明記海鮮潮州菜館 (天保大廈)

營業中

休息中

放工約閨蜜歡聚，佢提議食滷水鵝於是我哋就去附近有間長期爆場的潮州鋪打冷。店舖位於1樓要上一層，一入門口就見到掛了很多滷水鵝同其他食物，亦都有一盤盤的凍海鮮放在枱面，非常吸引。我們叫了一個孖寶再加一碗豬紅和蠔仔粥，兩人決定大食一餐，孖寶有金牌滷水鵝，鵝肉滷得入味皮薄爽彈，滷水豆腐，超級嫩滑，上枱大大的一碟，抵食。孖寶的另外一樣餸菜就是蒜蓉粉絲蒸元貝，濃香的蒜蓉鋪滿粉絲上，非常之惹味，加上元貝蒸的時間剛剛好，不會過熟，好味到連汁都飲埋。蠔仔肉碎粥，加入大量嘅方魚、肉碎和蠔仔，湯頭鮮甜無比，我倆都一碗接一碗。韭菜豬紅係我每次去食打冷必叫嘅菜式之一，叫了一個例牌，仲以為來錯，因為上枱時超級大碗，豬紅特別入味，配上韭菜同吃，簡直係絕配。

每當我想不到食什麼時候都會跑去食潮菜，對我來講好像是一種慣性。今日到訪荃灣區，搜尋美食網站，見「明記海鮮潮州菜」評價不錯，一於試試。一入店內已被放滿食物的櫃檯吸引住，見到掛滿的鹵水鵝鴨，橙色大墨魚，大大盤的螄蚶、魚飯和凍蟹，真係口水流，快速坐下點菜。首先當然要點：楊氏元朗凍烏頭 ，上檯時已見魚皮和魚肉分開，魚身滲出金黃色的魚油，已知道魚十分肥美，嚐一口魚脂豐厚，再配上碟旁的普寧豆醬 增添一點咸香，真係食唔停口。鹵水鵝件例牌份量不少，鵝肉嫩滑，滷水味道恰到好處。韭菜豬紅 豬紅軟硬適中，汁液已煮入內十分入味，配埋韭菜一起食非常夾。方魚肉碎粥大地魚的清香撲鼻而來，湯底清甜，食落清爽又有飽足感。今晚又係滿足口福和心靈的一頓飯，相信很快我哋又會再光臨。

約咗潮州大兄喺荃灣食飯，佢二話不説要食明記打冷；好，一於奉陪到底！菜牌簡而清，一如潮州冷的簡單直接，毫不花巧。我們叫了孖寶C、加一份菲菜豬紅。孖寶之一，蒜蓉粉絲蒸聖子皇大隻又新鮮，師傅控制火喉十分到家，剛好熟，食落鮮嫩、口感彈牙，蒜香、豉油香，相得益彰，不過記住襯熱食，免得浪費大廚的功夫！溫馨提示，所有材料捲起一併放入口，保證你有不一樣的新體驗，下次都會咁食。孖寶另一王牌係顏色好靚的滷水鵝，單看上脾，已知隻鵝冇十斤都有九斤，但想不到的是這麽大的鵝，牠的肉質竟然十分嫩滑，咬落絕不嚡口；滷得入味而不死咸，估計店舖那鍋陳年滷水膽經歷多年，陳香醇厚，層次豐富！鵝肉層次分明、肥瘦適中，有咬口、但嫩滑且有甜甜肉汁，充滿鵝味。據聞呢碟菲菜豬紅係其鎮店之寶，一試果然非同凡響，好味到難以形容，一件件美味的豬紅，配上惹味醬汁，簡直絕配！今日若點菜滿三百元，店家即送一份大大碟的滷水拼盤，內容非常豐富，有八、九款食物在其中，款款皆味美，墨魚夠爽、鵝腸夠脆、豬大腸夠腍。。。最重要是店家傳承著潮州人的疏爽，跟食客有福同享；難怪連星期一的晚上，近八時也座無虛席；大兄説像返咗鄉下，食了一餐道道地地的潮州菜，實在不枉此