夏麵館 (寶石大廈) (已結業)

因為肚餓又想食上海野，即使見到副評如潮，都用於一試。入到去見到人影都冇隻，覺得 伏味濃，坐低見啲碗碟勁汙糟，真係驚。即刻睇食評，果然啲負評唔喺浪得虛名，因為我都幾重視食物嘅溫度，所以我同我先生只敢叫湯面。菜肉雲吞麵 大大碗，熱辣辣，雲吞大大粒，上海麵香軟適中，份量多。除咗菜肉雲吞餡了比較淡，其實尚算可以。酸辣湯麵大大碗，熱辣辣，配料足。酸辣度適中，每條麵都可以掛到汁，10分好食。 上海春卷都夠熱，餡料唔夠，但炸到脆卜卜， 配上佢地嘅醋，好香好好食。雖然食物質素可以接受，但除左碗碟污糟之外，仲有昆蟲飛來飛去，所以應該唔會再去。

今晚又罷工唔煮飯 想去食醉雞小籠包 就叫埋女女去夏麵館等😸今晚好旺場 早去都要等一等🙀 不過為咗醉雞都值得既😼醉雞好香花雕酒味 除左花雕 仲好似加左其他酒 層次好豐富 食落又唔會話過苦😼 每次食都覺得好好食 雞皮夠爽 雞肉面仲有層薄薄既啫喱 好入味好滑😽小籠包有四隻 好多肉汁好足料 湯汁唔會太油膩 有肉的鮮甜😽 可惜今日個皮好似比平時厚咗少少😿 點些許醋 肉味更鮮酸辣湯麵原來咁大碗 $52超抵食😹 仲好多湯添 其實飲湯都夠飽 起碼可以分成四碗😸 辣佔嘅比例比酸味多少少 啱晒我口味😸原來而家仲做緊優惠 每人食滿$120就可以加$20任食甜品同招牌夏味燻蛋🙀有傳統上海甜品 酒釀丸子 高力豆沙 仲有榴槤高力 好似好正咁 又可以逐粒叫 兩個人嚟食啱晒 每款可以食少少😽榴槤高力真係好重榴槤味 一大舊榴槤餡 齒頰留香😼丸子口感非常煙韌 帶有淡淡的酒味😸 不過杰身左啲 稀啲會無咁膩😿雷沙湯丸好流沙 湯丸皮好煙韌 食一粒一定唔夠喉😻😻今餐真係超飽 又抵食 下次再幫襯😻

早排網上見到夏麵館搞任食甜品，所以遠d都唔放過。入面冷氣夠、地方寬敞。酸辣麵夠濃，份量夠，抵食花雕醉雞夠滑夠入味，推薦海蜇爽口，入口比賣相淡味，不過不失南瓜餅口感煙銀，驚喜夏味燻蛋應該落左美極，配合流心蛋黃，一流其他不過不失，但星期五9pm已經無哂桂花拉糕榴連高力，有d失望，不過整體黎講值得一試