Briketenia

北角海景法國菜✨北角匯嘅呢間餐廳環境幾靚,望到海景架,天氣好既時候食返個brunch心情都好啲😂《餐前麵包》麵包烘得好脆,銀魚柳醬幾好食,似平時個啲沙律醬,忍唔住食晒😂《薄切生帶子伴柿醋汁》帶子個醬汁幾清新,好新鮮,係個幾開胃既前菜!《巴馬火腿蜜瓜沙律》蜜瓜好甜,配Parma ham好夾,又唔會太咸,沙律汁偏油少少,油醋汁比較多,但食落都唔會話我漏,建議個汁少啲油會更好😂《法式油封鴨腿配薯蓉 $218》油封鴨腿既外皮幾脆身,冇想像中咁肥膩,伴碟有啲紅莓醬,中和左鴨腿既油膩感,好夾,個薯蓉都整得幾滑,幾好食👍🏻《蕃茄雞胸煙肉意粉 $128》呢個意粉就正正常常,雞胸都幾有多舊,調味唔會太重,相對比較健康🙈Briketenia北角渣華道123號北角匯二期2樓206號舖[⭐️5分為滿分]味道⭐️⭐️⭐️環境⭐️⭐️⭐️⭐️⭐️服務⭐️⭐️⭐️⭐️價錢⭐️⭐️⭐️推薦⭐️⭐️⭐️⭐️…查看更多

法國菜比人印象除左貴之外，就係食得耐同份量少，雖然話食係一種享受要慢慢嘆，但慣左乜都快嘅香港人都好難適應。其實新派法國菜嘅節奏都比以前快左，Briketenia就係一間新派法國菜餐廳，佢保持左傳統法國菜嘅精緻，但出菜節奏會快返啲同份量亦好足，食完都唔會好空虛，重點係定價亦較為經濟，唔洗等到大時大節先捨得食。餐廳用左粉紅同淺金色做主調，帶啲輕奢少女風，座位都好鬆動闊落。晚市有套餐亦有散叫，套餐三百幾蚊包左前菜、主菜同餐茶，亦可以加錢加配甜品。落完單冇幾耐，侍應就送黎餐前麵包，麵包烘到外脆內軟，食時可以搽埋旁邊嘅鯷魚蛋黃醬食，帶少少酸味幾好食。雖然menu冇提到，但上前菜仲有哩道免費嘅餐前小食，係風乾火腿配哈蜜瓜多士，火腿油潤帶鹹香，配埋清甜蜜瓜絕對係perfect match。香煎帶子配柑橘沙律 - 沙律菜新鮮爽脆，中間都有幾多舊香橙同西柚，西柚唔會太澀，上面仲有兩粒帶子。法式鵝肝焦糖燉蛋配田園沙律(跟餐加$48) - 哩個前菜好特別，因為佢將平時用黎當甜品嘅焦糖燉蛋加左鵝肝變成一道鹹點前菜。燉蛋因為加左鵝肝，所以口感同平時唔同，反而係帶啲篤肝半融口感，鵝肝味亦好出，但又唔會好似煎鵝肝咁油，食時可以將鵝肝蛋搽上多士上面食。味噌鱈魚配蘆筍及蘑菇($368) - 鱈魚幾滑帶少少油香味，墊底仲有香滑薯薯同配菜磨菇蘆筍。香烤乳豬配薯蓉及蔬菜($388) - 乳豬皮薄帶少少脆口，皮下只係連住少少脂肪，令豬乳多左份油香但又唔會食到成口油，下面同樣有薯蓉墊底。最後飲返杯凍檸茶幫助消化。總結，…查看更多