Bong樓

營業中

休息中

韓國菜或者中國料理大家都食得多，韓國嘅中式料理又食過未呢？ 喺香港都算係好少見，今次我第一次嚟試吓！喺尖沙咀寶勒巷有一間韓國中式料理《Bong Ru》，佢係同勁高質嘅韓燒餐廳《韓珍》連埋嘅，有關韓珍嘅介紹大家可以睇返我之前嘅post😂唔試過都唔知原來韓國中式料理都好正！坐低之後首先侍應會奉上三款韓式前菜，有泡菜、酸蘿蔔、洋蔥片。✰韓式奶油蝦 $188❥炸咗嘅大蝦加奶油醬，大蝦好彈牙，外層就算撈咗醬都仲係好脆，奶油醬超好食！✰蔥椒酸辣雞 $168❥炸咗嘅雞扒再加蔥椒酸辣汁，真係必食推薦，雞扒好滑，個汁嘅味道酸酸辣辣好開胃好正！✰肉絲兩張皮 $198❥呢個就類似我哋中式料理最常見嘅「撈起」，份量超大碟上枱嘩一聲😂 有醬炒肉絲菇絲，仲有蝦仁、花枝片、蟹柳、海蜇、燻蹄、青瓜絲、蘿蔔絲同埋寬粉，加埋特條嘅芥末醬撈埋一齊食！呢個真係好好食，一定要試！✰辣海鮮湯麵 $116❥呢個湯麵好豐富，有兩隻大蝦，仲有花枝片、蜆、蝦仁等等，個味係好傳統韓式辣海鮮湯嘅味道。✰韓式炸醬麵 $88❥同韓國食到嘅炸醬麵一樣，甜甜地好濃郁，每一條面都沾滿咗醬汁。配搭炆肉同埋新鮮蔬菜，口感豐富。✰蒜香奶油醬炸雞 $128

尖沙咀其實有好多隱世美食😆當然唔少得 Bong樓平時好少食韓式料理既我，朋友話呢間中韓式餐廳最近有新Menu，所以就一齊去試下新野！果然一路食一路充滿驚喜🤩🤩回味無窮！⭐️蔥椒酸辣雞香辣既椒味，相當之吸引🤩同火喉適中既雞肉係天作之合，相輔相成既香味令人讚不絕口。⭐️韓式炸醬麵咸咸地既炸醬麵，味道不會太濃，相當之容易入口，配合爽口既翠玉瓜，大部份食客既首選！⭐️乾烹雞香噴噴既烹雞，就算係平時唔食得辣既我都好鍾意！好有水準既肉質，當中只有少量辣味，用黎襯托雞肉一流！⭐️辣海鮮湯麵湯味香辣，整個料理都充滿住濃郁既辣味之餘，又保留到海鮮既鮮甜，煙靭既口感！整體黎講，料理相當高質！🤩食物份量亦都好足夠👍🏻👍🏻而家去幫襯仲有Coupon送😍下次光臨既時候，只要follow BONG 樓社交平台, share 指定post 就用到✌🏻味道👅： 4/5服務👔： 4/5環境🌳： 4/5性價比💰：3.5/5

🇭🇰Bong樓·我哋嗰日本身係諗住去食嘉寶嘅 但係個日唔知點解嘉寶超多人排隊 所以我地就嚟咗對面呢一間啦😎😎·韓式炸醬麵$68 l 辣海鮮湯麵 + 韓式糖醋肉(小) $108佢兩碗麵都好好食 佢個麵質真係超級彈牙 之後佢個炸醬麵醬汁完全係韓國食到既味道 甜甜地而且入邊好多豬肉粒 我自己好鍾意😍😍之後佢個辣海鮮湯麵都好好食 佢呢個麵都係麵質好好 而且佢呢度個辣度係有就到香港人口味 過癮得黎唔會話太辣🌶️入邊嘅海鮮全部都勁新鮮 魷魚 青口全部都煮到岩岩好 完全唔會韌🦑不過佢個糖醋肉我自己就一般般啦 佢主要係得醋同埋糖嘅味道 食落我自己覺得比較羹同漿口 我自己都係鍾意中式嘅糖醋肉多啲🤣🤣··📍尖沙咀寶勒巷6-8號盈豐商業大廈1樓