜 魚肉下面仲有薯蓉🥔香烤肉眼扒配薯蓉及小甘筍我哋叫咗五成熟嘅扒 所以肉眼扒入面好粉嫩 肉質好易切開🐮 唔會韌 配燒汁食又得 點芥辣又有另一番嘅滋味🙊飲品最後嘅餐茶揀咗熱咖啡同熱奶茶 兩杯嘅奶都係分開上嘅 想落幾多隨個人喜好😺呢間餐廳部分嘅窗口位係有海景㗎 加上店員服務都幾殷勤 會留意到客人嘅需要 係個愉快嘅用餐體驗😚…查看更多

第3次食呢間法國餐廳，好多年前喺觀塘工廈食過覺得好高質，上年食科學園分店，到今次試埋北角分店，呢度有維港海景，特別好feel晚市set dinner有餐包、前菜、主菜同餐飲，宜家仲做緊85折優惠🌟法國麵包法包烘得外脆內軟，唔同一般餐廳，呢度唔係配牛油，而係配自家製銀魚柳蛋黃醬，個醬配法包幾正🌟忌廉磨菇湯上枱時隻碟淨係得磨菇同麵包粒，職員即場倒個忌廉湯出黎，幾有儀式感，而忌廉湯入面有唔少磨菇碎，飲落好香磨菇味🌟法式白酒煮青口青口新鮮，入口幾嫩，充滿蒜蓉同白酒嘅香味，仲有少少海水味🌟香烤肉眼扒配薯蓉及小甘筍牛扒生熟程度控制得好，食到好濃grill過嘅味，而肉質嫩滑，牛味幾重，即使唔點燒汁，就咁點鹽同芥末已經好正，而薯蓉應該加入咗唔少牛油，整得特別香滑🌟油封法國鴨腿配新薯，紅莓汁鴨腿又嫩又瘦，煮得唔會過淋，肉質仲保持到彈性，食落有咬口亦充滿鹹香味，點個醬汁食好惹味，點少少紅莓汁更加有層次食完set dinner其實都有啲飽，但佢啲甜品係必食，所以點都要叫埋🌟French Apple Tarte Tatin個酥皮整到一層層超鬆脆，蘋果肉略帶酸味，配埋面頭甜嘅梨味雪葩好夾好好味，餐廳仲送兩粒咖啡味同紅莓味嘅macaron，都整得非常出色🌟Lemon Tart想再試多個甜品，職員推介呢個冇咁飽嘅lemon tart，因為酸酸地冇咁滯，而水果點下yogurt雪葩食個味道都幾唔錯呢間無論主菜或甜品都一樣咁高質，所以我絕對會黎食第4次！…查看更多

今日放工時間尚早，到了北角匯找尋美食，早前已聽聞位於二期的Briketenia口碑不錯，這就決定了晚餐地點。Briketenia是一間主打日式法菜的餐廳，用日本的食材，以法式的烹調手法製作出精緻的食物。室內環境雅緻，感覺舒適；這裡還有戶外座位，可享有碼頭海景景觀，是適合朋友聚會的地方。晚市套餐包含頭盤、主菜和飲品。🥖自家製銀魚蛋黃醬配法包銀魚蛋黃醬口感幼滑，味帶鹹鮮，配以熱騰騰外脆內軟的法包，美味之餘亦把這個晚餐加分。🥖 莎莎醬配三文魚籽多士大大粒的三文魚籽帶點鹹香味道，跟莎莎醬和薄脆多士非常搭配，十分滋味，層次感一流。🥗 煙三文魚布里芝士火箭菜沙律煙三文魚有着濃濃的煙燻香氣，略帶鹹香；加上柔軟的法國布里芝士、車厘茄和清新鮮甜的沙律菜，健康又美味。🥗 法式鵝肝焦糖燉蛋配田園沙律味道濃郁的鵝肝醬，炙燒表面至焦脆，外表看似焦糖燉蛋；放上紅桑子醬中和鵝肝，不覺肥膩，食用時以薄脆多士蘸上鵝肝醬，色香味俱全，再配上鮮嫩的田園沙律，難怪這是招牌菜之一。🥩 香烤肉眼扒配薯蓉及小甘筍五成熟的肉眼扒非常吸睛，火喉剛好，廚師把肉眼扒切件，外表烤至香脆，肉質呈現粉紅色，口感嫩滑多汁，牛肉味濃；配料有清甜小甘筍、紅甜椒、冬菇、蘆筍、翠玉瓜和薯蓉等， 十分豐富。🦞 波士頓龍蝦扁意粉伴龍蝦汁另一款招牌菜式是香氣撲鼻的龍蝦扁意粉，龍蝦肉質厚而彈牙，鮮味突出；扁意粉軟硬度適中，每口都掛滿稠杰的龍蝦汁，非常滋味。🍹🍹餐飲飯後要了清甜的桃茶特飲和凍檸檬茶，大家對這個晩餐都非常滿意。整體而言：地點方便，食物質素佳，環境雅緻，服務態度好，我已期待下次再來。…查看更多

今日去接媽咪👩🏻‍🦱放工，再一齊去撐枱腳🍽。媽咪話想食西餐，於是預先book咗哩間餐廳，見網上評價唔錯，西餐嚟講價錢又好似好親民咁。我哋六點🕕去到，地點方便就腳。餐廳環境開揚，落地玻璃可以見到海旁景色🌅。如果今日嘅天氣唔係咁熱嘅話，我哋都想坐室外，今日日落嘅天色好靚。我哋叫咗兩個套餐，套餐有前菜、主菜同一杯餐飲，可另加$58配是日精選甜品。一開始，佢哋送上麵包🥖配蛋黃醬同巴拿馬火腿蜜瓜。蛋黃醬好香，同麵包好夾。我好鍾意巴拿馬火腿嘅咸香味，配上超清甜蜜瓜，好食😋。1️⃣ 前菜—忌廉蘑菇濃湯伴松露醬我好鍾意飲蘑菇湯，不過好飲嘅蘑菇湯唔係咁易整。哩度嘅蘑菇湯好細滑香濃，蘑菇味好重，加上松露醬味道更濃郁🤤。2️⃣ 前菜—白酒煮新鮮青口職員話今日青口啱啱送到，推薦我哋叫，我哋當然信佢。青口的確好新鮮，清甜鮮嫩，加入少少嘅檸檬汁🍋已經好好食。3️⃣ 主菜—法式小龍蝦雞肉批 $328一個好特別，平時比較少機會食到嘅菜式。廚師👨🏼‍🍳話個批都係佢哋自己搓粉自己整，唔怪得咁好食，牛油🧈味好香，酥脆可口。饀料有小龍蝦🦞、雞肉🐓、菠菜🥬、洋蔥🧅等，用料新鮮，食落去甜甜地，香氣撲鼻。4️⃣ 主菜—香烤肉眼扒配薯蓉及小甘筍🐂🥕 $398因為我媽咪唔敢食太生嘅肉，所以最後叫咗7-8成熟，原本佢仲想叫全熟，被我立刻阻住⛔️。我平時食開medium或者medium rare，真係好耐無食過咁熟嘅牛扒了。牛肉味係好香濃的，不過由於牛扒比較熟嘅關係，口感會比較嚡口，但肉汁仍好豐富，牛肉帶點炭燒香味好正。最後送上餐飲，我叫咗凍檸水。今晚雖然係星期一，但都full house，建議大家最好book定枱。天氣涼少少，我會再帶媽咪嚟，坐室外位置，好好欣賞日落之美。另外要大讚哩度嘅服務，職員非常親切有禮，效率高同好留意到顧客需要。廚師有時間時仲會同食客傾偈，問吓我哋嘅用餐體驗同意見，十分高質嘅服務，抵讚。…查看更多