百利火鍋海鮮酒家 (已搬遷) 新店位置

店內環境尚算衛生服務唔錯 侍應會主動幫你加湯 唔洗自己叫講左重點先7個人食 埋單每人270仲有免費啤酒只要 兩小時內埋單 就送一人一枝打邊爐 飲埋酒 飲飽食醉 每人都唔洗300相當抵食湯底叫左 蕃茄蝴蝶腩鍋 $148蕃茄略嫌不足 蝴蝶腩味道唔錯手切本地肥牛 $280滿心期待 但結果好失望首先 完全唔似手切切到薄一薄 完全無人地手切切到好厚果種口感!其次 完全無牛味咁濟 份量少 無牛味 唔掂!!! 唔建議大家叫呢碟手切本地肥牛安格斯肥牛 $250呢碟就正常好多喇齋睇個樣都靚靚仔仔食落幾夠牛味仲要平過 果碟所謂手切本地肥牛30蚊!所以大家去百利火鍋 唔洗叫 手切喇 , 淨係叫呢隻 安格斯 就得喇椒鹽魚托 $55食左哂咁濟先記得影食落夠哂香脆 送啤酒一流!海蜇涼伴拍青瓜 $32海蜇好爽脆 好食美國桶蠔 $138正常發揮鴨粉腸 $53食落 苦苦地 唔建議大家叫

其實百利在太子都開左很耐，早排室內翻新後再開業，店內燈光光猛企理，地方比較寬落。新開業還送一人一支朝日啤酒，但必須要在兩小時內埋單。兩個鐘對我這些光速食客絕對無問題啦。朝日啤酒味較淡及甜，不過無所謂啦，至在飲些凍飲。店員先上調味料，有葱蒜及辣椒，款式不及外面多，但基本的醬汁齊全。點了個芫荽皮蛋鍋：比較清淡，但打邊爐怕太熱氣，特登叫個下火的芫荽湯底，減少上火。手切本地肥牛：打邊爐點可以無牛肉，手切牛肉無平時食到的肥牛咁薄，切得比較厚，入口啖啖肉，肥油較少，但肉質很腍，牛肉味較重。手工鮮蝦水餃：水餃大大粒，除了蝦肉還有筍及木耳，豬肉新鮮無雪味，蝦肉爽口。美國特級桂花蚌：桂花蚌雖然外型不討好，放落湯碌一碌就熟，味道新鮮爽脆，好有咬口。鯇魚骨腩：魚腩新鮮嫩滑，色澤雪白，份量十足，肉質鮮甜。響鈴：浸一浸湯即刻食，響鈴炸得不夠脆口。唐生菜：生菜很大份，色澤翠綠，新鮮爽脆。墨魚滑：墨魚滑爽口彈牙，比較腍身，應該無點溝粉。竹笙：每次必叫，仲要等到中後段先放落湯，竹笙完全吸收了湯底的精華，有肉香之餘又爽口。總結：價錢合理，食物有質素，款式多，仲要有啤酒送，店員收碟快，唔會放到一抬碟，絕對會再同朋友幫襯。