紅星餐廳

營業中

休息中

🌊Panko-Crusted Norwegian Salmon $110第一次試寶雲酥挪威三文魚 本身以為係酥皮包住三文魚都有少少怕膩但原來係有少量類似麵包糠撒咗喺魚皮表面 再煎到金黃香脆三文魚肉熟度恰到好處肉質滑嫩無腥味配搭嘅山葵芥末籽蜜糖忌廉汁唔似平時日式芥末咁嗆鼻反而係柔和啲帶少少甜味 輕輕吊翻三文魚嘅鮮甜味貼心位係店員主動問醬汁需唔需要 咁就可以按個人喜好落啦😙配菜有薯蓉 兩粒車厘茄同埋兩條秋葵值得一提係佢哋嘅薯蓉質地好滑身完全無顆粒感～🧀Basque Burnt Cheesecake $+20呢款巴斯克芝士蛋糕真係好自家製嘅感覺🤤芝士蛋糕口感奶滑得嚟唔會太厚重太濃稠 反而係滿滿嘅芝士奶香焦糖香氣做到點睛之筆👍🏻

餐廳：紅星餐廳地點：鰂魚涌菜式：西餐餐牌：主餐牌主菜15選1，有多款肉類，可以自選配餐項目，包括沙律/餐湯麵包/芝士蛋糕/飲品等。旺市後入座同前離座仲有八折。美國安格斯牛肉眼扒（約八安士）黑松露醬燒汁 $180 另加一美國安格斯牛肉眼扒超大塊，我叫左7成熟，肉質仲嫩帶少少無血水，外皮少少脆，好多肉食。面頭加上充足燒汁同一pat黑松露醬，味道剛好，入口絕對唔會乾。配有新鮮秋葵兩條，車厘茄兩粒同香草滑溜薯蓉。鐵板法式羊扒 腰果芥末醬 迷迭香蒜蓉汁 $130 另加一鐵板法式羊扒一客三件，用錫紙包好方便用手食。熱辣辣用鐵板上枱，服務員仲幫我倒燒汁。羊扒我叫左七成熟，肉質好嫩，連筋。個汁夠鹹香，而羊扒面頭加左迷迭香蒜蓉汁，好夠味。伴有新鮮秋葵兩條，車厘茄兩粒同洋蔥條，仲有少少滑溜薯蓉。琺瑯鍋紅酒雜菜炆牛尾配意大利粉或紅糙米飯 $90 另加一琺瑯鍋紅酒雜菜炆牛尾真係一大個琺瑯鍋上，入面有四大件炆得超淋既牛尾，肉多又嫩又帶厚厚骨膠原。伴有紅蘿蔔同洋蔥，個紅酒汁好味又唔會太濃，撈意粉唔錯。意大利粉另上，擺得精緻而上面加有香草。凱撒沙律 加$30 另加一凱撒沙律好大碟，爽口新鮮羅馬菜加上適量沙律醬

星期三同老公一齊食lunch，揀左佢公司附近既紅星餐廳。凱撒沙律沙律菜爽脆，加入脆片、芝士片、提子乾、煙肉粒、沙律醬，大碟而且新鮮。餐湯及麵包餐湯係燈籠椒忌廉湯同雜菜湯，後者第一次飲，好濃燈籠椒味，餐包香甜又鬆軟，好食。炸薯角好難得食到好食既炸薯角，炸得夠脆，而且薯仔好厚身，非常飽肚。鐵板法式羊扒·腰果芥末醬·迷迭香蒜蓉汁揀咗用碟上，有三舊羊架，好欣賞佢用錫紙包住羊架頭，方便拎起食，配菜有薯蓉、秋葵同蕃茄仔。寶雲酥挪威鮮三文魚·山葵芥末籽蜜糖忌廉汁三文魚好嫩滑，魚皮有脆度，配菜既薯蓉同樣都係有粒粒薯仔係入面。琺瑯鍋慢煮牛面珠墩肉牛面珠墩肉煮得夠軟腍，好易咬，唔錯。西班牙巴斯克焦香芝士蛋糕芝士蛋糕味道濃郁，口感軟滑，美味可口。飲品叫左熱鮮橙茶同熱即磨咖啡。