Seoul Noodles (加連威老道)

營業中

休息中

🇰🇷🥢🍜暖胃韓式湯麵定食✨qr code 落單，設加一✅雞湯麵 combo -$108Combo set就係多咗一款碗紫菜飯、小食同埋兩款前菜。前菜有蘿蔔同埋泡菜，份量唔係好多，不過都夠過下口癮，紫菜飯好食😋，撈湯食/撈小菜食都可以。雞湯麵個湯底真係幾正，有香濃嘅鮮雞味，雞都有半隻，份量足夠，不過有骨所以食起嚟比較麻煩。麵份量同樣都好多，好似刀削麵咁較為粗身，但有咬口彈牙。✅辣牛肉湯麵 combo - $108呢個湯底唔算話太辣，會越食越熱，除咗有好多牛肉絲之外，亦都有好多蔥絲、蔬菜絲。面嘅份量同樣都好多，唔會唔飽。✅豬肉餃子 / 泡菜餃子叫左2個combo set，小食就揀咗呢兩款餃子每樣一隻。餃子都算大隻，餡料都幾多，個皮都幾煙靭，肉同菜嘅份量都好balance，仲有有啲粉絲添，幾好味，泡菜味微辣，幾香口。