壽喜燒·肉屋

營業中

休息中

想食壽喜燒黎尖沙咀呢間壽喜燒·肉屋就啱曬！價錢以壽喜燒黎講唔算太貴，性價比一流，有唔同級別既牛可以食，豐儉由人，午市黎食更加抵！1️⃣特上•薩摩牛壽喜燒（$498）👉前菜前菜都係心機野，有三款：芥末味噌野菜八爪魚、炙燒柚子醋油揚，仲有乳酪芝士焦糖蘋果慢煮和牛。👉 4%奇跡A5薩摩牛肉眼切片 70g食完前菜之後店員就會開爐幫手燒，一個餐有一塊，食落真係入口即溶～👉霜降A5薩摩牛切片110g就咁攤出黎已經見到啲油花好靚。呢款既肉味會重啲，口感一樣係好正。👉野菜盛合有京蔥、大白菜、皇帝菜、芝士竹輪、冬菇、豆腐仲有芋絲！索曬啲壽喜燒汁好好味！👉米飯及漬物漬物有柚子蘿蔔同埋紫蘇青瓜，食漏左啲肉食下，解膩一流。👉蘭王蛋及無菌蛋佢地既蛋幾特別係有兩款，蘭王蛋+無菌蛋，撈埋之後用黎蘸牛肉食，食落口感更加滑溜👉甜品柚子雪葩，入面係真係有啲柚子皮，清爽解膩！2️⃣星紫流砂（$48）由石榴、乳酸、蝶豆花茶調配而成，好靚😍3️⃣夕焼け（$48）由芒果、蜜桃、百香果同埋四季春調配而成既，飲落茶味幾都出。

好耐無食過壽喜燒喇，今日就同朋友壽咗尖沙咀壽喜燒·肉屋食晚餐。適逢做緊一週年優惠，食特上或者極上套餐，可以享有88折，可以當係抵消返加一服務費。我哋都叫咗特上套餐，套餐包括咗4%奇蹟A5薩摩牛西冷/肉眼切片，兩片霜降薩摩牛切片，前菜，野菜盛盒，蘭王蛋+無菌蛋，日本米飯同甜品。前菜嘅炙燒和牛明太子卷幾出色，特別在於裏面卷住一條梨子，入口牛同明太子嘅味道實在太正，而中間嘅梨就一掃和牛嘅油膩。講返正題，當然係A5薩摩牛啦，店員會幫食客烹調好果塊最正嘅4%奇蹟A5薩摩牛切片。可以話好食到離哂地。薩摩牛肉質柔軟細嫩，脂肪分佈均勻，幾乎可以在口中融化。牛肉嘅嫩度、香氣都十分明顯。食完4%奇蹟，店員就會示範點烹煮野菜盛合同霜降薩摩牛切片。雖然霜降薩摩牛切片相比4%奇蹟略為遜色，但亦都非常好味。整體來講，依個價格，可以食到咁優質嘅和牛壽喜燒，值得推介一下。

呢間日式壽喜燒位於尖沙咀海防道，地點方便，裝修以日式簡潔木色為主調。Menu有三個份量可以揀，全部都有係A5薩摩牛，套餐包晒前菜、野菜盛合、米飯、漬物、蘭王蛋及無菌蛋、甜品。我哋揀咗特上套餐：前菜：賣相好精緻，而且摸落去仲係熱嘅- 明太子慢煮和牛配蘆筍：香濃嘅和牛配上爽脆蘆筍再加上惹味明太子，配搭好創新- 香菇豆腐：豆腐幾滑，配上香菇好夾- 龍蝦北寄貝沙律：配料豐富，食到好多龍蝦仔肉，不過略嫌鹹咗少少4%奇跡A5薩摩牛西冷- 好大塊，份量都好足- 油花超級靚，口感軟嫩，非常濃厚牛味同油脂香- 有專人幫你煮埋霜降A5薩摩牛壽喜燒片- 油花一樣都好靚，口感比西冷有咬口- 配埋雙色蛋漿（蘭王蛋及無菌蛋）口感更滑溜，撈飯食一流壽喜燒湯底好濃郁，甜度啱啱好，配咗水同醬汁可以自己調節野菜盛合：- 有蒟蒻，冬菇，白菜，香菜，芝士竹輪，豆腐，香蔥- 蔬菜爽脆，豆腐/冬菇都可以吸收左壽喜燒湯底精華- 芝士竹輪有香濃芝士漿，小心爆漿甜品：柚子雪葩- 食完啲肉食返個清新嘅柚子雪葩可以解除油膩感- 夏日熱辣辣食雪葩透心涼星紫流砂 $48- 石榴，乳酸，蝶豆花茶- 顏色層次好靚，打卡一流夕燒 $48- 橙汁，百