上海婆婆336 (iSQUARE國際廣場)

營業中

休息中

上海婆婆出咗名好耐☺️間唔中都會過嚟食，每次都覺得唔錯，可以再返嚟食。佢哋嘅小菜炒得好香，啱晒一家人聚會食。韭黃炒鱔糊我最鍾意嘅上海菜，新鮮韭黃炒熱配上韭菜鱔糊，魚肉都幾大條份量夠幾多人食。醬汁方面唔會太鹹，甜甜地個個都啱食。尖椒牛仔肉比想像辣少少，炒得好靚有鑊氣，牛仔肉大大片醃製得幾軟身。因為辣辣地好惹味餸飯會好正！小籠包啲皮好薄好多汁☺️可以用筷子輕易夾起都未穿，落少少黑醋更加好食。話梅花雕醉雞佢哋嘅花雕酒好香濃，未食已經聞到酒香，份量都幾多，用來做前菜非常唔錯。

當晚，我跟好街坊走到尖沙咀 I Square <上海婆婆336>，平日夜晚都有8~9 成食客，開了多年食客依然，這裡好旺！商場以代客泊車 $50/小時平日惠顧滿 $600 免1小時惠顧滿 $1,000 免2小時！以我們當晚消費，只可免1小時！我們被安排到一張貼住鄰桌的2人枱！幾年無來這間分店，久違了的上海婆婆，加入不少新菜色！由他發辦點菜！這裡人手都幾夠，上菜及收碟都有效率！鎮江肴肉 $72不論質感及口感也不錯，如果豬肉細粒啲會更好！紅油抄手6隻 $53醬汁甜辣覺得怪怪地！ 雲吞既大粒又多肉鮮美！雪菜炒粉皮 $65熱辣辣香噴噴！晶瑩剔透的粉皮看似河粉，入口富彈性！本身淡味，全靠鹹味的雪菜提味，炒得乾身又惹味不膩！韭黃炒鱔糊 $108份量豐足成碟滿！份量十足！鱔魚卻不及預期嘅香脆啊！蟹粉小籠包 $88小籠包的摺位做得公整，師傅手勢好！飽滿足料，但美中不足有點腥！醉乳鴿 $102食醉雞食得多，醉乳鴿這配搭也是出奇地夾得來！火候恰到好處，肉質保持嫩滑又入味！沙蔘玉竹燉螺頭湯 $68配料包括：沙蔘、玉竹、螺頭、淮山...等，鮮甜滋潤落足料！豆沙鍋餅 $52原先送錯蔥油餅，落單時

舊同事搞飯局，通常都會搵啲曾經幫襯過嘅食店，因為大概都知道好唔好，免得累朋友中伏。大家想食食中菜，又就番大家住晌唔同地區，所以就想起「上海婆婆336」尖沙咀店，喺其中一家穩陣之選。我哋一行6人，剛好被安排一張小圓枱，方便傾偈。而始終喺星期日關係，目測有九乘滿，其實除咗食過知道佢哋做嘅滬菜唔錯之外，環境比一般中式酒樓好，無咁嘈炒，氣氛好啲，而且，啲枱櫈編排無咁逼吖嘛！四小拼（肴肉、小排骨、烤麩、脆鱔）$103由於小弟遲到，朋友就先點呢道冷盤邊食邊等，相片都喺由L君幫手影低。呢道喺小弟心水推介嘅冷盤前菜，一來可以一次過試到多款冷盤，二來脆鱔真喺好特別。賣相樣衰嘅脆鱔入口脆卜卜，酸香開胃；小排骨如平常食到嘅糖醋骨，肉質倒算做得鬆化；烤麩軟綿而吸滿醬汁，食落煙韌咬口；肴肉晶瑩的骰，口感爽滑有嚼頭。 魚籽煙燻蛋 $20 / 隻燻蛋又喺試過覺得好，推薦大家一試，我哋6個人，點3隻就啱啱好。賣相吸引，金黃半凝半黏嘅蛋黃，蛋香濃郁又有種溏心效果，配上鹹鮮黑魚籽，食味一流，而蛋白爽彈又略帶煙燻味，好食。雞絲拌粉皮 $68將雞絲、青瓜絲及粉皮跟麻醬拌勻，口感豐富，味道香濃，粉皮好軟滑，而且，師傅無手緊，俾

兒子因課程上需要攝影，工欲善其事，必先利其器，父子倆齊齊去看相機，選購後，兒子心靈得到慰藉，又到了我飢腸需要慰藉的時間。年青人不喜歡上酒樓，但我又不喜歡吃快餐，結果我們走進這間 336，不明所以，為甚麼以號碼為店名，原來 336 諧音是上海話謝謝儂，即謝謝你的意思。相機是要分期付款還給我，所以不用說多謝，但兒子肯陪我吃飯，我也感到高興，多點些東西讓他吃個痛快。上海小籠包，是他的摯愛食品之一，一籠有四個，算得上是皮薄餡靚，內裏有很多湯汁，餡料是很細緻的肉丸，熱騰騰的，要小心熨嘴，很有水準。露筍炒百合，份量頗多，露筍非常爽口，百合也炒得爽脆，家中少吃，兒子很喜歡。三絲兩面黃，煎香麵條，以肉絲，菇絲，銀芽，紅椒青椒絲加個茨汁放面，材料豐富，也許我們放得久了一點，吃時麵條部份脆，部份有些韌，美中不足。椒鹽小黃魚，炸得很酥脆，魚肉雪白，味道甜美，我最愛吃炸脆了的魚皮，加上椒鹽十分惹味，難得是沒有用千年油來炸。韭黃炒鱔糊，鱔糊切得很粗條，能嚐到鱔的質感，新鮮無腥味，韭黄香口，茨汁不太稠，不錯。香蕉高力豆沙，兒子愛吃香蕉的甜品，見餐牌有，點一個讓他滿足，一碟有四個，圓圓的像個雪球，香蕉與豆沙是合拍的