鋿晶館

營業中

休息中

雪山叉燒包係好多點心店都有的食品，一定要點黎試下有冇咩驚喜，食完雖然冇咩特別驚喜，但本身雪山叉燒包已經係冇得輸，又咸又甜，食欲大增，值得一試。雖然看似普通既尖椒魚肉，一啖咬落去就食到外脆內軟，魚肉夠味，由於本人不能嚐辣，所以只吃了魚肉部份，但都食到尖椒的辣。小籠包略遜，皮太厚太硬，但裡面啲肉汁尚可接受，如皮可薄點，就無可挑剔評分：環境✔️✔️✔️✔️✔️ 味道✔️✔️✔️ 服務✔️✔️✔️ 衛生✔️✔️✔️✔️用餐感受：因環境舒服令整頓晚餐加分

今晚同奴才爸喺旺角屠龍行街，屠都攰攰地發現有間點心店就一於入去試下先😋雪山叉燒包🐖叉燒包非常鬆軟，上面一層薄薄雪山微微酥脆，口感非常豐富😋咱家脆皮蝦多士🦐多士外邊用半煎炸方式處理，成個包口感好酥脆，多士上面有一層蝦膠🦐滿滿嘅鮮蝦味都幾彈牙😋黑松露北菇燒賣王🐖燒賣上面有黑松露點綴，咬落食到鮮蝦味而且同豬肉好夾😋仲有冬菇香味😋月半彎晶瑩鮮蝦餃🦐蝦餃皮薄，而且入邊有兩三隻蝦🦐🦐用料十分足一啲都唔孤寒，蝦非常鮮味而且好彈牙🤩百吃不厭鹹水角😋鹹水角又係食點心必嗌之一😋外層夠脆內層軟糯，裏面餡料調味剛好唔會過鹹😋蒜香石斑片蒸飯套餐🐟🍚蒸飯套餐非常之抵，有蒸飯仲有時蔬同一盅燉湯🤩今次係蟲草花螺片燉湯🤤燉湯粥料，而且味道唔過咸👍🏻籠仔蒸石斑飯用荷葉一齊蒸，啲飯吸收晒荷葉香味，而且仲有石斑香味，加埋蒜粒勁惹味🤤椒鹽一口豆腐方😋份量非常之大方，上枱見到咁大碟都嚇一嚇🤣豆腐外面炸得夠酥脆炸漿夠薄，裏面豆腐非常之嫩滑🤤大良薑汁雙皮奶🥛有啖啖嘅薑汁味，而且奶味非常濃郁🤤呢個甜品為今餐畫上一個完美句嘅😋🤑 人均消費：～$200🤩 推薦指數：8 / 10📍 餐廳資料：鋿晶館 (旺角)旺角彌敦道726號地舖☆.。.:

鋿晶館，位於旺角彌敦道726號地舖。之前在這裏飲茶印象非常好，今晚嘗嘗吃晚飯。 店內環境舒適，地點方便。 餐廳主打自家製點心， 即叫即蒸非常新鮮，另外亦有原盅燉湯、各式小菜和傳統燒味等等。餐廳師傅背景經驗豐富，曾就職於日本東京富麗華多年，為高官達人和明星服務，回港後曾經在多間米芝蓮酒店和大型連鎖酒樓集團做主管。 🔸花膠螺頭燉赤肉湯$82 ～ 超足料的燉湯， 入口啖啖骨膠原，滋陰養顏。 🔸雪山叉燒包$36 ～ 香軟酥鬆的口感，滿滿的叉燒餡料， 豐富美味。 🔸鮑魚北菇燒賣皇$42 ～ 鮑魚彈牙鮮味， 燒賣啖啖肉，飽滿紮實。 🔸五福臨門$50 ～ 有蝦餃、燒賣、菜苗餃、粉果和甜糕，即叫即整，五款都熱辣辣。 🔸黃沙豬潤腸$34 ～ 腸粉軟綿香滑，豬潤爽嫩可口，配搭醬油，味道更佳。 🔸粉絲中蝦煲$168 ～ 粉絲吸入蝦肉的精華， 鮮味無比，中蝦爽甜大隻，十分惹味。 🔸老壇酸菜魚$228 ～ 辣度可選擇，酸菜魚的份量頗多，魚塊的肉質緊實嫩滑，開胃美味。 🔸傳統芝麻糕$32 ～ 香氣四溢的黑芝麻，口感糯滑，甜不膩。 整體各款菜式都做得很好，價錢合理，非常推介。 🏷️溫馨提示～ 整個用餐體驗均屬個人分享

最近搵到呢間點心舖質素好高，又近旺角地鐵站，好方便。啲點心大件又好食，即制新鮮熱辣辣上枱，而且好多選擇！除左點心之外，仲有小菜可以揀😋雪山叉燒包（3個） $36必點叉燒包，脆皮甜甜地又脆口，叉燒餡滿滿的鮑魚北菇燒賣皇（2粒） $42有2粒大大粒鮑魚係燒賣上面月半彎晶瑩鮮蝦餃（2粒） $22蝦肉大大粒，皮薄餡靚花膠螺頭燉赤肉湯 $82好足料嘅燉湯，老火湯冇味精好好飲。食完點心再飲湯解膩!活拆生剝鮮蝦腸 $45蝦腸高質推介。腸粉好滑，蝦肉又多又大粒，好鮮甜嘅蝦肉😋脆皮炸乳鴿 $58必點推介，新鮮乳鴿燒到好香。乳鴿皮燒到香脆，肉質鮮嫩多汁😋㰓菜肉鬆四季豆 $118我地仲叫左個小菜，又係勁足料。四季豆又新鮮又大粒，一啲都唔老。大良薑汁雙皮奶（熱） $26最後個甜品熱辣辣，薑味濃又香滑嘅雙皮奶作結，好滿足嘅一餐

坐車時常經過彌敦道都會見到鋿晶館，每次都係坐滿了人，今日中午過來大約等了10分鐘，目的是為了試試即叫即蒸的點心和原盅燉湯。花膠螺頭燉赤肉湯$82，材料十足兼且味道夠濃，大約半盅都是豬肉和花膠螺頭 淮山杞子，滋補養顏之選。飲茶必食嘅傳統點心一定就係蝦餃燒賣，點了黑松露北菇燒賣皇（2粒）$20和月半彎晶瑩鮮蝦餃（2粒）$22，可視乎人數而選擇4粒或2粒，比較有彈性，蝦餃 燒賣質量都唔錯，尤其蝦餃更加係皮薄餡靚。雪山叉燒包$36，招牌菜式之一， 外皮鬆脆，餡料甜甜地，打卡都唔錯。煎釀虎皮尖椒$39，每碟有四件，微辣🌶鳳爪排骨蒸金鳳飯$38，採用了較為短身的瓷盅盛載，所以飯的份量不是太多，排骨肥瘦適中。椒鹽豆腐$52，香口惹味，略嫌外皮 未夠鬆脆。香麻炸煎堆$30，充滿芝麻香，沒有油膩感。大良薑汁雙皮奶$26，幾滑幾香，薑汁味再濃一些就更好味。鐵觀音每壺$30，閒日（假期除外）全日免收加一服務費。

今日時間有限只能食個快嘅午餐，呢間點心店俾到快捷同質素，一行二人非常滿意。由於只係快餐，所以冇逐一影相，整體嚟講環境乾淨企理，亦都冇傳統嘅酒樓咁嘈，店員落單快手，加水亦都好快，態度好好呀。每籠點心都係即刻蒸，非常之喜歡熱門點心可以兩粒兩粒咁叫，適合小群組。餐牌中英對照，部份仲有圖，現場所見都有部份外國人食緊。外面鬆脆，裏面仲係暖笠笠，大小適中，食落唔太油膩特別推介蟲草花上湯浸鮮竹卷，入邊真係多菜，個底見唔到一般酒樓版本嘅油分，蝦餃同燒賣裏面嘅蝦肉質亦都好彈牙，生滾粥我哋揀咗鯪魚肉同埋鮮牛肉，粥底唔會有太多味精，而且肉嘅份量亦都足以飽肚。兩個人一共食咗$220 ，已經計埋茶錢，整體嚟講計埋環境同埋效率服務態度，呢餐都滿意

呢間中式餐廳嘅定位好廣🤭基本上點心｜烤魚｜燉湯｜蒸飯乜都做，而且各有捧場客，我見每一台都係食緊唔同款式嘅嘢，今日我就集中食點心啦😝啲點心主打自家製即點即整，好似廚師仲要之前米芝蓮酒店回流添咱家脆皮蝦多士 ($49)同我想像中同埋平時食開嘅蝦多士好唔同，但出奇地非常鍾意，首先面頭大量煎香咗嘅芝麻，麵包係炸饅頭嘅味道，中間夾住啲蝦滑😛外脆內軟五福臨門 ($50)驚叫得太多食唔晒最好就叫呢一款每樣一粒，甜糕好似係冇得單點，味道就好似黑糖嘅黃金糕咁😚黑松露北菇燒賣皇（2粒）($20)燒賣食到原粒嘅蝦喺入邊，啲豬肉都好鬆軟足料~ 食落輕輕帶出松露味唔會好搶雪山叉燒包（3個） ($36)外皮唔算脆，但麵包本身幾香牛油味同埋叉燒醬調得幾好春風得意腸($40)集合咗炸兩同埋鮮蝦仲有啲素菜添~ 非常滿足☺️鮮蝦菜苗餃 ($36)蟲草花上湯鮮竹卷($32)姬松茸雪耳燉雞湯($48)花膠螺頭燉赤肉湯($82)傳統芝麻糕($32)

平時搭車經過見到，再加上喺網上見到有好多好嘅食評。剛好今日經過附近就同媽咪一齊去試吓。整體評價：好失望！🥲不推介！❌==== ==== ==== ==== ====服務：1/5食物：2/5環境：2/5性價比：2/5整體評分：1/5==== ==== ==== ==== ====▶️體驗日期：22/6/2024 （星期六）中午到餐廳，等咗大概2至3分鐘就有位置。我哋張枱左邊同右邊唔係走廊位，但係我後面係一個好闊落嘅通道。另外，店員冇同我哋提及需要限時交枱。Order好點心，滿心期待！當店員送上點心時，卻跨過隔籬枱將點心送到我哋枱面。我哋主動要求店員喺我後面通道送上點心，以免整到隔籬枱嘅食客。但店員一意孤行！連續三次送上點心都係咁做！食咗大概30分鐘左右，當時剩咗少少點心未食完，眼見外面冇人排隊同店內有好多空位，咁我就用手機上網搵交通資訊。店員又跨過隔籬枱，非常無禮地叫我哋遞食剩嘅點心俾佢收，完全冇問我哋仲食唔食！服務質素比茶餐廳更要惡劣！🙄==== ==== ==== ==== ====▶️食物❌百花炸釀蟹鉗（3隻） $62 ［評分：1/5］食落明顯有鬆肉粉味道❌老爺子古法馬拉糕 $22 ［

假日想食點心，就亂咁上OpenRice 搵食啦，咁就挖左呢間點心店出黎啦，佢位置頗接近旺角中心，地點就腳。舖面呈四方形，餐廳正向彌敦道大馬路，樓底算高，舖面光猛，裝修簡潔。而內裡枱凳擺位係茶餐廳既格局，三邊卡位，中間就放四人枱，枱同枱之間既擺位尚算闊落，坐落尚算舒適。我既用餐時間係三點幾，當時舖內只有四至五枱人，在樓面工作 連收錢侍應 加埋只有4位，見佢地都頗忙碌，收拾，上菜，入單，收錢，加水，個個都忙個不停，到我地點餐時，都發現有入錯單既情況，不過無計啦，眼見咁少人，明顯真係人手唔夠，所以出完單自己對清楚就好了。好啦，到正題，今日食左5個點心 + 1個蒸飯。生炒什菌餃 - $30一籠三粒，超級熱辣辣，睇到相係濛濛地，因為勁大蒸氣。粒餃係普通正常尺寸，晶凝皮薄，但咬落軟糯而有靭度，很有口感。內餡係菇絲，翠肉瓜粒，紅蘿蔔絲，粟米，食材有調味同先炒香，咬開就爆香及有鑊氣，餡料的確如名一樣，有生炒過至包餃，所以一咬開內餡，蔬菜菇粒粟米既香甜完全散發出晒離，而且，內餡係烹到剛剛好，咬落仲有顆粒感，唔會過熟而成一擗野同淋吱吱，好好味。蒜香蝦春卷 - $38一碟有4件，每件春卷約男士手指頭既粗幼度

眼前既事物，既然無一樣會係地久天長，自然要珍惜每個機會發揮你既專長。呢間「鋿晶館」正正演釋點樣默默建立一個自家製點心品牌，點樣逐步俾人睇起，佢地師傅係日本東京富麗華任職多年，回流香港亦擁有多方面經驗，值得respect。👇🏻📌風 味 小 食 - ▪️ 百花炸釀蟹箝 - $58/3隻▪️ 咱家脆皮蝦多士 - $46▫️「百花炸釀蟹箝」即叫即炸，熱辣辣新鮮上枱，一食落係外脆內彈牙，相當惹味，輕輕點少少沙律醬，減輕油膩感。▫️「咱家脆皮蝦多士」麵包炸得夠酥脆，唔會扁撻撻無空氣感果種；蝦肉新鮮爽彈，油膩感唔會好重，好食。▪️ 順德酥炸鯪魚球 - $48▪️ 雪山叉燒包 - $32/3個▫️「順德酥炸鯪魚球」大大粒，食落好彈牙又香口，鯪魚味非常突出，高質。▫️「雪山叉燒包」包身焗得夠鬆化，裡面叉燒餡料食落幾有咬口，醬汁亦唔會過多，岩岩好。📌蒸 蒸 日 上 -▪️ 月半彎晶瑩鮮蝦餃 - $39/4粒 ▪️ 黑松露北菇燒賣皇 - $34/4粒▫️「月半彎晶瑩鮮蝦餃」相當足料，外皮厚度適中，裡面蝦肉夠大隻，又爽口，誠意十足。▫️「黑松露北菇燒賣皇」咬落軟糯口感，唔會太實，帶淡淡既黑松露香，值得一試。▪️ 蒲江春鮮竹牛肉球 -

👍🏻香辣味烤活魚(小辣) $288得旺角分店先有得食烤魚！午市晚市都有供應烤魚原條爐上，2-4人量，可以揀香辣/麻辣/酸菜口味香辣小辣比想像中辣，Keep住滾會越嚟越入味(辣)😜魚味都幾突出，魚肉爽彈，新鮮嫩滑唔會一夾就散本身配料已有白蘿蔔、芽菜、雲耳、紫洋蔥、娃娃菜同少量萵筍一路滾起啲配料吸哂汁同魚味好好食，亦可以另加火鍋配料打邊爐整體偏濃味重口味，估唔到點心鋪做烤魚味道都唔錯🤪！味道：8/10性價比：8/10-👍🏻黑松露北菇燒賣皇 $34/4粒Size好大粒又足料🤩！鮮蝦爽彈Juicy，唔會混入太多肥豬肉，蝦肉比例多，真材實料味道：8/10性價比：8/10-👍🏻月半彎晶瑩鮮蝦餃 $39/4粒蝦肉大粒爽口，比例多，足料飽滿😌內餡除咗蝦肉仲有少量翠玉瓜粒蒸得幾好唔會黐埋一舊，不過餃皮再薄啲就更好味道：7/10性價比：7/10-👍🏻雪山叉燒包 $30/3個Size正常挺身脹卜卜，外皮微微脆，甜度適中，包底都煎得香脆內餡叉燒比較瘦，啱哂唔鍾意食肥膏嘅朋友🤓味道：8/10性價比：8/10-👍🏻濟寧蒜香蝦春卷 $34春卷皮薄脆，餡料飽滿爽口，食到一粒粒蒜頭，蒜味幾香蝦肉比例唔多，主要餡料都係椰