露面手工拌麵料理

時間： 星期六2:30pm 等候：0 可能假期 寫字樓放假 加上過咗午市環境： 普通餐廳坐位 正常服務： 姐姐都幾好笑容 留意到晒 提意換位 讚食物： 1） 雞白湯布闊面 - 雞湯好濃 不過雞味不太出，奶白奶白 又潤喉，估計加咗奶或魚湯，白布面幾特別，手做…稍稍厚咗少少 如果再薄一點，感覺面質滑一點，整體好味..可以再三回味。2） 醉雞 - 最欣賞雞質地，滑身，皮好薄 爽，沒巾肥膏的雞皮，食落無負担😙 酒味順口，無苦澀。味道好驚喜總結： 灣仔小店 不近地鐵站，雖然路程有點遠，但質素味道完全值得，味道出色，下次可以試撈面 幼面 豬手….支持小店👍🏻👍🏻

叫咗兩個拌麵一個醉雞，係得個雞入得下口，兩個拌麵簡直係要用不知所謂嚟形容。賣相唔掂都算啦，味道差先攞命。個台式滷肉拌麵一句講晒，冇味，諗住佢會同一般台式滷肉汁咁香咁野味就肯定錯哂。好心落多兩粒鹽啦！低鹽低糖食肆都唔會俾啲咁嘅餸啦！個牛展biangbiang麵就倒返轉，有味，不過得辣味，要個小辣就實在成碗都係辣椒油，自問食得辣搞唔掂……真係想像唔到中辣大辣點食……整體嚟講就係唔抵食囉，真係唔明OpenRice上邊啲好評係點嚟，我都係睇到好平先諗住試吓啫，冇諗過咁伏

Lunch餐牌一麵一小菜跟飲品/一飯一小菜跟飲品要82，唔算平。吸引之處係主打既手工麵。除左Biang Biang麵，蛋麵，擔擔麵，仲有菠菜寬麵，好健康。Biang Biang麵之前睇飲食節目一直好想試，終於有機會-油潑辣子魯肉Biang Biang麵，小辣（單叫） 餐單圖片係比較碎既辣肉碎，但上黎係台式滷肉黎，同預期有出入，幸好味道唔差。麵比較薄身，所以有D麵黏住疊住，口感有嚼口，似薄既刀削麵，我幾中意。-醉雞，滷肉飯 雞肉份量適中，滷肉飯細碗但足料。同行男友人都話夠飽