金鳳大餐廳 (晴朗商場)

營業中

休息中

喺大角咀讀書嘅年代，已經鍾意幫襯金鳳，時至今日已經開咗好幾間分店，今日就幫襯吓屋企附近嘅金鳳大餐廳。最鍾意幫襯呢度嘅港式西餐，先嚟個暖笠笠嘅餐包，溫度啱啱好唔會過熱，又可以將牛油溶化喺麵包入面。忌廉湯每日都有少少唔同主題，今日就配有火腿粒，味道濃郁。今晚其中一個餐我哋選擇咗每月特選晚餐，配有日式鰻魚薯仔沙律，雖然配搭有啲獨特，不過各自各精彩，兩款都咁好味。嚟金鳳當然係為咗食佢嘅吱吱聲鐵板餐，有黑椒汁或者蒜蓉汁俾你選擇。我哋另外揀咗主餐牌上嘅帶子牛柳餐，兩粒帶子兩邊快煎一下，然後再淋上熱辣辣嘅牛扒汁，令生熟度控制得剛剛好。牛柳夠晒嫩滑，配搭埋蔬菜同薯條真係冇得彈。特選晚餐係鐵板西冷牛扒拼司華力腸，小朋友就最鍾意，而且份量多到真係食唔晒。飲品，我哋都選擇咗配特飲，紅牛係利賓納梳打配士多啤梨雪糕。黃牛就係忌廉汽水配芒果雪糕。特選套餐仲包咗一球指定口味意大利配方雪糕，今日就係綠茶味，夠晒香滑。

第二次幫襯呢間茶餐廳，晚餐時段入場入座率大約7成左右，所以等待入座時間不長。提供4款基本扒餐選擇，惟一要注意的無論要3/5/7成肉類成熟程度都差不多是全熟首先上餐包，普通餐包一個，唔太甜及好鬆軟。好咸嘅蘑菇湯正常檸檬水，冇特別要求，偏淡西冷扒，賣相正常，5成偏熟，汁好傑上菜後由職員淋汁，職員會貼心提醒客人小心枱面個人物品及記得用紙巾遮擋衣物。配搭的薯菜不太新鮮整體而言，菜式可接受，味道偏咸，不強烈推薦。

今次走到入九龍城德朗邨沐虹街12號晴朗商場地外B003-004號舖的金鳳大餐廳吃午餐， 餐廳做街坊生意， 午市有很多客人。 午餐有四款選擇， 我點了百里香雞扒飯（蒜蓉汁）＋ 羅宋湯＋ 餐包＋ 凍即磨咖啡$48。羅宋湯味道正常又好大碗， 餐包熱辣辣軟綿綿的，雞扒大塊有肉汁厚切肥美， 蒜蓉汁撈飯唔錯， 即磨咖啡味道香濃， 最驚喜是凍飲不需要加錢㖭！整體來說價錢優惠， 食物質素唔錯。 金鳳大餐廳 (晴朗商場)地址: 九龍城德朗邨沐虹街12號晴朗商場地外B003-004號舖

咁岩經過九龍城，發現原來呢到都開左分店，老字號扒房！舊式扒房最開心就係有餐包+餐湯+餐飲·一條龍服務。 餐包香甜軟綿綿，沾上牛油已經好好味。餐湯選擇係一慣傳統-紅白湯個人一向偏愛紅湯，蔬菜番茄既味道比較開胃。西冷扒好似比第一店大件，足足超過鐵板既大小，order3成熟既友人，都真係3成。雜扒飯都係咁大碟！肉醬意粉都好大碟！肉醬很充足 番茄醬同意粉勻稱。雖然呢間味道比較大路，但地方大很多，食物大很多，餐飲都係正常杯size，食量大 需要充飢既朋友就好岩。

新嘅金鳳剛開業坐落九龍灣,環境都幾好.午餐有:餐湯,餐包,主菜連飲品,連加一都係$40,重想點呀,唔使食大集團單一午餐啦!羅宋湯:新鮮足料,酸味足,令到個胃好舒服.餐包:雖然好普通,都好軟熟.黑椒牛扒意粉:牛扒好大件,唔會有比粉勁嗱嘅感覺,黑椒汁香辣野味,意粉感覺比深水埗更好味.粟米魚飯:普普通通,粉太厚令個魚味道一般,粟米汁還可.奶茶:一般,唔太滑,欠左小小茶味.整體:$40一餐重要涷飲唔加錢,冇野好講啦!