大鍋口海鮮火鍋店

營業中

休息中

好多年前已經有食過大鍋口,同一大班朋友約出嚟食飯吹水傾偈,呢度任飲任食就啱晒~呢日要去尖咀送花💐,所以嚟呢度打邊爐就好順路~原本以為無乜人,7點過後就全部滿晒人了👯‍♀️👯‍♀️~佢可以俾你先食雞煲再打邊爐,個雞煲幾惹味,帶點麻辣🌶~然後就可以喺幾款湯底度揀返款,開始任飲打邊爐😍!我哋揀咗椰子雞湯底🐔,上檯都幾香椰子味~唔使加錢嘅原來都唔錯,另外仲有附送一碟靚牛肉🐮~而任食嘅配料就有成八十幾樣🤩~有手切肥牛,黑豚肉,仲有脆鯇,白鱔等等🐟~而佢啲丸類都係高質嘅,唔係食落成個粉頭咁🍡~再加上有大量蔬菜選擇🥬🥦🌽,人人都實有啱食嘅~打完邊爐熱辣辣🔥,佢仲有軟雪糕俾你食🍦~自己擠自己食,仲可以加唔同嘅配料上去添🍩~人均二百幾,食足兩個鐘又唔漏單,性價比一流~鍾意食鍾意玩嘅朋友,去Klook可以用我嘅95折優惠碼：HELEN5OFF

📍 大鍋口海鮮火鍋店呢間海鮮火鍋店位於佐敦莊士倫敦廣場12樓，一出地鐵站就會見到，地理位置好方便～餐廳推出實惠嘅價錢任食雞煲同火鍋🍲✨兩小時任飲任食 $228/位🐥麻辣雞煲一開始可以揀先食雞煲，大概係半隻雞既份量，唔同既部位：雞翼、雞髀都有，肉質就正正常常，不過不失～仲有洋蔥🧅、芹菜、豆卜等既配菜，味道正常；如果怕太飽既話，可以skip左雞煲，直接打邊爐！🍲火鍋湯底足足有成10款可以揀，選擇夠曬多～今次試左新鮮豬筒骨湯底🐽，用左豬骨熬製而成，趁未淥嘢食之前，飲左碗湯，即刻暖胃😙🐮手切牛肉每枱都會贈送一碟手切牛肉，上枱時仲有用乾冰保持溫度；肉質亦都係比較好，牛肉紋理清晰，輕輕淥幾下就食得，唔會覺得韌，牛肉味算重🤓🥘火鍋配料用點菜紙落單就可以，食物款式都算多，有齊曬各款肉類、丸類、海鮮、麵、蔬菜等等，全部都係任食，交完紙之後好快就上菜👍🏻🐂肉類滑牛肉必試！肉質鬆軟，唔鞋口，口感軟腍；羊肉片味道正常，有淡淡嘅羊臊味～🍢丸類/🥟餃子試左炙燒芝心丸、千島龍蝦丸、爆汁牛筋丸、魚皮餃同埋自家製韭菜餃▶️推薦：爆汁牛筋丸食落較juicy,之後有再encore;自家製韭菜餃既餡料幾多，做到皮薄餡多既效果🦐

最鐘意三五好友一路打邊爐一路傾下計，這間位於佐敦的＂大鍋口＂是不錯的選擇，食物選擇多樣又新鮮又抵食，不過記得一定要book位，否則都要等幾耐😉醬料椰子滑雞湯底 - 椰子味濃，湯很奶白，雞就不算太滑😆生猛海蝦，魚雲，鮮蝦滑 - 海蝦真的非常生猛，爽口彈牙有鮮味，魚雲很新鮮滑口，鮮蝦滑蝦味足亦很彈牙鮮美😋金菇，冰豆腐，鮮腐皮 - 金菇條條脹卜卜，冰豆腐放湯後吸晒湯的精華，鮮腐皮很滑有豆味各式丸，炸魚皮，炸響鈴卷，薯仔片 - 芝士丸爆芝，炸魚皮和響鈴很香口，不過薯仔片有點硬不夠粉脆鯇魚腩，脆鯇 - 脆鯇不太脆反而脆腩肉質又脆又爽很味美肥牛 - 肥牛比較薄身，幸好不算太肥也有牛肉味