Vision 8

自從嚟咗荃灣工作～ 一係就喺附近買外賣食，一係就完全無時間食lunch🤣今日終於有小小時間俾我發掘下去邊度食好西～ 🤭 見到OpenRice好多人讚呢間Vision 8，好多街坊讚，即管試吓係咪真係咁正先～Lunch set有5款選擇，毫無懸念地、牛魔王梗係揀食牛啦😂～ my choice: 烤安格斯西冷配野菌汁~。先送上香噴噴嘅自製麵包🤤竟然係✨意大利軟包啊，非常鬆軟好味🙂再來就係餐廳獨家調配的✨🍎西芹蘋果忌廉湯～ 初初聽見西芹有d擔心會唔會飲落有浸青草味🙈點知無之餘係種特別的清甜味呢～ 加上有啖啖果蓉，好味呀～另外我加多咗一款午餐特惠小食～ ✨酥炸生蠔😁 炸得外脆內軟、酥脆惹味！主菜嚟啦！✨烤安格斯西冷配野菌汁🐮上枱帶微微焦香，切開剛剛好粉紅5成熟，安格斯入口肉味香濃😁野菌汁都係大廚自己調配～ 有錦上添花的效果呢～ 最後以一杯凍檸茶作結束☺️好滿意呢個午餐～自己都幾鍾意呢度帶點工業風嘅裝潢，牆上嘅粉筆字同公仔亦好有心思呢～

Vision 8，位於荃灣既意大利菜餐廳，地鐵站行3分鐘，相當便利，好cool既風格☠️型格得黎坐位都舒服，主打唔同既西餐菜式，仲可以配埋紅白酒🍷是日餐湯：蘭度豆忌廉湯🫕賣相幾靚，配左⼀個外脆內軟既包，仲有松露牛油😳魔鬼在細節，勁好味👍🏻點埋湯食有個好開始！酥炸生蠔🦪外面真係炸得幾酥脆，生蠔味仲好鮮好juicy，正😄香煎帶子配牛肝菌忌廉汁燴意大利麵🍝賣相又係好靚仲好香！⼀食口感超creamy好濃厚既芝士味🧀如果無估錯應該係Blue cheese先有依個味道😍帶子半熟腍身，又鮮加埋芝士汁食都好味🤞🏻蘋果木燒西班牙黑毛豬鞍扒，擺盤有心機，切開已經好香蘋果木燒烤味🪵肉質好嫩有肉汁，焦香加埋紅酒汁好好味，讚🌟隱世西餐大廚😎菜式又靚又好味，高質小店，當然要集氣召喚大家支持💪🏻下次⼀定要食下佢啲牛！😮‍💨

放工就朋友喺荃灣食一餐生日飯 我想呢度嘅地打開咗好多名嘅西餐廳 網上comments一面倒好 餐牌好特別 走高檔意大利菜我哋就book咗枱食 地舖位置雖然唔係好大家 但係感覺都好cozy 首先menu上面真係好多嘢揀多數係牛肉牛扒牛肋骨 店員首先設計餐牌之後就幫我哋設計menu 自家製嘅麵包 配蒜蓉牛油 真係好出色 面包好新鮮 軟粒粒 脆卜卜點牛油真係好正 之後上咗餐湯係 西洋菜西芹蘋果感覺好清好light 又好開胃 小食係一個 炸生蠔三件點上 他他汁 好新鮮嘅蠔真係好好食好juicy食嘅好新鮮 主菜第一食咗個 鮮菇蜆茄醬燴意大利粉蜆肉好多仲好新鮮添 加上啲蒜頭 姑做配菜令個pasta好好食 份量ok兩個人share啱啱好重點嘅主菜上呀喺呢度主打嘅蘋果木燒牛肋骨好多一大嚿牛肋骨鮮肉 用蘋果木煙燻熟八成 之後用榛子酒喺上面火燒兩分鐘真係好高級精緻呀 都好誇張 簡直係眼睛先食 呀好搶眼 夠曬威呀 呢個餸 燒完嘅牛肋條好香 好好味建議 加點香草汁食呢一餐好滿意服務好好 上菜速度好 快店員好周到介紹食物等等 食得好開心

今日喺荃灣做完嘢，就搵個附近返工嘅朋友食個飯見吓面，地膽就帶我嚟呢間Vision 8。朋友話呢間西餐廳喺區內都幾受歡迎，好彩我哋入座時間尚早，7:30後已經座無虛席。點菜後，店員先奉上餐包，係三款唔同嘅麵包，有軟身有脆口，再配埋軟牛油一齊食，已經能夠喚醒我哋嘅味蕾。同女性朋友食飯，就特別鍾意叫個沙律，餐廳嘅黑板上寫上廚師推介嘅燒牛肉羅馬生菜炸洋蔥圈配蜂蜜芥茉蛋黃醬，我哋就一於試吓。平時食開嘅沙律通常都係配煙三文魚或者燒雞之類，呢個沙律係配燒牛肉加炸洋蔥圈，配搭清新唔油膩，燒牛肉配上佢嘅蜂蜜芥茉蛋黃醬就更加開胃。我想食生蠔，但朋友唔食生嘢，所以就叫咗酥炸生蠔，新鮮炸起外脆內軟而且好鮮味，配合他他醬一齊食真係非常夾。主菜我哋就揀咗小元貝西蘭花忌廉汁燴意大利飯配加拿大海膽。帶子同海膽都好鮮甜，意大利飯混入忌廉汁，再加上西蘭花等蔬菜，可以減去油膩感。另外仲叫咗蘋果木燒西班牙黑毛豬鞍扒，份量非常多。燒烤過嘅西班牙黑毛豬鞍扒有格仔紋理，充滿香烤嘅味道，而內裏仍然保持住肉汁。旁邊除咗有蔬菜，仲有忌廉薯片，比起薯蓉或薯條更加惹味吸引。

今日同住喺荃灣嘅朋友嚟到呢間西餐廳食飯～🍴店雖小，但係食物、氣氛、同服務態度都好好～☺️ 平日晚飯時間都好多熟客陸續嚟幫襯、全場好快就full晒！🐷 蘋果木燒西班牙黑毛豬鞍扒豬扒大大塊、好厚肉，邊位帶肥、油香滿溢、肉質鮮嫩～🥗 燒牛肉羅馬生菜炸洋蔥圈配蜂蜜芥末蛋黃醬食完咁多肉當然要食番份沙律平衡吓～ 沙律菜幾新鮮，燒牛肉大約五成熟、牛味十足～👍🏼🍝 香煎帶子配牛肝菌意大利麵帶子好大粒而且煎得好香～🤩 意大利粉份量好大，兩個人淨係食碟意粉都夠晒飽～ 🦪 酥炸生蠔生蠔炸得好酥脆、外脆內嫩好邪惡🤤😋 整體來講今餐食得好滿足，下次再嚟想試埋佢嘅心太軟同beef wellington，見到隔離枱食好似好好味！

由於MY BOSS係葵芳返工夜晚近近地就行過去荃灣食啦今次嚟到有格調嘅 Vision 8先叫咗酥炸生蠔($58/3)嚟食生蠔外脆內軟 鬆炸香口👍🏻之後叫咗個欖油蒜片辣椒鮮蜆配意大利扁麵($138)辣椒同埋蒜味啱啱好 而啲都好大隻 鮮甜而我最想推介嘅係佢哋嘅威靈頓牛柳 ($328)一般包係入邊嘅都係香草 但呢度就用咗黑松露配上酥皮湯牛柳一齊食 簡直係超好味🤤最後叫咗杯青檸梳打同埋佢哋嘅特色飲品The vision 8 ($28)________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂