粵藝館 (時代廣場)

營業中

休息中

差不多隔一個月都會來吃的中菜館😊首先環境舒適，空間感足夠，平時多數四個人來食，坐長方枱。今次六個人，第一次坐中間圓枱，都不會覺得擠迫。雖然門口貼住天下第一豬，但是燒豬都不是我的最愛，相反西班牙栗子豬焦香叉燒每次都一定要order~外脆內軟，再夾少許肥，香氣十足❗️每次帶家人來吃，都必定會稱讚👍推介大家必試‼️如果喜歡吃魚的朋友，可以試一下近期新推出的韭菜方脷球🐟🐟已經是第二次食了，依舊保持了水準。肉的部份完全沒有骨，吃落啖啖肉，加上魚油的香氣和微辣的感覺，超級惹味嫩口。魚骨的部份炸到像魚皮一樣脆，就算魚頭都可以吃，用來餸酒，絕對100分😍😍還有一個推介必吃的就是無花果蜜絲咕嚕肉🤭🤭很多人認為這款咕嚕肉應該是主角吧～但我偏偏獨愛他的密絲無花果，很難用文字來形容，大家都可以試一下🥰當然外脆內軟再加上甜甜的咕嚕肉也不遜色💕💕雖然這裏只寫了三款，但在這間店就算是亂點餸菜，也不會中伏呢🤣🤣廚師的高水準，加上貼心的服務質素，令每位家人都吃得很高興～很滿足

由於朋友介紹，午飯時間一早訂好枱，三個「為食鬼」來到時代廣場的粵藝館，雖然座無虛席，但仍算寬敞舒適。坐落後首先當然要試他們的「即燒無花果天下第一豬」，堂食熱騰騰脆卜卜的，入口香脆，不愧為這裡的招牌菜。但個人更加欣賞這裡的無花果片皮雞二食（片皮雞拼避風塘雞件或涼瓜炆雞件），還有邪惡但香口味美的金沙鳳尾蝦鍋巴本來朋友還介紹必吃甜品「燕麥紫心番薯」，但因為再加上鍋貼等點心，三個人吃得實在太撐了，唯有期待下一次吧⋯⋯

散叫了六款小菜和甜品，整體味道非常好，其中主打菜即燒無花菓天下第一豬更是外皮脆而鬆化，肉軟有果香，必食之選。CITIBANK信用卡有85折，但服務員沒有主動提示，稍嫌不太妥當。

之前喺Times Square購物然後換咗一堆美食消費券，消費滿$400就可以用兩張$100優惠券兩張🤩。而自己一直想試Times Square幾間餐廳，其中包括粵藝館，今日決定用商場嘅美食消費券去試試粵藝館嘅天下第一豬。麒藝館樓底超高，令客人毫無壓逼感。另外裝潢有別一般中菜餐廳既傳統氣息，麒藝館裝潢時尚，充滿活力。從茗茶已經可以感受餐廳既專業程度，茗茶多達五種，我地揀左杭州胎菊。- 鰹魚醉鮑魚前菜用既鮑魚一啲都唔細隻，爽口彈牙，加左酒同鰹魚別有一番風味。- 瓦𦉘啫啫唐山菜唐山菜非常爽脆，用左蝦醬炒非常惹味，入面仲有大量肉碎同蝦米。不過味道略嫌太鹹，同埋煲底仲有好多汁，唔夠乾身。- 不時不燉湯燉湯入面有金華火腿、花膠、瘦內等等，材料豐富，味道清甜滋補。第一次見到咁薄身既金華火腿，切到好似巴馬火腿咁！- 花膠天白菇菜膽花膠好大片，大到要用剪刀剪開四份先食到。天白菇好厚肉，菜膽亦好清甜。- 金沙鳳尾蝦鍋巴相信設計理念應該係來自蝦多士🤣。鳳尾蝦鮮甜爽口，沾滿鹹蛋王金沙更加惹味，再配上配上脆卜卜既鍋巴，整體味道比蝦多士有過之無不及👍🏻- 一蟹兩藝一蟹兩藝指皇室焗釀蟹蓋同炸軟殼蟹伴陳醋野菜沙律。

一早諗住訂枱同媽媽慶祝生日但係點知撳極都撳唔到。亦都等於冇咗送Tong嘅優惠。點知去到嘅時候門口個知客已經應承會送返個湯俾我哋，心情已經唔同咗😋。我哋叫咗天下第一豬（例牌），金沙鳳尾蝦鍋巴，（小食）蒜片牛肉同埋一個花膠雞煲。食到買單嘅時候，純粹好心想話俾佢哋聽雞煲裏面的蒜頭是壞了的，部長竟然立刻話取消個order，仲係咁同我哋道歉。但係不是r 唔俾錢，而且我哋已經食晒所有食物所以我哋都唔想好似食霸王餐咁。我哋聽到佢咁都唔夠膽再同佢講隻豬好失望😅 最後部長為那碟餸打了折扣。整晚的服務質素比酒店還好！是每一位serve我們的都擁有相同的水平才最難得！我相信他們食物水準是有的可能我們比較夜所以差了少少🤏🏻。重點是服務質素真的令我們感到很舒適。亦都希望餐廳主管會給他們嘉許！

今日好高興可以同母親大人一齊食飯，由於佢好鐘意食中菜，今日就搵間帶佢食餐好。門口已經見到師大燒緊豬，已經好想食。不時不燉湯燉湯可以話中菜不可或缺既野對女士黎講 燉湯養顏又茲補。今日個湯仲係花膠金華火腿燉螺頭十分補，而且一滴油都冇。食到只有足料既材料味道。 鰹魚醉鮑魚先叫個凍食既醉鮑魚，酒味好濃郁，鮑魚亦好好食。完全吾會太硬，硬度黎得岩岩好花膠天白菇菜膽佢花膠菜膽好多款，分別有不同頭既花膠。今日e 款隻膠都好大，太細隻既花膠根本做吾到主菜，相反只有大隻同厚度十足先做到，否則會溶或者吾好食，佢個汁亦好香。骨膠原十足。即燒無火果天下第一豬其實係門口已經見到師傅燒豬，天下第一豬，每台都必叫。個個豬本身即燒，皮脆，但裡面亦不是油膩，反而係層油花食得出濃濃豬肉香。即使沒有沾乳豬醬，你都會食到豬肉香。一蟹兩藝包括野菜沙律蟹件同一個釀焗蟹蓋。個蟹件就脆炸，冇太多調味，但相當重蟹味。而個釀蟹蓋更是無敵金沙鳳尾蝦鍋巴金涉咸蛋黃既香味好香。幾乎除左個蝦球，都可以沾滿左成個鍋巴，鍋巴夾咸蛋黃其實好合適。 如果有4個人，一人一件會好合適。啫啫唐生菜啫啫生菜向來香口好味。加埋肉碎，其實配飯一流。

紀念日放假逛時代廣場用吓消費劵，期間經過粵藝館見幾多人等候入坐，後來仲見到有師傅即場燒乳豬，於是被吸引咗入去食晚飯嚕。點菜梗係留俾付款嘅某人啦，今次祇係負責食咋。頭盤食隻酒香撲鼻嘅醉鮑魚，口感爽滑，加埋鰹魚絲又幾特別。花膠響螺燉西班牙黑毛豬火腿湯，湯水清潤順喉帶微微咸香。花膠有點厚度又大塊，某人話呢度花膠唔錯，又一道骨膠原菜式出現。花膠大大塊又厚又滑，要用刀叉切開嚟食，翠綠菜膽甘味爽口。叉燒肥瘦適中酥軟蜜味，中間放有魚籽响蔥絲上，矜貴又好味。鳳尾蝦上菜時已經香噴噴，金沙包裹住大蝦，肉質爽脆滿有咸香，鍋巴香口鬆脆。呢個一蟹兩藝好有趣，脆卜卜炸蟹件啖啖肉，配埋陳醋野菜沙律解膩又開胃。皇室焗釀蟹蓋係軟殼蟹嚟，外脆內軟仲有忌廉餡，幾得意。熱辣辣瓦罉上枱時唐生菜未熟嘅，要用鋼匙翻炒幾吓發出啫啫聲，瓦罉熱力就把菜灼熟了，配埋蝦米肉碎好惹味。食完飯要食個糖水結尾，滋潤養顏又好味。昨天逛海港城發現都有粵藝館，下次可以試試。

今晚在時代廣場吃飯，這家中餐廳裝潢得體，空間感十足，最適合宴客或聚會。粵菜手工菜是家人最愛，聽說尖沙咀新店還有日式粵菜，有大海景，有機會再去。前菜是水晶花膠凍，加上啫喱醋，入口冰爽。⭐️瓦罉啫啫唐生菜一大鍋唐生菜，加上肉碎伴，唐生菜新鮮爽脆，加上肉碎更惹味。⭐️鰹魚花醉鮑魚 鮑魚熬煮得軟腍，入口軟綿綿的，不俗。⭐️一蟹兩藝: 皇室焗釀蟹蓋及炸軟殼蟹伴陳醋野菜沙律炸軟殼蟹炸得很香脆。皇室焗釀蟹蓋外面同樣炸得香脆，裏面是焗釀蟹蓋，外脆內軟。⭐️即燒無花果天下第一豬 我最喜歡就是燒乳豬，乳豬外皮卜卜脆，配上無花果醬汁，又香又脆，必試。⭐️不時不燉湯花膠肉湯味道清甜，大大快花膠，十分滋補。⭐️花膠天白菇菜膽 花膠配上香菇和菜，簡簡單單，健康美味。⭐️金沙鳳尾蝦鍋巴 另一道出色的就是黃金蝦配黃金米通。我很喜歡吃鹹蛋黃入饌的菜式，這道蝦肉味道濃郁鮮味，配上米通，既香又脆。⭐️楊枝甘露最後是甜品楊枝甘露，加上芒果粒，味道香甜。