新肥泉海鮮大排檔

營業中

休息中

今日屋企人話好耐冇食大排檔，但係又想去啲企理乾淨嘅大排檔食嘢，於是睇吓附近有咩食就發現咗依間大排檔！依間位於官涌熟食中心嘅大排檔位置非常方便，無論從佐敦去定係西九龍高鐵站去都只係幾分鐘嘅路程！避風塘軟殼蟹軟殼蟹非常惹味又脆口，滋味無窮！軟殼蟹份量仲要好多，起碼有六七隻，食落口一啲腥味都冇。避風塘風味軟殼蟹散發着多層次嘅香味！鮑魚雞煲鮑魚大大隻，總共有四隻咁多！雞肉都份量十足！鮑魚非常新鮮，口感煙煙韌韌，鮮味十足。鮑魚雞煲熱辣辣上菜，非常有鑊氣！西蘭花炒象拔蚌片西蘭花煮得啱啱好，爽脆可口！象拔蚌片份量唔少，非常有鑊氣，味道亦非常入味！

大牌檔一向是香港的平民美食天堂，今日就黎呢間位於市政大廈嘅大牌檔試下先。餐廳位置都好方便，如果搭高鐵，出左閘就可以徒步過去柯士甸站F出口，全程有瓦遮頭，上到地面只需幾步路就可到達市政大廈入口。📌青島啤酒 🍺 $30黎到大排檔品嚐風味十足嘅鑊氣小炒，梗係要啤一啤啦，正值天時暑熱，喝一啖瞬間令人透心涼。📌避風塘軟殼蟹 🦀 $168軟殼蟹炸得呈金黃色，外脆內軟，將整隻連殼放入口，酥脆嘅口感加上蟹肉嘅鮮甜，感覺超爽！搭配避風塘風味嘅炸蒜及辣椒，香口惹味，配料中的蔥段，可助解膩。📌招牌海明蝦球 🦐 $138海明蝦球肥大肉厚，爽口彈牙，醬汁酸酸甜甜令人胃口大開。再加上爽脆嘅青椒，鮮甜嘅洋蔥以及清爽嘅菠蘿，清新美味，令人欲罷不能。📌肥泉小炒王 🧆 $118去得大排檔食小炒，當然要試吓小炒王，因為每間大排檔都有自己特色嘅小炒王。呢道菜包含咗罕見大大隻嘅蝦乾，脆口嘅小魚乾，鹹香嘅菜脯，新鮮嘅鮮魷魚鬚，翠綠鮮嫩嘅韭菜，再加上瘦肉條及香脆腰果，口感層次豐富，加上鑊氣十足，絕對係送啤酒最強配搭！🍽️新肥泉海鮮大排檔 (佐敦)📪佐敦寶靈街17號官涌市政大廈2樓熟食中心#佐敦 #佐敦美食 #新肥泉大排檔 #大排檔

最近廟街有夜繽紛，車仔檔小食都比較貴，行過啲轉個彎就見到熟食中心，決定上去探一探。喱間比較起廟街入面個啲好似性價比高啲，兩個人叫咗3個餸。豬膶啫啫鮮雞雞煲 $128超好味，香味撲鼻，好推薦比大家，真喺正如其名，「鮮雞」，雞肉好彈牙，即使係雞胸都唔會好霉，味道又唔會太搶，豬潤亦都好新鮮。避風塘軟殼蟹$168真係外脆內軟，又鎖到啲鮮甜蟹汁，餸啤酒汽水真喺一流，食完一啖又會再食，同埋都真喺幾大碟，食極都仲有。招牌海蝦球$138無錯就喺酸酸甜甜嘅菠蘿咕嚕蝦球，口味上喺比較甜，所以好好餸飯，同埋啖啖肉無骨最重要。行完廟街搵唔到食咩？真係要過嚟試一試。

👆🏻《佐敦任食海鮮大排檔》任食海蝦,扇貝,蠔,鮑魚🥳啤酒汽水任飲😎鑊氣小炒任食😚挑戰10碟成功😋佐敦美食｜粵語中字｜4K Eng CC我們在佐敦找到一個很特別的大排檔的任吃啊這樣任食是有三款的來到有 ABC 三款任食我就會試 ABC 餐價錢是 $488會連同打邊爐的部分再加呢海鮮和肉類任食！啤酒汽水是任飲的他會由我落單開始計時限90分鐘最快就是海蝦因為海蝦是新鮮吧白灼是最原汁原味的蝦是很有蝦味的熱騰騰和很彈牙的吃得出是新鮮海蝦啦個辣椒醬油吧給我上中辣添啊現在我吃了第二隻蝦呢有13隻蝦的蟶子都是我其中一個最喜歡吃的海鮮按人數的 兩個人就有兩條哇～這個蟶子吧最正就是有蒜蓉和粉絲的粉絲不算是很入味啊要沾醬油蟶子沒沙的我覺得個醬油呢好好吃啊按人頭計啊每人一條的留意番每一碟裡面會有點芫茜的如果你不吃芫茜要跟他說了第一round最後一碟菜XO 醬爆鮑魚煲鮑魚多XO醬味XO醬不會說很濃味這個鍋裡邊有 6 隻鮑魚的XO 醬爆鮑魚煲有大量西芹的因為我喜歡吃西芹避風塘軟殼蟹比我相像中呢大碟啊蒜吧有的但是不會太多他炸粉不算很厚吧辣度是十少軟殼蟹本身呢比較大隻不是一口吃得下成碟就有 2 至 3 隻軟殼蟹佐酒超

見間食店喺放工必經之地，同朋友相約比較方便。放工時間過到嚟大約6:45左右，可能時間尚早因此現場未見太多客人。由於食店位於街市上面，因此没有冷氣提供，現場有多部大風扇，唔會覺得空氣焗促。面積頗大，枱同枱之間十分寬敞。食店提供大路選擇，價錢稍貴，另外需收加一服務費。好耐冇見既玻璃樽可樂，另外鋁罐裝同樣為$10(未計加一)。西蘭花炒鮮魷調味偏咸，必須叫個靚仔一同進食。魷魚份量比想像中多但比較薄身，界花師傅好有心機逐條切，新鮮爽口；同樣地，西蘭花同草菇亦煮得啱啱好，唔會太生或者煮到軟曬。豉椒炒蟶子蟶子飽滿冇沙，醬汁ok。配料有洋蔥、青紅燈籠椒，咸咸地好送飯。然而一碟只有5隻蟶子有啲唔夠喉。避風塘軟殼蟹呢個有驚喜，炒得夠乾身，食落唔會感覺好油，細細隻方便食用。色香味俱全，同時要留意番後勁有啲辣。白飯迷你白飯，大食的朋友可能唔夠飽，個人就覺得差不多。食完飯大約7:30 左右，現場未見爆滿。總結調味偏重，送飯ok。如果朋友唔食得辣的話，辣味菜色記得落單時同職員講聲。最後埋單大約人均$300，3餸1飯1汽水，價錢稍貴，如果不是太大食的話，份量還可以。需收加一服務費，没有飯後甜品/生果。如果相約三五知

有住佐敦嘅朋友教路, 我地黎左官涌市政大廈2樓熟食中心嘅•新肥泉海鮮大排檔•食飯, 車泊喺只係3分鐘步程嘅童軍總會停車場, 🅿️27蚊一個鐘大把位. 上到去我覺得環境都算乾淨企理唔會一地油/水漬. 🐟黃金九肚魚 邪惡嘅鹹蛋黃炒九肚魚比平時食開嘅椒鹽九肚魚更加正. 外面炸到非常鬆脆, 九肚魚肉就勁滑幾乎唔使用牙咬, 佢每一件都炒得鹹蛋黃均匀包住塊九肚魚, 夠哂鑊氣又好味.🥩沙嗲金菇肥牛煲 肥牛煲上枱是個砂煲仲book book聲, 沙嗲真係勁濃勁香, 每一”執”金菇同芽菜都掛滿沙嗲, 肥牛成煲都係好足料, 推介.🦀避風塘軟殼蟹 去得大排檔點可以唔黎返個避風塘菜式架？li個軟殼蟹大隻多肉, 大量椒鹽蒜粒好香呢! CS有成8件呀!! 連殼連勁多炸蒜椒粒一齊食正呀. 都有少少辣到噴火嘅感覺🔥爽! 佢即叫即炒所以熱辣辣好好味. 🍚一人一碗白飯係must ga !!!

黃金魷魚($138)，份量都幾多件，鹹蛋黃炒到起沙包住晒每片魷魚，鹹香味濃郁，而且外層炸粉酥脆，魷魚口感半爽半煙韌，好正。避風塘軟殼蟹($168)，大約有八件，同樣炸得香口酥脆，外脆內軟，帶少少辣。泰式炸墨魚餅($128)，共八件，每件都算幾大，墨魚新鮮，食落有彈牙口感，外層酥脆，配泰式辣醬簡直係絕配。頭抽乾炒牛河($88)，份量足夠兩個人或以上食，大排檔既鑊氣就係與別不同，炒出黎唔會太油或太乾，而且炒得好平均，每條河粉都沾有頭抽，牛肉軟淋好入味。

今日去咗佐敦買嘢，過開依頭，去好耐無去嘅官涌熟食中心入面嘅新肥泉食埋晚飯先。依度都係無咩大變化，一貫大掛檔風格。今日簡簡單單咁點咗幾道菜：避風塘軟殼蟹：軟殼蟹炸得好香口，而且好鮮甜。加上避風塘炒法，香辣惹味 。😙😙沙薑雞腳：保持住水準，最中意係佢地會將沙薑醬汁炒熱，再落雞腳兜渾。雞腳每一處都有沙薑汁，味美非常。😋😋水煮肥鵝腸：鵝腸肥美彈牙，水煮汁辣得黎又香，食埋入面嘅菇菌，腐竹同豆卜，堅正。👍🏻👍🏻芝士焗大蝦伊麵：原本想叫龍蝦伊麵嘅，但係龍蝦要預訂咗先有得食，咁唯有改做平啲嘅大蝦啦。芝士層厚厚，大蝦有成8大隻，隻隻麵大隻鮮甜，伊麵份量麵好多，食完又飽又滿足。😊😊啫啫芥蘭煲：芥蘭好嫩，加埋咸魚蝦米肉碎，少少咸咸地，但香口嘅味道，令人停唔到口，成個煲嘅咸魚蝦米肉碎都清哂。😅😅食到飽飽，最好叫返支汽水飲下，樽裝汽水雪到起哂冰沙，飲落更加冰涼。😆😆

大牌檔，又寫大排檔，以前好興係露天食肆，特色係冇冷氣，環境唔係太企理，食物品種多、比較平、夠鑊氣。雖然被視為香港人嘅集體回憶，但係真正嘅大牌檔到今時今日已經買少見少。不過都仲係香港的特色之一，亦係我好喜歡到既食堂，因為個種即叫即炒小炒，個種鑊氣真係唔係每個地方都食到。.今日爸爸帶我黎左呢間官涌市政大廈2樓熟食中心【新肥泉海鮮大排檔】，以前係聽過但就從來都未黎過，鑊氣小炒係重點，但賣點好似話係賣點是以新鮮海鮮製作，不過點都好，一定唔會差吧。呢度好大，環境比想像中企理，唔係好熱，因為都多風扇又夠流通。雖然以前食客都盡是左鄰右李，但係呢度姐姐好Nice，夠親民都幾有親切感又唔收加一茶芥。睇睇Menu，好多都想叫，但得兩個人所以再揀又揀，揀左3樣，其實仲想叫「東風螺、招牌辣子雞、豉椒炒大蜆、拔絲蝦球、酥炸茄子、黃金鮮魷」等。但胃只得一個...🔹肥泉小炒王 $118小炒王本身難度不高?呢個係我以前既諗法，覺得「小炒王」就只不過是一堆炒雜錦，但久而久之它卻成了去大牌檔叫餸食飯的例牌菜式，因為勝在夠鹹鹹香香，加上鑊氣十足，用來送啤酒確實冇得頂！每間既小炒王都有佢既特色，呢間我真係超喜歡，因為好有誠意

一班好耐冇見嘅舊同事，我哋傾緊究竟去邊度食飯好，因為而家唔係好多餐廳酒樓開到咁夜啦，又可以飲吓啤酒高談闊一番嘅地方🤣我哋成班人都係粗粗魯魯😰😰😰有人提議不如去佐敦新肥泉海鮮大排擋食喎😋😋我都係第一次去食，上到去見到都幾多人幫襯心諗應該都會有返咁上下嘅雖然大排檔環境格局正所謂食嘢食味道啫啲味道又真係冇令我失望，無論係蒸.炒.炆.焗都有反咁尚下水準都食到我舔舔脷，飯聚.暢飲首選的地方😍😍

避風塘軟殼蟹：炸粉薄、蟹的大小剛剛好、咸度適中又夠脆。家鄉粉絲煲：配菜跟粉絲比例都好好、粉絲炒得夠乾身。肉鬆四季豆炒飯：四季豆配合飯粒入口夠哂爽脆、加入雞蛋曾加香味及色感、炒得好好食。金銀蒜炒花蝦：蝦加入醬入落鑊爆得剛剛好沒有爆燶的情況，好入味，簡簡單單一味炒花蝦(LIKE)。菜遠炒田雞：嘩....對於喜歡食田雞的人來說真的要一試， 主角田雞夠哂嫩滑，唔單止小腿有肉，就連背脊都好有肉，薑蔥爆得夠香，豉汁爆得入哂味簡直一流!古法蒸馬油：使用蜜棗配上椒絲及冬菇絲，蒸出來別有風味，魚蒸得剛剛熟魚肉夠哂滑。荷葉杞子蒸走地雞：一隻雞加蒸籠夠特色、雞的份量實在適合一圍人的食量，雞肉充滿荷葉的清香，入口軟滑，再加上杞子就更補身了。羊腩煲(小)：支竹、厚身冬菇、蔥段、加上主角羊腩，配菜完完全全入哂味，羊腩超級霖，份量都OK，再配生菜就是完整的羊腩煲了。日式胡麻粉茄子：第一次嘗試的菜式，別以為平凡，其實好考功夫，懂得弄茄子的朋友們就了解，要茄子熟用油是最快的，而且油份要多，但它這個不但沒有油膩感而且熟度適中，而且炸粉又薄，入口唔會太熱，好味。啫啫唐生菜煲：生菜好新鮮，配以蒜頭炒得夠香口。招牌辣酒煮東風螺