老北京 (渣甸中心)

營業中

休息中

餐廳裝修典雅，古色古香，牆上掛上書法字畫，添上文藝氣息，還設有數間廂房，適合家庭或朋友聚餐。午市提供$65「半自助午餐」，包括自選一款即炒小菜，自助部份則有京式涼拌菜兩款、例湯、糖水、白飯和生果，任食任添。即炒小菜：“酸菜魚”份量不少，材料豐富，絕不馬夫，除魚片、酸菜外，還有豆卜、芽菜、雲耳、薯粉等配菜。魚肉大大塊，鮮甜爽滑，富口感，加上酸酸辣辣，非常醒胃。“糖醋排骨”一字排骨肉質爽口，濃味京式醬汁，酸甜適中惹味，個人非常喜歡。自助部份：京式涼拌菜“大豆芽薯粉”開胃涼菜，酸辣味道，大豆芽爽口，薯粉滑溜，雙重口感。“豆角炒蛋”豆角爽脆嫩綠，配上炒蛋，特別香口。“冬瓜鴨骨湯”足料靚湯，味道清甜。“綠豆小米糖水”滋潤綠豆糖水，有我喜歡的清香小米，還配有山药，是健康甜品。飯後有甜橙，認真豐富。一頓豐富的午餐，質素讓人驚喜，難怪座無虛席。

最近好想食中菜，食得西餐開始少少悶。食中餐特別鐘意食好難係屋企煮嘅菜。一直都好迷戀食北京烤鴨，目標係試曬香港嘅烤鴨，所以就搵左呢間試下。 北京烤鴨 烤鴨係呢到嘅主打菜，鴨皮烤得頗脆，而且有鴨油香味。唯獨鴨味較清淡，但連埋京醬一齊食， 鹹度係岩岩好。不少得係配上青瓜絲、京蔥絲 包住一齊食，餅皮以蒸籠上，令到食嘅時候都微暖。成個包住擺入口就好幸福 酸菜魚 酸味比較突出， 岩岩食落去唔太覺得辣，食食下個湯開始滲出辣味。 我地叫左小辣， 我覺得唔算辣，為大眾接受程度嘅辣。好難得個湯唔會油，我就咁飲個湯都得。魚係滑嫩，冇咩骨。 老北京炒麵 睇MENU 時候比手切麵呢個字吸引我， 麵條果然係有咬勁唔會死實實。 大蔥豬肉餡餅 味道少少近似小籠包，有滿滿嘅鮮肉做餡，大蔥味唔會好強烈搶曬D味。 鍋塌豆腐 同出面唔太一樣呢到係用炸嘅方法，外皮酥脆，但豆腐仲係滑嫩。