餐廳用左粉紅同淺金色做主調，帶啲輕奢少女風，座位都好鬆動闊落。
晚市有套餐亦有散叫，套餐三百幾蚊包左前菜、主菜同餐茶，亦可以加錢加配甜品。
落完單冇幾耐，侍應就送黎餐前麵包，麵包烘到外脆內軟，食時可以搽埋旁邊嘅鯷魚蛋黃醬食，帶少少酸味幾好食。
雖然menu冇提到，但上前菜仲有哩道免費嘅餐前小食，係風乾火腿配哈蜜瓜多士，火腿油潤帶鹹香，配埋清甜蜜瓜絕對係perfect match。
香煎帶子配柑橘沙律 - 沙律菜新鮮爽脆，中間都有幾多舊香橙同西柚，西柚唔會太澀，上面仲有兩粒帶子。
法式鵝肝焦糖燉蛋配田園沙律(跟餐加$48) - 哩個前菜好特別，因為佢將平時用黎當甜品嘅焦糖燉蛋加左鵝肝變成一道鹹點前菜。
燉蛋因為加左鵝肝，所以口感同平時唔同，反而係帶啲篤肝半融口感，鵝肝味亦好出，但又唔會好似煎鵝肝咁油，食時可以將鵝肝蛋搽上多士上面食。
味噌鱈魚配蘆筍及蘑菇($368) - 鱈魚幾滑帶少少油香味，墊底仲有香滑薯薯同配菜磨菇蘆筍。
香烤乳豬配薯蓉及蔬菜($388) - 乳豬皮薄帶少少脆口，皮下只係連住少少脂肪，令豬乳多左份油香但又唔會食到成口油，下面同樣有薯蓉墊底。
最後飲返杯凍檸茶幫助消化。
總結，
